ప్రజలకు సమర్థవంతమైన సేవలను అందుబాటులోకి తీసుకురావడానికి సాంకేతిక పరిజ్ఞానాన్ని ఉపయోగించడం లో భారతదేశం ప్రపంచానికే ఒక ఉదాహరణగా నిలిచిందని,  సాంకేతిక పరిజ్ఞానం ప్రాప్యతను

అనుమతిస్తుందని, పౌరుల జేబు నుండి ఖర్చును తగ్గిస్తుందని ఉప రాష్ట్రపతి జగదీప్ ధన్కర్ అన్నారు. ఈ రోజు ఢిల్లీ లో హెల్త్ టెక్నాలజీ అసెస్మెంట్ పై ఇంటర్నేషనల్ సింపోజియం (ఐ ఎస్ హెచ్.టి.ఎ )ను ఉపరాష్ట్రపతి ప్రారంభించారు. కేంద్ర ఆరోగ్య, కుటుంబ సంక్షేమ శాఖ మంత్రి డాక్టర్ మన్సుఖ్ మాండవీయ  కూడా హాజరయ్యారు. ఈ కార్యక్రమంలో నీతి ఆయోగ్ సభ్యుడు (ఆరోగ్యం) డాక్టర్ వి కె పాల్ కూడా పాల్గొన్నారు.

ప్రపంచ ఆరోగ్య సంస్థ(డబ్ల్యూహెచ్ఒ), సెంటర్ ఫర్ గ్లోబల్ డెవలప్ మెంట్ సహకారంతో డిపార్ట్ మెంట్ ఆఫ్ హెల్త్ రీసెర్చ్, హెల్త్ అండ్ ఫ్యామిలీ వెల్ఫేర్ సంయుక్తంగా ఈ అంతర్జాతీయ సింపోజియంను నిర్వహించాయి.

"యూనివర్సల్ హెల్త్ కవరేజ్ కోసం హెల్త్ టెక్నాలజీస్ అసెస్మెంట్స్ (హెచ్ టి ఎ) సృష్టించిన సాక్ష్యాల ద్వారా హెల్త్ కేర్ టెక్నాలజీల స్థోమత, లభ్యత , ప్రాప్యత" అనే ఇతివృత్తం తో జరిగిన సింపోజియం విద్యావేత్తలు, పరిశోధకులు, విధాన రూపకర్తలు, పరిశ్రమలు మొదలైన భాగస్వాములకు హెచ్. టి ఎన్ ప్రాముఖ్యత, ఆరోగ్య సాంకేతిక వినియోగంపై అంతర్జాతీయ దృక్పథం,  దేశంలో మొట్టమొదటి హెచ్. టి ఎ మార్కెట్ కు ఆతిథ్యం ఇవ్వడానికి ఒక వేదికను,   నాలెడ్జ్/ప్రొడక్ట్ షేరింగ్ ప్లాట్ ఫామ్ ను అందించింది. ఈ సింపోజియంలో సుమారు 250 మంది పాల్గొన్నారు.

Image

Image

Image

అంత్యోదయ భావన ను అనుసరించి దేశంలోని చివరి మైలు వరకు, మారుమూల ప్రాంతాల వరకు సేవలు చేరాలని గౌరవ ప్రధాన మంత్రి ఇచ్చిన పిలుపును ఉప రాష్ట్రపతి శ్రీ జగ్దీప్ ధన్కర్  పునరుద్ఘాటిస్తూ, "ఆత్మనిర్భరత చొరవ, స్వచ్ఛ భారత్ అభియాన్ ద్వారా ప్రవర్తనా మార్పులు, 9,100 కి పైగా జన ఔషధి కేంద్రాల ద్వారా చౌకైన మందులు,  వైద్య సిబ్బందిని, వైద్య సంస్థలను బలోపేతం చేయడం వంటి విప్లవాత్మక చర్యల ద్వారా స్థోమత, అందుబాటు , సమానత్వాన్ని నిర్ధారించే దిశగా భారతదేశం పయనిస్తోందని అన్నారు..  ‘’పేదలు, అణగారిన వర్గాలపై భారాన్ని తగ్గించేందుకు ప్రభుత్వం అనేక కార్యక్రమాలు చేపట్టింది. ఈ ప్రభుత్వం ప్రారంభించిన ఆయుష్మాన్ భారత్ ప్రపంచంలోనే అతిపెద్ద, పారదర్శక జవాబుదారీ కార్యక్రమం. ఇది పౌరుల సంక్షేమాన్ని తీర్చడంతో పాటు అదే సమయంలో ఉద్యోగాలు సంస్థలను సృష్టిస్తోంది " అన్నారు. ఆరోగ్య సాంకేతిక పరిజ్ఞానం ప్రాముఖ్యత , దాని మదింపు ప్రక్రియల గురించి శ్రీ ధన్కర్ మాట్లాడుతూ, సమానత్వాన్ని నిర్ధారించడంలో సాంకేతిక పరిజ్ఞానం కీలక స్వభావాన్ని వివరించారు. నాణ్యమైన పాలన అందించడంలో సాంకేతిక పరిజ్ఞానం కీలక మలుపు అన్నారు. ముఖ్యంగా ఇటీవల ప్రారంభించిన ఆయుష్మాన్ భారత్ హెల్త్ అండ్ వెల్నెస్ సెంటర్లలో (ఏబీ- హెచ్ డబ్ల్యూసిలు)  ఆరోగ్య సేవలు అందుబాటులో ఉండటం సామాన్య పౌరులకు ఆరోగ్య సౌలభ్యం చేకూర్చింది.

కోవిడ్ మహమ్మారిని విజయవంతంగా ఎదుర్కోవడం ద్వారా భారతదేశం తన సామర్థ్యాన్ని చూపించిందని, మందులు నైపుణ్యం ద్వారా దేశాలకు మద్దతు ఇచ్చిందని ఉప రాష్ట్రపతి అన్నారు. హెల్త్ టెక్నాలజీ మదింపు వ్యూహం సార్వత్రిక ఆరోగ్య కవరేజీ కోసం పనిచేస్తున్న పర్యావరణ వ్యవస్థను బలోపేతం చేయడానికి ఒక వినూత్న విధానం వైపు మరో అడుగు. అందువల్ల, భారతదేశాన్ని అవకాశాల భూమిగా చూడాలని,

వసుదైక కుటుంబం అనే భారతదేశ తత్వం కారణంగా,  ఇతరులందరికి ఆరోగ్యం, శ్రేయస్సును పరిగణించే ప్రపంచ కుటుంబంలో భాగమని భరోసా ఇవ్వాలని ఇవ్వవచ్చని ఆయన భాగస్వాములను కోరారు.

నేటి మేధోమథన సమావేశాలకు హాజరైన భాగస్వాములకు ధన్యవాదాలు తెలిపిన కేంద్ర మంత్రి డాక్టర్ మన్సుఖ్ మాండవీయ, "ప్రజా సంక్షేమం కోసం తీసుకున్న ప్రజా జోక్యాలను అంచనా వేయడం ప్రస్తుత అవసరం" అని అన్నారు. ‘’ఇది సమర్థవంతమైన ప్రక్రియలను స్థాపించడానికి , కార్యక్రమాలు చొరవల మెరుగైన ఖర్చు-సమర్థత కోసం ఫీడ్ బ్యాక్ మెకానిజంగా పనిచేయడానికి అనుమతిస్తుంది. ఆరోగ్య రంగంలో కొత్త సహకార ప్రాజెక్టుల ద్వారా బహుళ దేశాల సహకారాన్ని సులభతరం చేయడానికి ఇష్టా 2023 ఎంతగానో దోహద పడుతుంది. హెల్త్ టెక్నాలజీ మదింపు ఆరోగ్య సంరక్షణ పర్యావరణ వ్యవస్థను మరింత బలోపేతం చేయడానికి ,సుస్థిర అభివృద్ధి లక్ష్యాలను సాధించడానికి సహాయపడుతుంది " అన్నారు.

భారతదేశ యూనివర్సల్ హెల్త్ కవరేజ్ (యుహెచ్ సి) ఎజెండాలో భాగంగా తన పౌరులందరికీ ఆరోగ్య సంరక్షణ సేవలను విస్తరించడానికి భారత ప్రభుత్వం కట్టుబడి ఉందని ఆయన అన్నారు. ఆరోగ్యంలో వనరుల కేటాయింపు, వినియోగాన్ని గరిష్టం చేయడానికి ప్రపంచవ్యాప్తంగా విస్తృతంగా ఉపయోగించే పద్ధతి అయిన హెల్త్ టెక్నాలజీ అసెస్మెంట్ (హెచ్.టి.ఎ) సహాయంతో వనరులను సద్వినియోగం చేసుకోవచ్చు.

ఆరోగ్యాన్ని ఒక సేవగా పరిగణించే భారతదేశ పురాతన నైతికత , నాగరిక సారాన్ని డాక్టర్ మన్సుఖ్ మాండవీయ ప్రముఖంగా ప్రస్తావిస్తూ, "మన దేశంలో ఆరోగ్యాన్ని ఒక సేవగా పరిగణిస్తారు. ఆరోగ్య రంగంలో నిమగ్నమై వాణిజ్య దోపిడీ కోసం పరిగణించకుండా మానవాళికి సేవ చేసే అవకాశాన్ని అందరికీ ఇస్తుంది" అని అన్నారు. విశ్వవ్యాప్త ప్రజా ప్రయోజనంగా మారిన కో-విన్ ఉదాహరణను డాక్టర్ మాండవీయ ప్రస్తావిస్తూ, "భారతదేశం ఎల్లప్పుడూ ప్రపంచ సమాజానికి బాధ్యత వహిస్తుంది.  దేశంలో జరిగే ఏదైనా పరిశోధన , ఆవిష్కరణ ప్రపంచానికి సులభంగా అందుబాటులో ఉంటుంది, తద్వారా అది అందరికీ ప్రయోజనం చేకూరుస్తుంది. ఈ అమృత్ కాల్ లో ఒక ప్రపంచం - ఒక కుటుంబం విధానం పట్ల మన అంకితభావానికి ఇది సరైన ఉదాహరణ.  దేశానికి సరసమైన, నాణ్యమైన ఆరోగ్య సంరక్షణను అందించడమే కాకుండా, వసుధైక కుటుంబమ్ సిద్ధాంతం కింద ప్రపంచ ఆరోగ్య లక్ష్యాలకు సేవ చేయడానికి, మద్దతు ఇవ్వడానికి మన శక్తి సామర్థ్యాలను ఉపయోగించడం మన బాధ్యత , కర్తవ్యం’’అన్నారు. ‘’ప్రధాన మంత్రి దార్శనిక నాయకత్వంలో, పోటీ ద్వారా కాకుండా సమన్వయం, సహకారం లేదా సహయోగ్ ద్వారా అభివృద్ధి చెందిన దేశంగా ఎదగడమే మన లక్ష్యం. ఆరోగ్య రంగంలో భాగస్వాముల మధ్య ఇలాంటి సహకారం అవసరం" అని ఆయన అన్నారు.

హెల్త్ టెక్నాలజీ అసెస్ మెంట్ సెషన్ ను ప్రారంభించిన డాక్టర్ వినోద్ కుమార్ పాల్ మాట్లాడుతూ,  దేశప్రజల అభ్యున్నతికి తీసుకోవాల్సిన చర్యల పరంగా దేశం ఎంతో ముందడుగు వేసిందన్నారు. స్థానిక భాగస్వాముల అవసరాలకు స్పందించడం ,స్థానిక స్థాయిలో బలమైన ఆరోగ్య వ్యవస్థలను సృష్టించడం రాబోయే భవిష్యత్తులో ఒక వరం. అందుబాటులో ఉన్న వనరులతో పనిచేసి సమర్థవంతమైన, అత్యున్నత ఫలితాలను సాధించడం వారి బాధ్యత అని ఆయన అన్నారు. ఇందుకోసం హెల్త్ టెక్నాలజీ మదింపు కీలకం కానుంది. మహాత్మాగాంధీని ఉటంకిస్తూ భారతదేశం అభివృద్ధి కోసం చేస్తున్న ప్రయత్నంలో సమానత్వం ప్రధానమైందని, ఆర్థిక పురోగతితో పాటు బలహీన వర్గాలకు ప్రభుత్వం ప్రాధాన్యత ఇస్తుందని డాక్టర్ పాల్ అన్నారు. టెలీమెడిసిన్ రంగం నుండి ఉత్తమ పద్ధతులను ఉపయోగించడం, సరఫరా సంబంధిత పరిమితులపై కూడా దృష్టి పెట్టడం, ఆరోగ్య జోక్యాలలో తక్కువ ఖర్చు వాటిని గుర్తించడం అవసరాన్ని ఆయన నొక్కి చెప్పారు. ప్రపంచ ఆరోగ్య సమాజంతో ఈ సహకారాన్ని బలోపేతం చేయాలని, మారుతున్న దేశ అవసరాలకు అనుగుణంగా ప్రతిస్పందించాలని ఆయన విస్తృత రంగాలకు చెందిన భాగస్వాములను కోరారు.

ఆరోగ్య సాంకేతికతలు లేదా జోక్యాల లక్షణాలు, ప్రభావాలు మరియు/లేదా ప్రభావాల క్రమబద్ధమైన మూల్యాంకనాన్ని హెచ్ టి ఎ అందిస్తుంది. ఖర్చు చేసే ప్రతి రూపాయికి అత్యధిక ఆరోగ్య లాభాన్ని పొందడానికి హెచ్ టిఎ దోహదపడుతుంది. అందువల్ల, హెచ్ టి ఎ అనేది ఆరోగ్య సాంకేతికతలు అనగా, ఔషధాలు, పరికరాలు, ఆరోగ్య సంరక్షణ కార్యక్రమాలు మొదలైన వాటిని వాటి భద్రత, సమర్థత, ఖర్చు , ఈక్విటీ సమస్యలపరంగా మదింపు చేసే ఒక మల్టీడిసిప్లినరీ ప్రక్రియ. హెచ్ టిఎ వాటాదారులలో విద్యావేత్తలు, పరిశోధకులు, విధాన రూపకర్తలు, పరిశ్రమ, మొదలైన వారు ఉన్నారు. యూనివర్సల్ హెల్త్ కవరేజ్ దిశగా ఒక అడుగుగా ఆరోగ్య సాంకేతిక పరిజ్ఞానాల ప్రాప్యత, లభ్యత , చౌక కోసం హెచ్ టి ఎ ప్రాముఖ్యతపై వారి అభిప్రాయాలను పంచుకున్నారు.

ఈ సింపోజియం మార్కెట్ ప్లేస్ ను కూడా నిర్వహించింది, ఇది రాష్ట్ర ,కేంద్ర ప్రభుత్వం అమలు చేసిన ప్రముఖ హెచ్ టిఎ సిఫార్సులను ప్రదర్శించింది. ప్రదర్శించబడిన కొన్ని ఆరోగ్య సాంకేతిక పరిజ్ఞానాలు - నవజాత శిశువుల కోసం ఏ బి ఆర్  హియరింగ్ స్క్రీనింగ్ పరికరం,

సికిల్ సెల్ డయాగ్నస్టిక్ కిట్లు, సేఫ్టీ ఇంజనీర్డ్ సిరంజిలు, పోర్టబుల్ ఈసీజీ, టీబీ నిర్ధారణ కోసం సై టీబీ, తక్కువ ఖర్చుతో వెంటిలేటర్లు, నియోనాటల్ రెససిలేటర్లు మొదలైనవి. ప్రభుత్వ, ప్రైవేటు భాగస్వామ్యం పెంపొందించు కోవడం ద్వారా మార్కెట్ ప్లేస్ పెరుగుతుంది. హెల్త్ టెక్నాలజీ అసెస్ మెంట్ ఇన్ ఇండియా (హెచ్ టిఎ ఐన్) ద్వారా హెచ్ టిఎ చేసిన హెల్త్ టెక్నాలజీస్ ను మార్కెట్ ప్లేస్ ప్రదర్శించింది. ఇటువంటి మార్కెట్ ప్లేస్ కాన్సెప్ట్  హెచ్ టిఎ ద్వారా మదింపు చేయబడిన సాంకేతిక పరిజ్ఞానాన్ని ప్రదర్శించడం ప్రపంచంలోనే మొట్టమొదటిసారి.

'ఆత్మనిర్భర్ భారత్', 'మేకిన్ ఇండియా' కోసం భారత ప్రభుత్వ చొరవను బలోపేతం చేసే దిశగా ఇది ఒక ముందడుగు. హెచ్ టిఎ ఇన్ అంచనా వేసి మదింపు చేసిన సుమారు 20 సాంకేతిక పరిజ్ఞానాలను మార్కెట్ ప్లేస్ లో చేర్చారు.

భారత ఉపరాష్ట్రపతి కార్యదర్శి శ్రీ సునీల్ కుమార్ గుప్తా, ఆరోగ్య పరిశోధన విభాగం కార్యదర్శి , ఇండియన్ కౌన్సిల్ ఆఫ్ మెడికల్ రీసెర్చ్ డైరెక్టర్ జనరల్ డాక్టర్ రాజీవ్ బహల్, భారతదేశానికి ప్రపంచ ఆరోగ్య సంస్థ ప్రతినిధి డాక్టర్ రోడెరికో ఒఫ్రిన్, 23 దేశాల ప్రతినిధులు, గాంబియా, మొరాకో, లెసోతో, బురుండి, ఎరిట్రియా రాయబారులు. భూటాన్, నేపాల్, శ్రీలంక, ఇండోనేషియా, థాయిలాండ్, గాంబియా, రువాండా, జిబౌటి, మడగాస్కర్, మలావి దేశాలకు చెందిన అంతర్జాతీయ సీనియర్ అధికారులు పాల్గొన్నారు.

***