আয়ুশ
এপ্রিল ৭তা দিব্রুগরদা অয়ুস মিনিস্ত্রিনা ‘য়োগা মহোৎসব’ পাংথোক্কনি: সর্বানন্দা সোনোৱাল
ঙসি অয়ুস মিনিস্তর সর্বনন্দা সোনোৱালনা রাজ্যগী হকশেল মন্ত্রী কেসব মহন্তাগা লোয়ন্না থৌরম পাংথোকফম দিব্রুগর য়ুনিভর্সিতিদা চৎখ্রে
মার্কুয়ি য়োগা মহোৎসবনা মালেমগী য়োগ নুমিৎ ফাওবা থৌরমশিং পাংথোক্কনি; দিব্রুগর থৌরম্না মালেমগী য়োগা নুমিৎ ২০২৩ ফাওবা নুমিৎ ৭৫ থৌরম পাংথোক্কনি
সোনোৱালনা দিব্রুগর য়ুনিভর্সিতিগী মহৈরোয়শিংগা ৱারি শানখি অমসুং ‘য়োগা মহোৎসব’ থৱায় য়াওনা শরুক য়ানবা মখোয়দা খঙহনখি
Posted On:
01 APR 2023 7:10PM by PIB Imphal
মালেমগী য়োগা নুমিৎ শরুক য়াবা ওইনা নুমিৎ ৭৫ নি থৌরম পাংথোক্নবা অয়ুস মিনিস্ত্রিনা শীন্দুনা দিব্রুগর য়ুনিভর্সিতিদা এপ্রিল ৭,২০২৩দা ‘য়োগা মহোৎসব’ পাংথোক্কনি। থৌরম অদুগী শেম-শারিবশিং য়েংশিন্নবা ঙসি পোর্তস, সিপ্পিং অমসুং ৱাতরৱেজ অমসুং অয়ুসকী য়ুনিয়ন মিনিস্তর সর্বনন্দা সোনোৱাল দিব্রুগর য়ুনিভর্সিদা লৈবা থৌরম পাংথোকফমদা চৎখ্রে। ঙসিগী মহাক্কী খোঙচৎ অদুদা রাজ্যগী হকশেল মন্ত্রী কেসব মহন্তা, অয়ুস মিনিস্ত্রিগী সেনিয়র ওফিসিএলশিং অমসুং দিব্রুগরগী দিস্ত্রিক এদমিনিস্ত্রেসন শরুক য়াখি।
খোঙচৎ অদুদা ৱা ঙাংবদা অয়ুস মিনিস্তর সোনোৱালনা হায়খি এপ্রিল ৭,২০২৩দা দিব্রুগরদা লৈবাক অসিদা খ্বাইদগী চাউবা য়োগগী থৌরম অমা পাংথোক্নবা থৌরাং তৌবা অসি ঐখোয়গী চাউথোকচনিঙাই ওইবা তাঞ্জা অমনি। হায়রিবা নুমিৎ অসিদা ঐখোয়না মালেমগী হকশেলগী নুমিৎ থৌরমশু পাংথোক্কনি। মসি মীওই খুন্নাই হেন্না হকচাং ফনা অমসুং নুংঙাইনা হিংনবনি। মদু য়োগনা পাংথোকপা ঙমগনি। প্রধান মন্ত্রী শ্রী নরেন্দ্র মোদী জিনা কন্না হোৎনবদগী হকচাং অমসুং পুক্নিং-ৱাখল ফনা লৈনবা য়োগা অসি মালেমগী অচৌবা খোঙজং অমা ওইরে। য়োগনা হেন্না ফবা হয়েং অমগীদমক মালেম অমতা ওইনা পুনশিল্লে। হকচাং ফনবা থবকশিংদা খুন্নাইগী তোঙান-তোঙানবা কাংলুপশিং শরুক য়াহন্নবা য়োগা মহোৎসবনা পান্দম থম্লি। মীয়ামগী নুমিৎ খুদিংগী পুন্সিদা য়োগা য়াওহন্নবা অমসুং মখোয়গী পুন্সিদা ভারতকী হেরিতেচগী অঙকপা মহৈশিং চানবা ঐনা মীওই খুদিংমক্তা তকশিল্লি।
য়ুনিয়ন মিনিস্তরনা রাজ্যগী হকশেল মন্ত্রী অমসুং য়ুনিভর্সিতিগী ভি.সি প্রোফেসার জিতেন হাজারিকা য়াওনা য়ুনিভর্সিতিগী মহৈরোয়শিংগা ৱারি শানখি। য়োগা মহোৎসব থৌরম অসি মাইপাক্না পাংথোক্নবা মহৈরোয়শিং থৱায় য়াওনা শরুক য়ানবা য়ুনিয়ন মিনিস্তরনা মহৈরোয়শিংদা খঙহনখি।
মহৈরোয়শিংদা য়ুনিয়ন মিনিস্তরনা হায়খি মহৈরোয়শিংনা ঐখোয়গী তুংগী য়াংলেন শরুনি। ঐখোয়গী মাইওন, খোঙথাং অমসুং চাউখৎপগী তাঞ্জা অমসুং চাউখৎপা অসি মহৈরোয়শিংগা মরী লৈনৈ। ঙসিদি লৈবাক শেমগৎনবা থবক পাংথোকপা ঙম্বা অমসুং থৱায় য়াওবা মহৈরোয় খুন্নাই অমা লৈবা অসি ঐখোয়গী লাইবক ফবনি। ভারতনা অমৃত কালদা চঙলকপগা লোয়ন্না, অত্মানির্ভর ভারত ওইহন্নবা প্রধান মন্ত্রী মোদী জিগী মঙলান মঙফাওনহনগদবনি। লৈবাক শেমগৎনবগীদমক মহৈরোয়শিংগী কৎথোকপা, থাজবা অমসুং হোৎনবা উবা অসিদা হরাওই। হেন্না ফবা তুংলমচৎ অমগীদমক পাম্বৈশিং পুথোক্নবা মতেং পাংনবা মখোয়না খঙজবা হিরমশিংদা থবক তৌদুনা দিব্রুগর য়ুনিভর্সিতিগী মহৈরোয়শিংনা লৈবাক অসি চাউথোকচবা পোকহনগনি হায়না ঐনা থাজবা থম্লি।
*****
(Release ID: 1912959)
Visitor Counter : 110