ঙসি, এপ্রিল ৪,২০২৩দা রাস্ত্রপতি ভাবন্দা ভুতানগী নিংথৌ জিগেম খেসার নাময়েল ৱাংচুকনা ভারতকী রাস্ত্রপতি শ্রীমতি দ্রৌপতি র্মুমু উনখ্রে।

ভারত্তা নিংথৌ তরাম্না ওক্লদুনা, রাস্ত্রপতিনা হায়খি অমগা অমগা থাজনবা, মরুপ-মপাং ওইবা অমসুং ৱাখল তামিন্নবদা য়ুম্ফম ওইদুনা, থাক খুদিংমক্তা ভারত অমসুং ভুতান অচেৎপা মরী অমা লৈনরি। ভুতানগা লৈনরিবা মাইথোং য়াম্বা অমসুং অখন্নবা মরী অসি ভারতনা লুম্না লৌরি। চাউখৎ-থৌরাংগী লমদা ভুতানগী খ্বাইদগী চাউবা মরুপ ওইনা, হকশেল, লাইরিক-লাইশু তম্বা, লৌউ-শিংউ, ইনফ্রাস্ত্রকচর, দিজিতাইজেসন অমসুং স্কিল দিবলপমেন্তগী হিরমশিংগী প্রোজেকশিংদা ভারতনা ভুতানগী মতেং পাংলি। ভুতানগী মরুওইবশিং অমসুং দরকার ওইবশিং য়েংলগা ভারতনা মখা তানা মতেং পাংগনি।

রাস্ত্রপতিনা হায়খি চহি অসিদগী ভুতান লিস্ত দিবলপ কন্ত্রি(এল দি সি) কাংলুপ্ত য়াওররোই অমসুং অৱাংবা ইকোনোমি অমা ওইরক্নবা লম্বীদা লাক্লগনি। মসিগী খোঙচৎ অসিদা ভারতনা ভুতানগী অচেৎপা মরুপ অমা ওইগনি। 

রাস্ত্রপতিনা হায়খি ফিন-তেক, স্তার্দ-অপ অমসুং অনৌবা তেক্নোলোজিগী লমদা ভারতনা ভুতানগী মতেং পাংলি। ঐখোয়গী নহারোলশিংগী থৌনা অমসুং শক্তি মফম চানা শীজিন্ননবা লৈবাক অনিগী মরক্তা মসিগী মতেং পাংনবা অসি পাকথোক-চাউথোকহনগনি।

*****