তেক্সতাইল মন্ত্রালয়

পি.এম. মিত্রা (প্রধান মন্ত্রী মেগা ইন্তিগ্রেতেদ তেক্সতাইল রিজন অমসুং এপ্পেরেল) পার্ক্কী মফম তরেত লাউথোকখ্রে


তমিল নাদু, তেলঙ্গানা, গুজরাত, কর্নাতকা, মধ্য প্রদেশ, উত্তর প্রদেশ অমসুং মহারাস্ত্রদা পি.এম. মিত্রা পার্ক শারগনি

ইকায় খুম্ননিংঙাই ওইরবা প্রধান মন্ত্রীগী এফ.৫গী – ফার্মদগী ফাইবরদগী ফেক্তরীদগী ফেশন্দগী ফোরেনগী মঙলান্না পি.এম. মিত্রাদা ইথিল পীবনি

চাউরাক্না লুপা করোর ৭০,০০০গী ইনভেস্তমেন্ত অমসুং থবক লাখ ২০ পীগনি হায়না থাজবা থম্লি

পার্কশিং অসিনা মফম অমতদা লং তাইবা, ফি লোনবা, প্রোসেস তৌবা/মচু শংবা অমসুং প্রিন্তিং তৌবদগী ফিরোল মেন্যুফেকচর তৌবা ফাওবগী থৌওং পাংথোক্তুনা ইন্তিগ্রেতেদ তেক্সতাইল ভেল্যু চেন অমা শেম্বগী খুদোংচাবা পীগনি

মালেমগী থাক্তা লৈবা ইন্দস্ত্রীগী ইনফ্রাস্ত্রকচর অসিনা কত্তিং এজ তেক্নোলোজী শিজিন্নগনি অমসুং সেক্তর অসিদা এফ.দি.আই. অমসুং লোকেল ইনভেস্তমেন্ত তৌবা হেনগৎহনগনি

পার্ক খুদিংদা মফম অমতদা ইন্তিগ্রেতেদ তেক্সতাইল ভেল্যু চেন লৈবনা ইন্দস্ত্রীগী লোজিস্তিক কোস্ত হন্থহনগনি

কেন্দ্র অমসুং রাজ্যশিংনা পি.এম. মিত্রা পার্ক লিংখৎনবগীদমক্তা জে.ভি. মোদতা এস.পি.ভি. শেমগনি

ভারত সরকারনা পি.এম. মিত্রাগী মফমশিংগী অয়াবা পীখ্রে

Posted On: 17 MAR 2023 5:21PM by PIB Imphal

ভারত সরকারনা তেক্সতাইল ইন্দস্ত্রীগী পি.এম. মিত্রা (প্রধান মন্ত্রী মেগা ইন্তিগ্রেতেদ তেক্সতাইল রিজন অমসুং এপ্পেরেল) পার্ক্কী মফম তরেত ঙসি লাউথোকখ্রে। পার্কশিং অসি তমিল নাদু, তেলঙ্গানা, গুজরাত, কর্নাতকা, মধ্য প্রদেশ, উত্তর প্রদেশ অমসুং মহারাস্ত্রদা শারগনি।

ইকায় খুম্ননিংঙাই ওইরবা প্রধান মন্ত্রীগী এফ.৫গী – ফার্মদগী ফাইবরদগী ফেক্তরীদগী ফেশন্দগী ফোরেনগী মঙলান্না পি.এম. মিত্রাদা ইথিল পীরিবা পি.এম. মিত্রা পার্ক অসি ভারতপু তেক্সতাইল মেন্যুফেকচরিং অমসুং এক্সপোর্তকী মালেমগী হব অমা ওইহন্নবা সরকারনা য়েংলিবা মিৎয়েং মঙফাওনহন্নবা থাংজিনবা মরু ওইবা খোঙথাং অমা ওইরি। হায়রিবা পার্কশিং অসিনা তেক্সতাইল ইন্দস্ত্রীশিংনা ইকোনোমী ওফ স্কেল ফংহনবদা তেংবাংবগা লোয়ননা মালেমগী প্লেয়র কয়া ভারত্তা লাক্নবা পুক্নিং চিংশিনবদা তেংবাংদুনা ইন্দস্ত্রী অসিগী কম্পিতিতিবনেস হেনগৎহনগনি।

হায়রিবা মফম তরেত অসি পি.এম. মিত্রা পার্ক হাংদোকচগে হায়না ৱাহৌদোক থম্লকখিবা মতিক চাবা রাজ্য ১৩দগী খনবনি। কন্নেক্তিবিতী, হৌজিক লৈরিবা ইকোসীস্তেম, তেক্সতাইল/ইন্দস্ত্রী পোলিসী, ইনফ্রাস্ত্রকচর, য়ুতিলিতী সর্ভিস্নচিংবা তোঙান-তোঙানবা হীরম কয়া মনুং চন্দুনা তঙাই ফদনা লৈগদবা হীরম কয়াদা য়ুম্ফম ওইবা নুং-পান ফাওনা উবা চেলেঞ্জ মেথদ অমা শিজিন্নদুনা য়েংশিল্লবা মতুংদা মতিক চাবা রাজ্য অমসুং মফমশিং অসি খনখিবনি। মলতি-মোদেল কন্নেক্তিবিতীগীদমক্তা পি.এম. গতি শক্তী নেস্নেল মাস্তর প্লান অসিবুসু খন্নবদা য়াওখি।

ফোরেন দাইরেক্ত ইনভেস্তমেন্ত (এফ.দি.আই.) য়াওনা অচৌবা ইনভেস্তমেন্তকী পুক্নিং চিংশিনগদবা মালেমগী থাক্তা লৈবা ইন্দস্ত্রীগী ইনফ্রাস্ত্রকচর শেম্বদা পি.এম. মিত্রা পার্ক অসিনা তেংবাংগনি অমসুং সেক্তর অসিগী মনুংদা ইন্নোভেসন অমসুং থবক কয়াসু লৈহনবা ঙমগনি।

তেক্সতাইল মন্ত্রালয়না প্রোজেক্ত অসি পায়খৎপগী থবকশিং শেন্নগনি। কেন্দ্র অমসুং রাজ্যনা মপু ওইমিন্নবা এস.পি.ভি. অমসু প্রোজেক্ত অসি য়েংশিন্নবগীদমক্তা শেমগনি। তেক্সতাইল মন্ত্রালয়না পার্ক অমমমগী ওইনা লুপা করোর ৫০০ ফাওবগী শেলগী তেংবাং অমসু দিভেলপমেন্ত কেপিতেল সপ্পোর্ত সীস্তেমগী মওংদা পীগনি। পি.এম. মিত্রা পার্ক্কী য়ুনিৎশিংদা লুপা করোর ৩০০ ফাওবগী কম্পিতিতিব ইন্সেন্তিব সপ্পোর্ত (সি.আই.এস.) অমসু খোঙজেল য়াঙনা থবক পায়খৎপগী ইনসেন্তিব ওইনা পার্ক খুদিংগী পীগনি। মাস্তর দিভেলপর অমসুং ইনভেস্তর য়ুনিৎশিংদা অহেনবা ইন্সেন্তিব শোইদনা পীনবগীদমক্তা জি.ও.আই.গী অতোপ্পা স্কিমশিংগা পুনশিন্নবগী খুদোংচাবসু পীগনি।

থংন-থংনবা অমসুং চয়েৎনবা লৈতবা য়ামদ্রবদা একর ১০০০ পাক চাউবা লমসু রাজ্য সরকারনা পীগনি অমসুং মসিগীদমক্তা তঙাই ফদবা য়ুতিলিতী, চাং নাইবা পাৱর সপ্লাই, ঈশিং মরাং কায়না ফংহনবা অমসুং ফত্ত-হৌদী হুন্দোকপগী সীস্তেম, ইফেক্তিব সিঙ্গল ৱিন্দো ক্লিয়ারেন্স পীবগী থবকশিংদা রাজ্যশিংনা তেংবাংবগা লোয়ননা কান্নবা ফংহনগদবা অমসুং তংদু লৈতাবা ইন্দস্ত্রীএল/তেক্সতাইল পোলিসী অমসু লৈহনগনি।

পার্কশিং অসিদা অফবা ইনফ্রাস্ত্রকচর, প্লগ অমসুং প্লে ফেসিলিতী লৈহনবগা লোয়ননা ইন্দস্ত্রীশিংগী রিসর্চ অমসুং ত্রেনিং ফেসিলিতী কয়াসু লৈগনি।

পি.এম. মিত্রা পার্ক অসিনা কেন্দ্র অমসুং রাজ্য সরকারনা পুন্না থবক তৌমিন্নদুনা ইনভেস্তমেন্ত হেনগৎহনবা, ইন্নোভেসন পুক্নিং থৌগৎপা, থবক্কী খুদোংচাবা লৈহনবা তোপ-তোপ্পা মোদেল অমা ওইরি অমসুং মসিনা ভারতপু মালেমগী তেক্সতাইল মেন্যুফেকচরিং অমসুং এক্সপোর্তকী হব অমা ওইহনগনি। চাউরাক্না লুপা করোর ৭০,০০০গী ইনভেস্তমেন্ত অমসুং থবক লাখ ২০ পীগনি হায়না থাজবা থম্লি।

*****



(Release ID: 1908135) Visitor Counter : 200