سیاحت کی وزارت، حکومت ہند نے آئی ٹی بی، برلن 2023 میں منعقدہ 'ٹی وی/سینما کمرشل انٹرنیشنل اور کنٹری انٹرنیشنل' کے زمرے کے لیے بین الاقوامی 'گولڈن سٹی گیٹ ٹورزم ایوارڈز 2023' میں گولڈن اور سلور اسٹار ایوارڈ حاصل کیا ہے۔

یہ ایوارڈز سکریٹری (سیاحت) حکومت ہند جناب اروند سنگھ نے 08 مارچ 2023 کو آئی ٹی بی برلن میں 7 سے 9 مارچ 2023 تک منعقدہ تقریب کے دوران وصول کیے تھے۔

گولڈن سٹی گیٹ ٹورازم ملٹی میڈیا ایوارڈز ہر سال سیاحت اور مہمان نوازی کے شعبوں سے متعلق مختلف زمروں میں دیئے جاتے ہیں۔ 'گولڈن سٹی گیٹ' ممالک، شہروں، علاقوں اور ہوٹلوں کے لیے ملٹی میڈیا سے متعلق ایک تخلیقی بین الاقوامی مقابلہ ہے۔ ایوارڈز کے لیے داخلوں کا فیصلہ فلم اور سیاحت کے شعبے کے ماہرین پر مشتمل ایک بین الاقوامی جیوری کرتی ہے۔ یہ سالانہ ایوارڈ تقریب آئی ٹی بی برلن میں منعقد کی جاتی ہے جو دنیا کا معروف ٹریول ٹریڈ شو ہے۔

یہ ایوارڈ وزارت کے ذریعہ تیار کردہ پروموشنل فلموں/ٹیلی ویژن اشتہارات کو دیا گیا ہے جو ہندوستان میں مواقع کو دوبارہ کھولنے کے لئے کوویڈ کے بعد کے دور میں اشتہارات پر عالمی مہم کے ایک حصے کے طور پر تیار کیا گیا ہے۔ وزارت سیاحت نے کووڈ وبائی امراض کے بعد ملک میں غیر ملکی سیاحوں کا استقبال کرنے کے لیے ایک نئی ناقابل یقین انڈیا برانڈ فلم تیار کی ہے۔ یہ برانڈ فلمیں پروموشنل اور مارکیٹنگ کے مقاصد کے لیے وسیع پیمانے پر استعمال کے لیے ملکی اور بین الاقوامی سفری اور سیاحتی صنعت میں وسیع پیمانے پر تشہیر کی گئی ہیں۔

ان پروموشنل فلموں کی وزارت کے سوشل میڈیا ہینڈلز کے ذریعے بھی بڑے پیمانے پر تشہیر کی گئی ہےجس کو دنیا بھر میں بہت اچھا ردعمل ملا ہے۔ اشتہارات انگریزی میں وائس اوور کے ساتھ 9 بین الاقوامی زبانوں جیسے جرمن، فرانسیسی، ہسپانوی، اطالوی، روسی، چینی، جاپانی، کورین اور عربی میں تیار کیے گئے ہیں۔

**********

ش ح۔   ش ت۔ج

Uno-2474