ৱুমেন এন্দ চাইল্দ দিবলপমেন্ত মন্ত্রালয়না লৈবাক পুম্বদা তোঙান তোঙানবা থৌরমশিংগা লোয়ননা মার্চ ২০দগী এপ্রিল ৩, ২০২৩ ফাওবা মঙাশুবা পোশন পখৱারা থৌরম পাংথোক্কদৌরি। পখৱারাগী পান্দমদি জন অন্দলোন অমসুং জন ভাগিদারিগী খুত্থাংদা ন্যুত্রিসনগী মরুওইবশিংগী মতাংদা এৱারনেস হেনগৎহনবা অমসুং হকচাং ফবা চাবগী হৈনবী প্রমোত তৌবনি।

প্রধান মন্ত্রী শ্রী নরেন্দ্র মোদীনা মার্চ ৮, ২০১৮দা হৌদোকখিবা পোশন অভিয়ান্না মীয়াম্বু শোইদনা শরুক য়াহনবা অমসুং পোশনদা খন্ন-নৈনববু মরুওইবা ইচেলদা পুরকপদা মতেং পাংলি। পোশন অভিয়ান অসি হোলিস্তিক ওইবা মেনর অমদা পোশনগা মরী লৈনবা মহৈশিং ফগৎহন্নবা পান্দম অমগা লোয়ননা হৌদোকখিবনি। মীওই অমা মরোমদোম নত্রগা কাংলুপকী থাক্তা হৈনবী মওং মতৌদা অহোংবা পুরকপা অসি কুপোশন-মুক্ত ভারত অমগী লাম্লিবা পান্দম ফংনবা মরুওইবা মচাক অমনি।

পোশন পখৱারা অসি চহি খুদিংগী মার্চ থাদা নুমিৎ ১৫গী ওইনা পাংথোকই। মতৌ অসুম্না, সেপ্তেম্বর থাবু লৈবাক পুম্বদা রাস্ত্রিয়া পোশন মাহ ওইনা পাংথোকই। হৌজিক ফাওবা পাংথোকখিবা পোশন মাহ অমসুং পখৱারাদা রাজ্য/য়ু.তি. পুম্নমক, ফ্রন্তলাইন ফঙ্কসনরীশিং, মরী লৈনবা মিনিস্ত্রীশিং লোয়ননা মীয়াম্না চাউনা শরুক য়াবা উবা ফংলি। হৌখিবা পোশন পখৱারা ২০২২দা লৈবাক পুম্বদা থৌরম করোর ২.৯৬গী ময়া পাংথোকখি।

চহি অসিগী পোশন পখৱারা ২০২৩গী থিমদি “ন্যুত্রিসন ফোর ওল: তুগেদর তুৱার্দস এ হেল্দী ইন্দিয়া”নি। ২০২৩বু মিল্লেতশিংগী অন্তরজাতিগী চহি ওইনা লাউথোকখিবগা লোয়ননা চহি অসিগী পোশন পখৱারাগী মীৎয়েং থমফম অসি মালন্যুত্রিসন লৈহন্দনবগীদমক মমল য়াম্লবা লন অমা ওইনা “শ্রী অন্ন” হৱাই চেংৱাই পুম্নমক্কী হৌরকফমবু মীয়ামদা পাম্নহনবনি। 

পোশন পখৱারা মনুংদা পাংথোক্কদবা থৌরমশিংদা অতোপ্পা ৱাফমশিংগা লোয়ননা মখাগী মরুওইবা থীমশিংদা পুক্নিং চিংশিনগনি:  

১. মিল্লেত্তা য়ুমফম ওইবা চিঞ্জাকশিংবু সপ্লিমেন্তরী ন্যুত্রিসনশিংগা মরী লৈনহনবা, য়ুম-য়ুমদা য়ৌহনবা, দাইত কন্সলতেসন কেম্পশিংনচিংবা পাংথোকপগী খুত্থাংদা ন্যুত্রিসন ফগৎহন্নবগীদমক শ্রী অন্ন/মিল্লেতশিংগী প্রমোসন অমসুং পোপুলরাইজেসন।

২. স্বস্থ বালক স্পর্ধা থৌরম পালন: অফবা চিঞ্জাক অফবা হকচাং অমসুং য়াইফনবগীদমক চাংদম্নবগী অফবা স্পিরিত অমা জেনরেত তৌদুনা মশক খংদোক্লবা ক্রাইতেরিয়াগী মতুং ইন্না ‘স্বস্থ বালক’ নত্রগা মশা মউ ফবা অঙাং মশক খংদোকপা অমসুং থৌরম পাংথোকপা।

৩. সক্সম আঙ্গনৱাদীশিংবু মীয়াম্না পাম্নহনবা: আঙ্গনৱাদীশিংবু মীয়াম্না পাম্নহন্নবা অমসুং এৱার্নেস হেনগৎহন্নবগীদমক কেম্পেন পাংথোক্লগনি, মসিগীদমক আঙ্গনৱাদীশিংবু ন্যুত্রিসন ফংহনবা হেনগৎহনবা অমসুং অপিকপা অঙাং শেন্নবা অমসুং এজুকেসনগী সেন্তরশিং ওইনা ইনফ্রাস্ত্রকচর অমসুং খুদোংচাবশিং হেনগৎহল্লগনি।

পোশন পখৱারা মনুংদা ৱুমেন অমসুং চাইল্দ দিবলপমেন্ত মন্ত্রালয়না থবক থৌরমশিং কোওর্দিনেৎ তৌনবগী নোদেল মিনিস্ত্রী ওইগনি। রাজ্য/য়ু.তি.দা ৱুমেন অমসুং চাইল্দ দিবলপমেন্ত / সোসিএল ৱেলফেয়র বিভাগনা পোশন পখৱারাগী নোদেল বিভাগ ওইগনি। 

***