صارفین کے امور، خوراک اور عوامی تقسیم اور کامرس، ٹیکسٹائل اور صنعتوں کے مرکزی وزیر جناب پیوش گوئل نے تمام ریاستوں/ مرکز کے زیر انتظام علاقوں کے وزرائے خوراک کی کانفرنس سے خطاب کرتے ہوئے  کہا کہ اسمارٹ۔ پی ڈی ایس ( ایس ایم اے آر ٹی۔ پی ڈی ایس) ایک ٹیکنالوجی پر مبنی پہل ہے اور وقت کی ضرورت ہے،  اس لیے تمام ریاستوں/مرکز کے زیر انتظام علاقوں کو جلد از جلد اسمارٹ۔ پی ڈی ایس  کو لاگو کرنے کی بھرپور کوشش کرنی چاہیے۔

مرکزی وزیر موصوف نے ایک شفاف اور جوابدہ نظام پر زور دیا جس میں انسانی مداخلت کو کم کرنے اور موجودہ عمل میں آٹومیشن کو فروغ دینے پر  اصرار بھی کیا گیا۔ انہوں نے کہا کہ  عوامی تقسیم نظام  کے تحت اناج کی مفت سپلائی چین کے لیے شفافیت انتہائی اہمیت کی حامل ہونی چاہیے۔

جناب گوئل نے آندھرا پردیش کمانڈ کنٹرول کی ستائش کی اور کہا کہ مرکزی حکومت ریاستی حکومت کے ساتھ مل کر دیگر ریاستوں میں بھی اس کے نفاذ کے لیے کام کرے گی۔ اسٹوریج کے محاذ پر، مرکزی وزیر نے کہا کہ فوڈ کارپوریشن آف انڈیا (ایف سی آئی) اپنے گوداموں کو 5 ستارے والے گودام میں اپ گریڈ کر رہا ہے اور ریاستی حکومتیں بھی اپنے گوداموں کی جدید کاری  کر سکتی ہیں۔ ریاستی حکومتوں کے زیر التواء دعوؤں کے تصفیہ کے سلسلے میں، انہوں نے بتایا کہ یہ ترجیحی بنیادوں پر کیا جا رہا ہے اور اسے فوری طور پر نمٹا دیا جائے گا۔

مرکزی وزیر نے اس کانفرنس میں شرکت  کی غرض سے  وقت نکالنے کے لیے ریاستوں کے تمام معزز وزرائے خوراک، ریاستوں/مرکز کے زیر انتظام علاقوں کے افسران اور محکمہ خوراک اور عوامی تقسیم(ڈی ایف پی ڈی) کے افسران کا بھی شکریہ ادا کیا۔ انہوں نے مزید کہا کہ کانفرنس میں موجود تمام افراد غریبوں کی خدمت کر رہے ہیں اس لیے ہمیں اپنا کام ایمانداری سے کرنا چاہیے تاکہ غریبوں کو ان کے  حق کا اناج بروقت مل سکے۔

اپنےتبصرے میں، وزیر مملکت برائے امور صارفین، خوراک اور عوامی تقسیم اور ماحولیات، جنگلات اور موسمیاتی تبدیلی’ جناب  اشونی کمار چوبے نے ہندوستان میں عوامی تقسیم کے نظام کو مضبوط کرنے کے لیے حکومت ہند کی طرف سے شروع کیے گئے اہم اقدامات کا احاطہ کیا۔ خاص طور پر، انہوں نے پردھان منتری غریب کلیان ان یوجنا(پی ایم جی کے اے وائی)  پر روشنی ڈالی جو اپریل 2020 سے دسمبر 2022 تک ریاستوں اور مرکز کے زیر انتظام علاقوں اور ون نیشن ون راشن کارڈ پلان کے ساتھ تال میل کرکے  کووڈ-19 وبائی امراض کے دوران لاگو کیا گیا تھا تاکہ تارکین وطن کی مدد  کی جاسکے ۔ انہوں نے ملک میں غذائی تحفظ کو مزید مضبوط بنانے کے لیے پی ڈی ایس میں موٹے  اناج  کو فروغ دینے کی اہمیت پر بھی زور دیا۔

ڈی ایف پی ڈی کےسکریٹری، جناب  سنجیو چوپڑا نے تمام ریاستی وزرائے خوراک، ریاستوں/ مرکز کے زیر انتظام علاقوں کے افسران اور ڈی ایف پی ڈی کے افسران کا خیرمقدم کیا اور کانفرنس کے ایجنڈے کے موضوعات کے بارے میں بتایا۔ انہوں نے او ایم ایس ایس کے ذریعے گیہوں کی قیمتوں کو کم کرنے، سپلائی چین کے انتظام کو بہتر بنانے،  موٹے اناج  کو فروغ دینے (شری انّ)، چاول کی مضبوطی کو بڑھانے کے لیے حکومت ہند کی کوششوں پر روشنی ڈالی۔ انہوں نے اس بات کا تذکرہ کرتے ہوئے نتیجہ اخذ کیا کہ یہ کانفرنس خوراک اور عوامی تقسیم کے معاملے میں مرکز اور ریاستوں/مرکز کے زیر انتظام علاقوں دونوں کے لیے ایک روڈ میپ کی تشکیل کا باعث بنے گی۔

یہ کانفرنس خوراک اور عوامی تقسیم کے شعبے میں پیش رفت اور ترقی کے نئے احساس کو لانے کی راہ ہموار کرتی ہے۔ کانفرنس نے ریاستوں/ مرکز کے زیر انتظام علاقوں کو اپنے مقصد کو آگے بڑھانے کے لیے ایک پلیٹ فارم فراہم کیا اور انہیں درپیش مسائل کے قابل عمل حل فراہم کرنے میں ایک محرک  کے طور پر کام کیا۔ اس نے ریاستوں/ مرکز کے زیر انتظام علاقوں کی کامیابیوں کو بھی اجاگر کیا اور اس طرح دوسروں کو  بھی ترقی پسند اور اختراعی راہ ہموار کرنے کی ترغیب دی۔

کانفرنس کے دوران  موٹے اناج  کی خریداری اور پی ایم جی کے اے وائی  کے استفادہ کنندگان کے درمیان اس کی تقسیم سے متعلق امور پر تبادلہ خیال کیا گیا۔ تمام ریاستوں پر زور دیا گیا ہے کہ وہ کرناٹک میں آئی سی ڈی ایس، مڈ ڈے میل اور پی ڈی ایس جیسی اسکیموں میں موٹے اناج   کے استعمال کے بہترین عمل سے سیکھیں جو کہ غذائیت کو شامل کرنے اور صحت مند غذا کو فروغ دینے میں مددگار ہے۔ کانفرنس میں ملک کے مختلف حصوں میں خون کی کمی اور غذائیت کی کمی سے لڑنے کے بارے میں بھی غور کیا گیا جس کے ذریعے فورٹیفائیڈ چاول کے فوائد کے بارے میں آگاہی پیدا کی گئی۔ واضح رہے کہ چاول کی مضبوطی کا مرحلہ II تمام 269 چاول استعمال کرنے والے اضلاع کا احاطہ کرتے ہوئے 31 مارچ 2023 کے ہدف سے بہت پہلے مکمل کر لیا گیا ہے۔ چاول کی مضبوطی کی پہل کا تیسرا مرحلہ 01 اپریل 2023 سے شروع ہوگا جس کا مقصد 31 مارچ 2024 تک ملک کے گندم استعمال کرنے والے اضلاع کے علاوہ تمام اضلاع میں پی  ایم پوشن، آئی سی ڈی ایس  اور دیگر فلاحی اسکیموں کے علاوہ فورٹیفائیڈ چاول  کی تقسیم کرنا ہے۔  تاہم، محکمہ ستمبر 2023 تک اس  ہدف  کو مکمل کرنے کا عزم رکھتا ہے۔

ریاستوں کو مزید باجرا اور موٹے اناج کی خریداری کے لیے ترغیب دی گئی۔ تمام ریاستی حکومتوں سے کہا گیا کہ وہ موٹے اناج کی پیداوار کرنے والے اضلاع میں، خاص طور پر قبائلی علاقوں میں خریداری کے مراکز کھولیں۔ ریاستی حکومتوں سے کہا گیا کہ وہ کوسری اناج کے استعمال کی بھی حوصلہ افزائی کریں۔ 2022-23 کے ایم ایس  (خریف اور ربیع) کے دوران موٹے اناج/جوار (شری انّ) کی متوقع خریداری  7.50 لاکھ میٹرک ٹن ہے جبکہ   2021-22 کے ایم ایس  کے دوران 6.30  لاکھ میٹرک ٹن کی حقیقی خریداری کے مقابلے میں زیادہ ہے۔ کرناٹک کی ریاستی حکومت کے ایم ایس  2022-23 میں6  لاکھ میٹرک ٹن موٹا اناج (5  لاکھ میٹرک ٹن راگی اور 1 لاکھ میٹرک ٹن  جوار) خریدے گی۔

پورے ملک میں موثر فوڈ سیکیورٹی مینجمنٹ سسٹم کو یقینی بنانے کے لیے، یوپی میں غذائی اجناس کی خریداری کا بہترین عمل، پنجاب کی طرف سے روٹ آپٹیمائزیشن اور ایف سی آئی کے ذریعہ آٹو اناج تجزیہ کار بھی اہم جھلکیاں ہیں۔ ریاستوں کو مزید مشورہ دیا گیا کہ وہ مزید کم از کم حد کے پیرامیٹرز کو لاگو کریں۔ ملوں کی بجلی کی کھپت کو دھان کی چکی کی مقدار سے جوڑنا اور اناج کی نقل و حمل کے لیے استعمال ہونے والی گاڑیوں کو لنک کرنا اور جون، 2023 تک کارکردگی اور شفافیت کے لیے ان کی جی پی ایس ٹریکنگ کو یقینی بنانا ہے۔

کانفرنس کے پہلے اجلاس کے دوران، ڈی ایف پی ڈی  کے سکریٹری کی صدارت میں ریاستی  غذائی  سکریٹریوں  اور فوڈ کارپوریشن آف انڈیا (ایف سی آئی) کی ایک میٹنگ منعقد ہوئی جس میں ربیع مارکیٹنگ سیزن (آر ایم اس ) 2023-24 اور خریف مارکیٹنگ سیزن (کے ایم ایس ) 2022-23ربیع کی فصل کی خریداری کے انتظامات پر تبادلہ خیال کیا گیا۔

آئندہ آر ایم ایس  2023-24 کے دوران 10 گندم کی خریداری کرنے والی ریاستوں سے 341.50 لاکھ میٹرک ٹن گندم کی خریداری کا تخمینہ لگایا گیا ہے، جو کہ گزشتہ  آر ایم ایس  2022-23 کے دوران 187.92 لاکھ میٹرک ٹن گندم کی اصل خریداری سے کہیں زیادہ ہے۔ اس سلسلے میں، یہ بات قابل ذکر ہے کہ پنجاب، ہریانہ اور مدھیہ پردیش بالترتیب 25 لاکھ میٹرک ٹن ، 15  لاکھ میٹرک ٹن اور  20 لاکھ میٹرک ٹن گندم منتقل کریں گے۔

نیز، 106 ایل ایم ٹی چاول (ربیع کی فصل) کی مقدار کا تخمینہ موجودہ 2022-23  کے ایم ایس  کی آئندہ ربیع فصل کے دوران 11 چاول (ربیع کی فصل) کی خریداری کرنے والی ریاستوں سے لگایا گیا ہے۔ ریاستوں کو ملنگ کی صلاحیت کو بڑھانے کا مشورہ دیا گیا تاکہ اگلے سیزن کے آغاز سے پہلے ایک سیزن کی ملنگ مکمل ہو جائے اور چاول کی ری سائیکلنگ سے بچا جا سکے۔

امید کی جاتی ہے کہ کسانوں کے کھاتے میں رقم کی براہ راست منتقلی، نقل و حمل کی کم از کم لاگت اور غذائی اجناس کا انسانی مداخلت سے آزاد  اور فوری تجزیہ کے ساتھ بغیر کسی رکاوٹ کے خریداری بہت جلد فوڈ سیکیورٹی مینجمنٹ کے ماحولیاتی نظام کا حصہ بن جائے گی۔

مصنوعی ذہانت پر مبنی آٹو گرین اینالائزر دھان، چاول، گندم، دالوں، تیل کے بیجوں اور موٹے اناج کے لیے اعلیٰ درستگی کے ساتھ ایک منٹ میں نتائج پر کارروائی کرنے کااہل ہے۔ آئی سی اے آر۔ سی آئی پی اچ ای ٹی ، لدھیانہ نے اس کی تصدیق کی ہے۔ اس میں انسانی مداخلت/غلطی/تعصب کو کم کرنا شامل ہے اور ہر دانے کا  ڈیجیٹل طور پر قابل تصدیق نتیجہ دے کر وقت بچاتا ہے۔

اسمارٹ پی ڈی ایس اور ون نیشن ون راشن کارڈ سے متعلق دیگر مسائل پر بھی تبادلہ خیال کیا گیا تاکہ تارکین وطن استفادہ کنندگان کو اناج کی بغیر کسی رکاوٹ کے ترسیل کی جا سکے۔ آندھرا پردیش کے ذریعہ اناج کی خریداری، ذخیرہ کرنے، معیار اور تقسیم کے حقیقی وقت کے اعداد و شمار کے لئے کمانڈ کنٹرول سنٹر کے بہترین طریقہ کار پر بھی تبادلہ خیال کیا گیا جس کے لئے تمام ریاستوں سے اپنے نظام کو موثر اور  مضبوط  بنانے کے طریقے سیکھنے اور اپنانے پر زور دیا گیا ہے۔

کانفرنس میں غذائی اجناس کی خریداری کرنے والی ریاستوں کے ذریعہ کھاتہ کو حتمی شکل دینے کے معاملے پر بھی تبادلہ خیال کیا گیا تاکہ تمام زیر التواء ادائیگیوں کو مقررہ مدت میں  نمٹایا جاسکے ۔

مزید برآں، آن لائن پروکیورمنٹ آپریشن کے لیے اضافی کم از کم حد کے پیرامیٹرز پر عمل درآمد، یعنی بجلی کی کھپت کے ساتھ ملڈ چاول کی مقدار کی توثیق اور اناج کی نقل و حمل کے لیے استعمال ہونے والی گاڑیوں کی ٹریکنگ پر بھی غور کیا گیا تاکہ خریداری کے کاموں میں کارکردگی اور شفافیت کو بہتر بنایا جا سکے۔

 بات چیت کے دوران یہ بات سامنے آئی کہ جوٹ کے تھیلے آنے والے سیزن کی ضرورت کے مطابق دستیاب ہیں۔ آڈٹ شدہ کھاتوں کو حتمی شکل دینے، فوڈ سبسڈی کے دعوؤں اور فوڈ سبسڈی کو معقول بنانے سے متعلق امور پر بھی غور کیا گیا۔ ریاستی حکومتوں سے درخواست کی گئی کہ وہ اپنے زیر التواء بل ایف سی آئی اور ڈی ایف پی ڈی کو جمع کرائیں تاکہ مارچ 2023 میں ان کا تصفیہ کیا جا سکے۔

*************

( ش ح ۔ ج ق۔ ر ض(

U. No.2269