লেবর অমসুং ইম্প্লোইমেন্ত মন্ত্রালয়
জি20 এমপ্লোইমেন্ত ৱার্কিং গ্রুপকী অনিশুবা মীফম অসামগী গুৱাহাতিদা (৩-৫ এপ্রিল) হৌদোক্লগনি
Posted On:
02 APR 2023 6:17PM by PIB Imphal
ভারতকী জি20 প্রসিদেন্সীগী মখাদা এমপ্লোইমেন্ত ৱার্কিং গ্রুপ (ই.দবল্যু.জি.)কী অনিশুবা মীফম ২০২৩গী এপ্রিল ৩দগী ৫ ফাওবা অসামগী গুৱাহাতি শহরদা পাংথোক্লগনি। নুমিৎ হুমনিগী থৌরম অসিদা জি20গী মেম্বর ওইরিবা লৈবাক ১৯, মীথুংলেন লৈবাক ৭ অমসুং ইন্তরনেস্নেল ওর্গনাইজেসন ৫দগী মীহুত ৭২ হেনবনা পুন্না শরুক য়াবা উবা ফংগনি।
ই.দবল্যু.জি.গী নাক্তা পুম্নমক্কীদমক স্ত্রোং, সস্তেনেবল, বেলেন্স অমসুং জোব-রিচ গ্রোথকীদমক প্রায়োরিতী লেবর, এমপ্লোইমেন্ত অমসুং সোসিএল ইসুশিং মায়োক্ননবা মেন্দেত অমা লৈরি। ভারত সরকারগী মিনিস্ত্রী ওফ লেবর এন্দ এমপ্লোইমেন্ত (এম.ও.এল.ই.)না জি20গী ইন্দিয়ন প্রসিদেন্সীগী মখাদা এমপ্লোইমেন্ত ৱার্কিং গ্রুপকী নোদেল মিনিস্ত্রী ওইরি।
জি20 ই.দবল্যু.জি.গী অনিশুবা মীফম অসি ইন্দিয়ন প্রসিদেন্সীগী মখাদা ই.দবল্যু.জি. ২০২৩গীদমক মরুওইবা প্রায়োরিতী এরিয়া ৩গী মহৈশিংদা অমতা ওইবা মত শাগৎপগী মায়কৈদা মরুওইবা খোংথাং অমনি। এরিয়া অহুম অদুদি i) গ্লোবেল স্কিল গেপশিং লৈহন্দবা ii) গিগ অমসুং প্লেতফোর্ম ইকোনোমী, অমসুং সোসিএল প্রোতেক্সন iii) সোসিএল প্রোতেক্সনগী সস্তেনেবল ফাইনান্সিংনি।
মীফমগী অহানবা নুমিৎতা এজুকেসন ৱার্কিং গ্রুপ, দিজিতেল ইকোনোমী ৱার্কিং গ্রুপ, ফাইনান্স ত্রেক, জি20 ওন্ত্রেপ্রিন্যুরশিপ রিসর্স সেন্তর, এল20 অমসুং বি20 চিয়র্স অসিনচিংবা তোঙান তোঙানবা প্রায়োরিতী এরিয়াশিংদা মীৎয়েং থম্বা সেসনশিং পাংথোক্কনি।
ই.দবল্যু.জি.গী অনিশুবা মীফম মনুংদা অমতা ওইবা মত শাগৎপগী মায়কৈ অমদা য়ৌনবগীদমক মিনিস্ত্রীএল কম্যুনিক অমসুং ফংলকপা মহৈগী দোকুমেন্তশিংদা খন্ন-নৈনবা পাংথোক্কনি। জি20 লৈবাকশিংদা মসিগী অরোইবা ইমপ্লিমেন্তেসনগী খুত্থাংদা গ্লোবেল ইকোনোমীগী তুংগী মায়কৈ লেপ্নবগীদমক কম্যুনিক অসি য়াম্না মরু ওই।
জি20 ই.দবল্যু.জি.গী নুমিৎ হুমনিগী মীফমদা অসামগী কলচরেল হেরিতেজবু উৎলিবা থৌরমশিংসু পাংথোক্কনি।
*****
(Release ID: 1914181)
Visitor Counter : 108