লেবর অমসুং ইম্প্লোইমেন্ত মন্ত্রালয়

কেন্দ্রনা রাজ্য/য়ু.তি. পুম্নমক্কী চীফ সেক্রেতরীশিং/এদমিনিস্ত্রেতরশিংদা শিন্মীশিংদা কা হেন্না শাগৎলকপনা পীবা চৈথেং নীংথিনা য়েংশিন্নবা অমসুং অৱাবা কোকহন্নবগীদমক খোঙথাংশিং লৌখৎনবা চেরোল থাখ্রে

Posted On: 18 APR 2023 1:08PM by PIB Imphal

লেবর অমসুং এমপ্লোইমেন্ত মন্ত্রালয়না রাজ্য অমসুং য়ু.তি. পুম্নমক্তা তোঙান-তোঙানবা সেক্তরশিংদা থবক তৌরিবা শিন্মীশিংদা হৌজিক ওইরিবা হীৎ ৱেবকী ফীভম অসিনা চৈথেং পীনবা অসিগী শেম শানবা অমসুং নীংথিনা লাকশিন্নবা খঙহনখ্রে। রাজ্য/য়ুনিয়ন তেরিতোরী পুম্নমক্কী চীফ সেক্রেতরীশিং/এদমিনিস্ত্রেতরশিংদা থাখিবা চেরোল অমদা কেন্দ্রগী লেবর সেক্রেতরী, কুমারি আর্তি আহুজুনা কা হেন্না শাবনা পীবা চৈথেংশিং হন্থহন্নবা মথৌ তাবা খোঙথাংশিং লৌখৎনবা ওক্যুপায়রশিং/এমপ্লোইয়রশিং/কনস্ত্রক্সন কম্পনীশিং/ইন্দস্ত্রীদা য়াথং পীনবা মথৌ তাই ফোঙদোকখ্রে।

চৎলিবা চহি অসিগী কালেন থাগী ওইনা ইন্দিয়ন মেত্রোলোজিকেল দিপার্তমেন্ত (আই.এম.দি.)না থোকখিবা সিসজনেল আউৎলুকনা অৱাং নোংপোক ভারত, নোংপোক অমসুং সেন্ত্রেল ভারতকী অয়াম্বা শরুকশিং অমসুং অৱাং নোংচুপ ভারতকী শরুক খরদা নোর্মেল মেক্সিমম তেম্পরেচরশিংদগী মথক্তা লৈনি হায়না ফোঙদোকখিবা অদু পল্লদুনা চেরোল অসিনা কর্মচারীশিং/শিন্মীশিংগী থবক শুবগী মতম নৌনা লেপ্পা, থবক মফমশিংদা থক্নবা ঈশিংগী ফেসিলিতীশিং মরাং কাইনা থম্বা, ইর্জেন্সী আইস পেকশিং অমসুং আশাবা ঙাকথোক্নবা পোৎলমগী প্রোবিজন কনস্ত্রক্সন ৱার্করশিংদা ফংহনবা, শিন্মীশিং চাং নাইনা হেল্থ চেক-অপ তৌনবা হকশেল বিভাগকা চুংশিন্নবা, কর্মচারীশিং অমসুং শিন্মীশিংগীদমক হকশেল অমসুং য়াইফ য়ুম্বাল মন্ত্রালয়না থোকখিবা হেল্থ এদভাইজরী ঙাক্না চৎপা য়াওনা পাইখৎপা মথৌ তাবা স্ত্রেতেজিক স্তেপ কয়ামরুম য়াওখি।

চেরোল অদুনা মাইনশিংগী মেনেজমেন্তশিংদা থবক মফমগী মনাক্না পোত্থানবা মফমশিং থম্নবা, অইংবা ঈশিং মরাং কাইনা অমসুং ইলেক্ত্রোলাইৎ সপ্লিমেন্তশিং ফংহন্নবা খুদক্তা খোঙথাংশিং লৌখৎনবা মখোয়দা পাউতাক পীবা মথৌ তাই হায়না ফোঙদোকখ্রে। শিন্মীনা মশা ঙমদবা তারবদি থবক তপ্না তৌবা য়াহনবা, পোত্থবগী মতম পীবা অমসুং মতম শেমদোক-শেমজিন য়াহন্দুনা খ্বাইদগী ইংবা মতমদা খ্বাইদগী ৱাবা থবক তৌবা য়া্নবা, কা হেন্না শাবা মতমদা থবক তৌনবা তু-পর্সন ক্র্যু থম্নবা, অন্দরগ্রাউন্দ মাইনশিংদা নীংথিনা ভেন্তিলেসন থম্নবা অমসুং শিন্মীশিংদা কা হেন্না শাবা অমসুং হ্যুমিদিতীগী খুদোংথীবগী মতাংদা খঙহন্নবা অমসুং রেমেদিএল মিজরশিংগী য়াওনা অতোপ্পা পাম্বৈ কয়া সজেস্ত তৌখি।

ফেক্তরী অমসুং মাইনশিংগী মথক্তা লেবর সেক্রেতরীনা কনস্ত্রক্সন ৱার্করশিং অমসুং চেকোন্দা থবক তৌরিবা শিন্মীশিংদা অখন্নবা মীৎয়েং চংনবা অমসুং লেবর চোকশিংদা ই-পাউ নীংথিনা পীনবা খঙহনখ্রে।

***



(Release ID: 1917621) Visitor Counter : 113