য়ুবা সঙ্গম (ফেজ II)গী রেজিস্ত্রেসন ওনলাইন পোর্তেল অমগী খুত্থাংদা ঙসি হৌদোকখ্রে। মসিনা ভারতকী রাজ্য অমসুং য়ু.তি. ২৩দগী নহারোল ১০০০না শরুক য়ানবা মীৎয়েং থমলি। খোঙথাং অসিগী মখাদা এক্সপোজর তুর অসি ২০২৩গী এপ্রিল অমসুং মে থাদা পাংথোক্কনি। মখোয়না ৪৫দগী ৫০ ফাওবগী গ্রুপ অমদা পিয়ার ওইরিবা রাজ্যদা চৎকনি। মসিনা তুরিজম, ত্রেদিসন, দিবলপমেন্ত, তেক্নোলোজী অমসুং পিপল-তু-পিপল কনেক্তকী মরুওইবা হিরম মঙাগী মখাদা শক্লোন কয়াগী অচৌবা, শক্লোন য়াম্বা এক্সপরিয়েন্স অমা ফংহনগনি। থৌরম অসিগী খুত্থাংদা মহৈরোইশিংনা লোন, সাহিত্য, মথেল-লুকোই, কুহ্মৈ, কলচরগী ওইবা থৌরমশিং অমসুং তুরিজমগী লমদা অমনা অমগা ৱারী শানগনি। শম্না হায়রবদা মখোয়না মপুং ফানা তোপ তোপ্পা জিওগ্রাফিকেল অমসুং কলচরেল সেনেরিও অমদা লৈবগী অহানবা এক্সপরিয়েন্স অমা ফংগনি।

চহি ১৮-৩০গী মনুংদা লৈবা থৱায় য়াওবা নহাশিংনা পান্দম অসিগীদমক অখন্ননা দিবেলপ তৌরবা পোর্তেল https://ebsb.aicte-india.org/ দা রেজিস্তার তৌবা য়াই।

য়ুবা সঙ্গমগী অহানবা রাউন্দ হন্দক্তা ২০২৩গী ফেব্রুৱারী-মার্চ মনুংদা অৱাং নোংপোক লমদমদা মরুওইবা মীৎয়েং থম্দুনা তুর ২৯গী খুত্থাংদা নহারোল ১২০০না চাউনা শরুক য়াদুনা ভারতকী রাজ্য ২২দা চৎতুনা লোইশিনখ্রে। শরুকয়ারিবশিংনা থোইদোক হেন্দোকপা এক্সপরিয়েন্স অমা লৈদুনা এক ভারত শ্রেস্থ ভারতকী স্পিরিত অদু অচুম্বা মওংদা মাংলোমদা পুরকখি।

এক ভারত শ্রেস্থ ভারতকী মখাদা ‘য়ুবা সঙ্গম’গী খোঙথাং অসি মীয়ামগী মরক্তা লৈনরিবা মরী হেন্না চেৎশিনহনবা অমসুং লৈবাক পুম্বগী নহাশিংগী মরক্তা এম্পেথী শাগৎপগী পান্দম অমগা লোয়ননা তোঙান তোঙানবা মন্ত্রালয়শিংগী অপুনবা হোৎনবা অমা ওইনা পাংথোকপনি। খোঙথাং অসিনা থৌরম অসিদা শরুক য়ারিবা নহা লিশিং কয়াগী মরক্তা খংবা ঙম্বগী মান্নবা স্পিরিত অদু পোকহন্দুনা লৈবাক পুম্বদা নিল্লনি অমদি তশেংনা শ্রেস্থ ভারত অমা শাগৎপগী মায়কৈদা মরুওইবা থৌদাং লৌগনি।

*****