সাইন্স এন্দ তেক্নোলোজী মন্ত্রালয়গর কেন্দ্রগী রাজ্য মন্ত্রী (ইন্দিপেন্দেন্ত চার্জ); আর্থ সাইন্স মন্ত্রালয়গী রাজ্য মন্ত্রী (ইন্দিপেন্দেন্ত চার্জ); প্রাইম মিনিস্তর্স ওফিস অমদি পর্সোনেল, পব্লিক গ্রীভান্সেস অমদি পেন্সন্স, এতোমিক ইনর্জী এন্দ স্পেস মন্ত্রালয়গী রাজ্য মন্ত্রী, দোক্তর জিতেন্দ্র সিংহনা ঙসি অৱাং নোংপোক ভারতনা স্তার্তঅপশিংগী য়ৌশিল্লুদ্রিবা মতিং পীরি হায়খ্রে‍।

নোর্থ ইস্ত রীজনেল রীছর্চ এন্দ রিসোর্স সেন্তর মিরান্দা হাউসনা শিন্দুনা নুমিৎ নিনি চত্থগদবা “ইন্তরনেস্নেল কন্ফরেন্স ওন স্তার্তঅপ্স, সস্তেনেবিলিতী, ইনোভেসন, এন্দ ওন্ত্রপ্রিন্যুরসিপ ইন নোর্থ ইস্ত ইন্দিয়া”দা অথোয়বা মীথুং ওইনা ৱা ঙাঙলদুনা, অৱাং নোংপোক অসি মহৌশানা লোইনজরক্লবা ইনোভেসনগী লম অমনি হায়খি‍। অৱাং নোংপোক্কী স্তার্তঅপ কলচরদা নুপীশিংনা মতম পুম্বদা মাঙদা থাদুনা লৈ অমদি প্রধান মন্ত্রী নরেন্দ্র মোদীনা লুচিংবা লৈঙাক্না মসিবু ইন্সতিত্যুসনেলাইজ তৌখ্রবা মতুংদগী স্তার্তঅপ ইকোসিস্তেমদা মাঙজিল থাবা শক্লোন লৌদুনা লাক্লি‍।

অৱাং নোংপোক, স্তার্তঅপ অমদি নুপীশিং অসিনা লৈঙাক অসিগী প্রাইওরিতী মতম পুম্বদা ওইদুনা লাক্লি হায়না মন্ত্রীনা মখা তাখি‍। অৱাং নোংপোক লমদমবু মমাঙগী লৈঙাকশিংনা মীরায়দুনা থম্লমখি অদুবু হৌজিক্তি লমদম অসি প্রধান মন্ত্রী নরেন্দ্র মোদীনা লুচিংবা লৈঙাক্না অতোপ্পা মফমশিংদা মান্ননা পুখৎলক্লি‍।

নীংতম নুমিত্তা রেদ ফোর্ত মথক্তগী “স্তার্তঅপ ইন্দিয়া, স্তেন্দঅপ ইন্দিয়া” হায়বা খোল্লাউ লাউদুনা প্রধান মন্ত্রী নরেন্দ্র মোদীনা মরুওইবা ৱাফম থমখিবনা মরম ওইরগা, ভারত্তা স্তার্তঅপ মশিং ২০১৪ দগী ২০২২ ফাওবগী চহি ৮সিদা ৩০০-৪০০ লৈরম্বগী ৯০,০০০ হেন্না লিংখৎলক্লি অমদি য়ুনিকোর্ন ১০০ হেন্নসু লৈরে‍‍। ভারতকী য়ুনিকোর্ন ১০০গী মনুংদা ৩৬কী ফাউন্দর নৎত্রগা কো-ফাউন্দরশিং নুপীশিংনা ওইরি‍। নুপীশিংনা শরুক য়ারম্বদগী লুচিংবগী শক্লোনলোমদা মায় ওনশিল্লক্লে হায়না দোক্তর জিতেন্দ্র সিংহনা হায়খি‍।

ভারতকী স্তার্তঅপ ইকোসিস্তেম অসি মালেমগী ওইনা ৩শুবা মফমদা লৈ‍। ভারতনা গ্লোবেল ইনোভেসন ইন্দেক্স (জি.আই.আই.)গী মকোক থোংবা লৈবাক ৫০গী মনুংদা চল্লি অমদি মালেমগী ওইনা খ্বায়দগী স্তার্তঅপ-ফ্রেন্দলী ওইবা (এসিয়াদা মকোক থোংবা) লৈবাক অমা ওইরি হায়না মন্ত্রীনা হায়খি‍।

হৌখিবা চহি খরসিদা স্তার্তঅপ ইকোসিস্তেমদা ইনক্যুবেতর, এসেলেরেতর অমদি অতৈ ভেঞ্চর ফন্দনচিংবা তোঙান তোঙানবা স্তেকহোল্দরশিং অৱাং নোংপোক লমদমদা থোরক্তুনা স্তার্ত-অপ মশিং য়াম্না পুথোরক্ল‍ি হায়বা ৱাফমসু দোক্তর জিতেন্দ্র সিংহনা পনখি‍।

লৈঙাক অসিনা লমদম অসিদা চাওখৎপা পুরক্নবা অমদি কন্নেক্তিবিতীগী ফীভম ফগৎহন্নবা ২০১৪-১৫দগী হৌনা তোঙান তোঙানবা মরুওইবা থৌরাং কয়া লৌখৎলি, অমদি মসিনা মরম ওইরগা লমদম অসিগী চাওখৎ খোঙথাঙ খোঙজেল য়াঙ্খৎহল্লি‍। নন-একজেম্পতেদ কেন্দ্রগী মন্ত্রালয়শিং/ দিপার্তমেন্তশিং মখোয়গী গ্রোস বজেতরী সপ্পোর্ত (জি.এস.বি.)গী য়ামদ্রবদা ১০%দি অৱাং নোংপোক লমদমদা সেন্ত্রেল সেক্তর অমদি সেন্ত্রেল্লী স্পোন্সর্দ স্কীমশিংদা শীজিন্নবা মথৌ তাহল্লি হায়না মন্ত্রীনা হায়খি‍।

পি.এম. মোদীনা ২০১৪দগী হৌনা অৱাং নোংপোক্তা অহোংবা পুরক্নবগী লমদ মীৎয়েঙ চঙলি হায়না দোক্তর জিতেন্দ্র সিংহনা হায়খি‍। মতমদুগা হৌজিক্কগী মরক্তা, মহাক্না অৱাং নোংপোক অমদি দিল্লীগী মরক্তা লৈরম্বা খেন্নবশিং মেনখৎলে‍। অৱাং নোংপোক্কী য়েলহৌ নাৎ অমদি লোলশিং কনানসু থৌশানরমদে, অদুবু মহাক্না হায়রিবশিং অসিদা মরুওইবা মীৎয়েঙ থমখি হায়না মহাক্না ফোঙদোকখি‍।

অৱাং নোহপোক্কী নুপীশিং মখোয়গী চৎনবীগী শরুক অমা ওইনা হান্ননা মপাঙ্গল কনবা অমদি শিন্ফমদা হেন্না এক্তিব ওইদুনা লৈবগী মথক্তা কিরন স্কীম, ক্যুরী ইনিসিএতিব, বিজ্ঞান জ্যোতী প্রোগ্রাম, ফেলোসিপ অমদি অতৈ লৈঙাক্কী থৌরাংশিংনা নুপী ওন্ত্রপ্রিন্যুরশিং পুক্নিং থৌগৎলি অমদি নুপীমচাশিং মপাঙ্গল হাপ্লি হায়না দোক্তর জিতেন্দ্র সিংহনা হায়খি‍।

‘অমৃৎ কাল’গী লাক্কদৌরিবা চহি ২৫সিদা খ্বায়দগী চাউনা খুদোংচাব অৱাং নোংপোক, হিমালয়ান রীজন অমদি সমুদ্রদা য়ুম্ফম ওইবা রিসোর্সশিংদা লৈগনি হায়না মন্ত্রীনা হায়খি‍। “কন্ফরেন্স অসিদা নহা ওইরিবা নুপী ওন্ত্রপ্রিন্যুর কয়া লাক্তুনা মখোয়গী ৱাখল্লোন অমদি এক্সপরিএন্সশিং ময়ামদা পুথোক্তুনা উৎলি‍। অহোবা মেনশিনবা হায়বসিনা পান্দম্নি‍। লৈঙাক্তা লৈরিবা ঐখোয়না হায়রিবা নুপী ওন্ত্রপ্রিন্যুরশিং অসিদা ইনোৎ হাপ্নবগীদমক মতম পুম্নমক্তা লেপ্লি”, হায়না মহাক্না মখা তাখি‍।

*****

(Release ID: 1911570) Visitor Counter : 128