প্রধান মন্ত্রী, শ্রী নরেন্দ্র মোদীনা ঙসি নই দিল্লীদা লৈবা হোতেল তাজ পেলেসতা ইন্দিয়া তুদে কনক্লেবতা ৱা ঙাংখ্রে।

থৌরম অদুদা ৱা ঙাংলদুনা প্রধান মন্ত্রীনা কনক্লেব অসিগীদমক খনখিবা থিম – ‘দি ইন্দিয়া মোমেন্ত’ অসিদা নুংঙাইবা ফোঙদোকখি অমসুং হায়খি মদুদি মালেমগী খ্বাইদগী ফবা ইকনোমিস্তশিং, এনলাইস্তশিং অমসুং থিঙ্করশিংনা ভারতকী মীকুপ তশেংনমক ওইরিবা খোঞ্জেলগী খোন্থাং ওইরি। মহাক্না মখা তারদুনা হায়খি ইন্দিয়া তুদে গ্রুপনা চপ মান্নবা ওপতিমিজম উৎপনা মসিবু হেন্না অখন্নবা ওইহল্লি। থা ২০গী মমাংদা লাল কিলাদগী মহাক্না ৱা ঙাংখিবদা প্রধান মন্ত্রীনা হায়খিবা “মসি পুংফম অদুনি অমসুং মসি চপ চারবা পুংফমনি” অদুবু নীংশিংলদুনা মসি ভারতকী মীকুপনি হায়না ফোঙদোকখি।

লৈবাক অমা হেক্তগী চাউখৎ-খোঙচৎকী লম্বীদা থেংনরিবা তোঙান-তোঙানবা শীংনবশিং অমসুং থাকশিংগী মতাংদা প্রধান মন্ত্রীনা হায়খি মদুদি ২১শুবা চহিচাগী দিকেদকী মতম আসি ভারতকীদমক য়াম্না অখন্নৈ। দিকেদ কয়াগী মমাংদা চাউখৎখ্রবা লৈবাক কয়াগী মাংদা ওইরক্লিবা ফীভমশিং অসিদা লৈরিবা খেন্নবগী মতাংদা পল্লদুনা প্রধান মন্ত্রীনা হায়খি মদুদি মখোয়গী মাইপাকপগী মরম অসি মখোয়না গ্লোবেল কম্পিতিসনগী অৱাৎপা লৈবা মালেম অমদা মশাগা লোয়ননা অথোই-অহেন তানবনা ওইরি। মহাক্না হায়খি মদুদি ঙসি ভারতনা মায়োক্নরিবা শীংনবশিং অসি মহৌশানা কমপ্রিহেন্সিব ওইবা অমসুং মওং কয়াদা থোরক্লিবা মালেমগী শীংনবশিং অসিদগী চাউনা খেন্নবা লৈ। মহাক্না হায়খি, মরু ওইনা লৈবাক অনিগী মরক্তা হৌজিক চত্থরিবা লানগা লোয়ননা মালেমদা চহি চামাদা থোকপা খ্বাইদগী চাউবা লাইচৎ অসি ফীভম য়েংলগা ঙসি মালেম শিনবা থুংবদা খন্নরিবা ‘ইন্দিয়া মোমেন্ত’ অসি অচম্বা নত্তে। প্রধান মন্ত্রীনা হায়খি “অনৌবা পুৱারী অমা ইরি অমসুং ঐখোয় পুম্নমক্না পুন্না মসি উবা ফংলি”। মহাক্না হায়খি মদুদি মালেমনা ভারত্তা থাজবা থম্মি। গ্লোবেল লেবেলদা ভারতকী মাইপাকপশিংগী মতাংদা পল্লদুনা প্রধান মন্ত্রীনা হায়খি ভারতনা মালেমগী খোঙজেল য়াংনা খুমাং চাউশিল্লিবা ইকনোমী অমা ওইরি, মালেমগী স্মার্তফোন দেতা কঞ্জুম্পসন্দা রেঙ্ক অহানবদা লৈ, গ্লোবেল ফিনতেক এদোপ্সন রেৎতা রেঙ্ক অহানবদা লৈ, মালেমগী ওইনা অনিশুবা খ্বাইদগী চাউবা মোবাইল মেন্যুফেকচর্র ওই অমসুং মালেমগী অহুমশুবা খ্বাইদগী চাউবা স্তার্তঅপ ইকোসিস্তেম ওইরি।

২০২৩গী অহানবা নুমিৎ ৭৫দা লৈবাক্কী মাইপাকপশিংগী মতাংদা পল্লদুনা প্রধান মন্ত্রীনা হায়খি মদুদি ভারতকী পুৱারী ওইরবা গ্রীন বজেৎ লোঞ্চ তৌখি, কর্নাতকাগী শিবমোগাদা অনৌবা এয়রপোর্ত শঙ্গাখি, মুম্বাই মেত্রোগী মথংগী ফেস শঙ্গাখি, মালেমগী খ্বাইদগী শাংবা রিভর ক্রুজকী খোঙচৎ লোইশিনখি, বেঙ্গলোর-মৈসুরু এক্সপ্রেসৱে শঙ্গাখি, দিল্লী-মুম্বাই এক্সপ্রেসৱেগী সেক্সন অমা শঙ্গাখি, মুম্বাইদগী বিশাখপত্নম ফাওবগী ভন্দে ভারত ত্রেনশিং লমথাখি, আই.আই.তি. ধারৱার কেম্পস শঙ্গাখি অমসুং লৈবাক অসিনা অন্দমান অমসুং নিকোবর ইথৎ ২১বু পরমবির চক্র এৱার্দী ২১গী মমিং লৌদুনা থোনখি। মহাক্না মখা তারদুনা হায় ভারতনা পেত্রোলদা ইথানোল ব্লেন্দিং চাদা ২০ তৌবা ঙমখ্রবা মতুংদা ভারতনা ই-২০ ফ্যুল লোঞ্চ তৌখি, তুমকুরুদা এসিয়াগী খ্বাইদগী এদভান্স ওইবা হেলিকোপ্তর মেন্যুফেকচরিং ফেসিলিতী শঙ্গাখি অমসুং এয়র ইন্দিয়ানা খ্বাইদগী য়াম্বা এভিএসন ওর্দর তৌবা ঙমখি। হৌখিবা নুমিৎ ৭৫ অসিদা ভারত্তা ই-সঞ্জীবনি এপকী খুত্থাংদা তেলিকনসল্তেসন করোর ১০গী পন্দুপ য়ৌবা ঙমখি, অনৌবা তোতি ঈশিংগী কন্নেক্সন করোর ৮ পীখি, রেল নেৎৱার্কশিং চাদা ১০০ ইলেক্ত্রিফিকেসন তৌবা ঙমখি, কুনো নেস্নেল পার্কতা চীতা ১২গী অনৌবা বেৎচ অমা থুংখি, ভারতকী নুপীগী অন্দর-১৯ তীমনা য়ু১৯ ত২০ ৱর্ল্দ কপ থোইখি, অমসুং ওস্কার অনি ফংবা লৈবাক অসিনা চাউথোকচবা পোকখি। মহাক্না হায়খি হৌখিবা নুমিৎ ৭৫দা মরু ওইবা জি২০ মীফম ২৮, ইনর্জী সম্মিৎ অমসুং গ্লোবেল মিল্লেৎস কনফরেন্স পাঙথোকখি অমসুং বেঙ্গলুরুগী এরো ইন্দিয়া সম্মিৎতা লৈবাক চা কয়ানা শরুক য়াখি। মহাক্না হায়খি সিঙ্গাপুরগা লোয়ননা য়ু.পি.আই. লিঙ্কেজ তৌখি, ভারতনা তর্কীগী মতেং পাংনবা ‘ওপরেসন দোস্ত’ হৌদোকখি অমসুং ঙসি নুংথিলদা ইন্দো-বাংলাদেশ গ্যাস পাইপলাইন শঙ্গাখি। প্রধান মন্ত্রীনা হায়খি “পুম্নমক অসিনা ইন্দিয়া মোমেন্তগী মমি অমনি”।

প্রধান মন্ত্রীনা হায়খি ঙসি নাকল অমরোমদা ভারতনা লম্বী, রেলৱে হীথাংফম অমসুং এয়রপোর্তশিংগুম্বা ফিজিকেল ইনফ্রাস্ত্রকচর শেমগৎলি অমরোমদা মালেমনা ভারতকী নাৎ অমসুং সোফ পাৱরদা অমুক্তা ওইখিদ্রিবা মওংদা মীৎয়েং চংলক্লি। প্রধান মন্ত্রীনা হায়খি, “ঙসি য়োগ অসি মালেম শিনবা থুংবদা মশক খঙনরক্লি। ঙসি আয়ুর্বেদতা মীৎয়েং চংনরক্লি অমসুং ভারতকী অচা-অথক্তা মীৎয়েং চংনরক্লি”। মহাক্না হায়খি ভারতকী ফিল্ম অমদি ঈশৈ নোংমাইনা অনৌবা ইনর্জীগা লোয়ননা মীয়ামগী পুক্নিং চীংশিল্লি। প্রধান মন্ত্রীনা হায়খি ভারতকী মিল্লেৎস – শ্রী অন্ন অসি মালেম শিনবা থুংবদা য়ৌরি। প্রধান মন্ত্রীনা হায়খি ইন্তর্নেস্নেল সোলর এলাইন্স নত্ত্রগা কোলিজন ফোর দিজাস্তর রেজিলিএন্ত ইনফ্রাস্ত্রকচর ওইরবসু ‘মালেমগী য়াইফনবা’ মাইকৈদা ভারতকী ৱাখল্লোন অমসুং মতিক ময়াই অসি মালেম্না শক খঙনরি। প্রধান মন্ত্রীনা হায়খি “মরম অসিনা ঙসি মালেমনা হায়রি – মসি ভারতকী মতমনি”। মহাক্না হায়খি পুম্নমক অসিগী মলতিপ্লায়র ইফেক্ত লৈ অমসুং লৈবাক অয়াম্বনা মখোয় মশানা ভারতকী অরিবা মুর্তীশিং পীথোরক্লি।

প্রধান মন্ত্রীনা হায়খি, “ইন্দিয়া মোমেন্তগী খ্বাইদগী অখন্নবা ৱাফম অসি মসিগী ৱাশক অসি পরফোর্মেন্সকা পুনশিল্লি”। পাউগী হেদলাইনশিং ওইখিবা অদু চাংদম্নরদুনা প্রধান মন্ত্রীনা হায়খি মমাং চহি খরগী হেদলাইনশিং অসি অয়াম্বনা সেক্তর কয়ামরুমদা লৈরিবা লুপা করোর কয়াগী স্কেমশিং অমদি লম্বীদা মীয়াম্না মসিগী মায়োক্তা য়ানীংদবা ফোঙদোকপগী মতাংদা ওইখি অদুবু ঙসিগী হেদলাইনশিং অসিদি শেঞ্জা থুমজা তৌরুবগী কেসশিংনা মরম ওইদুনা মীওইশিং অদু লম্বীদা পুথোরকপগী মতাংদা ওইরি। প্রধান মন্ত্রীনা মিদিয়ানা মমাংদা স্কেমশিং অসি কবর তৌদুনা তি.আর.পি. য়াম্না তানখি অমসুং হৌজিকনা শেঞ্জা-থুমজা তৌবা মীওইশিংগী মায়োক্তা এক্সন লৌখৎপগী পাউশিং কবর তৌনবা খুদোংচাবা ফংলি অমসুং মসিনা মখোয়গী তি.আর.পি. হেনগৎহনখি হায়না ফোঙদোকখি।

প্রধান মন্ত্রীনা মমাংদা সহরশিংদা বোম পোখাইবগী অমসুং নেক্সলাইৎকী থৌদোকশিং থোকপগী হেদলাইনশিং য়াওরমখিবা অদু নীংশিংখি অদুবু ঙসিদি শান্তি অমদি চাউখৎপগী পাউশিংনা থল্লই। মমাংদা অকোইবগী ফীভমগী নমাদা অচৌবা ইনফ্রাস্ত্রকচর প্রোজেক্তশিং লেপখিবগী পাউশিং য়াওরমখিবা অদু নীংশিংখি অদুবু ঙসিদি অনৌবা হায়ৱে অমদি এক্সপ্রেসৱেশিং শাবগা লোয়ননা অকোইবগী ফীভমগা মরী লৈনবা অফবা পাউশিং ঙাক্তা ঙাইরে। মহাক্না মখা তারদুনা হায়খি মদুদি লাইবক থীবা ত্রেন এক্সিদেন্তশিংগী পাউশিং অসি মমাংদা তোইনা থেংনরমখি অদু হৌজিক্তি মোদর্ন ত্রেনশিং পুথোকপগী হেদলাইনশিংনা মরম ওইদুনা হন্থরে। মহাক্না এয়র ইন্দিয়া স্কেমশিং অমসুং লায়রবশিংগী মতাংদা পল্লদুনা ঙসিদি মালেমগী খ্বাইদগী চাউবা এয়রক্রাফ দীলনা হেদলাইনশিং ওইরি হঅয়না ফোঙদোকখি। প্রধান মন্ত্রীনা মখা তারদুনা হায়, “ইন্দিয়া মোমেন্তনা ৱাশক অমসুং পরফোর্মেন্সকী অওনবা অসি পুরকখিবনি”।

প্রধান মন্ত্রীনা হায়খি লৈবাক অসিনা মশাদা থাজবা পোকপা অমসুং অখাং কনবনা থনবা অমসুং মীরৈবাকশিংনা ভারতকী মরমদা থাজবা পোক্লিবা মতম অসিদা ভারতপু ইকাই পীনবগী মতাংদা ফত্তবা ৱারী কয়া শারি অমসুং ভারতকী মোরেল থীহন্নবা হোৎনরি।

ভারতনা মীখা পোনবগী চহিচানা মরম ওইদুনা মতম শাংনা লায়রবগী চৈথেং নংখিবা উবা ফংখি হায়না ফোঙদোক্লদুনা হায় “ভারতকী লাইরবশিংনা অথুবদা লায়রবা কোকহনবা পাম্মি। মহাক্না মহাক্কী হৌরক্লিবা মীতোলশিংগী পুন্সিগা লোয়ননা মহাক্কী পুন্সিদা অহোংবা পুরকপা পাম্মি”। প্রধান মন্ত্রীনা হায়খি মদুদি সরকারশিংগী খোঙথাংশিংগী ফলশিং অসি মখোয়গী মতিক-ময়াই অমসুং ৱাখল তাবা মতৌদা য়ুম্ফম ওই। মহাক্না হায়খি হৌজিক পাল্লিবা সরকার অসিনা অনৌবা ফলশিং পাম্মি মরম অসিনা স্পীদ অমসুং স্কেল হেনগৎহনখি। মহাক্না রেকোর্দ ওইবা খোঙজেলদা তোইলেৎ করোর ১১ হেন্না শাখিবা, বেঙ্কিং সিস্তেমদা মীওই করোর ৪৮ হাপচিনখিবা, অমসুং পক্কা য়ুমশিংগীদমক শেল বেনিফিসরীগী বেঙ্ক একাউন্তদা হকথেংননা থাখিবগী খুদমশিং পীখি। মহাক্না মখা তারদুনা হায় য়ুম অমা শাবগী অপুনবা থৌওং অসি মখা তানা মোনিতর তৌখি অমদি য়ুম অসি জিও-তেগসু তৌখি। প্রধান মন্ত্রীনা মখা তারদুনা হায়খি হৌখিবা চহি ৯দা য়ুম করোর ৩ হেন্না শাখি অমদি লায়রবশিংদা খুৎশিন্নখি। মহাক্না হায়খি নুপীশিংনা য়ুমশিং অসিগী মপু ওইবগী হকশিং ফংখি অমসুং ইন্দিয়া মোমেন্ত অসি লায়রবা নুপীশিংদা শক্তি পীরকা মতমদা খুমাং চাউশিনগনি।

মালেম পুম্বদা মায়োক্নরিবা প্রোপর্তী রাইৎশিংগী শীংনবশিংগী মতাংদা প্রধান মন্ত্রীনা ৱার্ল্দ বেঙ্ক রিপোর্ত অসি পল্লদুনা হায় মসিনা মালেমগী মীশিংগী চাদা ৩০না মখোয়গী লন-থুম অসি আইন্না য়াবা মওংদা রেজিস্তর তৌই হায়না ফোঙদোকখি। মহাক্না প্রোপর্তী রাইৎশিং ফংদবা অসি মালেমগী চাউখৎ খোঙচৎতা অচৌবা শীংনবা অমা ওইনা লৌই হায়না নৌনা ফোঙদোকখি অমসুং চহি অনি মখাইগী মমাংদা হৌদোকখিবা ভারতকী পি.এম.-স্বামিত্ব য়োজনানা দ্রোন তেক্নোলোজীগী মতেংগা লোয়ননা লেন্দ মেপ্পিংগী থবক তৌরি হায়খি। মহাক্না হায় হৌজিক ফাওবদা ভারকী খুঙ্গং লাখ অনিগা লিশিং কুনথ্রা মরিদা দ্রোন সর্ভে লোইশিনখি অমসুং প্রোপর্তী কার্দ করোর অমগা লাখ কুন-নিথোইদা খুৎশিন্নখি। প্রধান মন্ত্রীনা হায়খি, “অসিগুম্বা মখোল থোক্তবা রিভোল্যুসনশিং অসি ঙসি ভারত্তা লাক্লি অমসুং মসিনা ইন্দিয়া মোমেন্তগী য়ুম্ফম থোল্লি”। মহাক্না হায়খি মদুদি ভারতকী অপীকপা লৌমী করোর ১১দা কান্নবা ফংহন্দুনা পি.এম. কিসান সম্মান নিধিদগী লৌমীশিংগী বেঙ্ক একাইন্তশিংদা হকথেংননা লুপা করোর লাখ অনি মখাই ত্রান্সফর তৌখি।

প্রধান মন্ত্রীনা হায়খি, “পোলিসীগী ৱারেপশিং লৌবদা পন্দুনা লৈবা অমসুং স্তেতস ক্বা অসি লৈবাক্কী চাউখৎ খোঙজেলদা অচৌবা অপনবা অমনি”। মহাক্না চৎনদ্রবা ৱাখল্লোন অমসুং এপ্রোচ অমসুং ইমুং খরা খক্তগী অপনবশিংনা মরম ওইদুনা ভারত্তা মতম শাংনা খুমাং চাউশিনবা ঙমদনা লৈরমখিবদা নুংঙাইতবা ফোঙদোকখি অমসুং করিগুম্বা লৈবাক অমনা মাংদা চংশিনগে হায়রবদি মসি মতম চুপ্পদা দাইনামিজম লৈবা অমসুং অচৌবা ৱারেপ লৌবগী শক্তি লৈবা তাই। করিগুম্বা লৈবাক অসিনা খুমাং চাউশিনগে হায়রবদি অনৌবা চাংয়েং তৌবগী মতিক ময়াই অমদি এক্সপরিমেন্তেল ওইবা ৱাখল্লোন চেনবা তাই, ইরৈবাকচাশিংগী মতিক ময়াইশিং অমসুং তেলেন্তশিংদা থাজবা থম্বা তাই অমসুং পুম্নমক অসিগী মথক্তা পান্দমশিং অসি ফংনবা মীয়ামগী থৌজাল অমদি শরুক য়াবা চংই। মহাক্না হায়খি সমস্যাশিংগী সোল্যুসনশিং অসি সরকার অমসুং শক্তিগী খুত্থাংদা খক্তা থীদোকপনা অকক্নবা ফলশিং ফংহল্লি অদুবু ইরৈবাকচা করোর ১৩০গী শক্তি অসি মোবিলাইজ তৌরবা মতমদা মীপুম খুদিংমক্না হোৎনরবদা লৈবাক্কী মাংদা সমস্যা অমত্তা লৈরোই। মহাক্না হায়খি লৈবাক্কী মীয়ামনা মাগী সরকারদা থাজবা অসি মরু ওই অমসুং ঙসিদি প্রজাশিংনা সরকারনা মখোয়গীদমক খল্লি হায়না থজবা পোক্লে। “গুদ গভর্নান্সতা হ্যুমেন তচ অমসুং সেন্সিতিবিতী লৈ। ঐখোয়না গভর্নান্সতা হ্যুমেন তচ অমা পীখি অমসুং মদুতদা অচৌবা ইম্পেক্ত উবা ফংগনি”। মহাক্না লৈবাক্কী অহানবা খুঙ্গংদা থাজবা পোকহল্লিবা অমসুং রিজন অসিগী চাউখৎ-থৌরাংদা মীৎয়েং চংলিবা বাইব্রেন্ত ভিলেজ স্কিম অসি খুদম ওইনা পীখি। মহাক্না কেন্দ্র সরকারগী মন্ত্রীশিংনা চাং নাইনা অৱাং নোংপোক্তা চৎলি অমসুং হ্যুমেন তচকা লোয়ননা গভর্নান্স লিঙ্ক তৌখি হায়নসু ফোঙদোকখি। প্রধান মন্ত্রীনা হায়খি মহাক্না অৱাং নোংপোক্তা ৫০রক চৎখি। মহাক্না মখা তারদুনা হায় মসিগী সেন্সিতিবিতী অসিনা অৱাং নোংপোক্কী অরাপ্পা হন্থহনবা খক্তা নত্তনা মফম অসিদা শান্তি পুরকপদা মতেং চাউনা পাংখি।

য়ুক্রেন লান মনুংদা সরকারগী থবক তৌবগী মওংগী মতাংদা পল্লদুনা প্রধান মন্ত্রীনা হায়খি সরকারনা ইমুং লিশিং ১৪গা কন্নেক্ত তৌখি অমসুং য়ুম খুদিংমক্তা সরকারগী মীহুৎ অমা থাখি। “ঐখোয়না মখোয়দা অৱাবা তানফমদা সরকারনা মখোয়গীদমক লেপ্পি হায়না থাজবা পোকহনখি” মহাক্না হায়খি, “ইন্দিয়া মোমেন্তনা অসিগুম্বা হ্যুমেন সেন্সিবিলিতীশিংনা থনবা গভর্নান্সতগী ইনর্জী ফংলি”। মহাক্না হায়খি করিগুম্বা গভর্নান্সতা হ্যুমেন তচ য়াওরমদবা তারবদি কোরোনাগী মায়োক্তা অসিগুম্বা অচৌবা লান শোক্নবদা লৈবাক অসিনা মাইপাকপা ঙম্লমলোই।

শ্রী মোদীনা হায়খি, “ভারতনা ঙসি মাইপাকপা ঙম্লিবা পুম্নমক ঐখোয়গী দেমোক্রেসীগী শক্তি, ঐখোয়গী ইন্সতিত্যুসনশিংগী শক্তিনা মরম ওইরগনি”। মহাক্না হায়খি মালেমনা ভারতকী দেমোক্রেতিক ওইনা খনখিবা সরকারনা দেসিসিব দিসিজনশিং লৌবা উবা ফংলি। মহাক্না হায়খি ভারতনা হৌখিবা চহি খরা অসিদা অনৌবা ইন্সতিত্যুস কয়া শেমখি অমসুং ইন্তর্নেস্নেল সোলর এলাইন্স অসুং কোলিজন ফোর দিজাস্তর রেজিলিএন্ত ইনফ্রাস্ত্রকচর অসি খুম ওইনা পীখি। মহাক্না নিতি আয়োগনা তুংলমচৎকী রোদমেপ শেম্বদা লৌরিবা অচৌবা থৌদাং, নেস্নেল কম্পনী লো ত্রিব্যুনেলনা লৈবাক্কী কোর্পোরেৎ গভর্নান্স মপাঙ্গল কনখৎহনবদা লৌরিবা থৌদাং অমসুং জি.এস.তি. কাউন্সিলনা ভারত্তা মোদর্ন তেক্স সিস্তেম শেম্বদা লৌরিবা থৌদাংগী মতাংদসু ফোঙদোকখি। মহাক্না হায়খি কোরোনা মনুংদা লৈবাক অসিদা মীখল কয়া মাইপাক্না পাঙথোকখি। মহাক্না হায়, “গ্লোবেল ক্রাইসিস মনুংদা ঙসি ভারতকী ইকনোমী অসি মপাঙ্গল কল্লি, বেঙ্কিং সিস্তেম অসি মপাঙ্গল কল্লি। মসি ঐখোয়গী ইন্সতিত্যুসনশিংগী শক্তিনি”। মহাক্না হংআয়খি সরকার অসিনা হৌজিক ফাওবদা কোরোনা ভেক্সিন দোক করোর ২২০ কাপখ্রে। মহাক্না মখা তারদুনা হায়, “ঐহাক্না খনবদা ঐখোয়গী দেমোক্রেসী অমসুং দেমোক্রেতিক ইন্সতিত্যুসনশিং অসি মসিনা মরম ওইদুনা এতেক্ত কয়ারক তৌরকখি। অদুবু ঐহাক্না থাজৈ, এতেকশিং অসিগী মরক্তা ভারতনা মাগী পান্দমশিং ফংনবা খোঙজেল য়াংনা খুমাং চাউশিল্লি অমসুং মাগী পান্দমশিং ফংবা ঙমগনি”।

ৱারোল পীবা লোইশিনবদা প্রধান মন্ত্রীনা ভারতকী মেদিয়ানা মালেম শিনবা থুংবদা লৌরিবা থৌদাংম পাকথোক চাউথোকহনবগী মথৌ তাই হায়না অকনবা ৱাফম থমখি অমসুং হায়খি, “ঐখোয়না ‘সবকা প্রয়াস’কা লোয়ননা ইন্দিয়া মোমেন্ত মপাঙ্গল কনখৎহনবা অমসুং আজাদী কা অমৃত মহোৎসবতা চাউখৎপা ভারতকী খোঙচৎ শক্তি পীগদবনি”।

Speaking at the @IndiaToday Conclave. Do watch!
https://t.co/agwuMUkQaf

— Narendra Modi (@narendramodi) March 18, 2023

This is India's moment. pic.twitter.com/vSAOcRdGSd

— PMO India (@PMOIndia) March 18, 2023

The time period that is before India in this decade of 21st century is unprecedented. pic.twitter.com/5tnCiElhlX

— PMO India (@PMOIndia) March 18, 2023

A snapshot of 75 days of 2023... pic.twitter.com/1WDbIgCkRS

— PMO India (@PMOIndia) March 18, 2023

A reflection of the India Moment... pic.twitter.com/o0CQKdvKfa

— PMO India (@PMOIndia) March 18, 2023

भारतीय संस्कृति और सॉफ्ट पावर के लिए दुनिया में अभूतपूर्व आकर्षण है। pic.twitter.com/9imBxXUgYa

— PMO India (@PMOIndia) March 18, 2023

देश को आगे बढ़ना है तो उसमें हमेशा गतिशीलता होनी चाहिए, साहसिक निर्णय शक्ति होनी चाहिए। pic.twitter.com/EdcFHimd5O

— PMO India (@PMOIndia) March 18, 2023

आज देशवासियों में ये विश्वास जगा है कि सरकार को उनकी परवाह है। pic.twitter.com/ybH7PdR0bW

— PMO India (@PMOIndia) March 18, 2023

We have given a human touch to governance, says PM @narendramodi. pic.twitter.com/uSMGS7REG0

— PMO India (@PMOIndia) March 18, 2023

India has shown that democracy can deliver. pic.twitter.com/l39KeEDpfz

— PMO India (@PMOIndia) March 18, 2023

*****