উপ-রাস্ত্রপতিগী লোইশঙ
উপ-রাস্ত্রপতিনা সহীদ দিৱসতা ভগৎ সিংহ, সুখদেব অমসুং রাজগুরুদা ইকায়খুম্নবা উৎখ্রে “মখোয়না পাংথোক্লম্বা থবকশিংনা মতম পুম্নমক্তা মীওই খুদিংমক পুক্নিং থৌগৎকনি অমসুং ইথিল পীগনি”- উপ-রাস্ত্রপতি
Posted On:
23 MAR 2023 3:25PM by PIB Imphal
ঙসি রাজ্য সভাদা মহাক্না ৱা ঙাংবদা উপ-রাস্ত্রপতি অমসুং রাজ্য সভাগী চিয়ারমেন, শ্রী জগদিব ধানখারনা সহীদ দিৱসতা ভগৎ সিংহ, সুখদেব অমসুং রাজগুরুদা ইকায়খুম্নবা উৎখ্রে।
মখোয় ‘ঐখোয়গী নিংতম ইহৌদা শক্নাইরবা অথৌবশিং’ হায়না ফোঙদোকপগা লোয়ন্না শ্রী ধানখারনা হায়খি মখোয়না থৱায় কৎখিবা অদু ভারতকী নিংতম ইহৌদা অচৌবা খুমাঙচাউশিনবা অমা ওইখি। মখোয়না লৈবাক্কীদমক কৎথোকখিবা অদুনা নিংতম্লবা ভারত্তা গনতন্ত্রগী গুনশিং ঙাক্নবা মীয়ামগী লম্বী শেম্বদা মতেং পাংখি।
শ্রী ধানখারনা হায়খি অথৌবশিং অসিনা মখোয়গী থৱায়শিং কৎখিবগী থৌনা অদু লৈবাক অসিগী মীয়াম্না চেনগদবনি। রাজ্য সভাগী মেম্বরশিং মখোয়গী ফমফমদগী লেপখৎনবা অমসুং থৌনা ফরবা অথৌবশিংগী মফমদা ইকায়খুম্নবা উৎপা ওইনা তুমিন্না লৈনবা মহাক্না হায়জখি।
মহাক্কী ৱারোলদা, উপ-রাস্ত্রপতিনা হায়খি;
“ইকায়খুম্নরবা মেম্বরশিং, ঙসি অসি ভারতকী অথোইবা মপারি অহুম সারদার ভাগৎ সিংহ, রাজগুরু অমসুং সুখদেবনা থৱায় কৎখিবগী ৯২শুবা কুমওন্নি। ১৯৩১গী নুমিৎ অসিদা, ঐখোয়গী নিংতম্বা ফংনবগীদমক, ভারতকী নিংতম্বগীদমক ঐখোয়গী নিংতম ইহৌগী অথৌবশিং মখোয়গী থৱায় কৎখি।
চহি য়াম্না নৌনা মখোয়না থৱায় কৎখিবা অদু ঐখোয়গী নিংতম ইহৌগী মরুওইবা তাঞ্জা অমনি। ভারতমচা খুদিংমক নিংতম্বা অমসুং ইকায়খুম্নবা, গনতন্ত্রগী মগুনশিং লৌদুনা হিংবা পুন্সি অমা ফংনবা মখোয়না থৱায় কৎখিবনি। মখোয়না পাংথোক্লম্বা থবকশিংনা মতম পুম্নমক্তা মীওই খুদিংমক পুক্নিং থৌগৎকনি অমসুং ইথিল পীগনি।
মরৈবাক নুংশিবা অমসুং নিংতম্বদা খ্বাইদগী থাজবা থম্বা অসি মখোয়না খুদম ওইনা উৎলে। হায়রিবা অথৌবশিংনা মখোয়গী পুন্সি কৎথোকখিবগী গুনশিং অদু ঙাক্তুনা থম্নবা ঙসি ঐখোয় ৱাশক লৌরসি। মতম পুম্নমক্তা ভারতনা অহানবা ওইনা মাঙদা থম্লগা থবক তৌনবা ঐখোয় ৱাশক্লসি”।
*****
(Release ID: 1910043)
Visitor Counter : 156