য়ুথ এফিয়ার্স অমসুং স্পোর্তস মন্ত্রালয়গী স্পোর্তস বিভাগনা ইন্তরনেস্নেল ৱুমেন্স দে ২০২৩ পাংথোকপা ওইনা মার্চ ১০দগী ৩১ফাওবা খেলো ইন্দিয়া দস কা দম থৌরম পাংথোক্কনি। ইন্তরনেস্নেল ইভেন্ত অসি পাংথোক্নবগীদমক অসিগুম্বা স্পোর্তস ইনিসিএতিব অমা পাংথোকপা অসি মসিনা অহানবনি অমদি কেন্দ্রগী মন্ত্রালয়না তুর্নামেন্ত অসি পাংথোক্নবগীদমক লুপা লাখ ৫০গী অপুনবা বজেত অমা সেঙ্কসন তৌখ্রে।

য়ুথ এফিয়ার্স অমসুং স্পোর্তসকী কেন্দ্র মন্ত্রী শ্রী অনুরাগ থাকুর সিংহনা মার্চ ১০দা লৈবাক্কী কোনুংদা লৈরিবা জৱাহরলাল নেহরু স্তেদিয়মদা থৌরম অসি হৌদোকপদা শরুক য়াগনি। তুর্নামেন্ত অসিদা স্পোর্তস মশান্না ১০না  লৈবাক্কী তোঙান তোঙানবা শহর ১০দা পাংথোক্কনি। নুপী এথলেত ১৫০০০গী ময়ানা শরুক য়াগনি।

ভারতকী হোক্কী স্তার রানি, বোক্সর নিখত জরীন অমসুং অতোপ্পা কয়া অমা য়াওনা লৈবাক্কী মকোকথোংবা নুপী এথলেতশিংনা শরুক য়ারিবা নুপীমচাশিংগীদমক ভিদিও চীয়ারিং পোস্ত তৌখি অমদি মখোদা য়াইফ পাউজেল পীখি। শক্নায়রবা এথলেত খরনা অখন্নবা লোকেসনশিংদসু থৌরম অসিদা শরুক য়াদুনা নুপী এচিবরশিংবু ফেলিসিয়েতসু তৌগনি। থৌরম অসিগী মনুং চনগদবা স্পোর্তস দিসিপ্লিনশিং অদুদি: খো খো, ৱুশু, রেস্লিং, ফেন্সিং, আর্চরী, স্বিমিং, বাস্কেতবোল, জুদো, এথলেতিক্স অমসুং য়োগসন্নি।

তুর্নামেন্ত অসি শিনবগী মরুওইবা পর্পজদি নেস্নেল/ স্তেত থাক্তা পাংথোকপা কম্পিতিসনশিংদা শরুক য়াবা ফংদবা নুপী এথলেতশিংদা প্লেতফোর্ম ফংহনবনি অমদি য়ৌশিনবা ঙমদ্রিবা জিওগ্রাফিকেল এরিয়াশিংদসু কম্পিতিতিব স্পোর্তস য়ৌহনবনি।

লোকেসনশিংগী পরিংগীদমক মফম অসিদা ক্লিক তৌবীয়ু।

********