কেন্দ্রগী এগ্রিকলচর অমসুং ফার্মরস ৱেলফেয়র মন্ত্রী শ্রী নরেন্দ্র সিংহ তোমরনা ঙসি গ্বালিয়রদা লঘু উদ্যোগ ভারতিনা শিনবা স্তার্তঅপ কনক্লেব-২০২৩ হৌদোকখ্রে। থৌরম অসিদা শ্রী তোমরনা হায়খি মদুদি ঙসি ঐখোয় বৃতিশ মতমগী মীনাই নাইথাং ওইবগী ৱাখল্লোনদগী থোরক্লে, ঙসি সেনেরিও পুম্নমক অওনবা লাক্লে অমদি মসি প্রধান মন্ত্রী শ্রী নরেন্দ্র মোদীনা ওইথোকহনবনি।

কেন্দ্র মন্ত্রী শ্রী তোমরনা হায়খি মদুদি ঐখোয়গী লৈবাক্তা তেলেন্তদি লৈরম্মি অদুবু মদু ঐখোয়না খংবা ঙমদবা মতম অমা লৈরম্মি। তেলেন্তশিং অসিবু মখোয়গী তেলেন্তশিং উৎনবা এনভাইরনমেন্ত অদু লৈরমদে। মরম অসিমক্ননি তেলেন্ত লৈরবশিংনা লৈবাক অসিদা নিংবা কায়খি অমদি মখোয়বু মপাল লমদা চৎপা তাখি, অদুবু ঙসিদি মসিমক ওইদ্রে। প্রধান মন্ত্রী শ্রী মোদীনা ফিভম অসি খংখি অমদি লৈবাক অসিদা পোজিতিব ওইবা এনভাইরনমেন্ত অমা শেমখি, মদুনা মরম ওইরগা ভারত খক্তা নত্তনা মালেম পুম্বদা অওনবা পুরক্লে।

শ্রী তোমরনা হায়খি মদুদি ২০১৪গী মমাংদা লৈবাক অসিদা স্তার্তঅপ ৩১-৩২ খক্তমক লৈরম্মি, অদুবু ঙসিদি মসিগী মশিং অসি ৬,৫০০দগীসু হেনলে। এগ্রিকলচর সেক্তর খক্তদা মসিগী মশিং অসি ২,০০০গী মথক ওইরি। মহাক্না হায়খি মদুদি ঙসিদি মালেম পুম্বনা ভারতকী শক্তিবু মশক খংলে অমদি মসিগী থাক অসিবুসু য়ানিংলি।

কেন্দ্র মন্ত্রী শ্রী তোমরনা হায়খি মদুদি প্রধান মন্ত্রী শ্রী মোদীগী লুচিং মখাদা মালেম পুম্বদা ভারতপু মশক তৌক্লি অমদি মালেমদা ভারতকী থাকসু হেনগৎলক্লি। মরম অসিমক্ননি ভারতকী প্রধান মন্ত্রীনা য়ুক্রেন অমসুং রসিয়াগী মরক্তা চত্থরিবা লানবু ৱাফম অসি হায়দুনা মতম খরা লেপহনবা ঙমখি মদুদি অহানবদা ঐখোয়গী নাগরিকশিং হান্না হোন্দোকখিগে, মসিনা ৱার্ল্দ এফিয়ার্সদা ভারতকী হেনগৎলক্লিবা শক্তিবু উৎলি। মতৌ অসুম্না ঐখোয়গী প্রধান মন্ত্রীবু মশক তাক্লদুনা অমেরিকাগী রাস্ত্রপতি শ্রী বাইদেন্না হায়খি মদুদি মফম অসিদা নুমিৎ অমা, মালেম অমা অমসুং মোদী অমা লৈরি, মদুনা মালেমগী কমুনিতীদা ভারতকী চাউথোকপগী মফম অদু তাক্লি।

স্তার্তঅপ কনক্লেব অসিদা মধ্য প্রদেশ সরকারগী এম.এস.এম.ই. মন্ত্রী শ্রী ওমপ্রকাশ সাখলেচা, লোক সভাগী মীহুৎ শ্রী বিবেক শেজৱালকর অমদি লঘু উদ্যোগ ভারতিগী ওফিস বিয়ররশিং, - নেস্নেল ওর্গনাইজিং সেক্রেতরী শ্রী প্রকাশ চন্দ্র, নেস্নেল প্রসিদেন্ত শ্রী বলদেবভাই প্রজাপতি, ওল ইন্দিয়া জেনরেল সেক্রেতরী শ্রী ঘনশ্যাম ওঝা অমসুং ওল ইন্দিয়া সেক্রেতরী শ্রী সমীর মুনদ্রাসু শরুক য়াখি।

*****