কম্মর্স অমসুং ইন্দস্ত্রী, কঞ্জ্যুমর এফিয়র্স, ফুদ অমসুং পব্লিক দিস্ত্রিব্যুসন অমসুং তেক্সতাইলগী কেন্দ্র মন্ত্রী, শ্রী পিয়ুশ গোয়লনা ইতালী সরকারগী উপ-প্রধান মন্ত্রী অমসুং ফোরেন এফিয়র্স অমসুং ইন্তর্নেস্নেল কোওপরেসন ইন ফোরেন ওফিসকী মন্ত্রী, শ্রী ঐচ.ই. এন্তোনিও তাজানীগা বাইলেতরেল ত্রেদ অমসুং ইকোনোমিক রিলেসনগী মপুং ওইবা হীরম খুদিংগী মতাংদা খন্ন-নৈননবগীদমক্তা ঙরাং উন্নখ্রে। শ্রী গোয়লনা মহাক্কী ইতালীগী নুমিৎ নিনিগী খোঙচৎকী শরুক অমা ওইনা রোমদা ঙরাং থুংখিবনি।

তোঙান-তোঙানবা সেক্তরশিংদা গ্রোথ লৌনবগীদমক্তা ভারত-ইতালীগী ত্রেদ অমসুং শেন্মিৎলোনগী পার্ত্নরশিপ অসিগী কান্নবা মতৌ করম্না লৌগনি হায়বগী মতাংদা মন্ত্রীশিংনা মশাগী ৱাখল্লোন লান্থোক্নখি। মন্ত্রী অনিনা মীফম মনুংদা ইতালীগী প্রধান মন্ত্রী, শ্রী জিওর্জিও মেলোনীগী হন্দক্কী ইকুই কুইদ্রিবা ভারতকী খোঙচৎ মতুংদা লৈবাক অনিগী মরীনা বাইলেতরেল মরীদগী স্ত্রেতজিক পার্ত্নরশিপকী থাক্তা কাখৎখিবগী নুংঙাইবা ফোংদোকখি। শ্রী তাজানীনা স্পেস, তেক্নোলোজী, দিফেন্স, লৌউ-শিংউনচিংবা স্ত্রেতজিক ওইবা লমশিং অসিগী মখাদা লৈবা মরু ওইবা চাউখৎ থৌরাংশিং খঙনা চৎনবগীদমক্তা লমশিং অসিগী জোইন্ত ৱর্কিং গ্রুপ অমা শেম্বগী ৱাহৌদোক থমখি।

মন্ত্রী অনিনা ভারত-ইতালীগী বাইলেতরেল ত্রেদনা ইং 2022দা  US$ বিলিয়ন 16 য়ৌদুনা য়াম্না চাউনা শাহৌ লৌখিবা অসিদা নুংঙাইবা ফোংদোকপগা লোয়ননা মখা তানা চাউখৎহন্নবা হোৎনবগী য়ানবা পুরকখি। শ্রী গোয়লনা শ্রী তাজানীগী মফমদা ভারত-ই.য়ু. FTA নেগোসিএসন অসিদা খুমাং চাউশিনবগী থাক খঙহনখি। নিং খা তম্বা, খল নাইবা অমসুং পুকচেল শেংবা ফ্রী ত্রেদ এগ্রীমেন্ত অমা লৈবগী মরু ওইবশিংদা মন্ত্রী অনিনা মিৎয়েং চঙখি অমসুং অথুবা মতমদা মসিসু ফংলগনি হায়বগী থাজবা থম্নখি। জোইন্ত কম্মিসন ওন ইকোনোমিক কোওপরেসন (JCEC)গী মথংগী সেসন অসি সেপ্তেম্বর 2023গী অরোইবা চয়োলদা পাংথোকপা হায়বা ৱাফম অসিদসু মখোয়না য়ানবা পুরকখি।

লৈবাক অনিগী পার্লিয়ামেন্তশিংগী মরক্তা লৈরিবা পার্লিয়ামেন্তরী ফ্রেনশিপ গ্রুপ দিপ্লোমেসীগী মপাঙ্গল কনখৎহনবা অমসুং সাইবর দাইলোগ পাংথোকপা য়াবগী হীরম কয়াগী হৌদোকশিং শ্রী তাজানীনা থমখি। শ্রী গোয়লনা শ্রী তাজানীগী মফমদা ভারতকী G20গী প্রাইওরিতী খঙহনখি অমসুং ওগস্ত 2023দা ভারত্তা পাংথোক্কদৌরিবা G20 ত্রেদ মন্ত্রীশিংগী মীফমদা শরুক য়াবীনবা পাউজেলসু পীখি। শ্রী তাজানীনা ভারতকী G20 প্রসিদেন্সীবু মায় পাকহনবদা মপুং ফানা মতেং পাংগনি হায়বগী থাজবা পীখি।

শ্রী গোয়লনা অইং অশাগী পামদবা চৈথেং হন্থহন্নবা সস্তেনেবিলিতী ফংনবগীদমক্তা ক্লিন ইনর্জীগী লমদা লৈরিবা বাইলেতরেল মরী হেন্না ফগৎহনবদা অহেনবা মিৎয়েং চঙখি। চাউখৎলবা লৈবাকশিংনা শেল য়াম্না চঙদবা ক্লাইমেত ফাইনান্সিং অমসুং তেক্নোলোজীশিংবু চাউখৎলক্লিবা লৈবাকশিংদা ফংহন্দুনা অইং অশাগী শিংনবা নিংথীনা মাইয়োক্নবা ঙমহন্নবা তেংবাংগদবনি হায়না মহাক্না হায়খি। 

শ্রী তাজানীনা শ্রী গোয়লগী মফমদা ইতালীগী ফার্নেসিয়াগী আর্ত গেল্লেরী, ফোরেন মন্ত্রালয়গী ওফিসকী গাইদেদ তুর অমা পীখি।

***