جاری جن اوشدھی دیوس 2023 کے چوتھے دن آج ’بال متر دیوس‘ کے طور پر منایا گیا۔ فارماسیوٹیکل اینڈ میڈیکل ڈیوائس بیورو آف انڈیا (پی ایم بی آئی   ) پانچویں جنوری اوشدھی دیوس کے موقع پر پورے ملک میں ہفتہ بھر کی تقریبات کا انعقاد کر رہا ہے۔ پردھان منتری بھارتیہ جن اوشدھی پریوجنا (پی ایم بی جے پی) کے چوتھے دن کے پروگرام بچوں کے لیے وقف تھے۔

اس موقع پر بچوں کے درمیان ایک آن لائن کوئز مقابلہ کرایا گیا اور 50 فاتحین میں سے ہر ایک  کو 500/- روپے کے انعامات سے نوازا گیا۔ کوئز کے ذریعہ بچوں کو جن اوشدھی اسکیم اور اس کے فوائد سے واقف کروایا گیا۔

اس دن، بڑی تعداد میں اسکولی بچے اسکول کے احاطے میں مصروف سرگرمیوں کے ذریعہ جن اوشدھی کے پیغام کو پھیلانے کی تقریبات کا حصہ بنے۔ پی ایم بی آئی  نے پی ایم بی جے پی کے بارے میں معلومات   عام کرنے کے لیے بچوں کے لیے آسمانی لالٹینوں، غباروں اور ماسک  جاری کرنے کا بھی اہتمام کیا۔

ملک کے ہر حصے میں 4 مارچ 2023 کو پی ایم بی جے پی ، فارماسیوٹیکل اینڈ میڈیکل ڈیوائسز بیورو آف انڈیا (پی ایم بی آئی  ) کے تحت، پی ایم بی جے پی کو  نافذ کرنے والی ایجنسی خواتین، بزرگ شہریوں، طلباء اور بچوں سمیت عام لوگوں کی شمولیت کو بڑھانے کے لیے ان تقریبات کا انعقاد کیا تاکہ پریوجنا کے فوائد ہر ایک فرد تک پہنچ سکیں۔

دواسازی کے محکمے نے یکم مارچ 2023 سے 7 مارچ 2023 تک مختلف شہروں میں مختلف تقاریب کا منصوبہ بنایا ہے جس میں جن اوشدھی اسکیم کے بارے میں بیداری پر توجہ دی جائے گی۔ پی ایم بی جے کے کے مالکان، مستفید ہونے والے، ریاستوں/مرکزکے زیر انتظام  ریاستوں  کے افسران، عوامی نمائندے، ڈاکٹر، کارکنان، نرس، فارماسسٹ اور جن اوشدھی متروں ،  صحت کے نظام کو  شامل کرتے ہوئے پورے ملک میں مختلف مقامات پر بچوں، خواتین اورغیر سرکاری اداروں کے لیے سیمینار، پروگرام، ہیریٹیج واک، ہیلتھ کیمپ اور دیگر بہت سی سرگرمیاں منعقد کی جا رہی ہیں ۔

یہ اسکیم ملک کے کونے کونے میں لوگوں تک سستی ادویات کی آسانی سے پہنچ کو یقینی بناتی ہے۔ حکومت نے دسمبر 2023 کے آخر تک پردھان منتری بھارتیہ جن او شدھی کیندروں (پی ایم بی جے کے) کی تعداد کو 10,000 تک بڑھانے کا ہدف مقرر کیا ہے۔ پی ایم بی جے پی کی مصنوعات کی باسکٹ میں 1759 ادویات اور 280 سرجیکل آلات شامل ہیں۔ مزید برآں، پروٹین پاؤڈر، مالٹ پر مبنی فوڈ سپلیمنٹ، پروٹین بار، ایمیونٹی بار، سینیٹائزر، ماسک، گلوکوومیٹر، آکسیمیٹر وغیرہ جیسی نئی ادویات اور نیوٹراسیوٹیکل مصنوعات بھی لانچ کیے گئے ہیں۔

پی ایم بی جے پی کے تحت دستیاب ادویات کی قیمت برانڈڈ قیمتوں سے 50فیصد سے 90فیصد تک  کم ہے۔ مالی سال 2021-22 کے دوران، پی ایم بی جے پی نے 893.56 کروڑ روپے (ایم آر پی  پر)  سے زیادہ کا کاروبار کیا  ہے۔ مالی سال (2022-23) کے دوران، پی ایم بی جے پی نے رواں مالی سال میں  1100 کروڑ روپے سے زیادہ کی فروخت حاصل کی ہے، جس سے شہریوں کو تقریباً 6600 کروڑ روپے کی بچت ہوئی ہے۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ ج ا  (

2324

(Release ID: 1904348) Visitor Counter : 128