ବୟନ ଶିଳ୍ପ ମନ୍ତ୍ରଣାଳୟ
୩୧ ଟି ସାମଗ୍ରୀ ପାଇଁ ୨ଟି ଗୁଣବତ୍ତା ନିୟନ୍ତ୍ରଣ ନିର୍ଦ୍ଦେଶ ଆରମ୍ଭ କରିବାକୁ କେନ୍ଦ୍ରର ଘୋଷଣା
ବୟନ ମନ୍ତ୍ରଣାଳୟ ବୈଷୟିକ ବସ୍ତ୍ରଗୁଡ଼ିକ ପାଇଁ ଗୁଣବତ୍ତା ନିୟନ୍ତ୍ରଣ ନିର୍ଦ୍ଦେଶର ପ୍ରବର୍ତ୍ତନ କରିବାକୁ ଯାଇ ବିଆଇଏସ୍ ବାଧ୍ୟତାମୂଳକ ପ୍ରମାଣପତ୍ର ଉପରେ ଗୁରୁତ୍ୱାରୋପ କରିଛି
କ୍ୟୁସିଓ ବୈଷୟିକ ବସ୍ତ୍ର ଗୁଡିକର ମାନ ଏବଂ ଗୁଣବତ୍ତା ନିଶ୍ଚିତ କରିବେ ଏବଂ ଭାରତରେ ଏହି ଶିଳ୍ପର ଅଭିବୃଦ୍ଧିକୁ ପ୍ରୋତ୍ସାହିତ କରିବେ
Posted On:
11 APR 2023 1:27PM by PIB Bhubaneshwar
ବୈଷୟିକ ନିୟମାବଳୀ ବିଜ୍ଞପ୍ତିର ଉପଯୁକ୍ତ ପ୍ରକ୍ରିୟା ପରେ ପ୍ରଥମ ପର୍ଯ୍ୟାୟରେ ୧୯ ଟି ଜିଓ ଟେକ୍ସଟାଇଲ୍ ଏବଂ ୧୨ ଟି ପ୍ରୋଟେକ୍ଟିଭ୍ ଟେକ୍ସଟାଇଲକୁ ନେଇ ୩୧ ଟି ସାମଗ୍ରୀ ପାଇଁ ୨ଟି ଗୁଣବତ୍ତା ନିୟନ୍ତ୍ରଣ ନିର୍ଦ୍ଦେଶ (କ୍ୟୁସିଓ) ଆରମ୍ଭ କରିବାକୁ ବୟନ ମନ୍ତ୍ରଣାଳୟ ଘୋଷଣା କରିଛି ।
ଏହା କ୍ୟୁସିଓ ବୈଷୟିକ ବୟନ ଶିଳ୍ପ ପାଇଁ ଭାରତ ପକ୍ଷରୁ ପ୍ରଥମ ବୈଷୟିକ ନିୟମ ଅଟେ, ଯାହା ସମ୍ପର୍କରେ ଯୁଗ୍ମ ସଚିବ ଶ୍ରୀ ରାଜୀବ ସକସେନା ଆଜି ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।
ପରିବେଶ, ମାନବ ସ୍ୱାସ୍ଥ୍ୟ, ଏବଂ ପ୍ରାଣୀ ଓ ଉଦ୍ଭିଦ ଜୀବନ ଏବଂ ସ୍ୱାସ୍ଥ୍ୟର ସୁରକ୍ଷା ପାଇଁ ଜିଓ ଟେକ୍ସଟାଇଲ୍ ଏବଂ ପ୍ରୋଟେକ୍ଟିଭ୍ ଟେକ୍ସଟାଇଲର ମାନ ଏବଂ ଗୁଣବତ୍ତାକୁ ବୃଦ୍ଧି କରିବା ପାଇଁ ଜନସାଧାରଣଙ୍କ ସ୍ୱାର୍ଥରେ ଏହା କରାଯିବା ଆବଶ୍ୟକ ବୋଲି କେନ୍ଦ୍ର ମତ ରଖିଛି । ଭିତ୍ତିଭୂମି ପ୍ରକଳ୍ପ ଏବଂ ପରିବେଶ ପ୍ରୟୋଗ ଗୁଡିକ ପାଇଁ ଜିଓ-ଟେକ୍ସଟାଇଲ୍ ବ୍ୟବହୃତ ହେଉଥିବାବେଳେ ପ୍ରୋଟେକ୍ଟିଭ୍ ଟେକ୍ସଟାଇଲ୍ ମାନବ ଜୀବନକୁ ବିପଜ୍ଜନକ ଏବଂ ପ୍ରତିକୂଳ କାର୍ଯ୍ୟ ପରିସ୍ଥିତିରୁ ରକ୍ଷା କରିବା ପାଇଁ ବ୍ୟବହୃତ ହୋଇଥାଏ । କ୍ୟୁସିଓ ଗୁଡିକ ଉପଭୋକ୍ତା ଏବଂ ଶେଷତମ ଗ୍ରାହକ ମାନଙ୍କୁ ସର୍ବୋତ୍ତମ ମୂଲ୍ୟ ପ୍ରଦାନ କରିବାକୁ ଚେଷ୍ଟା କରିବେ, ଯାହା ଦ୍ୱାରା ଭାରତୀୟ ଉତ୍ପାଦ ଗୁଡିକର ଗୁଣବତ୍ତା ବୃଦ୍ଧି ହେବ, ଯାହା ବିଶ୍ୱ ମାନକ ସହିତ ତୁଳନୀୟ ଅଟେ ।
୩୧ ଟି ସାମଗ୍ରୀ ମଧ୍ୟରୁ ୧୯ ଟି ସାମଗ୍ରୀ ଜିଓ ଟେକ୍ସଟାଇଲ୍ ବର୍ଗର ଅଟେ, ଯେଉଁଥିରେ ଜଳ- ନିରୋଧୀ ଲାଇନ୍, ପିଭିସି ଜିଓମେମ୍ବ୍ରେନ୍, ଛୁଞ୍ଚିରେ ସିଲେଇ ହୋଇ ବୁଣା ହୋଇ ନଥିବା ଜିଓବ୍ୟାଗ୍, ପଲିପ୍ରପିଲିନ୍ ମଲ୍ଟିଫିଲାମେଣ୍ଟ ବୁଣା ଜିଓବ୍ୟାଗ୍, ଝୋଟ ଜିଓଟେକ୍ସଟାଇଲ୍ସ, ଲାମିନେଟେଡ୍ ହାଇ ଡେନସିଟି ପଲିଥାଇଲନ୍ (ଏଚଡିପିଇ) ବୁଣା ଜିଓମେମ୍ବ୍ରେନ୍ ଅନ୍ତର୍ଭୁକ୍ତ । ପ୍ରାଚୀର ସଂରଚନାରେ ସବ୍-ଗ୍ରେଡ୍ ପୃଥକୀକରଣରେ ବ୍ୟବହୃତ ଖୋଲା ବୁଣାଯୁକ୍ତ ଭୂବସ୍ତ୍ର ଜିଓଟେକ୍ସଟାଇଲ୍, ସବସର୍ଫେସ୍ ଡ୍ରେନେଜ୍ ପ୍ରୟୋଗରେ ବ୍ୟବହୃତ ଜିଓଟେକ୍ସଟାଇଲ୍, ପକ୍କା ସଂରଚନାରେ ସବ୍-ଗ୍ରେଡ୍ ସ୍ଥିରୀକରଣରେ ବ୍ୟବହୃତ ଜିଓଟେକ୍ସଟାଇଲ୍, ଲାଇନ୍ ପାଇଁ ହାଇ ଡେନସିଟି ପଲିଥିଲିନ୍ (ଏଚ୍ଡିପିଇ) ଜିଓମେମ୍ବ୍ରେନ୍, ସୁରକ୍ଷା (କିମ୍ବା କୁଶନ) ସାମଗ୍ରୀ ଭାବରେ ବ୍ୟବହୃତ ଜିଓଟେକ୍ସଟାଇଲ୍, କଠିନ ବାହୁବଳୀ ପ୍ରଣାଳୀରେ ସ୍ଥାୟୀ କ୍ଷୟ ନିୟନ୍ତ୍ରଣ ପାଇଁ ଜିଓଟେକ୍ସଟାଇଲ୍, ନମନୀୟ ପକ୍କାଘର ପାଇଁ ଜିଓଗ୍ରିଡସ୍, ସଂରଚନାରେ ମୃତ୍ତିକା ଦୃଢ଼ୀକରଣ ଭାବରେ ବ୍ୟବହୃତ ପଲିମେରିକ୍ ଷ୍ଟ୍ରିପ୍ / ଜିଓଷ୍ଟ୍ରିପ୍, ସଶକ୍ତ ମୃତ୍ତିକା ସଂରକ୍ଷଣ ସଂରଚନାରେ ବ୍ୟବହୃତ ଜିଓଗ୍ରିଡସ୍, ଇଫ୍ଲୁଏଂଟସ୍ ଏବଂ ରାସାୟନିକ ପ୍ରତିରୋଧ ଲାଇନ୍ ପାଇଁ ସଶକ୍ତ ଏଚଡିପିଇ ମେମ୍ବ୍ରେନ୍ ଏବଂ ଜିଓସେଲ୍ସ ।
ଅବଶିଷ୍ଟ ୧୨ ଟି ଜିନିଷ ହେଉଛି ପ୍ରୋଟେକ୍ଟିଭ୍ ଟେକ୍ସଟାଇଲ୍, ପରଦା ଏବଂ ଘୋଡ଼ଣୀ, ଅଣ - ଘରୋଇ ଆସବାବପତ୍ର ପାଇଁ ବ୍ୟବହୃତ ଅତ୍ୟାଧୁନିକ କମ୍ପୋଜିଟ୍, ଅଗ୍ନିଶମ କର୍ମଚାରୀଙ୍କ ପାଇଁ ପ୍ରତିରକ୍ଷା ପୋଷାକ, ଅଗ୍ନିଶମ କର୍ମଚାରୀଙ୍କ ପାଇଁ ପ୍ରତିରକ୍ଷା ଗ୍ଲୋଭସ୍, ଉତ୍ତାପ ସଂସ୍ପର୍ଶରେ ଆସୁଥିବା ଶିଳ୍ପ କର୍ମଚାରୀଙ୍କ ପାଇଁ ପୋଷାକ, ସୀମିତ ଅଗ୍ନି ବିସ୍ତାର ସାମଗ୍ରୀ ଏବଂ ଉତ୍ତାପ ଓ ଅଗ୍ନିରୁ ସୁରକ୍ଷା, ଉଚ୍ଚ ଦୃଶ୍ୟମାନତା ଚେତାବନୀ ପୋଷାକ, ୱେଲଡିଂ ଏବଂ ଆନୁଷଙ୍ଗିକ ପ୍ରକ୍ରିୟାରେ ବ୍ୟବହାର ପାଇଁ ପ୍ରତିରକ୍ଷା ପୋଷାକ, କୌଶଳପୂର୍ଣ୍ଣ ୩ ପଏଣ୍ଟ ସ୍ଲିଙ୍ଗ୍, ବ୍ୟାଘାତ ସୃଷ୍ଟିକାରୀ ନାଇଲନ୍ -୬୬ରୁ ନିର୍ମିତ ଅସ୍ତ୍ରଶସ୍ତ୍ର ଏବଂ ଗ୍ରେନେଡ୍ ପାଇଁ ପାଉଚ୍, ବୁଲେଟ୍ ପ୍ରତିରୋଧୀ ଜ୍ୟାକେଟ୍, ଏବଂ ଜଳ- ପ୍ରତିରୋଧୀ ବହୁମୁଖୀ ବର୍ଷା ପୋଞ୍ଚୋ ।
ଏହି ଦୁଇଟି ଜିଓ ଟେକ୍ସଟାଇଲ୍ ଏବଂ ପ୍ରୋଟେକ୍ଟିଭ୍ ଟେକ୍ସଟାଇଲ୍ କ୍ୟୁସିଓ ଗୁଡିକ ସରକାରୀ ଗେଜେଟରେ ପ୍ରକାଶିତ ହେବାର ୧୮୦ ଦିନ ପରେ ତୁରନ୍ତ କାର୍ଯ୍ୟକାରୀ ହେବ । ଏହି କ୍ୟୁସିଓ ଗୁଡ଼ିକରେ ନିର୍ଦ୍ଦିଷ୍ଟ ଅନୁରୂପ ମୂଲ୍ୟାଙ୍କନ ଆବଶ୍ୟକତା ଘରୋଇ ଉତ୍ପାଦକ ତଥା ବିଦେଶୀ ଉତ୍ପାଦକମାନଙ୍କ ପାଇଁ ସମାନ ଭାବେ ପ୍ରଯୁଜ୍ୟ, ଯେଉଁମାନେ ସେମାନଙ୍କ ଉତ୍ପାଦକୁ ଭାରତକୁ ରପ୍ତାନି କରିବାକୁ ଇଚ୍ଛା କରିଥାନ୍ତି ।
ବୟନ ମନ୍ତ୍ରଣାଳୟ ଦ୍ୱିତୀୟ ପର୍ଯ୍ୟାୟରେ ୨୮ ଟି ସାମଗ୍ରୀ ପାଇଁ ଆହୁରି ୨ ଟି କ୍ୟୁସିଓ ଜାରି କରିବାକୁ ଯୋଜନା କରିଛି, ସେଥିରେ ୨୧ ଟି ସାମଗ୍ରୀ କୃଷି ବୟନ ଏବଂ ୬ଟି ଚିକିତ୍ସା ସେବା ବୟନ ଅନ୍ତର୍ଭୁକ୍ତ ହେବ । ତୃତୀୟ ପର୍ଯ୍ୟାୟରେ, ୩୦+ରୁ ଅଧିକ ବୈଷୟିକ ବସ୍ତ୍ର ସାମଗ୍ରୀ ଗୁଡିକୁ କ୍ୟୁସିଓ ପ୍ରଦାନ ପାଇଁ ବିବେଚନା କରା ଯାଇପାରେ ।
କ୍ୟୁସିଓ ଗୁଡିକ ବୈଷୟିକ ବୟନର ମାନ ଏବଂ ଗୁଣବତ୍ତା ନିଶ୍ଚିତ କରିବେ ଏବଂ ପ୍ରତିଯୋଗିତାମୂଳକ ମୂଲ୍ୟରେ ଗୁଣାତ୍ମକ ଉତ୍ପାଦ ଉତ୍ପାଦନ କରି ଭାରତରେ ଏହି ଶିଳ୍ପର ଅଭିବୃଦ୍ଧିକୁ ଉତ୍ସାହିତ କରିବେ ।
*****
SSP
(Release ID: 1915657)
Visitor Counter : 113