প্রধানমন্ত্রীগী লোইশঙ
প্রধান মন্ত্রীনা মহাক্কী কর্নাতকা খোঙচত্তা পাংথোক্কদবশিং ফোঙদোকখ্রে
Posted On:
11 MAR 2023 10:38PM by PIB Imphal
হয়েং প্রধান মন্ত্রী শ্রী নরেন্দ্র মোদী কর্নাতকাদা চৎকনি।
মহাক্না ত্বিৎ তৌখি:
“মন্দ্যা অমসুং হুবলি-ধারৱারদা থৌরমশিং শরুক য়ানবা হয়েং মার্চ ১২দা ঐ কর্নাতকাদা চৎকনি। লুপা করোর ১৬,০০০গী চাউখৎ-থৌরাংগী থবকশিং শঙ্গাগনি নত্ত্রগা উরেপ-উয়ুং তমগনি।
https://www.pib.gov.in/PressReleseDetail.aspx?PRID=1905535
“হয়েং মার্চ ১২দা, মন্দ্যাদগী বেঙ্গালুরু-মাইসুর এক্সপ্রেসৱে লৈবাক মীয়ামদা কৎথোক্কনি। মাইসুর-কুসালনাগর হায়ৱেশু উরেপ-উয়ুং তমগনি। হায়রিবা প্রোজেকশিং অসিনা চৎথোক-চৎশিন অমসুং খুন্নাই অমসুং শেন-থুমগী ফিবম ফগৎহনগনি।
“হুবলি-ধারৱারদা পায়খৎলিবা চাউখৎ-থৌরাংগী থবকশিং অসিনা সেক্তর কয়া কোনশিল্লি। প্রোজেকশিং অদুগী মনুংদা আই.আই.তি ধারৱার অমসুং শ্রী সিদ্ধারোধা শ্বামীজি হুবলি স্তেসন্দা মালেমদা খ্বাইদগী শাংবা রেলৱে প্লেতফোর্ম মীয়ামদা কৎথোকপা য়াওরি। ঈশিং পীনবা স্কিম অমা শানবা উরেপ-উয়ুংশু তমগনি”।
কর্নাতকাদা পায়খৎলিবা চাউখৎ-থৌরাংগী থবকশিংগী মতাংদা এম.পি প্রতাপ সিমহাগী ত্বিৎ অমগী পাউখুম পীরদুনা, প্রধান মন্ত্রীনা হায়খি ‘চৎথোক-চৎশিন অমসুং শেন-থুমগী ফিবম ফগৎনবা ঐখোয়গী সরকারনা থবক পায়খৎলি। মাইসুর অমসুং বেঙ্গলুরুগী মরক্তা শেমগৎলিবা এক্সপ্রেসৱে অসি মাইকৈ অদুদা থাংজিনবা খোঙথাং অমনি’।
মহাক্না ত্বিৎ তৌখি:
“চৎথোক-চৎশিন অমসুং শেন-থুমগী ফিবম ফগৎনবা ঐখোয়গী সরকারনা থবক পায়খৎলি।মাইসুর অমসুং বেঙ্গলুরুগী মরক্তা শেমগৎলিবা এক্সপ্রেসৱে অসি মাইকৈ অদুদা থাংজিনবা খোঙথাং অমনি”।
হোসপেত রেলৱে স্তেসন নৌনা শেমগৎপগী মতাংদা দি.দি নিউজগী ত্বিৎ অমগী পাউখুমদা, প্রধান মন্ত্রীনা ত্বিৎ তৌখি:
“হোসপেতকী মীয়াম নুংঙাইবা ফোঙদোকচরি। কলচরগী মরী অমা হেনগৎহনবগা লোয়ন্না লম্বী-থোং অমসুং ললোন-ইতিক্কী থবক্তা চাউখৎপা অমনি”।
ধারৱারগা মরী লৈনবা প্রোজেকশিংগী মতাংদা য়ুনিয়ন মিনিস্তর শ্রী প্রালহাদ জোসিগী ত্বিৎ অমগী পাউখুম পীরদুনা, প্রধান মন্ত্রীনা ত্বিৎ তৌখি:
“হুবলি-ধারৱারগী মীয়াম ‘হিংবদা লাইবা’ হেনগৎহনগদবা অনৌবা থবকশিং হয়েং শঙ্গাগনি”।
*****
(Release ID: 1906071)
Visitor Counter : 85
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam