সাইন্স অমসুং তেক্নোলোজী, আর্থ সাইন্সকী কেন্দ্রগী রাজ্য মন্ত্রী (ইন্দিপেন্দেন্ত ইন-চার্জ); পি.এম.ও., পর্সোনেল, পব্লিক গ্রাইবেন্স, পেন্সন, এতোমিক ইনর্জী অমসুং স্পেসকী এম.ও.এস., দাঃ জিতেন্দ্র সিংহনা লৈঙাকপগী থৌওংবু ক্যুদা লেপ্লিবা খ্বাইদগী অকনবা মীওইগী থোংজিন্দা পুরকপা হায়বসি জিলাগী লৈঙাক্লোইশিংগা লোয়ননা ‘পব্লিক দর্বার’ পাংথোক্তুনা মীয়ামগী খুদোংচাবশিংবু মফমদুমক্তদা খন্ন-নৈনদুনা ৱারোইশিন পুরকপগী পান্দম থমদুনা ইং ২০১৪দগী ভারতকী প্রধান মন্ত্রী ওইনা ৱাশক লৌখিবা প্রধান মন্ত্রী শ্রী নরেন্দ্র মোদীগী মখাদা খক্তা ওইথোকপনি হায়খ্রে। দাঃ জিতেন্দ্র সিংহনা দিস্ত্রিক্ত হেদক্বার্তর কথুৱাগী মপান্দা হিরানগরদা ‘পব্লিক দর্বার’ পাংথোকপদা ৱাফম অসি থমখিবনি।

জিলাগী লৈঙাক্লোইশিংগা লোয়ননা পাংথোকপা ‘পব্লিক দর্বার’ অসিদা দাঃ জিতেন্দ্র সিংহনা লৈঙাকপগী থৌওং অসি জিলাগী হেদক্বার্র খক্তদা অখন্নবা থমগদৌবা নত্তে অমসুং মীয়ামগী খুদোংচাদবশিং হকথেংননা তাদুনা মদুগী ৱারোইশিনবু জিলাগী লৈঙাক্লোইশিংগা লোয়ননা মফমদুমক্তদা পুরকপা য়ানবগীদমক্তা ঙরাংনা রাম্নগর অমসুং ঙসিনা হিরানগরদা পাংথোক্লিবা অসিগুম্না হান্নদগী লৈরক্লবা চৎনবীগী ৱাংমদা থবক তৌবগী তঙাই ফদবা লৈ হায়না ফোংদোকখি।

ক্যুদা লেপ্লিবা খ্বাইদগী অকোনবা মীওইগী মফমদা চাউখৎপগী মঙালবু ঐখোয়না পি.এম. নরেন্দ্র মোদীগী মখাদা য়ৌহনবা ঙম্লে অমসুং মমাংগী সরকারনা মিৎয়েং চঙবীরমদবা ঙমখৈগী মফমশিংগী জিলাগুম্বা মফমশিংনা ঙসিদি লৈবাক্কী খুদম ওইরে হায়না দাঃ জিতেন্দ্র সিংহনা হায়খি। কথুৱানা লৈবাক্কী চাউখৎপা অমসুং অফবা লৈঙাকপগী থৌওংগী মতিক চারবা খুদম অমনি হায়না মহাক্না মখা তাখি।

কথুৱাগী ঙমখৈগী মফমদা লৈবা মীওইশিংগী নুংঙাই য়াইফহন্নবগীদমক্তা চহি কুনগী মনুংদা অহানবা ওইনা ঙমখৈগী লমগী একর কয়াবু  পোৎ-চৈ থাবা য়াবগী মনুংদা পুশিল্লকখিবা অসি ‘সবকা প্রয়াস, সবকা বিকাস’কী মন্ত্রদা থাজবা থম্বা পি.এম. নরেন্দ্র মোদীগী মখাদা লৈবা সরকার খক্তনা ওইথোকহনবনি হায়না দাঃ জিতেন্দ্র সিংহনা হায়খি।

অৱাং ভারতকী খ্বাইদগী অহানবা বাইওতেক পার্ক, চহি ৪০গী মতুংদা শাহপুর-কান্দী প্রোজেক্ত নৌনা হৌদোকপা, অৱাং ভারতকী খ্বাইদগী অহানবা কেবল-স্তাইল ব্রিজ অতল সেতু, কীরিন-গান্দ্যালদা লৈবা জম্মু অমসুং কশ্মিরগী অহানবা ইন্তর-স্তেত ব্রিজ, কথুৱা ফাওদুনা চৎলিবা দিল্লীদগী কত্রা ফাওবগী অৱাং ভারতকী অহানবা এক্সপ্রেস রিএল কোরিদোর, চত্তরগালা তন্নেল ফাওদুনা চৎলিবা লখনপুর-বানী-বাসোলি-দোদা ফাওবগী অনৌবা নেস্নেল হাইৱে, কেন্দ্রনা শেল থাদবা গবর্নমেন্ত মেদিকেল কোলেজ, ইঞ্জিনিয়রিং কোলেজ, দেন্তেল কোলেজকী মথক্তা লৌমীশিংগী চাগাবু শরুক অনি হেনগৎহল্লিবা মেগা ক্বিন্তল সীদ প্রোসেসিং প্লান্তশিংগী মতাংদা দাঃ জিতেন্দ্র সিংহনা পল্লদুনা কথুৱা অসি লৈবাক্কী চাউখৎ-থৌরাংগী খুদম অমা ওইরে হায়না ফোংদোকখি।

মীফম অসিদা শরুক য়াখিবা পি.আর.আই.শিংনা দাঃ জিতেন্দ্র সিংহনা মহাক্কী কন্সতিত্বেন্সীগী এম.পি. ওইনা চাউখৎ থৌরাংগীদমক্তা পাংথোকখিবা থবকশিংবু থাগৎখি। থবকশিং অসিগী মনুং চনবশিংদি কথুৱা জিলাগী ঙমখৈগী লমদমশিংদা বোর্দর রোদ, মনা-মশিং থাবা য়াহন্নবা লম শীনবা, কথুৱা জিলা ফাওদুনা চৎপা হাইৱে শাবা (এক্সপ্রেস কোরিদোর), জিলা অসিদা কেন্দ্রিয় বিদ্যালয়া, জি.এম.সি. কোলেজ লিংখৎপা অমসুং জে.জে.এম., রুরেল দিভেলপমেন্ত অমসুং পি.দবল্যু.দি.গী মখাদা পাংথোকপা থবকশিং য়াওরি।

দাঃ জিতেন্দ্র সিংহনা ‘পব্লিক দর্বার’ অসিগী মনুংদা লমগী খেতী-পুরোন পীবা, মীয়ামগী নুংঙাইহন্নবগীদমক্তা হাইৱেগী অখন্নবা মফমদা ক্রোসিং অমসুং ফ্লাইওভর শাবনচিংবা দিল্লী-কত্রা এক্সপ্রেস হাইৱেগা মরী লৈনবা ৱাফম কয়া থমখি অমসুং এক্সপ্রেস কোরিদোরগী থবকশিংগী খোঙজেল য়াঙশিনহন্নবা এন.ঐচ.এ.আই.দা য়াথং পীখ্রে অমসুং মীয়াম্না পুখৎলকপা অশেংবা হীরমশিংবু অকক্নবা মতমগী মনুংদা লোইশিন্নবা খঙহনখ্রে।

থৌরম অসিদা শরুক য়াখিবা মীওইশিংদি দি.দি.সি. চেয়রমেন কথুৱা , কোল. মহান সিংহ, কথুৱাগী দিপ্যুতী কম্মিস্নর রাহুল পান্দে, কথুৱা দি.দি.সি. ভাইস চেয়রমেন, রঘুনন্দন সিংহ বব্লু, এম.সি. হিরানগরগী প্রসিদেন্ত, এদ্ভোকেত বিজয় শর্মগা লোয়ননা বি.দি.সি., দি.দি.সি. মেম্বর, সর্পঞ্চ অমসুং জিলাগী লৈঙাক্লোইশিংগী ওফিসরশিং য়াওখি।

 <><><><><>