প্ৰধানমন্ত্ৰীৰ কাৰ্যালয়
৩ এপ্ৰিলত চিবিআইৰ হীৰক জয়ন্তী উদযাপনৰ কাৰ্য্যসূচী উদ্বোধন কৰিব প্ৰধানমন্ত্ৰীয়ে
প্ৰধানমন্ত্ৰীয়ে বিশিষ্ট সেৱাৰ বাবে ৰাষ্ট্ৰপতিৰ আৰক্ষী পদক আৰু চিবিআইৰ শ্ৰেষ্ঠ তদন্তকাৰী বিষয়াৰ স্বৰ্ণ পদক প্ৰদান কৰিব
চিবিআইৰ হীৰক জয়ন্তী উদযাপন বৰ্ষ উপলক্ষে ডাক টিকট আৰু স্মাৰক মুদ্ৰা মুকলি কৰিব প্ৰধানমন্ত্ৰীয়ে
प्रविष्टि तिथि:
02 APR 2023 9:48AM by PIB Guwahati
প্ৰধানমন্ত্ৰী শ্ৰী নৰেন্দ্ৰ মোদীয়ে অহা ৩ এপ্ৰিলৰ দুপৰীয়া ১২ বজাত নতুন দিল্লীৰ বিজ্ঞান ভৱনত কেন্দ্ৰীয় অনুসন্ধান সংস্থা (CBI)ৰ হীৰক জয়ন্তী উদযাপনৰ কাৰ্য্যসূচী উদ্বোধন কৰিব।
এই কাৰ্য্যসূচীত বিশিষ্ট সেৱাৰ বাবে ৰাষ্ট্ৰপতিৰ আৰক্ষী পদক আৰু চিবিআইৰ শ্ৰেষ্ঠ তদন্তকাৰী বিষয়াৰ স্বৰ্ণ পদক লাভ কৰাসকলৰ অভিষেক অনুষ্ঠান অনুষ্ঠিত হ’ব। ইয়াত প্ৰধানমন্ত্ৰীয়ে বঁটাপ্ৰাপকসকলক পদক প্ৰদান কৰিব। প্ৰধানমন্ত্ৰীয়ে লগতে শ্বিলং, পুনে আৰু নাগপুৰত চিবিআইৰ নৱ-নিৰ্মিত কাৰ্য্যালয় কমপ্লেক্স উদ্বোধন কৰিব। তেখেতে চিবিআইৰ হীৰক জয়ন্তী উদযাপন বৰ্ষ উপলক্ষে ডাক টিকট আৰু স্মাৰক মুদ্ৰা মুকলি কৰিব। লগতে তেখেতে চিবিআইৰ টুইটাৰ হেণ্ডেল মুকলি কৰিব।
ভাৰত চৰকাৰৰ গৃহ পৰিক্ৰমা মন্ত্ৰালয়ৰ ১৯৬৩ৰ ১ এপ্ৰিলৰ এক প্ৰস্তাৱ অনুসৰি কেন্দ্ৰীয় অনুসন্ধান সংস্থা গঠন কৰা হৈছিল।
***********
DS/ST/SB
(रिलीज़ आईडी: 1913576)
आगंतुक पटल : 180
इस विज्ञप्ति को इन भाषाओं में पढ़ें:
Marathi
,
English
,
Urdu
,
हिन्दी
,
Bengali
,
Manipuri
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam