ਮਹਿਲਾ ਸਸ਼ਕਤੀਕਰਨ ਸਿਰਫ਼ ਸਮਾਜਿਕ ਨਿਆਂ ਦਾ ਮੁੱਦਾ ਹੀ ਨਹੀਂ ਹੈ, ਬਲਕਿ ਇਹ ਇੱਕ ਆਰਥਿਕ ਲੋੜ ਵੀ ਹੈ। ਇਕੱਠੇ ਮਿਲ ਕੇ, ਜੀ20 ਮੈਂਬਰ ਦੁਨੀਆ ਦੇ ਜੀਡੀਪੀ ਦੇ 80% ਤੋਂ ਵੱਧ, ਅੰਤਰਰਾਸ਼ਟਰੀ ਵਪਾਰ ਦਾ 75% ਅਤੇ ਦੁਨੀਆ ਦੀ 60% ਆਬਾਦੀ ਦੀ ਨੁਮਾਇੰਦਗੀ ਕਰਦੇ ਹਨ। ਗਲੋਬਲ ਅਰਥਵਿਵਸਥਾ ਵਿੱਚ ਆਪਣੀ ਮੁੱਖ ਭੂਮਿਕਾ ਨੂੰ ਦੇਖਦੇ ਹੋਏ, ਜੀ20 ਭਵਿੱਖ ਦੇ ਗਲੋਬਲ ਆਰਥਿਕ ਵਿਕਾਸ ਅਤੇ ਖੁਸ਼ਹਾਲੀ ਨੂੰ ਸੁਰੱਖਿਅਤ ਕਰਨ ਵਿੱਚ ਇੱਕ ਰਣਨੀਤਕ ਭੂਮਿਕਾ ਰੱਖਦਾ ਹੈ। ਇਸ ਵਿੱਚ ਔਰਤਾਂ ਦੇ ਸਸ਼ਕਤੀਕਰਨ ਅਤੇ ਲਿੰਗ ਸਮਾਨਤਾ ਨੂੰ ਯਕੀਨੀ ਬਣਾਉਣ ਦੀਆਂ ਅਪਾਰ ਸੰਭਾਵਨਾਵਾਂ ਹਨ।

ਮਹਿਲਾ ਆਰਥਿਕ ਪ੍ਰਤੀਨਿਧਤਾ ਦੇ ਸਸ਼ਕਤੀਕਰਨ ਅਤੇ ਤਰੱਕੀ ਲਈ ਜੀ20 ਗਠਜੋੜ (EMPOWER) ਜੀ20 ਵਪਾਰਕ ਨੇਤਾਵਾਂ ਅਤੇ ਸਰਕਾਰਾਂ ਦਾ ਇੱਕ ਗਠਜੋੜ ਹੈ ਜਿਸਦਾ ਉਦੇਸ਼ ਪ੍ਰਾਈਵੇਟ ਸੈਕਟਰ ਵਿੱਚ ਔਰਤਾਂ ਦੀ ਅਗਵਾਈ ਅਤੇ ਸਸ਼ਕਤੀਕਰਨ ਨੂੰ ਗਤੀ ਦੇਣਾ ਹੈ। ਭਾਰਤ ਦੀ ਪ੍ਰਧਾਨਗੀ ਹੇਠ ਜੀ20 ਐਮਪਾਵਰ 2023 ਦਾ ਉਦੇਸ਼ ਭਾਰਤ ਦੇ ਔਰਤਾਂ ਦੀ ਅਗਵਾਈ ਵਾਲੇ ਵਿਕਾਸ ਏਜੰਡੇ ਨੂੰ ਅੱਗੇ ਵਧਾਉਣਾ ਹੈ।

ਜੀ20 ਐਮਪਾਵਰ (G20 EMPOWER) ਦੀ ਸ਼ੁਰੂਆਤੀ (ਇਨਸੈਪਸ਼ਨ) ਬੈਠਕ 11-12 ਫਰਵਰੀ ਨੂੰ ਆਗਰਾ, ਉੱਤਰ ਪ੍ਰਦੇਸ਼ ਵਿਖੇ ਹੋਈ। ਦੂਜੀ ਐਮਪਾਵਰ ਮੀਟਿੰਗ 4 ਤੋਂ 6 ਅਪ੍ਰੈਲ, 2023 ਤੱਕ ਤਿਰੂਵਨੰਤਪੁਰਮ, ਕੇਰਲ ਵਿਖੇ ਹੋਣੀ ਤੈਅ ਹੈ।

ਜੀ20 ਐਮਪਾਵਰ ਦੂਸਰੀ ਮੀਟਿੰਗ ਦਾ ਵਿਸ਼ਾ ਹੈ "ਮਹਿਲਾ ਸਸ਼ਕਤੀਕਰਨ: ਬਰਾਬਰੀ ਅਤੇ ਆਰਥਿਕਤਾ ਦੋਵਾਂ ਲਈ ਜਿੱਤ ਦੀ ਸਥਿਤੀ"।  ਭਾਰਤ ਦੀ ਜੀ20 ਪ੍ਰੈਜ਼ੀਡੈਂਸੀ ਔਰਤਾਂ ਦੇ ਆਰਥਿਕ ਸਸ਼ਕਤੀਕਰਨ ਵੱਲ ਪਰਿਵਰਤਨਸ਼ੀਲ ਤਬਦੀਲੀਆਂ ਨੂੰ ਅੱਗੇ ਵਧਾਉਣ ਲਈ ਸਮਾਵੇਸ਼ੀ, ਬਰਾਬਰੀ, ਖਾਹਿਸ਼ੀ, ਨਿਰਣਾਇਕ ਅਤੇ ਕਾਰਵਾਈ-ਮੁਖੀ ਹੈ। ਅੱਜ, ਵਿਭਿੰਨ ਦੇਸ਼ ਬੇਮਿਸਾਲ ਤਰੀਕੇ ਨਾਲ ਔਰਤਾਂ ਦੇ ਸਸ਼ਕਤੀਕਰਨ 'ਤੇ ਧਿਆਨ ਦੇ ਰਹੇ ਹਨ। ਭਾਰਤ ਦੀ ਜੀ20 ਪ੍ਰੈਜ਼ੀਡੈਂਸੀ ਇੱਕ ਨਾਜ਼ੁਕ ਮੋੜ 'ਤੇ ਆ ਗਈ ਹੈ ਅਤੇ ਇੱਕ ਢੁਕਵਾਂ ਸਮਾਂ ਵੀ। ਜੀ20 ਐਮਪਾਵਰ 2023 ਦੇ ਤਰਜੀਹੀ ਖੇਤਰਾਂ ਅਤੇ ਜੀ20 ਐਮਪਾਵਰ ਅਲਾਇੰਸ ਦੇ ਅਧੀਨ ਪਿਛਲੀਆਂ ਪ੍ਰਧਾਨਗੀਆਂ ਦੌਰਾਨ ਔਰਤਾਂ ਦੇ ਸਸ਼ਕਤੀਕਰਨ ਨੂੰ ਗਤੀ ਦੇਣ ਲਈ ਕੀਤੇ ਗਏ ਯਤਨਾਂ ਨੂੰ ਤਿਰੂਵਨੰਤਪੁਰਮ ਵਿੱਚ ਦੂਜੀ ਐਮਪਾਵਰ ਮੀਟਿੰਗ ਦੇ ਤਹਿਤ ਅੱਗੇ ਲਿਜਾਇਆ ਜਾਵੇਗਾ ਅਤੇ ਮਜ਼ਬੂਤ ​​ਕੀਤਾ ਜਾਵੇਗਾ।

ਮਹਿਲਾ ਅਤੇ ਬਾਲ ਵਿਕਾਸ ਮੰਤਰਾਲੇ ਦੇ ਰਾਜ ਮੰਤਰੀ ਡਾ. ਮੁੰਜਪਾਰਾ ਮਹਿੰਦਰਭਾਈ ਇਸ ਮੌਕੇ 'ਤੇ ਹਾਜ਼ਰੀ ਭਰਨਗੇ ਅਤੇ ਸਮਾਗਮ ਨੂੰ ਸੰਬੋਧਨ ਕਰਨਗੇ। ਡਾ. ਸੰਗੀਤਾ ਰੈੱਡੀ, ਜੀ20 ਐਮਪਾਵਰ 2023 ਦੀ ਚੇਅਰ ਮੀਟਿੰਗ ਵਿੱਚ ਹਾਜ਼ਰ ਹੋਣਗੇ ਅਤੇ ਸਨਮਾਨਿਤ ਡੈਲੀਗੇਟਾਂ ਨੂੰ ਸੰਬੋਧਨ ਕਰਨਗੇ। ਇਸ ਮੀਟਿੰਗ ਲਈ ਮਹਿਲਾ ਅਤੇ ਬਾਲ ਵਿਕਾਸ ਮੰਤਰਾਲੇ ਦੇ ਸਕੱਤਰ ਸ਼੍ਰੀ ਇੰਦਰਵਰ ਪਾਂਡੇ ਅਤੇ ਜੀ20 ਸਕੱਤਰੇਤ ਅਤੇ ਭਾਰਤ ਸਰਕਾਰ ਅਤੇ ਕੇਰਲ ਸਰਕਾਰ ਦੇ ਹੋਰ ਸੀਨੀਅਰ ਅਧਿਕਾਰੀ ਵੀ ਮੌਜੂਦ ਹੋਣਗੇ।

ਜੀ20 ਐਮਪਾਵਰ ਦੀ ਦੂਸਰੀ ਬੈਠਕ 'ਔਰਤਾਂ ਦੇ ਸਸ਼ਕਤੀਕਰਨ ਦੁਆਰਾ ਆਰਥਿਕ ਖੁਸ਼ਹਾਲੀ: 25x25 ਬ੍ਰਿਸਬੇਨ ਟੀਚਿਆਂ ਵੱਲ' ਵਿਸ਼ੇ 'ਤੇ ਇੱਕ ਪੂਰਨ ਸੈਸ਼ਨ ਨਾਲ ਸ਼ੁਰੂ ਹੋਵੇਗੀ। ਇਸ ਤੋਂ ਬਾਅਦ ਕਈ ਪੈਨਲ ਚਰਚਾਵਾਂ ਕੀਤੀਆਂ ਜਾਣਗੀਆਂ।  ਇਨ੍ਹਾਂ ਵਿਚਾਰ-ਵਟਾਂਦਰਿਆਂ ਦੇ ਮੁੱਖ ਪਹਿਲੂਆਂ ਵਿੱਚ ਸਲਾਹਕਾਰ ਅਤੇ ਸਮਰੱਥਾ ਨਿਰਮਾਣ ਦੁਆਰਾ ਮਹਿਲਾ ਉੱਦਮਤਾ ਨੂੰ ਉਤਸ਼ਾਹਿਤ ਕਰਨਾ;  ਮਾਰਕੀਟ ਪਹੁੰਚ ਅਤੇ ਵਿੱਤ;  ਡਰਾਈਵਿੰਗ ਕਾਰੋਬਾਰ ਵਿੱਚ STEM ਸਿੱਖਿਆ ਅਤੇ ਨਵੀਨਤਾ ਦੀ ਭੂਮਿਕਾ;  ਜ਼ਮੀਨੀ ਪੱਧਰ ਸਮੇਤ ਸਾਰੇ ਪੱਧਰਾਂ 'ਤੇ ਲੀਡਰਸ਼ਿਪ ਨੂੰ ਸਮਰੱਥ ਬਣਾਉਣਾ;  ਔਰਤਾਂ ਦੇ ਸਸ਼ਕਤੀਕਰਨ ਲਈ ਮਾਨਸਿਕ ਅਤੇ ਰੋਕਥਾਮ ਵਾਲੀ ਸਿਹਤ ਸਮੇਤ ਸੰਪੂਰਨ ਤੰਦਰੁਸਤੀ;  ਗੁਣਵੱਤਾ ਅਤੇ ਪਹੁੰਚਯੋਗ ਸਿੱਖਿਆ, ਡਿਜੀਟਲ ਰਵਾਨਗੀ ਅਤੇ ਜੀਵਨ ਭਰ ਸਿੱਖਣ ਵਿੱਚ ਨਿਵੇਸ਼ ਨੂੰ ਵਧਾਉਣਾ;  ਇਸ ਵਿੱਚ ਕੰਮ ਦੇ ਵਿਗਿਆਨਕ ਅਤੇ ਗੈਰ-ਰਵਾਇਤੀ ਖੇਤਰਾਂ ਵਿੱਚ ਔਰਤਾਂ ਦੀ ਭਾਗੀਦਾਰੀ ਨੂੰ ਮਜ਼ਬੂਤ ​​ਕਰਨਾ ਸ਼ਾਮਲ ਹੋਵੇਗਾ।

4 ਅਪ੍ਰੈਲ ਨੂੰ ਹੋਣ ਵਾਲੇ ਸਾਈਡ ਈਵੈਂਟ 'ਸਕੂਲ-ਟੂ-ਵਰਕ' ਤਬਦੀਲੀਆਂ ਅਤੇ ਕਰੀਅਰ ਦੇ ਵਿਕਾਸ ਦੇ ਮੌਕਿਆਂ ਨੂੰ ਸਮਰੱਥ ਬਣਾਉਣ;  ਦੇਖਭਾਲ਼ ਦੀ ਆਰਥਿਕਤਾ ਦਾ ਸਮਰਥਨ ਕਰਨ ਲਈ ਇੱਕ ਸਮਰੱਥ ਬੁਨਿਆਦੀ ਢਾਂਚੇ ਵਿੱਚ ਨਿਵੇਸ਼ ਕਰਨਾ;  ਮਹਿਲਾ ਸਸ਼ਕਤੀਕਰਨ ਲਈ ਕਾਰਪੋਰੇਟ ਸੱਭਿਆਚਾਰ ਨੂੰ ਨੈਵੀਗੇਟ ਕਰਨਾ ਵਿਸ਼ਿਆਂ 'ਤੇ ਪੈਨਲ ਵਿਚਾਰ-ਵਟਾਂਦਰੇ ਦੇ ਰੂਪ ਵਿੱਚ ਬਹੁਤ ਮਹੱਤਵਪੂਰਨ ਮੁੱਦਿਆਂ ਨੂੰ ਵੀ ਉਠਾਉਣਗੇ।

ਮੁੱਖ ਸਮਾਗਮ ਦੇ ਨਾਲ-ਨਾਲ ਚਾਹ, ਕੌਫੀ, ਮਸਾਲੇ ਅਤੇ ਕੋਇਰ ਦੀ ਕਾਸ਼ਤ ਅਤੇ ਉਤਪਾਦਨ, ਔਰਤਾਂ ਦੀ ਅਗਵਾਈ ਵਾਲੇ ਐੱਫਪੀਓਜ਼ ਦਾ ਕੰਮ, ਅਤੇ ਸਵਦੇਸ਼ੀ ਖਿਡੌਣਿਆਂ, ਹੈਂਡਲੂਮ ਅਤੇ ਦਸਤਕਾਰੀ ਦੇ ਨਿਰਮਾਣ ਵਿੱਚ ਔਰਤਾਂ ਦੀ ਭਾਗੀਦਾਰੀ ਨੂੰ ਪ੍ਰਦਰਸ਼ਿਤ ਕਰਨ ਲਈ ਨੈਸ਼ਨਲ ਇੰਸਟੀਟਿਊਟ ਆਫ ਫੈਸ਼ਨ ਟੈਕਨੋਲੋਜੀ ਦੁਆਰਾ ਸੰਕਲਪਿਤ ਅਤੇ ਤਿਆਰ ਕੀਤੀ ਪ੍ਰਦਰਸ਼ਨੀ ਵੀ ਲਗਾਈ ਜਾ ਰਹੀ ਹੈ। ਇਸ ਪ੍ਰਦਰਸ਼ਨੀ ਵਿੱਚ ਔਰਤਾਂ ਵੱਲੋਂ ਤਿਆਰ ਕੀਤੇ ਆਯੁਰਵੈਦਿਕ ਅਤੇ ਤੰਦਰੁਸਤੀ ਉਤਪਾਦ ਵੀ ਪ੍ਰਦਰਸ਼ਿਤ ਕੀਤੇ ਜਾਣਗੇ। ਪ੍ਰਦਰਸ਼ਨੀ ਡਿਜੀਟਲ ਵਿਸ਼ੇਸ਼ਤਾਵਾਂ ਨਾਲ ਲੈਸ ਹੋਵੇਗੀ ਜੋ ਦਰਸ਼ਕਾਂ ਨੂੰ ਇੱਕ ਸ਼ਾਨਦਾਰ ਅਨੁਭਵ ਪ੍ਰਦਾਨ ਕਰੇਗੀ।

ਇੰਟਰਐਕਟਿਵ ਸੈਸ਼ਨਾਂ ਤੋਂ ਇਲਾਵਾ, ਕੇਰਲ ਆਰਟਸ ਐਂਡ ਕਰਾਫਟਸ ਵਿਲੇਜ (ਕੇਏਸੀਵੀ) ਦੇ ਦੌਰੇ ਦੀ ਵੀ ਯੋਜਨਾ ਬਣਾਈ ਗਈ ਹੈ, ਜਿਸ ਦੌਰਾਨ ਡੈਲੀਗੇਟਾਂ ਨੂੰ ਭਾਰਤੀ ਕਲਾਵਾਂ ਅਤੇ ਸ਼ਿਲਪਕਾਰੀ ਨਾਲ ਜਾਣੂ ਕਰਵਾਉਣ ਅਤੇ ਭਾਗੀਦਾਰਾਂ ਨੂੰ ਕਾਰੀਗਰਾਂ ਨਾਲ ਗੱਲਬਾਤ ਕਰਨ ਦਾ ਮੌਕਾ ਮਿਲੇਗਾ। ਸ਼ਾਮ ਨੂੰ ਸੱਭਿਆਚਾਰਕ ਪ੍ਰੋਗਰਾਮ ਆਯੋਜਿਤ ਕੀਤੇ ਜਾਣਗੇ, ਜੋ ਭਾਰਤ ਦੇ ਸਮ੍ਰਿਧ ਸੱਭਿਆਚਾਰਕ ਵਿਰਸੇ ਦੀ ਮਨਮੋਹਕ ਝਲਕ ਪੇਸ਼ ਕਰਨਗੇ। ਭਾਗੀਦਾਰਾਂ ਨੂੰ ਭਾਰਤ ਦੀਆਂ ਰਵਾਇਤੀ ਪ੍ਰਥਾਵਾਂ ਅਤੇ ਸਮ੍ਰਿਧ ਰਸੋਈ ਪਰੰਪਰਾ ਦਾ ਅਨੁਭਵ ਦੇਣ ਲਈ ਇਨ੍ਹਾਂ ਸਮਾਗਮਾਂ ਦੌਰਾਨ ਸਥਾਨਕ ਪਕਵਾਨਾਂ ਅਤੇ ਪੌਸ਼ਟਿਕ ਅਨਾਜ ਤੋਂ ਤਿਆਰ ਭੋਜਨ ਵੀ ਪਰੋਸਿਆ ਜਾਵੇਗਾ।

ਮੀਟਿੰਗ ਦਾ ਸਮਾਪਤੀ ਸੈਸ਼ਨ ਜੀ20 ਦੇ ਸਸ਼ਕਤੀਕਰਨ ਦੀਆਂ ਤਰਜੀਹਾਂ 'ਤੇ ਸਹਿਮਤੀ ਦੇ ਬਿੰਦੂਆਂ ਦੇ ਅਨੁਸਾਰ ਮੁੱਖ ਖੋਜਾਂ ਅਤੇ ਕਾਰਵਾਈਆਂ ਦੀ ਪਛਾਣ ਕਰਨ 'ਤੇ ਧਿਆਨ ਕੇਂਦਰਿਤ ਕਰੇਗਾ।

ਜੀ20 ਐਮਪਾਵਰ ਇਨਸੈਪਸ਼ਨ ਬੈਠਕ ਦੀ ਸਮਾਪਤੀ ਪਲੇਨਰੀ ਨੇ ਔਰਤਾਂ ਦੀ ਅਗਵਾਈ ਵਾਲੇ ਵਿਕਾਸ ਵਿੱਚ ਆਪਣੇ ਸਮੂਹਿਕ ਵਿਸ਼ਵਾਸ ਨੂੰ ਦੁਹਰਾਇਆ ਸੀ ਅਤੇ ਇਸ ਧਾਰਨਾ ਨੂੰ ਰੱਦ ਕਰਨ ਦਾ ਵਾਅਦਾ ਕੀਤਾ ਸੀ ਕਿ ਲਿੰਗ ਆਧਾਰਿਤ ਵਿਤਕਰੇ ਨੂੰ ਗਠਜੋੜ ਦੁਆਰਾ ਜ਼ਰੂਰੀ, ਦ੍ਰਿੜ, ਸਾਹਸੀ ਅਤੇ ਪਰਿਵਰਤਨਸ਼ੀਲ ਕਾਰਵਾਈਆਂ ਦੁਆਰਾ ਖ਼ਤਮ ਕਰਨ ਵਿੱਚ 132 ਸਾਲ ਲੱਗਣਗੇ (ਵਰਲਡ ਇਕਨੌਮਿਕ ਫੋਰਮ 2022)। 

ਵੱਖ-ਵੱਖ ਸੈਸ਼ਨਾਂ ਵਿੱਚ ਥੀਮੈਟਿਕ ਚਰਚਾਵਾਂ ਅਤੇ ਵਿਚਾਰ-ਵਟਾਂਦਰੇ ਜੀ20 ਐਮਪਾਵਰ ਦੇ ਸੰਵਾਦ ਵਿੱਚ ਪ੍ਰਤੀਬਿੰਬਤ ਹੋਣਗੇ ਅਤੇ ਜੀ20 ਨੇਤਾਵਾਂ ਨੂੰ ਸਿਫ਼ਾਰਸ਼ਾਂ ਦੇ ਰੂਪ ਵਿੱਚ ਸੌਂਪੇ ਜਾਣਗੇ। ਸਹਿਮਤੀ ਦੇ ਬਿੰਦੂ ਜੋ ਸਾਰੀਆਂ ਅੰਤਰਰਾਸ਼ਟਰੀ ਮੀਟਿੰਗਾਂ ਵਿੱਚ ਮੁੱਖ ਸਮਾਗਮਾਂ ਅਤੇ ਸਾਈਡ ਇਵੈਂਟਾਂ ਦੇ ਨਤੀਜਿਆਂ ਤੋਂ ਉਭਰ ਕੇ ਸਾਹਮਣੇ ਆਉਣਗੇ, ਉਹ ਜੀ20 ਐਮਪਾਵਰ 2023 ਲਈ ਕਮਿਊਨੀਕ ਦਾ ਹਿੱਸਾ ਹੋਣਗੇ।

ਭਾਰਤ ਦਾ ਮੰਨਣਾ ਹੈ ਕਿ ਆਰਥਿਕ ਖੁਸ਼ਹਾਲੀ ਵੱਲ ਵਿਕਾਸ ਦੇ ਅਗਲੇ ਪੜਾਅ ਲਈ ਏਜੰਡਾ ਤੈਅ ਕਰਨ ਵਿੱਚ ਜੀ20 ਐਮਪਾਵਰ ਦੀ ਅਹਿਮ ਭੂਮਿਕਾ ਹੈ, ਜਦੋਂ ਕਿ ਇੱਕ ਬਿਹਤਰ ਭਵਿੱਖ ਨੂੰ ਪ੍ਰਾਪਤ ਕਰਨ ਲਈ ਸਾਡੀਆਂ ਕੋਸ਼ਿਸ਼ਾਂ ਦੇ ਕੇਂਦਰ ਵਿੱਚ ਔਰਤਾਂ ਨੂੰ ਰੱਖਿਆ ਗਿਆ ਹੈ।

"ਜੇਕਰ ਤੁਸੀਂ ਆਪਣਾ ਭਵਿੱਖ ਸਹੀ ਕਰਨਾ ਚਾਹੁੰਦੇ ਹੋ, ਜੇਕਰ ਤੁਸੀਂ ਭਵਿੱਖ ਲਈ ਤਿਆਰ ਰਹਿਣਾ ਚਾਹੁੰਦੇ ਹੋ, ਤਾਂ ਯਕੀਨੀ ਬਣਾਓ ਕਿ ਔਰਤਾਂ ਚਰਚਾ ਦੇ ਕੇਂਦਰ ਵਿੱਚ ਹੋਣ ਅਤੇ ਔਰਤਾਂ ਤੁਹਾਡੇ ਫੈਸਲਿਆਂ ਦੇ ਕੇਂਦਰ ਵਿੱਚ ਹੋਣ।"  - ਸ਼੍ਰੀਮਤੀ ਸਮ੍ਰਿਤੀ ਜ਼ੁਬਿਨ ਇਰਾਨੀ, ਮਹਿਲਾ ਅਤੇ ਬਾਲ ਵਿਕਾਸ ਮੰਤਰੀ, ਇੰਪਾਵਰ ਇਨਸੈਪਸ਼ਨ ਮੀਟਿੰਗ, ਆਗਰਾ।

 ********

ਐੱਸਐੱਸ/ਏਕੇਐੱਸ