ଶ୍ରମ ଓ ନିୟୋଜନ ମନ୍ତ୍ରଣାଳୟ
ଇପିଏଫ୍ କେନ୍ଦ୍ରୀୟ ଟ୍ରଷ୍ଟି ବୋର୍ଡ (ସିବିଟି) ୨୦୨୨-୨୩ ଆର୍ଥିକ ବର୍ଷ ନିମନ୍ତେ ହିତାଧିକାରୀଙ୍କ ସୁଧହାର ଶତକଡ଼ା ୮.୧୫ ବୃଦ୍ଧି ପାଇଁ କଲେ ସୁପାରିସ
Posted On:
28 MAR 2023 11:13AM by PIB Bhubaneshwar
ଇପିଏଫ୍ କେନ୍ଦ୍ରୀୟ ଟ୍ରଷ୍ଟି ବୋର୍ଡ (ସିବିଟି)ର ୨୩୩ ତମ ବୈଠକ ଆଜି (୨୮-୦୩-୨୦୨୩) କେନ୍ଦ୍ର ଶ୍ରମ ଓ ନିୟୋଜନ, ପରିବେଶ, ଜଙ୍ଗଲ ଓ ଜଳବାୟୁ ପରିବର୍ତ୍ତନ ମନ୍ତ୍ରୀ ଶ୍ରୀ ଭୂପେନ୍ଦ୍ର ଯାଦବଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ଏହାର ଉପାଧ୍ୟକ୍ଷ ତଥା କେନ୍ଦ୍ର ଶ୍ରମ, ନିୟୋଜନ, ପେଟ୍ରୋଲିୟମ ଓ ପ୍ରାକୃତିକ ବାଷ୍ପ ରାଷ୍ଟ୍ରମନ୍ତ୍ରୀ ଶ୍ରୀ ରାମେଶ୍ୱର ତେଲି, ସହ ଉପାଧ୍ୟକ୍ଷ ତଥା ଶ୍ରମ ଓ ନିୟୋଜନ ସଚିବ ଶ୍ରୀମତୀ ଆରତୀ ଆହୁଜା, ସଦସ୍ୟ ସଚିବ ଶ୍ରୀମତୀ ନିଲମ ଶାମୀ ରାଓ, କେନ୍ଦ୍ରୀୟ ଭବିଷ୍ୟନିଧି ଆୟୁକ୍ତ ମଧ୍ୟ ଏହି ବୈଠକରେ ଉପସ୍ଥିତ ଥିଲେ ।
କେନ୍ଦ୍ରୀୟ ବୋର୍ଡ ଇପିଏଫ୍ ସଦସ୍ୟମାନଙ୍କ ଖାତାରେ ୨୦୨୨-୨୩ ଆର୍ଥିକ ବର୍ଷ ନିମନ୍ତେ ବାଷିକ ୮.୧୫ ପ୍ରତିଶତ ସୁଧ ଜମା କରିବାକୁ ସୁପାରିସ କରିଛନ୍ତି । ସୁଧହାର ନେଇ ସରକାରୀ ବିଜ୍ଞପ୍ତି ଗେଜେଟରେ ପ୍ରକାଶ ପାଇବ ଓ ଅର୍ଥ ମନ୍ତ୍ରଣାଳୟର ଅନୁମୋଦନ ପରେ ଇପିଏଫଓ ହିତାଧିକାରୀ ଖାତାଧାରୀଙ୍କ ଖାତାରେ ସୁଧହାର ବାବଦ ଅର୍ଥ ଜମା କରିବେ ।
ସିବିଟି ବଳକା ଓ ବୃଦ୍ଧି ପାଇଥିବା ଅର୍ଥର ସନ୍ତୁଳନ ରକ୍ଷା ସହ ସୁରକ୍ଷା ନେଇ ମଧ୍ୟ ସୁପାରିସ କରିଛି । ସୁପାରିସ କରାଯାଇଥିବା ଶତକଡ଼ା ୮.୧୫ ଭାଗ ସୁଧହାର ସଦସ୍ୟମାନଙ୍କ ବଳକା ଓ ଗ୍ୟାରେଣ୍ଟିଯୁକ୍ତ ବୃଦ୍ଧି ହୋଇଥିବା ଆୟକୁ ସୁରକ୍ଷିତ ରଖିବ । ବାସ୍ତବିକ ଶତକଡ଼ା ୮.୧୫ ସୁଧହାର ଓ ବଳକା ୬୬୩.୯୧ କୋଟି ଟଙ୍କା ଗତ ବର୍ଷର ମୋଟ ଅର୍ଥ ତୁଳନାରେ ମଧ୍ୟ ଅଧିକ ।
ବୋର୍ଡର ସୁପାରିସ ମଧ୍ୟରେ ସଦସ୍ୟମାନଙ୍କ ଖାତାରେ ୯୦ ହଜାର କୋଟି ଟଙ୍କାରୁ ଅଧିକ ବଣ୍ଟାହେବ ଓ ତାହା ମୂଳଧନ ବାବଦ ଅର୍ଥ ପ୍ରାୟ ୧୧ ଲକ୍ଷ କୋଟି ଟଙ୍କା ସହିତ ରହିବ । ଏହା ୨୦୨୧-୨୨ ଆର୍ଥିକ ବର୍ଷରେ ୭୭,୪୨୪.୮୪ କୋଟି ଓ ୯.୫୬ ଲକ୍ଷ କୋଟି ଟଙ୍କା ଥିଲା ।
ସୁପାରିସ କରାଇଥିବା ମୋଟ ଆୟର ଆବଣ୍ଟନ ବର୍ତ୍ତମାନ ସୁଦ୍ଧା ସର୍ବାଧିକ ଜଣାପଡ଼ିଛି । ଗତ ଆର୍ଥିକ ବର୍ଷ ୨୦୨୧-୨୨ ତୁଳନାରେ ଆୟ ଅର୍ଥ ଓ ମୂଳଧନ ଯଥାକ୍ରମେ ଶତକଡ଼ା ୧୬ ପ୍ରତିଶତ ଓ ୧୫ ପ୍ରତିଶତ ଜଣାପଡ଼ିଛି ।
ଇପିଏଫଓ ଗତ କେତବେର୍ଷ ଧରି ବିଭିନ୍ନ ଆର୍ଥିକ ଚକ୍ର ଜରିଆରେ ନଗଣ୍ୟ କ୍ରେଡିଟ ରିସ୍କ ନେଇ ଏହାର ସଦସ୍ୟମାନଙ୍କୁ ଅଧିକ ଆୟ ବଣ୍ଟନ କରିଆସୁଛି । କ୍ରେଡିଟ ପ୍ରୋଫାଇଲ ନିବେଶ ଦୃଷ୍ଟିରୁ ବିଚାର କଲେ ଇପିଏଫଓ ସୁଧ ହାର ହିତାଧିକାରୀଙ୍କ ଅନ୍ୟାନ୍ୟ ନିବେଶ ମାଧ୍ୟମଗୁଡ଼ିକ ତୁଳନାରେ ମଧ୍ୟ ଅଧିକ । ଇପିଏଫଓ ନିରବଚ୍ଛିନ୍ନ ଭାବେ ଏକ ଦୂରଦର୍ଶୀ ଓ ସନ୍ତୁଳିତ ମନୋଭାବ ନିବେଶ ନୀତି ରଖି ମୂଳଧନର ସୁରକ୍ଷା ଉପରେ ସର୍ବାଧିକ ଗୁରୁତ୍ୱ ଆରୋପ କରିବା ସହ ସତର୍କତା ଓ ଅଭିବୃଦ୍ଧି ଉପରେ ମଧ୍ୟ ନଜର ରଖି ଆସୁଛି ।
ଇପିଏଫଓ ହେଉଛି ଅନ୍ୟ ଏକ ବୃହତ୍ତମ ସାମାଜିକ ସୁରକ୍ଷା ସଂଗଠନ ଯାହା ନିଜର ଲକ୍ଷ୍ୟ ପ୍ରତି ସବୁବେଳେ ଏକନିଷ୍ଠ ରହି ପୁଞ୍ଜିବାଦର ଓ ଅଂଶଧନ ବଜାରର ଭୟଙ୍କର ମାନ୍ଦାବସ୍ଥା ସତ୍ତ୍ୱେ ମଧ୍ୟ ନିଜର ହିତାଧିକାରୀ ଗ୍ରାହକମାନଙ୍କୁ ପ୍ରତିଶ୍ରୁତି ମୁତାବକ ସୁଧ ପ୍ରଦାନ କରିଆସିଛି । ଇପିଏଫଓ ଦେଇଥିବା ଏହାର ଉଭୟ ରକ୍ଷଣଶୀଳ ପ୍ରଗତିଶୀଳ ନିବେଶକାରୀ ମନୋଭାବ ଯୋଗୁ ଭବିଷ୍ୟନିଧି ପାଣ୍ଠି ଧାରକଙ୍କ ନିମନ୍ତେ ଏକ ବୁଦ୍ଧିମାନ ମାଧ୍ୟମ ହୋଇ ରହିଛି ।
SM/MB
(Release ID: 1911537)
Visitor Counter : 215