آیوش کی وزارت 7 اپریل 2023 کو ڈبرو گڑھ یونیورسٹی کیمپس میں یوگا کے عالمی دن کے 75 دن کی یاد میں ’یوگا مہوتسو‘ کا اہتمام کرے گی۔ بندرگاہوں، جہاز رانی اور آبی گزرگاہوں اور آیوش کے مرکزی وزیر جناب سربانند سونووال نے آج ڈبرو گڑھ یونیورسٹی میں تقریب کی تیاریوں کا جائزہ لینے کے لیے پنڈال کا دورہ کیا۔ ریاستی وزیر صحت جناب کیشو مہنت، وزارت آیوش کے سینئر افسران اور ڈبرو گڑھ ضلع انتظامیہ آج یہاں ان کے دورہ کے دوران ان کے ساتھ تھے۔

اس موقع پر خطاب کرتے ہوئے، آیوش کے وزیر جناب سربانند سونووال نے کہا، "یہ ایک بہت ہی قابل فخر لمحہ ہے کیونکہ ہمارا خوبصورت ڈبرو گڑھ 7 اپریل 2023 کو ملک کے سب سے بڑے یوگا فیسٹیول کی میزبانی کرنے کے لیے تیار ہے۔ یہ ایک شاندار تعلق ہے کہ ہم اسی تاریخ کو 'ورلڈ ہیلتھ ڈے' بھی مناتے ہیں، جو بالآخر پوری انسانیت کے لیے ایک بہتر، صحت مند اور خوشگوار زندگی گزارنے کا ایک بہترین ذریعہ بناتا ہے۔ یوگا اسے ممکن بنا سکتا ہے۔

وزیر اعظم جناب نریندر مودی کی انتھک کوششوں سے یوگا نے بہتر صحت اور دماغ کو یقینی بنانے کے لیے ایک عالمی تحریک کی شکل اختیار کر لی ہے۔ اپنے ورثے کے مطابق، ہندوستان یوگا کے اس سفر کو آگے بڑھانے کے لیے ہر ممکن کوشش کرنے کے لیے پرعزم ہے کیونکہ یہ معیاری انسانی زندگی کے لیے ایک علاج بن گیا ہے۔ یوگا نے پوری دنیا کو ایک بہتر کل کے لیے متحد کیا ہے۔

یوگا مہوتسو کا مقصد صحت کو بڑھانے والی سرگرمیوں کی ایک حد میں سماج کے مختلف طبقات کو شامل کرکے تنوع کو شامل کرنا اور اس کا جشن منانا ہے۔ میں سب سے اپیل کرتا ہوں کہ وہ یوگا کو اپنی روزمرہ کی زندگی میں اپنائیں اور اپنی زندگیوں میں ہندوستان کے اس بھرپور ورثے کے شاندار نتائج سے لطف اندوز ہوں۔

مرکزی وزیر نے وزیر صحت اور ڈبرو گڑھ یونیورسٹی کے وائس چانسلر پروفیسر جیتن ہزاریکا کے ساتھ بھی یونیورسٹی کے طلباء سے بات چیت کی۔ اس دوران، ہماری زندگیوں کو بہتر بنانے میں آیوش کی اہمیت سے لے کر طلباء کے فائدے کے لیے پیدا ہونے والے مواقع سے لے کر قوم کی تعمیر میں ان کے کردار کو بڑھانے کے لیے مختلف موضوعات پر تبادلہ خیال کیا گیا۔ مرکزی وزیر جناب سربانند سونووال نے بھی طلباء سے یوگا مہوتسو کے کامیاب تنظیم میں بڑھ چڑھ کر حصہ لینے کی اپیل کی۔

طلبہ سے بات چیت کرتے ہوئے مرکزی وزیر جناب سربانند سونووال نے کہا، 'طلبہ ہمارے مستقبل کی ریڑھ کی ہڈی ہیں۔ ہماری ترقی اور پیشرفت کی سمت، رفتار اور وقت کا تعلق طلبہ کی برادری سے ہے۔ ہماری خوش قسمتی ہے کہ آج ہمارے ملک میں ایک متحرک اور پرجوش طلبہ برادری ہے جو قوم کی تعمیر کے لیے پر امید اور پرعزم ہے۔ اب جب کہ ہندوستان اپنے ملک کو خود کفیل بنانے کے وزیر اعظم مودی کے وژن کو عملی جامہ پہنانے کے لیے 'امرت کال' میں داخل ہوا ہے، مجھے قوم کی تعمیر کے تئیں طلبہ کی لگن، عزم اور مقصد کو دیکھ کر بے حد خوشی ہوئی ہے۔ مجھے یقین ہے کہ ڈبروگڑھ یونیورسٹی کے طلباء اپنے متعلقہ شعبوں میں اپنی شاندار کامیابیوں کے ساتھ ملک کا سر فخر سے بلند کرتے رہیں گے جو کہ ایک بہتر کل کے لیے بہترین حل پیدا کرنے میں مددگار ثابت ہوں گے۔'

*********

ش ح۔   ش ت۔ج

Uno-3611