ہنر مندی کی ترقی اور انٹرپرینیورشپ اور الیکٹرانکس اور آئی ٹی کے مرکزی وزیر مملکت جناب راجیو چندر شیکھر نے آج بنگلورو میں دھارواڑ میں 180 کروڑ روپے مالیت کے الیکٹرانکس مینوفیکچرنگ کلسٹر (ای ایم سی ) کے قیام کی منظوری کا اعلان کیا جس سے 18,000 سے زیادہ ملازمتیں پیدا ہونے کی امید ہے۔

ای ایم سی  2.0 اسکیم کے تحت کرناٹک کے دھارواڑ ضلع کے کوٹور-بلور انڈسٹریل ایریا میں قائم کیا جانے والا یہ پروجیکٹ جلد ہی 1,500 کروڑ روپے سے زیادہ کی سرمایہ کاری کو متحرک کرے گا۔ نو کمپنیاں، بشمول اسٹارٹ اپس نے پہلے ہی 340 کروڑ روپے کی سرمایہ کاری کرنے کا عہد کیا ہے جس میں 2500 لوگوں کی روزگار کی صلاحیت موجود ہے۔

وزیر موصوف نے کہا ’’کرناٹک دنیا کے لیے ایک عالمی الیکٹرانکس مینوفیکچرنگ مرکز کے طور پر ابھر رہا ہے، بالکل اسی طرح جیسے یہ پہلے سے ہی کولار (وسٹرون) اور دیوناہلی (فوکسکن) میں ایپل کے پلانٹس کے ساتھ ٹیلی کام کا مرکز ہے۔  یہ نئی سرمایہ کاری ملازمتوں اور ترقی کے مواقع پیدا کر رہی ہے۔ نریندر مودی حکومت اپنی ’آتم نربھر بھارت‘ پالیسیوں کے ایک حصے کے طور پر بھارت کو مینوفیکچرنگ مرکز کے طور پر بنانے کے لیے عہد بستہ ہے ‘‘ ۔

اس ای ایم سی  کو اسٹریٹجک محل وقوع کا فائدہ حاصل ہے اور این ایچ -48 (1 کلومیٹر)، ہبلی ڈومیسٹک ہوائی اڈے (33 کلومیٹر) سے اچھی طرح جڑا ہوا ہے جس سے ای ایم سی  میں صنعت کی لاجسٹکس/ٹرانسپورٹیشن لاگت کم ہو جائے گی۔

مرکز نے پہلے ہی میسور، کرناٹک میں ایک اعلی درجے کی جانچ کی سہولت کی ترقی کے لیے ایک مشترکہ سہولت مرکز (سی ایف سی) کو منظوری دے دی ہے جو صنعت کی مختلف جانچ کی ضروریات کو پورا کرے گی۔

موڈیفائیڈ الیکٹرانکس مینوفیکچرنگ کلسٹر (ای ایم سی  2.0) اسکیم کو یکم اپریل 2020 کو متعارف کرایا گیا تھا جس کا مقصد عالمی معیار کے بنیادی ڈھانچے کے ساتھ ساتھ عام ٹیسٹنگ سہولیات کی تشکیل کے لیے کیا گیا تھا، بشمول ریڈی بلٹ فیکٹری شیڈز/ پلگ اینڈ پلے انفراسٹرکچر کو اپنی سپلائی چین کے ساتھ اینکر یونٹ کو راغب کرنے کے لیے، ملک میں اپنی مینوفیکچرنگ/پروڈکشن کی سہولت قائم کریں۔

اسکیم کے تحت، 1,903 کروڑ روپے کی پروجیکٹ لاگت کے ساتھ 1,337 ایکڑ کے رقبے پر تین الیکٹرانکس مینوفیکچرنگ کلسٹرس کو منظوری دی گئی ہے جس میں 889 کروڑ روپے کی مرکزی مالی امداد بھی شامل ہے جس میں 20,910 کروڑ روپے کی سرمایہ کاری کا ہدف مقرر کیا گیا ہے۔

حکومت کے ان اقدامات کے نتیجے میں، بھارت نے گزشتہ آٹھ سالوں میں الیکٹرانکس کی تیاری میں ایک طویل سفر طے کیا ہے۔

۔۔۔۔۔۔۔۔۔۔۔

ش ح۔و ا ۔ ع ا

U -3272