প্রধান মন্ত্রী, শ্রী নরেন্দ্র মোদীনা ঙসি মধ্য প্রদেশগী নৌনা খল্লবা ওজাশিংগী থৌরম অমদা ভিদিও পাউজেলগী খুত্থাঙদা ৱা ঙাঙখ্রে‍।

তিল্লিবা মীয়ামগী মফমদা ৱা ঙাঙলদুনা, প্রধান মন্ত্রীনা মধ্য প্রদেশতা নহাশিংদা লৈঙাক্কী থবক পীননবগী কেম্পেন অসি খোঙজেল য়াঙনা চঙশিন্দুনা তোঙান তোঙানবা দিস্ত্রিক্তশিংদা থবক্কী মেলাশিং পাঙথোক্তুনা নহা লিশিং কয়াদা তোঙান তোঙানবা ফমদা থবক পীখ্রে হায়বা ৱাফম থমখি‍। প্রধান মন্ত্রীনা নহা ২২,৪০০ হেনববু ওজাগী শিন্ফমগীদমক লৌশিল্লে হায়রদুনা নহাশিংদুগী মফমদা তাকপি তম্বিবা হায়রিবা মরুওইখ্রবা থবক অসিদা শরুক য়ানবগীদমক এপোইন্তমেন্ত লেত্তর ফংলকপদা নুংঙাইবা ফোঙদোকখি‍।

প্রধান মন্ত্রীনা, কেন্দ্র লৈঙাক্না অনৌবা নেস্নেল এজুকেসন পোলিসী অসি মতমগী অমদি চাওখৎপা ভারতকী মথৌ তাবশিং য়েংলগা চৎনহল্লে হায়বা ৱাফম থমখি‍। হায়রিবা পোলিসী অসিবু মতিং লৈবা চৎনহনবদা ওজাশিংনা থৌদাংগী মরুওইবা ৱাফমশিং থম্লদুনা, “পোলিসী অসিনা অঙাংশিংগী ৱাখল লৌশিং, হৈথোই শিংথোইবা, নাৎ অমদি ভারতকী ভেল্যুশিংবু য়োকখৎনবগীদমক মপুং ওইনা চাওখৎহন্নবা হীরমদা মীৎয়েঙ চঙলি” হায়না শ্রী মোদীনা হায়খি‍। মধ্য প্রদেশতা ওজা লৌনবগীদমক অচৌবা রিক্রুইতমেন্ত কেম্পেন চত্থরিবা অসি মায়কৈ অসিদা থাংজিনবা অচৌবা খোঙথাং অমনি হায়না মহাক্না হায়খি‍। ঙসি থবক খল্লবা ওজাশিংসিগী তঙ্খায়রোমদি ত্রাইবেলগী মফমশিংদা থাদুনা মফমদুগী অঙাংশিংদা কান্নবা পীগদৌরিবনি হায়না প্রধান মন্ত্রীনা ফোঙদোকখি‍। মধ্য প্রদেশ লৈঙাক্না চহি অসিদা ওজা লিশিং ৬০ য়াওনা লৈঙাক্কী থবক লাখ ১ হেন্না লৌননবা পান্দম থম্লিবসিদা নুংঙাইবা ফোঙদোক্লদুনা প্রধান মন্ত্রীনা, মসিগী মহৈনা, স্তেত অসিনা নেস্নেল এচীবমেন্ত সর্ভেদা এজুকেসনগী ক্বালিতীদা অচৌবা খোঙকাপ অমা থাংজিল্লে হায়বা ৱাফম থমখি‍। স্তেত অসিনা এদভর্তিজমেন্ততা শেল তিংহন্দনা রেঙ্ক ১৭তগী হাইগৎলক্তুনা ৫শুবা রেঙ্কতা কাখৎলক্লি হায়বা ৱাফম প্রধান মন্ত্রীনা থমখি‍। প্রধান মন্ত্রীনা মহৈরোয়শিং, ওজাশিং অমদি মধ্য প্রদেশগী লৈঙাক্কী মফমদা মসিগীদমক নুংঙাইবা ফোঙদোকখি‍।

থবক পীবা অমদি মশানা মশাবু থবক পীজবগী ফীভম য়োকখৎনবগীদমক লৈঙাক অসিনা স্কিল দিভেলপমেন্ততা অখন্নবা মীৎয়েঙ থম্লি হায়না প্রধান মন্ত্রীনা ফোঙদোকখি‍। নহাশিংদা ত্রেনিং পীনবগীদমক প্রধান মন্ত্রী কৌসল বিকাস য়োজনাগী মখাদা লৈবাক শিনবা থউংনা স্কিল দিভেলপমেন্ত সেন্তরশিং লিংখৎলে হায়না মহাক্না পাউদমখি‍। চহি অসিগী বজেত্তা, স্কিল ইন্দিয়া ইন্তরনেস্নেল সেন্তর ৩০ লিংখত্তুনা নহাশিংদা নিউ এজ তেক্নোলোজীগী লমদা ত্রেনিং পীরগনি, অমদি পি.এম. বিস্বকর্ম য়োজনাগী মখাদা অপীকপা খুৎশা-হৈবা মীওইশিংদা ত্রেনিং পীননবা অমদি মখোয়বু এম.এস.এম.ই.শিংগা মরী শম্নহন্নবগীদমক থৌরাং অমসু লৌখৎলি হায়না প্রধান মন্ত্রীনা পাউদমখি‍।

ঙসি থবক হাপ্লবা ওজা লিশিং কয়াদুগীম ফমদা ৱা ঙাঙলদুনা, প্রধান মন্ত্রীনা মখোয়গী থম্মোয়নুংদা ওজাশিংগীদমক মমা অমগুম নৎত্রগা ঐখোয়গী পুন্সিদা ওজাশিংনা পীবা ইথিলগুম্বা মফম অমা কন্দুনা থম্নবা ৱাফম থমখি‍। “নখোয়গী মহৈ মশিংনা হৌজিক্কী ফীভমখক শেম্বদা নত্তনা লৈবাকসিগী তুংলমচৎসু শেমগদৌরিবনি হায়বা ৱাফমসি নখোয়না মতম চুপ্পদা পুক্নিংদা থমগদবনি”, হায়না শ্রী মোদীনা হায়খি‍। ওজাশিংনা পীরিবা মহৈ মশিং অসিনা মহৈরোয়শিংগী মফমদখক নত্তনা খুন্নাইগী মফমদু অফবা মওংদা অহোংবা পুরক্কদৌরিবনি হায়বা ৱাফম ফোঙদোক্তুনা প্রধান মন্ত্রীনা মহাক্কী লোইশিল্লকপদা ফোঙদোকখি‍। “নখোয়না পীরিবা ভেল্যুশিং অদুনা ঙসিগী মীরোলখক নত্তনা তুংদা লাক্কদৌরিবা মীরোল কয়াদসু অফবা ইথিল পীগদৌরিবনি”, হায়না ফোঙদোক্তুনা প্রধান মন্ত্রীগী ৱারোল লোইশিনখি‍।

Sharing my remarks at training programme for newly inducted teachers in Madhya Pradesh. https://t.co/iHdqFvDDS7

— Narendra Modi (@narendramodi) April 12, 2023

***