সাইন্স অমসুং তেক্নোলোজী অমসুং আর্থ সাইন্স; MoS PMO, পর্সোনেল, পব্লিক গ্রাইবেন্স, পেন্সন, এতোমিক ইনর্জী অমসুং স্পেসকী কেন্দ্রগী রাজ্য মন্ত্রী (ইন্দিপেন্দেন্ত চার্জ) দাঃ জিতেন্দ্র সিংহনা মতিক লৈগদবা অনৌবা স্তার্তঅপশিং মশক খঙদোকপা অমসুং মখোয়বু শম্নহনবদা তেংবাংগদবা “য়ুবা পোর্তেল” ঙসি শঙ্গাখ্রে।

দাঃ জিতেন্দ্র সিংহনা NPLগী ‘ৱান ৱিক- ৱান লেব’কী থৌরম অমা নই দিল্লীদা হৌদোকপদা স্তেকহোলদরশিং, মরু ওইনা ইন্দস্ত্রী, অসিনা শরুক য়াবগী চাং য়ামদ্রিবমখৈ স্তার্তঅপশিংনা ইন্দস্ত্রী মেপিং নিংথীজনা তৌবা অমসুং অচুম্বা এপ্তিচ্যুদকী তঙাই ফদবা লৈবনা সস্তেনেবল ওইদবা য়াই হায়না মিৎয়েং চঙখি।

নিংশিংবা য়াবদি, কেন্দ্র মন্ত্রী দাঃ জিতেন্দ্র সিংহনা জনুৱারী 6, 2023দা “ৱান ৱিক-ৱান লেব’কেম্পেন হৌদোকখিবনি। ভারতনা তেক্নোলোজী, ইন্নোভেসন অমসুং স্তার্তঅপকী লমদা মশক থোক্না চাউখৎলিবা অসিদা দাঃ জিতেন্দ্র সিংহনা মিৎয়েং চঙলদুনা লৈবাক শিনবা থুংবদা লৈরিবা CSIR (কাউন্সিল ওফ সাইন্তিফিক এন্ড ইন্দস্ত্রীএল রিসর্চ) লেব 37 অসিনা তোঙানবা থবক অমগীদমক্তা মপুং ফানা খোঙফম চেৎলি অমসুং ‘ৱান ৱিক-ৱান লেব’ কেম্পেন অসিনা হায়রিবা থবকশিং অদু মীয়ামদা উৎপগী খুদোংচাবা পীগনি অমসুং স্তেকহোলদরশিংনা মসিদগী তম্বা য়াগনি।

দাঃ জিতেন্দ্র সিংহনা হন্দক্কী লৈবাকপোকপা নুমিত্তা নাগপুরদা পাংথোকখিবা 108শুবা ইন্দিয়ন সাইন্স কংগ্রেস্তা প্রধান মন্ত্রীনা থমখিবা ৱাফম পল্লদুনা অসুম্না হায়খি, “ভারতনা সাইন্তিফিক ওইবা ৱাখল্লোনগা লোয়ননা তুংলচত্তা চঙশিল্লিবা অসিগী মহৈসু ঐখোয়না উবা ফংলে। ভারতনা সাইন্সকী লমদা মালেমগী খ্বাইদগী মকোক ওইবা লৈবাকশিংগী মনুংদা অমা ওইরক্লি”।

দাঃ জিতেন্দ্র সিংহনা হরিয়ানা কর্নালদা এস্ত্রোনোমী লেব অমা শঙ্গাবা অসিবু থাগৎখি অমসুং মসিনা স্কিল, আর্ত অমসুং ক্রাফকী লমদা দিব্যাং য়াওনা মীপুম খুদিংদা লেভেল প্লেয়িং ফিল্দ অমা পীরগনি হায়খি; তোঙান-তোঙানবা লোলদা তম্বা য়াবগী খুদোংচাবা লৈরিবা অসিনা না তাথীবা মহৈরোইশিংনা নুমিৎ, থা অমসুং থৱানমিচাকশিংগা লোয়ননা স্পেসকী অচম্বা অমসুং অরুবা ৱাখল্লোন কয়াগী মতাংদা তম্বসু ঙমহনগনি হায়না মহাক্না হায়খি।

ইন্দিয়ন সাইন্স লেংগ্বেজ এস্ত্রোলেবতা অচৌবা তেলেস্কোপ, ইন্তরেক্তিব মোদেল, ওদিও ভিজুএল ঈদ অমসুং ফন ফেক্ত পোস্তরগা লোয়ননা বাইওপিক, হেন্দ ওন দিমোনস্ত্রেসন, ফন ফেক্ত অমসুং ভারতকী সাইন লোল শিজিন্নদুনা স্পেস অমসুং সাইন্সকী অচম্বদগী অরুবা ৱারোল কয়াবু শন্দোক্না তাকপা ভিদিও য়াওনা ভিদিও 90বু 24 X 7 স্ত্রীম তৌবা য়াবগী খুদোংচাবশিং য়াওনা ইক্বিপমেন্ত 65 লৈ।

CSIRগী লেব খুদিংনা ঙসিগী থৌরম অসিগা লোয়ননা মতুং তারকপা মতমদসু, মীয়ামগী মফমদা মখোয়গী তেক্নোলোজী উৎপদা নত্তনা নহা ওইরিবা ইন্নোভেতর, মহৈরোই, স্তার্তঅপ, একাদমিয়া অমসুং ইন্দস্ত্রীশিংগী মফমদা দীপ তেক ভেঞ্চরগী খুত্থাংদা খুদোংচাবা কয়া থীদোক্নবা ইথিল পীগনি হায়না দাঃ জিতেন্দ্র সিংহনা হায়খি। ‘ৱান ৱিক – ৱান লেব’ কেম্পেন অসিদা CSIR অমমম্না থংন-থংনবা চয়োলশিংদা মখোয়না পাংথোকচবা ইন্নোভেসন অমসুং তেক্নোলোজীগী মশক থোকপা থৌওংশিংবু ভারতকী মীয়ামদা উৎকনি। CSIR লেবোরেতরীশিং অসিদি তোপ-তোপ্পী অমসুং জিনোমদগী জিওলোজী, চিঞ্জাক্তগী ফুএল, মিনরেলদগী মেতরিএল অমদি অতোপ্পা হীরম কয়া কোনবা অখন্নবা লমশিংদা থোইদোক হেন্দোকপা লৌশিং লৈ।

CSIR-NPL অসি সেলসিয়ম এতোমিক ক্লোক অমসুং হাইদ্রোজেন মেসর য়াওবা এতোমিক তাইম স্কেল শিজিন্নদুনা শেম্বা ইন্দিয়ন স্তেন্দর্দ তাইম (IST)গী কস্তোদিয়ন্নি হায়না দাঃ জিতেন্দ্র সিংহনা হায়খি। মসিদা নত্তনা, অলত্রা প্রিসাইস সেতিলাইত লিঙ্ক শিজিন্নদুনা নেনোসেকেন্দ খরদগী ইন্তর্নেস্নেল রিফরেন্স তাইম UTC (কো-ওর্দিনেতেদ য়ুনিভর্সেল তাইম) ফাওবগী মনুংদা ত্রেস তৌবা য়াবা মওংদা IST অসিবু থম্বনি। CSIR-NPLনা লৈবাক্কী ঘরিবু করম্না চৎহনবগে হায়বা লাক্তুনা য়েংবীয়ু হায়না মহাক্না মখা তাখি।

CSIR-NPLনা এতমোস্ফিয়রদা পোল্ল্যুসন থোক্লিবা অসি য়েংশিন্নবগীদমক্তা গ্যাস অমসুং নুংশিত্তা পাইদুনা লৈবা পোৎলমশিংগী চাং ওনবগী থৌওংবুসু স্তেন্দর্দাইজ তৌই হায়বসি অদোম খঙবরা?

CSIR-NPLগী দাইরেক্তর, প্রোফঃ ভেনুগোপাল অচান্তানা হায়খি, “CSIR-নেস্নেল ফিজিকেল লেবোরেতরী (NPL)না এপ্রিল 17-21, 2023দগী ৱান ৱিক- ৱান লেব প্রোগ্রাম শীনগদৌরি। প্রোগ্রাম অসিগী পান্দমদি খুন্নাইগী ওইবা শিংনবশিংগী ৱারোইশিন পুথোকপা, চপ চানা চাং ওনবগী মরু ওইবশিংবু মীয়ামদা খঙহনবা অমসুং মীয়াম মরক্তা, মরু ওইনা লৈবাক্কী তুংগী য়ুম্বী ওইগদৌরিবা মহৈরোইশিংগী মরক্তা সাইন্তিফিক ওইবা ৱাখল্লোন চালহন্নবগীদমক্তা স্তেকহোলদর ওইবা য়াবগী ওইথোকপা লৈবশিংগী মরক্তা NPLদা লৈরিবা তেক্নোলোজী অমসুং সর্ভিসশিংগী মতাংদা এৱিয়র্নেস পীবনি”।

তোঙান-তোঙানবা থবক থৌরম কয়াগীদমক্তা দিল্লী NCRগী স্কুল 180দা NPLগী লেব য়েংহল্লে অমসুং তুংগী মতমদসু, মসিগুম্বা থৌরম কয়াদা অহেনবা স্কুল কয়া অমসু শরুক য়াহনগনি হায়না দাঃ অচান্তানা হায়খি।

মখোয়না ইন্দিয়ন স্তেন্দর্দ তাইম (IST)বু মচা খায়না শন্দোকপগী থবকশিং মনুং চন্না অশাংবা, অচৌবা, অইং-অশানচিংবগী চাং ওনবগী স্তেন্দর্দ ঙাক শেনবগী থৌওংসু পাংথোকই। ভারতপু মালেমগী মিজর্মেন্ত লেবোরেতরীশিংগা থাক মান্ননা লৈহন্নবগীদমক্তা ফ্যুচরিস্তিক ওইবা ক্বান্তম স্তেন্দর্দ অমসুং অপকমিং তেক্নোলোজী শেম্বগী পান্দমগা লোয়ননা হীরম য়াম্বা R&Dসু NPLনা পাংথোক্লি। মখোয়না চাউখৎলক্লিবা ভারতকী অপাম্বা হেনগৎলক্লিবা অসি থেংনবা ঙম্নবা ‘মেক ইন ইন্দিয়া’ প্রোগ্রামগী মখাদা সোফিস্তিকেতেদ ওইবা এনালাইতিকেল ইক্বিপমেন্ত (হায়বদি ইম্পোর্ত সবস্তিত্যুত) শেম্বগা লোয়ননা “স্কিল ইন্দিয়া” প্রোগ্রামগী মখাদা নহা ওইরিবা সাইন্তিস্ত অমসুং ইন্দস্ত্রীগী মীওইশিংবু চাং ওনবগে হীরমগী ত্রেনিং পীরি।  

এপ্রিল 18-20গী মনুংদা নুমিৎ হুম্নিগী স্তার্তঅপ/MSME/ইন্দস্ত্রীগী মীফম অমা পাংথোক্কনি। থৌরম অসিগী পান্দমদি NPLনা ইন্দস্ত্রীগী মফমদা পীরিবা তোঙান-তোঙানবা সর্ভিস কয়া উৎপনি। NPLনা তেংবাংখ্রবা/মরী লৈনবা/ তেক্নোলোজী/কন্সলতেন্সী/সর্ভিস পীখ্রবা স্তেকহোলদর খুদিংবু থৌরম অসিদা শরুক য়ানবা পাউজেল পীরে। থৌরম মনুংদা, ইন্দস্ত্রী 20 হেনবনা নুমিৎ খুদিংগী শরুক য়াগনি অমসুং মসিনা মখোয়না মখোয়গী তেক্নওলোজী/সর্ভিস (NPLনা তেংবাংখিবা) উৎপগা লোয়ননা মখোয়না ফংখিবা NPLগী সাইন্তিফিক অমসুং তেক্নোলোজিকেল মতেং কয়াগী মতাংদা ৱা ঙাঙগনি। ইন্নোভেসন ফ্রেমৱর্ক অমসুং ইকোসীস্তেমগা মরী লৈনবা মরু ওইবা ৱাফম কয়াগী মতাংদা খন্ন-নৈনগনি। তেক্নোলোজী ত্রান্সফর অমসুং দিভেলপমেন্তকীদমক্তা অনৌবা ইন্দস্ত্রী পার্ত্নর 4গা MoUগী খুৎয়েকসু পীনগনি।

এপ্রিল 19দা মেত্রোলোজী কনক্লেব অমা পাংথোক্কনি অমসুং মসিদা CSIR-NPLদা মেত্রোলোজীদা খুমাং চাউশিনবগী হেন্দবুক অমা ফোঙগনি। মেত্রোলোজীগী লমদা CSIR-NPLনা লৌবা থৌদাং অমসুং মখোয়গী থবক, CSIR-NPLগী তুংগী থৌরাংশিং অমসুং নেস্নেল অমসুং ইন্তর্নেস্নেল কোল্লাবোরেসন শেমগৎপগী পেনেল দিস্ককসন অসিনা কনক্লেব অসিগী অতোপ্পা থৌওং ওইগনি।

এপ্রিল 20দা R&D কনক্লেব অমসুং ৱিমেন ইন STEM হায়বা থৌরম অমা পাংথোকপগী থৌরাং লৈরি অমসুং মসিদা NPL ফেমিলীগী সাইন্তিস্ত অমসুং এলুম্নাইশিংনা মখোয়গী মিৎয়েং থমগনি অমসুং সাইন্স অমসুং তেক্নোলোজীদা য়াম্না নৌনা খুমাং চাউশিনখিবশিংদা CSIR-NPLনা লৌখিবা থৌদাংশিং উৎকনি। নোংমগী থৌরম অসিনা মথক্তা পল্লিবা থৌরম অসিগী মনুং চন্না নুপীশিংগী মপাঙ্গল হাপ্পদা মিৎয়েং চঙগনি অমসুং রিসর্চ অমসুং দিভেলপমেন্তকী হৌজিক লৈরিবা চৎনবী, চেলেঞ্জ অমসুং STEM কেরিয়রদা নুপীশিংগী খুদোংচাবগী মতাংদা খন্ন-নৈননবা থৌরম পরেং অমসু নুপী সাইন্তিস্তশিংনা শীনগনি। মসিদা নত্তনা, ভারতকী শক্নাইরবী নুপী সাইন্তিস্তশিং উৎপা দোক্যুমেন্তরী ফিল্ম অমসু উৎকনি। 

এপ্রিল 21দা নোংমগী স্কিল কনক্লেব অমসু শীনগনি। কনক্লেব অসিনা মরু ওইনা মিৎয়েং চঙগদবা হীরম্না CSIR-NPLগী স্কিল প্রোগ্রামগী মতাংদা মীয়ামদা নিংথীনা খঙহনবা ওইগনি অমসুং মসিনা ঐখোয়গী পুন্সিগী থাক কয়াগা মরী লৈনবা হীরম মখল কয়াগী এক্সপর্ত লেকচর অমসুং স্কিল দিমোনস্ত্রেসন পাংথোক্তুনা লোকেল মীয়ামগী পুক্নিং থৌগৎকনি। লৈবাক্কী তোঙান-তোঙানবা ইন্দস্ত্রী, একাদমিয়া অমসুং খুন্নাইগী তঙাই ফদবা স্কিল মেনপাৱরশিংবু CSIR-NPLনা মতম মতমগী ওইনা থৌরম কয়া পাংথোক্তুনা ত্রেনিং পীরি।

CSIR-NPL অমসুং মখোয়গী ৱান ৱিক- ৱান লেবকী অকুপ্পা মরোলগীদমক্তা মখাগী ৱেবসাইত অসিদা চঙবীয়ুঃ https://www.nplindia.org/. শরুক য়াবীনিংবশিংনা মসিদা চঙদুনা রেজিস্তর তৌবসু য়াগনি।

*****