حکومت ہند کی سماجی انصاف اور اختیارات کی وزارت کی  اے ڈی آئی پی اسکیم کے تحت معذورین کی امداد اور معاون آلات کی تقسیم کے لیے  ملک بھر میں 9 ریاستوں کے 17 مقامات پر ’سماجک ادھیکاریتا شیویر‘  تقسیم کیمپوں کا اہتمام کیا۔ 13500 سے زیادہ معذورین کو مختلف قسم کی امداد اور معاون آلات فراہم کئے گئے۔ تقریب کے مرکزی مقام پر مختلف مقامات پر تمام ڈسٹری بیوشن کیمپوں کو ویڈیو کانفرنسنگ کے ذریعے آن لائن منسلک کیا گیا۔ مدھیہ پردیش کے ضلع دتیا کے اسٹیڈیم گراؤنڈ اس میگا ایونٹ کا سنٹرل پوائنٹ تھا۔

تقریب کے مہمان خصوصی ڈاکٹر وریندر کمار، مرکزی وزیر برائے سماجی انصاف اور تفویض اختیارات نے آج مدھیہ پردیش کے دتیا ضلع میں تقسیم کیمپ کی مرکزی تقریب کا افتتاح کیا۔ اس موقع پر محترمہ سندھیا رائے، ممبر پارلیمنٹ، بھنڈ حلقہ، جناب سریش دھاکڑ، ریاستی وزیر برائے تعمیرات عامہ، حکومت مدھیہ پردیش اور وزیر (آئی/سی) دتیا، ضلع پنچایت کی صدر محترمہ اندرا دھیرو، دتیا اور ضلع کے دیگر مقامی عوامی نمائندے بھی موجود تھے۔

یہ کیمپ ملک کے 16 دیگر مقامات پر منعقد کیے گئے تھے جس میں سماجی انصاف اور تفویض اختیارات کی مرکزی وزیر مملکت کماری پرتیما بھومک نے بھی آسام کے درنگ ضلع میں منعقدہ تقسیم کیمپ میں بھی شرکت کی۔

اس موقع پر مرکزی وزیر ڈاکٹر وریندر کمار نے اپنی تقریر میں کہا کہ عزت مآب وزیر اعظم سب کا ساتھ، سب کا وکاس، سب کا وشواس اور سب کا پرایاس کے منتر پر عمل کرتے ہوئے ہماری وزارت کے تحت معذور افراد کو بااختیار بنانے کے محکمے کو سماجی، ثقافتی، تعلیمی اور اقتصادی طور پر بااختیار بنانے اور ان کے لیے ایک جامع اور قابل رسائی ماحول پیدا کرنے کے لیے متعدد مرکزی سکیموں کو نافذ کر رہے ہیں۔

مرکزی وزیر نے بتایا کہ محکمہ نے 'ارجن پورٹل' تیار کیا ہے جو معذورین کو آن لائن موڈ کے ذریعے معاون آلات کے لیے درخواست دینے میں مدد کرے گا اور کسی بھی آلات کی مرمت کے لیے شکایت بھی درج کر سکتا ہے۔ ملک میں ہندوستانی اشاروں کی زبان میں تحقیق اور تربیت کے لیے دہلی میں ایک الگ انسٹی ٹیوٹ قائم کیا گیا ہے۔ کل 10000 الفاظ پر مشتمل آئی ایس ایل ڈکشنری تیار کی گئی ہے جس میں وہ لوگ مستفید ہو رہے ہیں جو بول نہیں سکتے اور سن نہیں سکتے۔

محترمہ سندھیا رائے، ممبر پارلیمنٹ، بند نے دیویانگجن کی بہبود کے لیے اپنے حلقہ میں اے ڈی آئی پی اسکیم کو لاگو کرنے کے لیے مرکزی حکومت اور مرکزی وزیر سے اظہار تشکر کیا۔

جناب سریش ڈھاکڑ، ریاستی وزیر برائے تعمیرات عامہ، حکومت مدھیہ پردیش اور وزیر (آئی/سی) دتیا نے معذورین کے تئیں مرکزی حکومت کی کوششوں کی ستائش کی اور خواہش ظاہر کی کہ ریاست مدھیہ پردیش کے مختلف مقامات پر اس طرح کے مزید کیمپ منعقد کیے جائیں۔

ان کیمپوں کے انعقاد کا مقصد ایک جامع معاشرہ بنانے کا وژن بنانا ہے جس میں معذورین کی ترقی اور بہبودکے لیے مساوی مواقع فراہم کیے جائیں تاکہ وہ معاشرے میں ایک محفوظ اور باوقار زندگی گزار سکیں۔

مصنوعی اعضاء مینوفیکچرنگ کارپوریشن آف انڈیا نے حکومت ہند کے معذور افراد کو بااختیار بنانے کے محکمے کے تحت ملک کے 17 مقامات پر متعلقہ اضلاع کی انتظامیہ کے ساتھ مل کر مختلف مقامات پر تقسیم کیمپوں کا انعقاد کیا۔

دتیا میں مرکزی تقریب کے علاوہ دیگر 16 مقامات پر تقسیم کیمپ منعقد کیے گئے جن میں مدھیہ پردیش میں دھر، علی راج پور، جھارکھنڈ میں سمڈیگا، مہاراشٹر میں بھنڈارا، لال گنج (اعظم گڑھ)، مہوبہ، چترکوٹ اور اتر پردیش میں کانپور، آسام میں درنگ، وڈودرا، گجرات میں چھوٹا ادے پور اور سورت، ہریانہ میں نوح اور پانی پتھ، کرناٹک میں کالبرگی، اور چھتیس گڑھ میں کانکیر شامل ہیں۔

دتیا ضلع کے 815 پہلے سے شناخت شدہ معذور افراد میں 128.96 لاکھ روپے کے 1743 مختلف زمروں کی امداد اور معاون آلات کی تقسیم عمل میں آئی۔ حکومت ہند کی اے ڈی آئی پی اسکیموں کے تحت جو امدادی سامان اور معاون آلات تقسیم کیے جائیں گے ان میں 132 موٹرائزڈ ٹرائی سائیکلیں، 420 ٹرائی سائیکلیں، 91 وہیل چیئرز - 91، 284 بیساکھیاں، 302 کہنی والی بیساکھیاں، 178 واکنگ اسٹکس، 27 رولنگ 52، رولنگ 52۔ ٹی ایل ایم کٹس، 21 CP چیئر، 31 سوگمیہ کین، بصارت سے محروم افراد کے لیے ایک ذہین سنسر پر مبنی چھڑی، 04 اسمارٹ فون اور مصنوعی اعضاء اور کیلیپر شامل ہیں۔

جناب راجیش کمار یادو، جوائنٹ سکریٹری، ڈی ای پی ڈبلیو ڈی، حکومت ہند نے اپنے ابتدائی کلمات میں میگا ایونٹ کے خاکےاور ملک بھر میں معذور افراد کو بااختیار بنانے کے لیے حکومت کی کامیابیوں اور روڈ میپ سے آگاہ کیا۔ جناب پروین کمار، سی ایم ڈی، الیمکونے شکریہ کی تحریک پیش کی۔ اس موقع پر دتیا کے ضلع کلکٹر جناب سنجے کمار کے ساتھ مقامی انتظامیہ کے دیگر سینئر افسران بھی موجود تھے۔

******

U.No:3313

ش ح۔رف۔س ا