ইন্দিয়ন রেলৱেজনা শেনবা চহি ২০২২-২৩গী মনুংদা পোৎ চৈ পুথোক পুশিন তৌবা, ইলেক্ত্রিফিকেসন, অনৌবা লাইন শেমগৎপা/অনি শুহনবা/গেজ শিন্দোকপা, লোকো প্রদক্সন অমসুং খুদোং থিবা হন্থহন্নবগীদমক তেক্নোলোজী শিজিন্নবা য়াওনা তোঙান তোঙানবা কেতেগোরীশিংদা খুমাং চাউশিনবা ঙম্লে।

শেনবা চহি ২০২২-২৩দা ইন্দিয়ন রেলৱেজনা ফংখিবশিংগী শমলকপা ৱারোল মখাদা লৈরে:

১. পোৎ চৈ পুথোক পুশিন তৌবা অমসুং রেভিন্যু: ইন্দিয়ন রেলৱেজনা শেনবা চহি ২০২১-২২দা মেত্রিক তন ১৪১৮ তৌখিবা অদুগা চাংদম্নবদা ২০২২-২৩গী মনুংদা পোৎ চৈ মেত্রিক তন ১৫১২ পুথোক পুশিন তৌদুনা পোৎ চৈ পুথোক পুশিন তৌবা চাদা ৬.৬৩ হেনগৎখি। মসি শেনবা চহি অমগী মনুংদা ইন্দিয়ন রেলৱেজনা হৌজিক ফাওবগী পোৎ চৈ পুথোক পুশিন তৌবা খ্বাইদগী ৱাংবা ওইরি। শেনবা চহি ২০২১-২২দা ইন্দিয়ন রেলৱেজনা রেভিন্যু লুপা করোর লাখ ১.৯১ ফংখিবা অদুগা চাংদম্নবদা শেনবা চহি ২০২২-২৩গী মনুংদা রেভিন্যু লুপা করোর লাখ ২.৪৪ ফংদুনা চাদা ২৭.৭৫ হেনগৎখি। ইন্দিয়ন রেলৱেজনা “হঙ্গ্রী ফোর কার্গো”গী মন্ত্রা তুংইন্দুনা করবার তৌবদা লাইথোকহনবা ফগৎহনবগা লোয়ননা কম্পিতিতিব প্রাইসদা সর্ভিস দেলিবরী ফগৎহন্নবা লেপ্পা লৈতনা হোৎনরি, মদুগী মহৈ ওইনা কনভেনসনেল অমসুং নন-কনভেনসনেল কমোদিতী স্ত্রিম অনিমক্তগী রেলৱেজদা লাকপা অনৌবা ত্রাফিকতা ফংলি।

২. রেকোর্দ ইলেক্ত্রিফিকেসন: ইন্দিয়ন রেলৱেজনা মিসন ১০০ পর্সেন্ত ইলেক্ত্রিফিকেসন মপুং ফাহন্নবগীদমক খোংজেল য়াংনা খুমাং চাউশিল্লি অমদি মালেমদা খ্বাইদগী চাউবা গ্রীন রেলৱে নেতৱার্ক ওইরে। ইন্দিয়ন রেলৱেজগী পুৱারীদা ২০২২-২৩গী মনুংদা আর.কে.এম. ৬,৫৪২ ফংবা ঙমখ্রে। মমাংদা ২০২১-২২গী মনুংদা খ্বাইদগী ৱাংবা ইলেক্ত্রিফিকেসন আর.কে.এম. ৬,৩৬৬ ওইখি, মতৌ অসুম্না চাদা ২.৭৬ হেনগৎখি।

৩. অনৌবা লাইনশিং (অনৌবা লাইন শেমগৎপা/অনি শুহনবা/গেজ শিন্দোকপা)গী মতাংদা ২০২১-২২গী কিলোমীতর ২৯০৯গা চাংদম্নবদা ২০২২-২৩দা কিলোমীতর ৫২৪৩ ফংবা ঙমখি। মতৌ অসুম্না নুমিৎ খুদিংগী চাংচৎতা কিলোমীতর ১৪.৪গী ত্রেক শেমগৎলে। মসি হৌজিক ফাওবগী খ্বাইদগী ৱাংবা কমিসন তৌখিবসুনি।

৪. ওতোমেতিক সিগনেল্লিং: ইন্দিয়ন রেলৱেজগী হৌজিক লৈরিবা হায় দেন্সিতী রুতশিংদা অহেনবা ত্রেনশিং চেন্নবা লাইন কেপাসিতী হেনগৎনবগীদমক ওতোমেতিক ব্লোক সিগনেলিং অসি কোস্ত ইফেক্তিব সোলুসন অমনি। ইন্দিয়ন রেলৱেজনা ২০২১-২২দা কিলোমীতর ২১৮ ওতোমেতিক সিগনেলিংগা লোয়ননা অপগ্রেদ তৌখিবা অদুগা চাংদম্নবদা ২০২২-২৩দা কিলোমীতর ৫৩০ অপগ্রেদ তৌদুনা চাদা ১৪৩.১২ হেনগৎখি। মসি ইন্দিয়ন রেলৱেজগী পুৱারীদা ওতোমেতিক সিগনেলিংদা ফংবা ঙমখিবা খ্বাইদগী ফবা ফিগরসু ওইরি।

৫. দিজিতেলী ইন্তরলোক স্তেসন (ইলেক্ত্রোনিক ইন্তরলোকিং): অরিবা লীবর ফ্রেমদগী কমপ্যুতর বেজ ওপরেতিং সিস্তেম ফাওবদা মশিং য়াম্না দিজিতেলী ইন্তরলোক স্তেসন শেমগৎলে। ত্রেন ওপরেসনদা দিজিতেল তেক্নোলোজীশিংগী কানবা লৌনবা অমসুং সেফতী হেনগৎহন্নবগীদমক অচৌবা স্কেল অমদা ইলেক্ত্রোনিক ইন্তরলোকিং এদোপ্ত তৌরি। ২০২১-২২গী স্তেসন মশিং ৪২১গা চাংদম্নবদা ২০২২-২৩দা স্তেসন মশিং ৫৩৮দা ইলেক্ত্রোনিক ইন্তরলোকিং ফংহন্দুনা চাদা ২৭.৭৯ হেনগৎলে।

৬. ফ্লাইওভর/অন্দরপাস: লম্বীশিংদা লৈরিবা ত্রেকশিং লান্থোকপদা মীয়ামদা খুদোং চাহন্নবগীদমক ২০২১-২২গী ফ্লাইওভর/অন্দরপাস ৯৯৪গা চাংদম্নবদা ২০২২-২৩দা ফ্লাইওভর/অন্দরপাস ১০৬৫ ফংহন্দুনা চাদা ৭.১৪ হেনগৎপা উবা ফংখি।

৭. এফ.ও.বি.: পেসেঞ্জর / খোং লম্বী ক্রোসিংগীদমক ২০২১-২২দা এফ.ও.বি. ৩৭৩ শেখিবা অদুগা চাংদম্নবদা ২০২২-২৩দা এফ.ও.বি. ৩৭৫ শাখি।

৮. এল.সি. ইলিমিনেসন: লেবেল ক্রোসিং গেৎশিংদা সেফতী অসি চিন্তাগী মরুওইবা হিরম অমনি। ২০২১-২২দা এল.সি. গেত ৮৬৭ ইলিমিনেৎ তৌখিবা অদুগা চাংদম্নবদা ২০২২-২৩দা এল.সি. গেত ৮৮০ ইলিমিনেৎ তৌখি।

৯. গতি শক্তি ফ্রেত তর্মিনেল: ফ্রেত সেগমেন্তদা মসিগী মোদেল শেয়র হেনগৎনবগীদমক ইন্দিয়ন রেলৱেজনা গতি শক্তি ফ্রেত তর্মিনেলশিংগী দিবলপমেন্তদা প্রায়োরিতী পীরি। ২০২১-২২দা ফ্রেত তর্মিনেল ২১ শেমগৎখিবা অদুগা চাংদম্নবদা ২০২২-২৩দা ফ্রেত তর্মিনেল ৩০ শেমগৎখি।

১০. লিফ্ত/এস্কেলেতর: ‘সুগম্য ভারত অভিয়ান’গী শরুক ওইনা রেলৱে প্লেতফোর্মশিংদা দিব্যাংগঞ্জশিং, অহন ওইরবশিং অমসুং অঙাংশিংবু লায়না চত্থোক চৎশিন য়াহন্নবা ইন্দিয়ন রেলৱেজনা লৈবাক অসিগী রেলৱে স্তেসনশিংদা লিফ্ত অমসুং এস্কেলেতরশিং ইন্সতোল তৌরি। ২০২১-২২দা লিফ্ত ২০৮ অমসুং এস্কেলেতর ১৮২ ফংহনখিবা অদুগা চাংদম্নবদা ২০২২-২৩দা লিফ্ত ২১৫ অমসুং এস্কেলেতর ১৮৪ ফংহনখি।

১১. হৌজিক ফাওবগী খ্বাইদগী ৱাংবা স্ক্রেপ য়োনবা ঙমখ্রে: ইন্দিয়ন রেলৱেজনা স্ক্রেপকী পোৎলমশিং মোবিলাইজ তৌদুনা অমসুং ই-ওক্সনগী খুত্থাংদা য়োন্দুনা রিসোর্সশিং ওপ্তিমেলি য়ুতিলাইজ তৌনবা হোৎনবা য়াবা পুম্নমক হোৎনরি। ২০২১-২২দা লুপা করোর ৫৩১৬গী স্ক্রেপ য়োনখিবা অদুগা চাংদম্নবদা ২০২২-২৩দা লুপা করোর ৫৭৩৬গী স্ক্রেপ য়োন্দুনা চাদা ৭.৯০ হেনগৎখি।

১২. ইন্দিয়ন রেলৱেজদা ২০২২-২৩দা স্তেসন ৪১৪দা য়ার্দ রিমোদেলিং চত্থখি।

****