ٹویٹس کی ایک سیریز میں سڑک ٹرانسپورٹ اور شاہراہوں  کے مرکزی وزیر جناب نتن گڈکری نے کہا ہے کہ ناگالینڈ میں ہم بنیادی ڈھانچے کی ترقی کا ایک اہم پروجیکٹ شروع کر رہے ہیں: دیما پور سے کوہیما تک 14.71 کلومیٹر لمبے چار لین ہائی وے کی تعمیر (پیکیج-II) ۔ انہوں نے کہا کہ اس  پروجیکٹ کی کل لاگت کا تخمینہ 339.55 کروڑ روپے ہے۔

جناب گڈکری نے کہا کہ اس پروجیکٹ کا بنیادی مقصد راجدھانی  اور ریاست کے دیگر بڑے تجارتی مراکز کے درمیان کنکٹی وٹی  کو بہتر بنانا ہے، اس طرح ترقی اور خوشحالی کے لیے لوگوں اور اشیا کی تیز رفتار نقل و حرکت کو ممکن بنانا ہے۔

وزیر موصوف نے کہا کہ وزیر اعظم کی قیادت میں ہمارا مقصد سڑک کے ایسے   بنیادی ڈھانچے کی فراہمی ہے جوکم لاگت والا ہونے کے ساتھ ساتھ پائیداربھی  ہو اورمعینہ مدت میں اس کی تکمیل کی سختی سے پابندی کے ساتھ ساتھ  معیار کے معاملے میں بھی سمجھوتہ نہ کرنا پڑے۔

۔۔۔۔۔۔۔۔۔۔۔

ش ح۔ا گ۔ن ا۔

U-2362