ভারতকী হৌজিক ওইরিবা মপাঙ্গল অসি ঐখোয়গী ইনাক খুল্লবা নাৎ, স্পিরিচুএল অমদি নেস্নেল ইথোসকী ৱাখল লৌশিংদা মরু তাদুনা লৈখ্রবনি‍। অসুম্না খুমাঙ চাওশিল্লক্লিবা মতমগী খোঙলৈ অসিদা দুরদর্শন্না তাঙ্কক অনি থোক্না শন্দোক্কদবা দোকুমেন্তরী ‘ধরোহর ভারত কী – পুনরুথান কী কহানী’ অহানবা তাঙ্কক্না এপ্রিল ১৪, ২০২৩গী নুমিদাং পুং ৮ তাবদা, অদুগা অনিশুবা তাঙ্কক্না এপ্রিল ১৫, ২০২৩গী নুমিদাং পুং ৮ তাবা মতমদা দুরদর্শনগী নেস্নেল চেনেলদা শন্দোক্কনি‍। দোকুমেন্তরী অসি মমিং লৈরবা দিজিতেল মিদিয়া প্রজেন্তর কামিয়া জানীনা এঙ্কর তৌগনি‍।

প্রধান মন্ত্রী নরেন্দ্র মোদীনা, দোকুমেন্তরী অসিগীদমক অখন্ননা ৱারী ৱাতায় শানবা অমদা, “ঐখোয়গী লান্মীশিংনা মখোয়গী পুন্সি চুপ্পা কত্থোক্লি অমদি মখোয়গী লৈজবা পুম্বা ইমা লৈবাক্কী লম ঙাক্নবগীদমক কত্থোক্লি‍। মখোয়না কত্থোক্লিবা অসি ৱাহৈনা ফোঙদোকপনা ৱাৎকনি; মসিগী ইচঙ থৌবা অমদি ফজবা মতৌবু তুংগী মীরোলদা পুক্নিং থৌগৎনবগীদমক হিংহন্দুনা থম্বা মথৌ তাই”, হায়খি‍।

মহাক্কী মঙলান পরিংদা, দোকুমেন্তরী অসিনা ভারতকী কলচরেল য়ুনিতী অমদি প্রাইদকী স্পিরিৎ হিঙ্গৎহন্নবগীদমক হৌখিবা চহি খরসিদা ভারতনা অচৌবা খোঙকাপ থাংজিল্লিবশিং অসি উৎকনি‍। জালিয়ানৱালা বাগকুম্বা লৈবাক নিংবগী নীংশিং মফমশিং ঙাকশেনবা অমদি মমল ঙাক্তুনা থম্লিবা; রাম জন্মভুমী, কাসী বিস্বানাথ ধাম, সোমনাথ ধাম অমদি কেদারনাথ ধামনচিংবা ঐখোয়গী মীহৌরোলগী মফমশিংগী ফজবা শক্তমশিং হিঙ্গৎহল্লিবা; কর্তারপুর সাহিবনচিংবা লাইনিংগী ওইবা মফমশিংগী ইকায়খুম্নবা ঙাক্লিবা; সেলুলর জেলনচিংবা পুক্নিং থৌগৎনিংঙাই ওইরবা মফমশিংদা ঐখোয়গী নীংতম লান্মীশিংগী পুন্সিবু সেলেব্রেৎ তৌরিবা; নেতাজী বোসকী থৌদাংবু ইন্দিয়া গেৎ কেনোপীদা অচৌবা নেতাজীগী মীতম খিন্দুনা মীয়াম মাঙদা পুথোরক্লিবা; অমদি হৌখিবা অমদি হৌজিক মতমগী ঐখোয়গী মরৈবাক নীংবা অথৌবশিংগী পুৱারী ওইহৌরগদবা থৌদাংশিংবু ৱার মেমোরিএলগী খুত্থাঙদা ইকায়খুম্নবা উৎলিবশিং অসি দোকুমেন্তরী অসিদা উৎলিবা থীমশিংগী মরক্তা মমিং পনবা য়াবশিংনি‍।

“পুরতন, মহান, পরমপরাও কে প্রতি আকর্সন” নৎত্রগা ঐখোয়গী শেলবা, মমিং লৈরবা অমদি চাংদম্নিঙাই লৈত্রবা পুৱারীদা পুক্নিং চঙশিন্নবা প্রধান মন্ত্রী নরেন্দ্র মোদীনা লাউখিবা খোল্লাউনা খুন্নাইগী কাঙলুপ খুদিংদগী মহৌশাগী মান্নদবা মওংদা শরুক য়ারক্তুনা লৈবাক পুম্বগী ওইবা তোপ তোপ্পা মশক অমা ওইহল্লকখি‍। দোকুমেন্তরী অসি হায়রিবা ৱাখল্লোন অসিমক্কী মমি অমনি‍। ঐখোয়গী অপুনবা চাউথোকচনিংঙাইগী শক্তমশিংনা মরুওইনা হৌখিবা চহি খরসিদা ঐখোয় ইশাগী ওইবগী ৱাখল্লোন অমা নৌহৌননা ফাওহনবগা লোয়ননা, ঐখোয়গী নীংতম লান্মীশিংনা কত্থোকখিবশিংগী মরুওইবশিং মপুং ফানা খঙদুনা মখোয়গী পুৱারীবু নীংশিংবা হায়বসি ঙসিগী নহাশিংগী তৌফদ্রবা থৌদাং ওইরি‍।

মসিগা চপ মান্ননা, সাবরমতী আশ্রমনচিংবা ঐখোয়গী নৌনা হিঙ্গৎহল্লবা অমদি মশক ফজথোকহল্লবা স্পিরিচুএল সেন্তরশিংগী শেংনা থম্বা, স্তেচ্যু ওফ য়ুনিতী অমদি পঞ্চতীর্থনচিংবা অনৌবা মোনুমেন্তশিং অমদি মীদমশিং শেমগৎ শাগৎপগী মরুমদা লৈরিবা মরমশিং হায়রিবা দোকুমেন্তরী অসিদগী মপুং ফানা খঙবা ঙমগনি‍। শম্না হায়রবদা, তাঙ্কক অনি থোক্না উৎকদৌরিবা দোকুমেন্তরী অসি ভারতকী পাক চাউরবা অমদি মচু মমেন্না থল্লবা নাৎ হিঙ্গৎহনবা, থৱায় হাপ্পা, অমদি লৌশিনবগী মওং মতৌশিং ভিজুএল ওইনা উত্তুনা ঐখোয়গী ইনাক খুল্লবা অমদি খেন্নবা মখলগী ইপা ইপুগী লনশিংবু সেলেব্রেৎ তৌবনি‍।

“ধরোহর ভারত কী” অসিনা ভারত মচা খুদিংমক্কী থম্মোয়দা, লোয়ন-লোয়ননা মফম খুদিংদা লৈরিবা থম্মোয়নুংদা ভারত মচানি খঞ্জরিবশিংগী মফমদা নুংঙাইবা অমদি চাউথোকচবগী ইথিল পোকহনগনি‍। ঐখোয়গী হৌরকফমগী খোঙচৎপু এক্সপরিএন্স তৌবখক্তনা ঐখোয়গী ঐখোয়গী তরং তরংবা তুংলমচৎকী লমবীদা চঙশিনবা ঙমগদৌরিবনি‍।

******