କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀ ଶ୍ରୀ ଅନୁରାଗ ଠାକୁର ଆଜି କହିଛନ୍ତି ଯେ ଭାରତୀୟ ସୂଚନା ସେବା ହେଉଛି ଭାରତର ସରକାରୀ ସୂଚନା ପ୍ରଣାଳୀର ଆଗଧାଡିର ରକ୍ଷକ ଯାହା ଭାରତର ସ୍ୱାର୍ଥ ରକ୍ଷା କରେ ଏବଂ ଭାରତର ଗଣତାନ୍ତ୍ରିକ ଶାସନକୁ ରକ୍ଷା କରିଥାଏ । ନୂଆଦିଲ୍ଲୀ ଠାରେ ୨୦୧୮, ୨୦୧୯ ଏବଂ ୨୦୨୦ ବ୍ୟାଚ୍ ର ଭାରତୀୟ ସୂଚନା ସେବା ଅଧିକାରୀଙ୍କ ଉଦଯାପନୀ ଅଧିବେଶନରେ ଯୋଗ ଦେଇ ମନ୍ତ୍ରୀ କହିଛନ୍ତି ଯେ ଭାରତୀୟ ସୂଚନା ସେବା (ଆଇଆଇଏସ୍‍) ଗର୍ବର ସହିତ ଏବଂ ଅତ୍ୟନ୍ତ ସଫଳତା ଭାବେ ଯୋଗାଯୋଗର ସେହି ଭୂମିକାକୁ ନିଭାଇଥାଏ ।

ସୂଚନା ସେବାର ବରିଷ୍ଠ ଅଧିକାରୀ ତଥା ମନ୍ତ୍ରଣାଳୟର ବରିଷ୍ଠ ଅଧିକାରୀଙ୍କୁ ନେଇ ନୂଆଦିଲ୍ଲୀରେ ଥିବା ଇଣ୍ଡିଆନ୍ ଇନଷ୍ଟିଚ୍ୟୁଟ୍ ଅଫ୍ ମାସ୍ କମ୍ୟୁନିକେସନରେ ତାଲିମପ୍ରାପ୍ତ ଅଧିକାରୀଙ୍କୁ ଶ୍ରୀ ଠାକୁର କହିଛନ୍ତି ଯେ ଖୁବ୍ ଶୀଘ୍ର ଅଧିକାରୀମାନଙ୍କୁ ବିଭିନ୍ନ ଗଣମାଧ୍ୟମ ଜରିଆରେ କେନ୍ଦ୍ର ସରକାରଙ୍କ ନୀତି ଏବଂ କାର୍ଯ୍ୟକ୍ରମ ବିଷୟରେ ପ୍ରମୁଖ ସୂଚନା ଲୋକମାନଙ୍କ ନିକଟରେର ପହଞ୍ଚାଇବାର ଗୁରୁତ୍ୱପୂର୍ଣ୍ଣ ଭୂମିକା ତୁଲାଇବାର ଦାୟିତ୍ୱ ଦିଆଯିବ । ସେ କହିଛନ୍ତି ଯେ ଅଧିକାରୀମାନେ ସେହି ସମୟରେ ସେବାରେ ପ୍ରବେଶ କରୁଥିଲେ ଯେଉଁ ସମୟରେ କେବଳ ୨୮୦ ଶବ୍ଦ ବିଶିଷ୍ଟ ଟୁଇଟ୍‍ ବିଶ୍ୱର ୮ ବିଲିୟନ ଜନସଂଖ୍ୟାକୁ ପ୍ରଭାବିତ କରିବାର କ୍ଷମତା ରଖିଥିଲା । ବର୍ତ୍ତମାନର ଜ୍ଞାନକୌଶଳ ଯୁଗରେ, ଅଧିକାରୀମାନେ ଅଧିକ ବିଶ୍ୱାସଯୋଗ୍ୟ ଏବଂ ଉତ୍ତମ ସୂଚନା ପ୍ରଦାନ କରିବାକୁ ଘରୋଇ ସୂଚନା ବିତରଣକାରୀଙ୍କ ସହିତ ପ୍ରତିଦ୍ୱନ୍ଦ୍ୱିତା କରିବେ । ଉଦୀୟମାନ ପ୍ରଯୁକ୍ତିବିଦ୍ୟା କ୍ରମାଗତ ଭାବରେ ମିଡିଆକୁ ଆକୃଷ୍ଟ କରୁଛି, ସେ ଦର୍ଶକମାନଙ୍କୁ ପ୍ରଭାବଶାଳୀ ଭାବରେ ଜଡିତ କରିବା ଏବଂ ଆମର ବାର୍ତ୍ତା ସହ ଯୋଡିବା ପାଇଁ ଅତ୍ୟାଧୁନିକ ଉପକରଣ, ଧାରା, ଏବଂ କୌଶଳରେ ପାରଦର୍ଶୀ ହେବାକୁ ଅଧିକାରୀମାନଙ୍କୁ ଉତ୍ସାହିତ କରିଥିଲେ । ନାଗରିକମାନଙ୍କ ସହ ଯୋଗାଯୋଗ ପାଇଁ ନୂତନ ସୁଯୋଗ ଖୋଜିବା ଏବଂ ଅନୁସନ୍ଧାନ କରିବାକୁ ସେ ଅଧିକାରୀମାନଙ୍କୁ ଉତ୍ସାହିତ କରିଥିଲେ ।

ଶ୍ରୀ ଠାକୁର ଆଲୋକପାତ କରିଛନ୍ତି ଯେ ଆଗାମୀ ସମୟ ଆହ୍ୱାନରେ ପରିପୂର୍ଣ୍ଣ । ସେ ଏକ ୫'ସି ମନ୍ତ୍ର ପ୍ରଦାନ କରିଥିଲେ ଯାହା ଭାରତ ୨୦୪୭ ପାଇଁ ଯୋଗାଯୋଗକୁ ମାର୍ଗଦର୍ଶନ କରିବ । ସେ କହିଥିବା ପାଞ୍ଚଞ୍ଚଟି ସିଏସ୍‍ ହେଉଛି :

ନାଗରିକ-କେନ୍ଦ୍ରିକ ଯୋଗାଯୋଗ - ଯୋଗାଯୋଗ ନାଗରିକଙ୍କ ଆବଶ୍ୟକତା ଏବଂ ସ୍ୱାର୍ଥ ଉପରେ ଧ୍ୟାନ ଦିଆଯିବା ଉଚିତ, ଏହା ସୁନିଶ୍ଚିତ ଯେ ଏହା ସମସ୍ତଙ୍କ ପାଇଁ ଉପଲବ୍ଧ, ଅନ୍ତର୍ଭୂକ୍ତ ଏବଂ ବୋଧଗମ୍ୟ । 

ଟାର୍ଗେଟ୍ ଶ୍ରୋତା ସୃଷ୍ଟି - ଯୋଗାଯୋଗ ଏବଂ ମେସେଜିଂର ସୃଷ୍ଟି ଏବଂ ଡିଜାଇନରେ ଟାର୍ଗେଟ ଦର୍ଶକଙ୍କୁ ଜଡିତ କର ଏବଂ ଏହା ପ୍ରାସଙ୍ଗିକ ଏବଂ ସେମାନଙ୍କ ସହିତ ଏହା ପୁନଃ ପ୍ରତିଧ୍ୱନିତ ହେବ ।

ସହଯୋଗ – ଉତ୍ତମ ଫଳାଫଳ ହାସଲ କରିବା ଏବଂ ପରସ୍ପରର ଶକ୍ତି ଏବଂ ପାରଦର୍ଶିତାକୁ ଉପଯୋଗ କରିବା ପାଇଁ ହିତାଧିକାରୀମାନଙ୍କ ସହିତ ମିଳିତ ଭାବରେ କାର୍ଯ୍ୟ କରନ୍ତୁ ।

ଚିନ୍ତନ - ଆବଶ୍ୟକତା ଅନୁଯାୟୀ ଉନ୍ନତି ଏବଂ ସଂଶୋଧନ କରିବାକୁ ଯୋଗାଯୋଗ ରଣନୀତିର କାର୍ଯ୍ୟକାରିତାକୁ ପ୍ରତିଫଳିତ ଏବଂ ମୂଲ୍ୟାଙ୍କନ କରିବାକୁ ସମୟ ନିଅ ।

ଦକ୍ଷତା ବିକାଶ - ଯୋଗାଯୋଗ କ୍ଷେତ୍ରରେ ବିକାଶଶୀଳ ପ୍ରଯୁକ୍ତିବିଦ୍ୟା ଏବଂ ଆହ୍ୱାନ ସହିତ ଅନୁକୂଳ ହେବା ପାଇଁ କ୍ରମାଗତ ଭାବରେ କୌଶଳ ଏବଂ ଜ୍ଞାନର ବିକାଶ କରନ୍ତୁ ।

ଆହୁରି ମଧ୍ୟ କହିବାକୁ ଯାଇ, ଶ୍ରୀ ଠାକୁର ସେହି ସମୟ ସହିତ ସମାନ୍ତରାଳ ଭାବରେ ଉପସ୍ଥାପନ କରିଥିଲେ ଯେତେବେଳେ ଯୁଦ୍ଧ ପରବର୍ତ୍ତୀ ବିଶ୍ୱ ସୂଚନା କ୍ରମର ରୂପ ନେଉଥିଲା ଏବଂ କହିଥିଲେ ଯେ ଆମେ ବର୍ତ୍ତମାନ ମହାମାରୀ ପରବର୍ତ୍ତୀ ନୂତନ ସୂଚନା କ୍ରମକୁ ଭୂରାଜନୈତିକ ଧାରାର ଜନ୍ମ ଭାବରେ ଦେଖୁଛୁ ଯାହାର ପୁନଃ ଅଙ୍କନ କରାଯାଉଛି ଏବଂ ଭୂ ରଣନୀତିକ ଚିନ୍ତାଧାରାକୁ ସଜାଡା ଯାଉଛି । ଧୂସର, ବିପଜ୍ଜନକ ଆଲଗୋ-ଚାଳିତ ସୂଚନା ବିସ୍ତାରରେ ବୃହତ ପ୍ରଯୁକ୍ତିବିଦ୍ୟାର ଅତ୍ୟଧିକ ପ୍ରାଧାନ୍ୟ ନୂତନ ସୂଚନା କ୍ରମର ମୂଳ ସ୍ଥାନ ଅଟେ । ପୁଣିଥରେ, ଆମେ ଦେଖୁଛୁ ପାଶ୍ଚାତ୍ୟ ନୂତନ ସୂଚନା କ୍ରମକୁ ଆକୃତି ଏବଂ ଫର୍ମ ଦେଉଛି, ବୃହତ୍‍ ପ୍ରଯୁକ୍ତିବିଦ୍ୟା ପରିବାର ସେମାନଙ୍କ ସହିତ ଦୃଢ ଭାବରେ ଯୋଡି ହୋଇଛି । ମନ୍ତ୍ରୀ ଚେତାବନୀ ଦେଇଛନ୍ତି ଯେ ଏହା ସେମାନଙ୍କ ପାଇଁ କ'ଣ ସର୍ବୋତ୍ତମ ତାହା ସ୍ଥିର କରିବା ପାଇଁ ରାଷ୍ଟ୍ରର ସ୍ୱାଧୀନତାକୁ ଛଡ଼ାଇ ନେଇପାରେ । ଏଠାରେ ସେ କହିଛନ୍ତି ଯେ ସେହି ଅଧିକାରୀଙ୍କ ପାଇଁ ଏକ ଭୂମିକା ରହିଛି ଯେଉଁମାନେ ବାହ୍ୟ ବାଧ୍ୟତାମୂଳକ ସୂଚନା କ୍ରମ ବିରୁଦ୍ଧରେ ଏକ ପ୍ରତିରୋଧକ ହୋଇପାରିବେ । ସେ କହିଛନ୍ତି, ଭାରତ, ବିଶ୍ୱର ସର୍ବବୃହତ ଗଣତନ୍ତ୍ର ଭାବରେ, ନୂତନ ସୂଚନା କ୍ରମକୁ ଆକୃତି ଏବଂ ଫର୍ମ ଦେବାରେ ସମାନ ଅଂଶଗ୍ରହଣକାରୀ ହେବା ଆବଶ୍ୟକ ।

ମନ୍ତ୍ରୀ ଆହୁରି ମଧ୍ୟ କହିଛନ୍ତି ଯେ ଅଧିକାରୀଙ୍କ ପ୍ରାଥମିକ କାର୍ଯ୍ୟ ହେଉଛି ପ୍ରସଙ୍ଗଗୁଡିକର ଏକ ସୂଚନାପୂର୍ଣ୍ଣ ବୁଝାମଣାକୁ ଇନ୍ଧନ ଦେବା ଯାହା ଦ୍ୱାରା ସାଧାରଣ ବକ୍ତବ୍ୟ ଭଲ ଭାବରେ ବୋଧଗମ୍ୟ ହେବ, ଯାହା ଏକ ସାଧାରଣ ବକ୍ତବ୍ୟ ଯାହା ଦେଶକୁ ଦୁର୍ବଳ କରିଥାଏ, ଏହାର ଅନୁଷ୍ଠାନକୁ କଳଙ୍କିତ କରିଥାଏ ଏବଂ ର୍ନିବାଚିତ ସରକାର ଉପରେ ଲୋକଙ୍କ ବିଶ୍ୱାସକୁ କମଜୋର କରିଥାଏ । ସେ ଆହୁରି ମଧ୍ୟ କହିଛନ୍ତି ଯେ ସାଧାରଣ ମନ୍ତବ୍ୟ ଯାହା ଭୁଲ ପ୍ରଚାର ଦ୍ୱାରା ପ୍ରଭାବିତ ହୁଏ ଗଣତନ୍ତ୍ର ତଥା ଜାତୀୟ ସ୍ୱାର୍ଥ ପାଇଁ କ୍ଷତିକାରକ ଏବଂ ବିପଜ୍ଜନକ । ଏହି ସୂଚନା ସମ୍ବନ୍ଧୀୟ ବିପଦ ଉପରେ ଆଲୋକପାତ କରି ଶ୍ରୀ ଠାକୁର କହିଛନ୍ତି ଯେ ବୈଷୟିକ ପ୍ଲାଟଫର୍ମ ଦ୍ୱାରା ପ୍ରଦାନ କରାଯାଇଥିବା ସର୍ବସାଧାରଣ ସ୍ଥାନଗୁଡିକର ଗଣତାନ୍ତ୍ରିକକରଣର କୌଣସି ସକାରାତ୍ମକ ପ୍ରଭାବ ପଡିଥିବା ବେଳେ ଲୋକପ୍ରିୟ ବିତର୍କ ଏବଂ ଆଲୋଚନାରେ ଏକ ନିମ୍ନ ରୁଚିର ଅଂଶଗ୍ରହଣକୁ ଅନୁମତି ଦେଇଥାଏ, ସେହି ସମୟରେ ନକରାତ୍ମକ, ଅସ୍ତ୍ରଶସ୍ତ୍ର ସଂକ୍ରାନ୍ତୀୟ ଭୁଲ ସୂଚନା ବି ହେଉ, ଆଭ୍ୟନ୍ତରୀଣ କିମ୍ବା ବାହ୍ୟ, ସର୍ବସାଧାରଣ ସ୍ଥାନଗୁଡିକର ଏହା ଗଣତାନ୍ତ୍ରିକରଣର ସକରାତ୍ମକ ଲାଭ ବିରୁଦ୍ଧରେ କାର୍ଯ୍ୟ କରୁଛି । ଡିଜିଟାଲ ବ୍ୟବସ୍ଥାରେ ଗଣତାନ୍ତ୍ରିକକରଣର ଲାଭ ଯେପରି ଭୁଲ ସୂଚନା ପାଇଁ ବାଧାପ୍ରାପ୍ତ ନହୁଏ ସେଥିପାଇଁ ଶ୍ରୀ ଠାକୁର ଅଧିକାରୀମାନଙ୍କୁ ଉତ୍ସାହିତ କରିଥିଲେ ।

ଶ୍ରୀ ଅନୁରାଗ ଠାକୁର ଏହି ତିନି ବ୍ୟାଚରୁ ୫୨ ଜଣ ଅଧିକାରୀଙ୍କୁ ସମ୍ମାନଜନକ ସେବାରେ ଯୋଗ ଦେଇଥିବାରୁ ଅଭିନନ୍ଦନ ଜଣାଇବା ସହ ଏତେ ସଂଖ୍ୟକ ଯୁବକ, ଉତ୍ସାହୀ ଅଧିକାରୀଙ୍କୁ ଦେଖି ସେ ଅତ୍ୟନ୍ତ ଆନନ୍ଦିତ –ଦେଶର ସେବା ପାଇଁ ନିଜର ଶକ୍ତି ସମର୍ପଣ ଲାଗି ଉତ୍ସୁକ ଏବଂ ପ୍ରସ୍ତୁତ ରହିବାକୁ ସେ କହିଥିଲେ ।

HS