فروری 2023 کے مہینے میں رہائشیوں کی درخواستوں کے بعد آدھار میں 10.97 ملین سے زیادہ موبائل نمبر جوڑے گئے، جو پچھلے مہینے کے مقابلے میں 93 فیصد سے زیادہ ہے۔

یونیک آئیڈینٹی فکیشن اتھارٹی آف انڈیا (یو آئی ڈی اے آئی) کے مطابق، جبکہ رہائشیوں کی درخواست کے بعد 5.67 ملین موبائل نمبر جوڑے گئے، فروری میں اس تعداد میں نمایاں اضافہ دیکھا گیا۔

یو آئی ڈی اے آئی رہائشیوں کو بہتر اور مؤثر مواصلت کے لیے نیز فلاحی خدمات حاصل کرنے اور بہت ساری رضاکارانہ خدمات تک رسائی حاصل کرنے کے لیے اپنے آدھار کو موبائل نمبر کے ساتھ جوڑنے کی ترغیب دے رہا ہے۔

یہ چھلانگ یو آئی ڈی اے آئی کی مسلسل حوصلہ افزائی، سہولت، اور مختلف خدمات حاصل کرنے کے لیے اپنے موبائل نمبر کو اپ ڈیٹ رکھنے کی رہائشیوں کی رضامندی کا اشارہ ہے۔ آدھار کے استعمال کے لیے تقریباً 1700 مرکزی اور ریاستی سماجی بہبود کی براہ راست فوائد کی منتقلی (ڈی بی ٹی) اور گڈ گورننس اسکیموں کا اعلان کیا گیا ہے۔

ہندوستان میں تمام شعبوں میں آدھار کو اپنانے اور استعمال کرنے میں اضافہ ہو رہا ہے۔ صرف فروری کے مہینے میں، 226.29 کروڑ کی تعداد میں آدھار تصدیقی لین دین کیے گئے، جس میں جنوری کے مقابلے میں 13 فیصد سے زیادہ اضافہ ہوا جب 199.62 کروڑ ایسے لین دین کیے گئے۔

مجموعی طور پر، فروری 2023 کے آخر تک، اب تک 9,255.57 کروڑ آدھار تصدیقی لین دین مکمل ہو چکے ہیں۔ جب کہ تصدیقی لین دین کے نمبروں کی اکثریت فنگر پرنٹ کے ذریعے کی گئی تھی، اس کے بعد آبادیاتی ڈیٹا اور OTP کے ذریعہ۔

اسی طرح، آدھار ای-کے وائی سی سروس شفاف اور بہتر کسٹمر کا تجربہ فراہم کرکے، اور کاروبار کرنے میں آسانی میں مدد کرتے ہوئے بینکنگ اور غیر بینکنگ مالیاتی خدمات کے لیے ایک شاندار کردار ادا کرتی رہتی ہے۔ فروری کے مہینے میں 26.79 کروڑ سے زیادہ ای-کے وائی سی لین دین کیے گئے۔

ای-کے وائی سی کو اپنانے سے مالیاتی اداروں، ٹیلی کام سروس فراہم کرنے والوں اور دیگر جیسے اداروں کے صارفین کے حصول کی لاگت میں کمی آئی ہے۔ مجموعی طور پر، فروری کے آخر تک آدھار ای-کے وائی سی لین دین اب تک 1,439.04 کروڑ سے تجاوز کر چکے ہیں۔

پچھلی دہائی کے دوران، آدھار نمبر ہندوستان میں رہائشیوں کی شناخت کے ثبوت کے طور پر سامنے آیا ہے اور اسے کئی سرکاری اسکیموں اور خدمات سے فائدہ اٹھانے کے لیے استعمال کیا جا رہا ہے۔ وہ رہائشی جنہوں نے اپنا آدھار 10 سال پہلے جاری کیا تھا، اور اس کے بعد ان سالوں میں کبھی اپ ڈیٹ نہیں ہوا، ایسے آدھار نمبر رکھنے والوں کو اپنے دستاویزات کو اپ ڈیٹ کرنے کی ترغیب دی جاتی ہے۔

*************

ش ح۔ ف ش ع-م ف

U: 3569