ইহান হানবা ওইনা, বঞ্জরা কাংলুপকী স্পিরিচুএল অমসুং ধর্মগী লুচিংবা সন্থ সেভালাল মহারাজগী চহি অমা চুপ্না চত্থগদবা মপোক কুম্মোন পালন কলচর মন্ত্রালয়, ভারত সরকারনা পাঙথোক্লি। অজাদি কা অমৃত মহোৎসবকী মখাদা চহি অমা চুপ্না পাঙথোক্কদবা থৌরম অসি ফেব্রুৱারী ২৬তগী হৌখ্রে। ২৮৪ শুবা জয়ন্তি পালনগী শরুক অমা ওইনা নুমিৎ নিনিগী থৌরম অসি নই দিল্লীগী দা. অম্বেদকর ইন্তর্নেসনেল সেন্তরদা পাঙথোকখ্রে।

গৃহ মন্ত্রী শ্রী অমিত শাহনা থৌরম অসিগী অথোইবা মীথুংলেন ওইগনি অমসুং কেন্দ্রগী কলচরগী রাজ্যগী মন্ত্রী শ্রীমতি মীনাকশি লেখিসু থৌরম অসিদা শরুক য়াগনি। ইকাইখুম্নজরবা মীথুংলেন্না শ্রী সঞ্জয় রাথোদ, ফুদ অমসুং দ্রগ এদমিনিস্ত্রেসন, মহারাস্ত্রা সরকারনা ওইগনি, শ্রী মঞ্জিন্দর সিংহ সির্সা, সেনিয়র বি.জে.পি. লুচিংবা অমসুং এক্স এম.এল.এ. দিল্লী, দা. উমেশ জাধব, এম.পি. লোক সভা কলাবুরাগি কর্নাতাকা অমসুং শ্রী শঙ্কর পাৱর, নেসনেল প্রেজিদেন্ত – ওল ইন্দিয়া বঞ্জরা সেভা সংঘনা ২৮.০২.২০২৩দা অয়ুক্কী পুং ১১.০০দা দাইসতা ফম্মিন্নগনি। 

হৌখিবা চহি ৩লোম অসিদা দা. উমেশ য়াদবনা প্রেজিদেন্ত ওইবা সন্ত সেভালাল মহারাজ চেরিতেবল ত্রস্ত, নৈ দিল্লীনা বজরা কাংলুপকী ওইনা কর্নাতাকাগী কলাবুরাগি কন্সতিত্যুএন্সীদগী অমত্তা ঙাইরবা পার্লিয়ামেন্তকী মেম্বর ওইরিবা অসিনা জয়ন্তি অসিবু লৈবাক অসিগী তোঙান-তোঙানবা রাজ্যশিংদগী বঞ্জরা কাংলুপকী মীওই লিশিং কয়ানা শরুক য়াদুনা দিল্লীদা পাঙথোক্লক্লি।

চহি খুদিংগী ওইখিবগুমজ, হন্দক্কী চহি অসিদসু, লৈবাক পুম্বদা লৈরিবা বঞ্জারাশিংনা দিল্লীদা মপোক কুম্মোন অসিবু পালন তৌনবগীদমক তিল্লি। কর্নাতাকাদগী অখন্নবা ত্রেন অমসু থারি, মসিদা কর্নাতাকা, তেলঙ্গানা, মহারাস্ত্রা অমসুং মধ্য প্রদেশকী বঞ্জরা কাংলুপকী মীওই ২৫০০লোম্না দিল্লীদা থুংলখ্রে। ২৬-২৭ ফেব্রুৱারী ২০২৩গী নুমিত নিনিগী থৌরম অসি দা. অম্বেদকর ইন্তর্নেসনেল সেন্তর জনপথ রোদ, নই দিল্লীদা পাঙথোক্লি। হৌদোকপগী থৌরমগা লোইননা, কলচরেল, বঞ্জরা কলা অমসুং জগোইগী থৌরমশিংস নুমিৎ অসিদা পাঙথোক্কনি অমসুং গৃহ মন্ত্রী শ্রী অমিত শাহনা থৌরম অসিবু ফেব্রুৱারী ২০২৩গী অয়ুক পুং ১১ তাবা মতমদা শরুক য়াগনি।

সন্থ সেভালাল মহারাজ ১৭৩৯গী ফেব্রুৱারী ১৫দা কর্নাতাকাগী শিভমোগা জিল্লাগী  সুর্গোন্দাঙ্কোকপ্পাদা পোকখি। মহাক অসি বঞ্জরা কাংলুপকী খুন্নাই শেমদোক্নবা হোৎনরম্বা অমসুং স্পিরিচুএল ওজা অমা ওইনা লৌনরি। মসিমসু থাজনৈ মদুদি লৈবাক শীনবা থুংনা বঞ্জরা কাংলুপ করোর ১০দগী ১২ ফাওবা লৈ। মহাক্না লৈবাক শীনবা থুংনা মহাক্কী লাদেনিয়া ত্রুপকা লোইননা উমং ময়াদা হিংলিবা মীওইশিং অমসুং নোমাদিক ত্রাইবশিংবু মতেং পাংনবা চৎখি। মহাক্কী তোপ তোপ্পা লৌশিং, হৈশিংবা অমসুং অয়ুর্ভেদ অমসুং নেচরোপেথিদা স্পিরিচুএলগী ওইবা খঙহৈবা লৈবনা মরম্না মহাক্না ত্রাইবেল কাংলুপশিংদা লৈরিবা অরানবা থাজনবীশিংবু কোকহনবা অমসুং মুথৎপা ঙমখি অমসুং মখোয়গী পুন্সিদা অহোংবা পুরকপা ঙমখি। অদুগুম্বা কাংলুপশিং অদুগী মনুংদা, বঞ্জরা খুন্নাইসিসু লৈবাক শীনবা থুংনা তোঙান-তোঙানবা মিং থোন্দুনা হিংনখি, মখোয়গী নোমাদিক ওইবা পুন্সি মহিং অদুসু মতম পুম্বগী ওইনা হোংদোকখি অমসুং তন্দাস হায়না কৌবা মফমশিংদা লৈখি। কর্নাতাকা, তমিল নাদু, অন্ধ্র প্রদেশ, তেলঙ্গানা, মহারাস্ত্রা অমসুং মধ্য প্রদেশকুম্বা রাজ্যশিংদা সন্ত সেভালাল মহারাজ অসি বঞ্জরা ইমুং মনুংশিংগী খুদম্নি হায়না লৌনৈ অমসুং হায়রিবা রাজ্যশিং অসিদা সন্ত সেভালাল মহারাজাজিগী মপোক কুম্মোন অসিবু ফেব্রুৱারী থাদা হরাও তয়াম্বগা লোইননা পাঙথোক্নৈ। লম্বোইবা সেৱালালজিগী সমাধি স্থাল অসি মহারাস্ত্রগী ৱাশিম জিলাগী মনোরা কলুকাগী পোহরাদেভিদা বঞ্জরা কাশি হায়নসু খঙনরিবা মফম অসিদা লৈরি।

***************