কেন্দ্রগী কম্মর্স অমসুং ইন্দস্ত্রী, কঞ্জ্যুমর এফিয়র্স, ফুদ অমসুং পব্লিক দিস্ত্রিব্যুসন অমসুং তেক্সতাইল মন্ত্রী, শ্রী পিয়ুশ গোয়লনা ঙরাং ফ্রান্সকী পেরিস্তা পাংথোকখিবা ভারত-ফ্রান্স ব্যুজিনেস সম্মিত অমসুং CEOশিংগী রাউন্দ তেবলদা ৱা ঙাঙবদা ভারত্তা খুদোংচাবা কয়া অমা হৌজিক লৈ হায়না ফোংদোকখি। “ঐখোয়না গুদ অমসুং সর্ভিসকী খ্বাইদগী চাউবা কঞ্জ্যুমরশিংগী মরক্তা অমা ওইরি। গুদ অমসুং সর্ভিসকী এক্সপোর্ত অসিসু 50% হেন্না শাহৌ লৌরি অমসুং ঐখোয়না গ্রোথ লৌবগী ত্রাজেক্তরী অসিসু ঙাক্কনি হায়বগী থাজবা থম্লি। ঐখোয়না ঐখোয়গী গুদ অমসুং সর্ভিসকী এক্সপোর্তপু বিলিয়ন $765তগী শরুক অহুম হেনগৎহন্দুনা ইং 2030 ফাওবদা ত্রিলিয়ন $2 য়ৌহনবা পাম্লি”, মহাক্না মখা তাখি।

ফ্রান্সকী পেরিস্তা লৈবা ভারতকী ইম্বেসীনা কনফেদেরেসন ওফ ইন্দিয়ন ইন্দস্ত্রী (CII), মাউবমেন্ত দেজ ওন্তোপ্রাইস দে ফ্রান্স (MEDEF) অমসুং ইন্দো ফ্রেঞ্চ চেম্বর ওফ কম্মর্স অমসুং ইন্দস্ত্রী (IFCCI)না খুৎশম্নদুনা ভারত-ফ্রান্স ব্যুজিনেস সম্মিত অমসুং CEOশিংগী রাউন্দ তেবল অসি শীনখিবনি।

ফ্রান্স সরকারগী ফোরেন ত্রেদ, ইকোনোমিক এত্রেক্তিবনেস এন্ড ফ্রেঞ্চ নেস্নেল এব্রোদকী মিনিস্তর দেলিগেত, শ্রী ওলিভিএর বেক্তনা নাকল অনিমক্না বাইলেতরেল অমসুং মলতিলেতরেল মীফমশিং অসি শৌগৎকনি হায়বগী থাজবা লৈ হায়না ফোংদোকখি। “ভারতনা মালেমগী মীশিং খ্বাইদগী য়াম্বা লৈবাক ওইবনা মেন্যুফেকচরিং এক্তিবিতী কয়াগী পুক্নিং চিংশিনবা ঙমগনি, অদুগা ফ্রেঞ্চ কম্পেনী কয়া অমদি ভারত্তা হান্নদগী থবক তৌরি অমসুং মখা তানা তেংবাংনবগী ওইনসু অচৌবা খুদোংচাবা কয়া লৈরি”, মহাক্না হায়খি।

CIIগী ভাইস প্রসিদেন্ত অমসুং ITC লিমিতেদকী চেয়রমেন অমসুং মেনেজিং দাইরেক্তর, শ্রী সঞ্জিব পুরীনা CIIগী নাকলদগী মশিং য়াম্লবা দেলিগেসন্না ফ্রান্সতা লৈরিবা অসিনা ভারতনা ফ্রান্সকা লৈনরিবা মরী অসিদা কয়া য়াম্না মরু ওইবা পীবগে হায়বা তাক্লি হায়না ফোংদোকখি।

CIIগী DG শ্রী চন্দ্রজীত বেনর্জীনা ভারত অমসুং ফ্রান্সনা ইন্নোভেসন, ফাইনেন্সিএল ইনক্লুজন, ব্যুজিনেস্তা ESG পাংথোকপা অমসুং অফ্রিকাগী মাইকৈদা মালেম্না পুক্নিং চঙবা হেনবগুম্বা হীরম কয়াদা তেংবাংনবগী খোঙফম চেৎলি হায়না ফোংদোকখি।

 ‘বিলদিং এ গ্রীন ফ্যুচর’; মরু ওইবা অমসুং নৌনা মশক নাইরক্লিবা তেক্নোলোজীঃ ন্যু স্ত্রেতজিক ফ্রন্তিয়র; ‘দিফেন্স কোওপরেসনঃ আত্মানির্ভর ভারতকী খুত্থাংদা শেয়র্দ ফ্যুচর অমা পুরকপা’ অমসুং ফ্রান্স অমসুং ভারতঃ য়ুরোপ অমসুং ইন্দো-পেসিফিক্কী স্প্রিংবোর্দ হায়বা হীরমশিংগী মতাংদা সেসন কয়া পাংথোকখি।

বিলদিং এ গ্রীন ফ্যুচর

ভারত অমসুং ফ্রান্স অনিমক্না গ্রীন ফ্যুচর অমা শেমগৎপদা খ্বাইদগী অহেনবা মিৎয়েং চঙনরি। লৈবাক অনিমক্কী মিৎয়েং শানবা অইং-অশাগী পান্দমশিং লৈনরি। গ্রীন ফ্যুচর অমা শেমগৎপনা মার্কেতকী চাউরবা খুদোংচাবা কয়াসু লৈহল্লি, অদুবু, মসিদা ইনভেস্তমেন্ত য়াম্না চাউনা চঙগনি অমসুং অনৌবা তেক্নোলোজী কয়াসু চঙগনি। হন্দক্কী ইকুই কুইদবা চহিশিংদা, ফ্রান্সনা ভারত্তা গ্রীন তেক্নোলোজীগা মরী লৈননা ইনভেস্তমেন্ত তৌবা, তেংবাংনবা অমসুং জোইন্ত ভেঞ্চর কয়াগী মশিং য়াম্না হেনগৎলকখি। গ্রীন ত্রাঞ্জিসন তৌবা মতমদা ব্যুজিনেসশিংনা মসিদগী মতৌ করম্না কান্নবা লৌবা য়াগনি হায়বগী পাম্বৈ কয়া সেসন অসিদা পুথোক্নখি; রিন্যুএবল ইনর্জী, মোবিলিতী, বিলদিং, ইনফ্রাস্ত্রকচর, কনস্ত্রক্সন, ইনির্জী ইফিসিএন্সী, ইন্দস্ত্রীএল প্রোসেস, এগ্রিকলচরগুম্বা তোঙান-তোঙানবা হীরমশিংগী তেক্নোলোজী কয়াগী মতাংদা খন্ন-নৈনখি। ইস্তর্ন য়ুরোপ – মিদ্দল ইস্ত অমসুং এসিয়াগী AFD এক্তিবিতীশিংগী মকোক থোংবা ওইরিবা শ্রী সাইরিল বেল্লিএয়রনা সেসন অসিবু মোদরেত তৌখি। 

মরু ওইবা অমসুং নৌনা মশক নাইরক্লিবা তেক্নোলোজীঃ দি ন্যু স্ত্রেতজিক ফ্রন্তিয়র

মরু ওইবা অমসুং নৌনা মশক নাইরক্লিবা তেক্নোলোজীগী মতাংদা তেংবাংনবা অমসুং চাংয়েংনবগী থৌওংশিং অসি হেনগৎলক্লি, হায়রিবা তেক্নোলোজী অসিগী মনুংদা এদভান্স কম্প্যুতিং, কম্ম্যুনিকেসন অমসুং নেতৱর্কিং তেক্নোলোজী, এদভান্স মেতরিএল, ইঞ্জিন তেক্নোলোজী, স্পেস তেক্নোলোজী অমসুং সীস্তেম, সেন্সর, রিন্যুএবল ইনর্জী তেক্নোলোজী, সেমিকন্দক্তর অমসুং মাইক্রোইলেক্ত্রোনিক্স, দাইরেক্তেদ ইনর্জী, হাইপর্সোনিক্নচিংবশিং য়াওরি।

সোভরেনিতী অমসুং স্ত্রেতজিক ওতোনোমীদা চেৎনা থাজবা থম্বা লৈবাক অনি ওইবনা, সেসন অসিনা ফ্রান্স অমসুং ভারতনা মরু ওইবা অমসুং নৌনা মশক নাইরক্লিবা তেক্নোলোজীগী মতাংদা তেংবাংনবা; লৈবাক অনিগী মরী অমসুং মসিদা লৈরিবা খুদোংচাবা; ফ্রান্স-ভারত তেক্নোলোজী কোওপরেসন অসি মতৌ করম্না হেনগৎহনগনি হায়বগী পাম্বৈ কয়াদা পুক্নিং চঙখি। সেসন অসিবু য়ুরোপ অমসুং ফোরেন এফিয়র্স মন্ত্রালয়গী দিজিতেল এফিয়র্সকী এম্বেসেদর, শ্রী হেনরী ভর্দিয়রনা মোদরেত তৌখি।

দিফেন্সতা তেংবাংনবা: আত্মানির্ভর ভারতকী খুত্থাংদা শেয়র্দ ফ্যুচর অমা পুরকপা

ইন্দো-পেসিফিক্কী মফমদা লৈরিবা শিংনবশিং অমসুং স্পেস অমসুং সাইবর্স্পেসকুম্বা অনৌবা লমদা চাংয়েংনবগী মতৌ লাকপগী ফিভম য়াওনা হোংবা নাইরক্লিবা জিও পোলিতিক্সকী ফিভম অসিনা পার্ত্নরশিপ অসিবু মরা হেন্না চেৎশিলহনবগী তঙাই ফদবা অমা লৈহল্লি। ফ্রান্স অসি ভারতকী ওইনা দিফেন্স প্লেতফোর্ম, তেক্নোলোজী অমসুং ইক্বিপমেন্তকী মরু ওইরবা অমসুং মতম কুইনদগী লৈরক্লবা সোর্স অমনি। সেসন অসিনা ভারত অমসুং ফ্রান্সকী মরী অসিনা খ্বাইদগী হেন্না কান্নবা পীবা ঙম্বগী মতিক লৈবা দিফেন্স তেক্নোলোজী; দিফেন্সকী অখন্নবা প্লেতফোর্ম অমসুং ইক্বিপমেন্ত পানখৎপখক নত্তনা শেমগৎ শাগৎপগী মাইকৈদা করম্না চঙশিনগনি হায়বগী পাম্বৈশিং পুথোকখি। সেসন অসিবু CIIগী DG, শ্রী চন্দ্রজিত বেনর্জীনা মোদরেত তৌখি।

ফ্রান্স অমসুং ভারত: য়ুরোপ অমসুং ইন্দো-পেসিফিক্কী স্প্রিংবোর্দ

মমাংগী চহি অহুম অসিদা ফ্রান্সপু ই.য়ু.গী মনুংদা ইনভেস্তমেন্ত তৌবগী খ্বাইদগী মফম চাবা পন্থুংফম অমনি হায়না য়ানখি, ফিভম অসিমক ফোরেন ইনভেস্তমেন্তকী ফিগর হেনগৎলক্লিবা অসিদা মমি তাখি। ভারতনা ফ্রান্সতা ইনভেস্ত তৌবা এসিয়াগী লৈবাকশিংগী মরক্তগী খ্বাইদগী মকোক থোংবা ওইরবসু ইনভেস্ত তৌবগী ভেল্যু অসিদি য়াম্না নেম্লি অমসুং সেক্তর খরখক্তদা অখন্নরি। ভারতকী কম্পেনীশিংনা পোস্ত-ব্রেক্সিত ই.য়ু.গী ফিভমগী মখা পোন্না মখোয়গী য়ুরোপিয়ন স্ত্রেতজীশিংবু কুপ্না য়েংশিল্লি। ফ্রান্স অসি ভারতকী ইনভেস্তমেন্তকী খ্বাইদগী চাউবা পন্থুংফম অমা ওইবা য়ারি। মার্কেত্তা ভেল্যুশিং অসিগী ভেল্যু খরা তাখৎপা অসিনা মায় পাকপগীদমক্তা য়াম্না মরু ওইবনিনা সেসন অসিনা ভারতকী কম্পেনীশিংনা ভারতকী এক্সপোর্তকী খ্বাইদগী চাউবা পন্থুংফম ওইরিবা য়ুরোপ্তা এক্সপোর্ত তৌবা ঙম্নবগীদমক্তা ফ্রান্সতা অহেনবা ইনভেস্তমেন্ত মতৌ করম্না তৌবা য়াগনি অমসুং মখোয়গী মার্কেতশিংবু করম্না ফাবা ঙমগনি হায়বগী পাম্বৈশিং সেসন অসিনা তাকখি। সেসন অসিবু FIEOগী প্রসিদেন্ত, শ্রী এ. শক্তিবেলনা মোদরেত তৌখি।

CEOশিংগী রাউন্দতেবল

ভারত অমসুং ফ্রেঞ্চ কম্পেনীশিংগী CEO 50 হেনবনা রাউন্দতেবল অসিদা শরুক য়াখি অমসুং মসিদা কেন্দ্রগী কম্মর্স অমসুং ইন্দস্ত্রী, কঞ্জ্যুমর এফিয়র্স, ফুদ অমসুং পব্লিক দিস্ত্রিব্যুসন অমসুং তেক্সতাইল মন্ত্রী, শ্রী পিয়ুশ গোয়ল অমদি ফ্রান্স সরকারগী ফোরেন ত্রেদ, ইকোনোমিক এত্রেক্তিবনেস এন্ড ফ্রেঞ্চ নেস্নেল এব্রোদকী মিনিস্তর দেলিগেত, শ্রী ওলিভিএর বেক্তনা ৱা ঙাঙখি। লৌউ-শিংউ, তুরিজম, দিফেন্স, মেন্যুফেকচরিং, ফার্মাস্যুতিকেল্স, তেক্সতাইল, এরোস্পেসকুম্বা সেক্তরশিংবু রাউন্দতেবল অসিদা পুথোকখি। মন্ত্রী কয়াগা লোয়ননা, ফ্রান্সকীদমক্তা লৈরিবা ভারতকী এম্বেসেদর, শ্রী জৱাদ অশ্রফ, CIIগী ভাইস প্রসিদেন্ত অমসুং ITC লিমিতেদকী চেয়রমেন অমসুং মেনেজিং দাইরেক্তর, শ্রী সঞ্জিব পুরী, CIIগী DG শ্রী চন্দ্রজিত বেনর্জী, ইন্তর্নেস্নেল ইনর্জী এজেন্সীগী একজেক্যুতিব দাইরেক্তর, শ্রী ফেথ বিরোল অমসুং  দেনোনগী CEO, শ্রী এন্তোইন দে সেন্ত অফ্রিকনা মশাগী ৱাফম থম্নখি। শ্রী গোয়লগা ৱারী ৱাতাই শাবদা অতোপ্পা CEO খরসু শরুক য়াখি।

*******