“নুপীশিংদা শেন-থুমগী শক্তি পীবা’ হায়বা হিরমদা পাংথোকপা বজেত মতুংগী ৱেবিনার অমদা প্রধান মন্ত্রী শ্রী নরেন্দ্র মোদী ৱা ঙাংখ্রে। মসি কেন্দ্রগী বজেত ২০২৩দা লাউথোকখিবশিং মপুংফানা থবক ওইনা পাংথোক্নবা পাউতাকশিং লৌনবা সরকারনা শীন্দুনা বজেত মতুংদা পাংথোকপা ৱেবিনার ১২গী ১১শুবা ৱেবিনারনি।

ৱেবিনার অদুদা ৱা ঙাংবদা প্রধান মন্ত্রীনা হায়খি ২০৪৭দা চাউখৎলবা ভারত ওইনবগী পান্দম ফংনবা লৈবাক অসিনা চহি অসিগী বজেত অসি শেংলবা অহৌবা অমা ওইনা লৌরি। অমৃত কালগী তুংগী ফিবমগী মীৎয়েংদগী বজেত অসি উরে অমসুং চাংয়েং তৌরে। হায়রিবা পান্দমশিং অসিগা মখোয়গা শম্নহন্দুনা মথং চহি ২৫দা লৈবাক অসিগী মীয়াম্না য়েংলিবা অসি লৈবাক অসিগী ওইনা অফবা খুদম অমনি।

প্রধান মন্ত্রীনা হায়খি হৌখিবা চহি ৯ অসিদা নুপীশিংনা মাংজিল থাবা চাউখৎপগী মীৎয়েং অমগা লোয়ন্না লৈবাক অসি চঙশিল্লি। ভারতনা জি-২০গী প্রসিদেন্ত ওইদুনা ভারতনা হায়রিবা থবকশিং অসি মালেমগী থাক্তা পাংথোক্লে। চহি অসিগী বজেত অসিনা নুপীশিংনা মাঙজিল থাবা চাউখৎ-থৌরাংগী থবকশিংদা অনৌবা ইনোৎ অমা পীগনি।

প্রধান মন্ত্রীনা হায়খি খাংবা কনবা, অচেৎপা ফিরেপ লৌবা, পান্দমশিং ফংনবা থবক পাংথোকপা ঙম্বা অমসুং কন্না হোৎনবা অসি ‘মাত্রু শক্তি’গী মমিনি। হায়রিবা গুনশিং অসিনা চহিচা অসিদা ভারতকী চাউখৎপগী খোঙজেল অমসুং পাক-চাউবা হেনগৎহনবদা মরুওইবা থৌদাং অমা লৌরি।

প্রধান মন্ত্রীনা হায়খি নুপীশিংদা শক্তি পীনবা থবকশিংগী ফল উবা ফংলে অমসুং লৈবাক্কী খুন্নাইগী পুন্সি মহিংদা অওনবা অমা পুরকপা ঐখোয়না উরে।নুপা মশিংদগী নুপী মশিংনা হেনগৎলক্লে অমসুং হৌখিবা চহি ৯-১০দা হায় স্কুল অমসুং অৱাংবা থাক্তা লাইরিক তম্বা নুপীমচা মশিং শরুক অহুমদা হেনগৎলে। অমেরিকা, য়ু.কে অমসুং জর্মনি লৈবাকশিংদগী হেন্না, ঙসিদি সাইন্স, তেক্নোলোজি, ইঞ্জিনিয়ারিং অমসুং মেথসতা নুপীমচাশিং লাইরিক তম্বা চাদা ৪৩ য়ৌরে। মেদিকেল, শান্ন-খোৎনবা, ললোন-ইতিক নত্ত্রগা রাজনিতিগী লমদা নুপীশিং শরুক য়াবা হেনগৎলকপা খক নত্তনা মখোয়না হিরমশিং অসিদা মাঙজিল থারে।

শ্রী মোদীনা হায়খি মুদ্রা লোন লৌরিবশিংগী চাদা ৭০দি নুপীশিংনি। শ্বানিধিগী মখাদা গরেন্তি য়াওদনা লোনশিং পীনবা স্কিমগী কান্নবা অমসুং শা-ষন লোইবা, ঙা য়োকপা, খুঙ্গংগী উদোগশিং, এফ.পি.ওশিং অমসুং শান্ন-খোৎনবা চাউখৎনবা স্কিমশিংগী কান্নবশিং নুপীশিংনা ফংলে।

প্রধান মন্ত্রীনা হায়খি লৈবাক অসিগী অপুনবা মীশিংগী তঙ্খাই অমগা মতেংগা লোয়ন্না ঐখোয়না কমদৌনা লৈবাক অসি চাউখৎহনগনি অমসুং কমদৌনা ঐখোয়না নুপীশিংগী থৌনা হেনগৎহনগনি হায়বা চহি অসিগী বজেত্তা ঐখোয়না উবা ফংলে। মহিলা সম্মান সেভিং সর্তিফিগেদ স্কিম্না নুপীশিংদা চাদা ৭.৫গী শেন্দোই পীরে। পি.এম অৱাস য়োজনাগী লুপা করোর লিশিং ৮০ কাইথোক্লিবা অসি নুপীশিংদা শক্তি পীনবা মাইকৈদা থাংজিনবা খোঙথাং অমনি অমসুং য়ুম করোর ৩ হেন্না নুপীশিংগী মমিংদা লৈরে। চৎনবী ওইনা নুপীশিংগী মমিংদা লন-থুম অমতা মমিং পান্দবা অদু পি.এম অৱাসনা নুপীশিংদা শক্তি পীরে। ইমুং-মনুংগী শেন-থুমগী ৱারেপশিং লৌবদা পি.এম অৱাসনা নুপীশিংদা অনৌবা থৌনা অমা পীরে।

প্রধান মন্ত্রীনা হায়খি সেল্প হেল্প গ্রুপশিংগী মরক্তা অনৌবা য়ুনিকোর্নশিং শেমগৎনবা সেল্প হেল্প গ্রুপশিং মতেং পাংনবা থৌরাং লাউথোক্লে। হোঙলক্লিবা ফিবমশিংগী মতুংইন্না নুপীশিং থৌনা হাপ্নবা লৈবাক অসিগী পান্দম অসি লৈবাক অসিগী থৌনানি। ঙসিদি লৌউ-শিংউগা মরী লৈনদবা ললোন-ইতিক ৫গী মনুংদা ১দি নুপীশিংনা পাংথোক্লি। হৌখিবা চহি ৯দা নুপী করোর ৭ হেন্না সেল্প হেল্প গ্রুপশিংদা শরুক য়াখ্রে। হায়রিবা সেল্প হেল্প গ্রুপশিং অসিনা লুপা করোর লাখ ৬.২৫ রোমগী লোনশিং লৌখ্রে।

প্রধান মন্ত্রীনা হায়খি হায়রিবা নুপীশিং অসিনা অপীকপা ওন্ত্রেপ্রেনিউয়রশিং ওইনা মতেং পাংবা খক নত্তনা মতিক চাবা রিছোর্স পর্সনশিংশু ওইরে। খুঙ্গংশিংদা অচৌবা চাউখৎ-থৌরাংগী থবকশিংদা বেঙ্ক শখি, কৃষি শখি অমসুং পাসু শখি প্রোগ্রামশিংনা মরুওইবা থৌদাং লৌরে। কোওপরেতিপ সেক্তরদা অওনবা পুরকপদা অমসুং সেক্তর অসিদা নুপীশিংনা মরুওইবা থৌদাং লৌরি। লাক্লিবা চহিশিংদা মল্তি-পর্পজ কোওপরেতিপ, দাইরি কোওপরেতিপ অমসুং ফিসরিজ কোওপরেতিপ লাখ ২ হেন্না শেম্লগনি। লৌমী করোর ১ হেন্না মহৌশাগী লৌউ মখল পাংথোকহন্নবা পান্দম থম্লে। মসিদা নুপীশিং শিন্মীশিং অমসুং পোৎথোক পুথোকপা লৌমী কাংবুনা অচৌবা থৌদাং অমা লৌগনি।

শ্রী মোদীনা মখা তানা শন্দোক্না হায়খি শ্রী অন্না চাউখৎহনবদা নুপী সেল্প হেল্প গ্রুপশিংনা মরুওইবা থৌদাং অমা লৌরে। হায়রিবা সেল্প হেল্প গ্রুপশিংদা শ্রী অন্নগী মরমদা খঙলবা ত্রাইবেল নুপী করোর ১ হেন্না য়াওরি। শ্রী অন্ন অমসুং মসিগী শেম্বা চীঞ্জাকশিং য়োনবগী মতাংদা ঐখোয়না খুদোংচাবশিং লৌগদবনি। মফম কয়াদা, উমংগী পোৎথোকশিং শেম-শাবা অমসুং মদু কৈথেলদা পুরকপদা সরকারগী এজেন্সিশিংনা মতেং পাংলি। ঙসিদা মনুং-হুঞ্জিনবা মফমশিংদা সেল্প হেল্প গ্রুপ কয়া শেম্লে অমসুং মসি ঐখোয়না হেন্না পাক-চাউবা থাক অমদা পুখৎকদবনি।

স্কিল দিবলপমেন্তগী তঙাইফদবগী মতাংদা প্রধান মন্ত্রীনা হায়খি বজেত অসিদা লাউথোকখিবা বিশ্বকর্মা স্কিম্না মরুওইবা থৌদাং অমা লৌগনি অমসুং থোঙ অমা ওইগনি অমসুং মসিগী খুদোংচাবশিং অসিনা নুপীশিংদা শক্তি পীবদা শীজিন্নগদবনি। নুপীশিং ললোন-ইতিক্কী থবকশিংদা শরুক য়াবা হেনগৎহনবদা জি.ই.এম অমসুং ই-কম্মর্সনা মরুওইবা থৌদাং লৌরি। সেল্প হেল্প গ্রুপশিংদা পীরিবা ত্রেনিংশিংদা অনৌবা তেক্নোলোজিশিং য়াওহনবা তঙাইফদে।

প্রধান মন্ত্রীনা হায়খি ‘সবকা সাথ, সবকা বিকাস, সবকা বিশ্বাস অমসুং সবকা প্রায়াস’কী ৱাখল্লোন্দা লৈবাক অসি মাঙলোমদা চঙশিল্লি। লৈবাক ঙাক-শেনবা, রাফেল এয়রক্রাফশিং পাইবদা নুপীমচাশিংনা লৌরিবা থৌদাং লৈবাক অসিনা উরে অমসুং মখোয়না ওন্ত্রেপ্রেনিউয়রশিং ওইরকপদা অরুবা ৱারেপশিং লৌবা ঙম্লে। হন্দক নাগালেন্দদা অহানবা ওইনা নুপী এম.এল.এ অনি মিনিস্তর ওইনা ৱাশক লৌখ্রে। নুপীশিং ইকায়খুম্নবা অমসুং থোঙমান্নবগী ৱাখল্লোনগী থাকশিং ৱাংখৎহনবা খক্তনা ভারত চাউখৎপা ঙমগনি। নুপীশিং-ইচলশিং-ইচানুপীশিংগী লম্বীদা থেংনবা অপনবা খুদিংমক লৌথোক্নবা অচেৎপা ফিরেপ অমগা লোয়ন্না মাঙলোমদা চঙশিন্নবা ঐনা ময়ামগী মফমদা হায়জরি।  

মালেমগী নুপীগী নুমিত্তা রাস্ত্রপতি শ্রীমতি দ্রৌপতি মুর্মুনা ইখিবা আর্তিকল অমা লৌখৎলদুনা প্রধান মন্ত্রীনা মহাক্কী ৱারোল অদু লোইশিনখি। রাস্ত্রপতিনা ইখি “ চাউখৎপা য়াংখৎহনবা হায়বসি ঐখোয় খুদিং, ঐখোয় অমমমগী খুত্তা লৈরে। নুপীমচা অমগী মাইথোঙদা অহোঙবা অমা পুরক্নবা, মহাক্কী পুন্সি চাউখৎনবা মহাক্কী খুদোংচাবশিং ফগৎনবা অহোঙবা অমা পুরক্নবা, অদোমগী ইমুং, লৈকায় নত্ত্রগা থবক মফমদা অহোঙবা অমা পুরক্নবা নশামক অহোঙবা অমা পুরক্নবা ঙসি ঐনা অদোমগী মফমদা য়াইফ-পাউজেল পীজরি। মসি ঐনা ঐগী থম্মোয়দগী তশেংনা হায়জরি।

This year's budget strengthens our efforts towards women-led development. My remarks at a post-budget webinar. https://t.co/XFIgdkdaSL

— Narendra Modi (@narendramodi) March 10, 2023

बीते 9 वर्षों में देश Women Led Development के विज़न को लेकर आगे बढ़ा है। pic.twitter.com/aOCAv0D6UT

— PMO India (@PMOIndia) March 10, 2023

जब हम Women Led Development कहते हैं तब उसका आधार यही शक्तियां हैं... pic.twitter.com/DK9xLGvdJv

— PMO India (@PMOIndia) March 10, 2023

आज भारत में ऐसे अनेक क्षेत्र हैं जिनमें महिलाशक्ति का सामर्थ्य नजर आता है। pic.twitter.com/qVR8DFtwwI

— PMO India (@PMOIndia) March 10, 2023

महिलाओं का सम्मान बढ़ाकर, समानता का भाव बढ़ाकर ही भारत तेजी से आगे बढ़ सकता है। pic.twitter.com/Mze817qMOO

— PMO India (@PMOIndia) March 10, 2023

8 मार्च को, महिला दिवस, राष्ट्रपति द्रोपदी मुर्मू जी ने महिला सशक्तिकरण एक बहुत ही भावुक आर्टिकल लिखा है।

इस लेख का अंत राष्ट्रपति मुर्मू जी ने जिस भावना से किया है वो सभी को समझनी चाहिए। https://t.co/BJDbnzcJak pic.twitter.com/BlsEoRwxzI

— PMO India (@PMOIndia) March 10, 2023

*****