হয়েং মার্চ ৪,২০২৩দা প্রধান মন্ত্রী শ্রী নরেন্দ্র মোদীনা ‘ইনফ্রাস্ত্রকচর অমসুং ইনভেস্তমেন্ত’ হায়বা হিরমদা বজেত মতুংগী ৱেবিনারদা ৱা ঙাংগনি। মসি য়ুনিয়ন বজেত ২০২৩-২৪ মনুংদা লাউথোকখিবশিং মপুংফানা থবক ওইনা পাংথোক্নবা পাউতাকশিং লৌনবা সরকারনা পরিং নাইনা শীনবা ৱেবিনার ১২গী মনুংদা অমনি।

অমৃত কাল মনুংদা ‘সাপ্তরিসি’ ওইনা লৈবাক অসি লমজিংনবা অমসুং অমগা অমগা মতেং পাংন্নবা য়ুনিয়ন বজেতনা মরুওইবা থবক ৭ পায়খৎলে। হায়রিবা থবকশিং অদুগী মনুংদা পুন্না চাউখৎমিন্নবা, মনুং-হুঞ্জিনবা মফমশিং য়ৌবা, ইনফ্রাস্ত্রকচর অমসুং শেন থাদবা, খুদোংচাবশিং খঙদোকপা, গ্রিন গ্রোথ, নহারোলশিংগী থৌনা অমসুং ফাইনান্সিএল সেক্তর য়াওরি।

বজেত মতুংগী ৱেবিনার অদু রোদস, ত্রান্সপোর্ত অমসুং হায়ৱেজ মিনিস্ত্রিনা লমজিংগনি অমসুং দিপার্তমেন্ত ফোর প্রোমোসন ওফ ইন্দস্ত্রি এন্দ ইন্তরনেল ত্রেদনা কো-লিদ তৌগনি।পোৎ-চৈ পুথোক-পুশিনগী থবক ফগৎহনবা, পি.এম গাতি শক্তি নেসনেল মাস্তার প্লান্দা থৌরাং তৌবা অমসুং ইনফ্রাস্ত্রকচর শেমগৎপা অমসুং শেন থাদবগী খুদোংচাবশিং হায়বা সব-থিম অহুমগী মখাদা ৱেবিনারদা মিনিস্ত্রিশিংনা বজেত্তা লাউথোকখিবশিং থবক ওইনা পাংথোক্নবগী মতাংদা খন্ন-নৈনগনি।

ৱেবিনার অদুদা কম্মর্স অমসুং ইন্দস্ত্রী, কঞ্জুমর এফেয়ার্স, ফুদ অমসুং পব্লিক দিস্ত্রিবুসন অমসুং তেক্সতাইলগী য়ুনিয়ন মিনিস্তর শ্রী পিয়ুস গোয়াল অমসুং রোদস, ত্রান্সপোর্ত অমসুং হায়ৱেজগী য়ুনিয়ন মিনিস্তর শ্রী নিতিন গাদকরিনা ৱা ঙাংগনি। মসিগী মথক্তা, কেন্দ্রগী মিনিস্ত্রিশিং অমসুং রাজ্যশিং অমসুং য়ু.তিগী সেক্রেতরিশিং অমসুং সেনিয়র ওফিসিএলশিং, ইন্দস্ত্রিগা মরী লৈনবশিং, অখঙ-অহৈশিং, লোজিস্তিক্সকী থবক তৌরিবশিং ৱেবিনার অদুদা শরুক য়াগনি অমসুং বজেত্তা লাউথোকখিবশিং থবক ওইনা পাংথোক্নবা পাউতাকশিং পীগনি। ৱেবিনার অদুদা ৱা ঙাংগদবা শক্নাইরবশিংগী মনুংদা ধ্রুব কোতাক(এম দি, জে এম বাক্সি গ্রুপ), আর দিনেস(এম দি, তিভিএস লোজিস্তিক্স অমসুং সি আই আই প্রসিদেন্দ) অমসুং সাসিধার জগদিসান(এম দি অমসুং সি ই ও, ঐচ দি এফ সি বেঙ্ক) য়াওরি।

ৱেবিনার অদুদা প্লেনারি সেসন অমগা লোয়ন্না হৌদোক্কনি অমসুং হৌদোকপগী থৌরমদা প্রধান মন্ত্রীনা ৱা ঙাংগনি অমসুং তুংদা সব থিমশিংদা তোঙান-তোঙানবা সেসনশিং পাংথোক্কনি অমসুং শরুক য়ারিবশিংগী মরক্তা ৱাহং অমসুং পাউখুমগী সেসন লৈগনি।

পোৎ-চৈ পুথোক-পুশিনগী থবক ফগৎহনবা, পি.এম গাতি শক্তি নেসনেল মাস্তার প্লান্দা থৌরাং তৌবা অমসুং ইনফ্রাস্ত্রকচর শেমগৎপা অমসুং শেন থাদবগী খুদোংচাবশিং হায়বা সব-থিম অহুমগী মখাদা ৱেবিনারদা মিনিস্ত্রিশিংনা বজেত্তা লাউথোকখিবশিং থবক ওইনা পাংথোক্নবগী মতাংদা খন্নগনি। হায়রিবা সেসনশিং অসিদগী ফংলকপা অনৌবা ৱাখল্লোনশিং ৱেবিনারগী অরোইবা শরুক্তা পুথোক্তুনা খন্নগনি। ফংলকপা অনৌবা ৱাখল্লোনশিং অদুদা য়ুম্ফম ওইরগা, মরী লৈনবা মিনিস্ত্রিশিংনা বজেত্তা লাউথোকখিবশিং থবক ওইনা পাংথোক্নবা এক্সন প্লানশিং থৌরাং তৌগনি।

বজেত্তা লাউথোকখিবশিং থবক ওইনা পাংথোক্নবা অমসুং পাংথোকপা য়াই হায়না থাজবশিংগী মতাংদা মরী লৈনবা খুদিংমক্না মখোয়গী ৱাখল্লোনশিং ফোংদোক্নবা মফম অমা বজেত মতুংগী ৱেবিনারনা পীগনি।

*****