ایک قوم کی ترقی اسٹارٹ اپس اور کاروباری افراد سے ہوتی ہے۔ ایک مضبوط اختراعی ماحولیاتی نظام بنانے کے لیے، بندرگاہوں، جہاز رانی اور آبی گزرگاہوں کی وزارت (ایم او پی ایس ڈبلیو) نے 'ساگرمالا انوویشن اینڈ اسٹارٹ اپ پالیسی' کا مسودہ جاری کیا ہے۔ پالیسی کے مسودے کا مقصد اسٹارٹ اپس اور دیگر اداروں کو پروان چڑھانا ہے تاکہ ہندوستان کے بڑھتے ہوئے سمندری شعبے کے مستقبل کو مل جل کر بنایا جاسکے۔ اس سے ملک میں اختراعات اور اسٹارٹ اپس کو سہولت فراہم کرنے کے لیے ایک مضبوط ماحولیاتی نظام کی تشکیل کے لیے تنظیموں کے گہرے تعاون کی ضرورت ہے جو پائیدار ترقی کو آگے بڑھائے گا اور بڑے پیمانے پر روزگار کے مواقع پیدا کرے گا۔ یہ تعلیمی اداروں، پبلک سیکٹر، پرائیویٹ سیکٹر اور مختلف اسکیموں اور پروگراموں کے درمیان تعاون کو فروغ دینے کی کوشش کرتا ہے تاکہ آپریشن، دیکھ بھال اور بنیادی ڈھانچے کی ترقی کے شعبوں میں کارکردگی کو فروغ دینے کے لیے مسائل اور چیلنجوں سے نمٹنے کے لیے نئی سوچ اور نقطہ نظر پیدا کئے  جا سکیں۔

بندرگاہوں، جہاز رانی اور آبی گزرگاہوں کے مرکزی وزیر جناب سربانند سونووال نے کہا، "اسٹارٹ اپ انڈیا پالیسی وزیر اعظم جناب نریندر مودی کے ذہن میں پروان چڑھا  خیال ہے اور اسے بندرگاہوں، جہاز رانی اور آبی گزرگاہوں کی وزارت کے ذریعے لاگو کیا جا رہا ہے تاکہ اسٹارٹ اپس اور اختراعات کی حوصلہ افزائی کی جا سکے۔ قوم کے لیے ایک مضبوط ماحولیاتی نظام تیار کرنے کے لیے یہ ایک درست قدم ہے۔ یہ یقینی طور پر اختراعی اور کاروباری صلاحیت کو فروغ دے گا۔ اس پالیسی کے ذریعے بندرگاہوں، جہاز رانی اور آبی گزرگاہوں کی وزارت جدت طرازی کے ذریعے اسٹارٹ اپس کو ترقی اور خوشحالی کے قابل بنانا چاہتی ہے۔

ڈیزائن کردہ فریم ورک مختلف اسٹیک ہولڈرز کے درمیان ذمہ داریوں اور فوائد کی تقسیم کے قابل بناتا ہے۔ یہ صرف موجودہ اسٹیک ہولڈرز تک ہی محدود نہیں ہے بلکہ اس میں جدید آئیڈیاز کے ساتھ ابھرتے ہوئے نوجوان کاروباری افراد بھی شامل ہیں۔

پالیسی کے مسودے میں اسٹارٹ اپس کی ترقی کے لیے کئی اہم شعبوں کی نشاندہی کی گئی ہے، جن میں ڈیکاربونائزیشن، ڈیٹا کے ذریعے عمل کو بہتر بنانا، میری ٹائم ایجوکیشن، ملٹی ماڈل ٹرانسپورٹ، مینوفیکچرنگ، متبادل/جدید مواد، میری ٹائم سائبر سکیورٹی ، اسمارٹ کمیونیکیشنز اور میرین الیکٹرانکس شامل ہیں۔

'ساگرمالا انوویشن اینڈ اسٹارٹ اپ پالیسی' کے مسودے کی تفصیلات درج ذیل ہیں:

• شفاف عمل کو یقینی بنانے والے اسٹارٹ اپس کا ڈیجیٹل پورٹل پر مبنی انتخاب
• کم سے کم قابل عمل پروڈکٹ/سروسز (ایم وی پی ) بنانے کے لیے گرانٹ، مارکیٹ میں داخلے یا اضافہ سمیت ملکیتی ٹیکنالوجی کا کمرشلائزیشن
• جانچ، پائلٹ پروجیکٹس کی سہولت، ورک اسپیس قائم کرنے اور مصنوعات اور حل کو اپنانے کے لیے بندرگاہوں پر 'لانچ پیڈز' کی تخلیق
• جدت طرازی میں شاندار کاوشوں کو تسلیم کرتے ہوئے میری ٹائم سیکٹر میں سالانہ اسٹارٹ اپ ایوارڈز
• خریدار اور بیچنے والے سے ملاقاتیں کرنا اور ویڈیو کانفرنس کے لیے تکنیکی معلومات کی مدد فراہم کرنا
• غیر رجسٹرڈ اسٹارٹ اپس اور میری ٹائم سیکٹر میں امید افزا خیالات رکھنے والے افراد کے لیے رہنمائی، بشمول اسٹارٹ اپس کی رجسٹریشن اور شعبہ برائے فروغ صنعت اور اندرونی تجارت (ڈی پی آئی آئی ٹی ) کی شناخت حاصل کرنا
• ٹینڈرز اور ذیلی کنٹریکٹنگ میں ریگولیٹری سپورٹ
• آئی پی پیٹنٹ فائلنگ، کمپنی رجسٹریشن، سالانہ فائلنگ اور بندش کے لیے اسٹارٹ اپس کے لیے قانونی اور اکاؤنٹنسی کا بیک اپ
• میرین انوویشن ہب (ایم آئی ایچ) کی ترقی کے ذریعے اسٹارٹ اپس کی حوصلہ افزائی کی جائے گی جو درج ذیل کام کرے گی۔
• جدید ترین سہولیات کے ساتھ انکیوبیٹرز اور ایکسلریٹر تیار کرنے کے لیے تیار کردہ پروڈکٹ کے حوالے سے اسٹارٹ اپ کے سفر کے تمام پہلوؤں کا احاطہ کرنا۔
•      ابھرتے ہوئے کاروباریوں کی مدد کے لیے تمام متعلقہ معلومات پر مشتمل ایک مرکزی ذخیرہ تیار کرنا
•      مستحق اسٹارٹ اپ کاروبار اور جدید سمندری ٹیکنالوجی کے لیے سرمایہ کاری کو راغب کرنا
•      بحری صنعت کے مختلف پہلوؤں پر 'نالج' سیشنز کے ذریعے شروع کیے گئے انٹرپرینیورشپ ڈویلپمنٹ اور جدت پر مبنی پروگرام
•      رہنمائی، علم کے اشتراک کے لیے قومی اور بین الاقوامی اسٹیک ہولڈرز کے ساتھ تعاون کریں اور عالمی موضوع کے ماہرین، سیریل انٹرپرینیورز، کاروباری رہنماؤں اور سرمایہ کاروں تک رسائی میں سہولت فراہم کریں جو ہندوستان میں اپنے داخلے اور اسکیلنگ کو حاصل کرنے کی صلاحیت رکھتے ہیں۔

بندرگاہوں، جہاز رانی اور آبی گزرگاہوں کی وزارت کو یہ بتاتے ہوئے فخر ہے کہ ساگر مالا پروجیکٹ کے 8 کامیاب سالوں کے دوران، سمندری شعبے نے بندرگاہ کی قیادت میں ترقی کے تمام ممکنہ مواقع کو حاصل کیا ہے۔ اب یہ پالیسی ایک طویل المدتی ایکشن پلان بھی ترتیب دے گی، ایک مضبوط بحری اختراعی ماحولیاتی نظام کی تعمیر کے لیے نیٹ ورکس، انفراسٹرکچر اور دیگر وسائل کے قیام کے لیے ایک علاقہ بھی تیار کرے گی۔

ش ح ۔ا م۔س ا۔

U:3951