ভারতকী জি২০ প্রেজিদেন্সী অসি "ভাসুধাইবা কুতুম্বাকম", নৎত্রগা "মালেম অমা, ইমুং অমা, তুংলমচৎ অমা" হায়বা নুংগী ওইবা ৱাখল্লোন অসিদা য়ুম্ফম ওইবনি, মসিনা মান্ননা চাউখৎমিন্নবা অমসুং মান্নবা পুম্নমক্কী তুংলমচৎ অমা হায়বগী পাউজেল অসিনি। দিজিতেল তেক্নোলোজী অসিনা হায়রিবা পান্দম অসি ফংনবা হোৎনবদা শেলথুমগী শেক্তরদা অহোংবা পুরক্তুনা, শেলথুমগী ইনক্লুজন হেনগৎহন্দুনা, অমসুং শেলথুমগী কৈথেলগী কান্নবা ফংবা হেনগৎহন্দুনা চাউরবা হৌদাং অমা লৌরি। ভারতকী প্রেজিদেন্সীগী ২০২৩গী ওইবা শেলথুমগী সেক্তর রেগুলেতরী রিফোর্মশিংগী মরুওইবা অসি দিজিতেল ফাইনান্সিএল সিস্তেম অসিবু হেন্না কান্নবা ফংহনবা, চেকশিলহনবা অমসুং খল কায়দনা লৈহনবনি।

ক্রিপ্তোগী মালং অসিনা খোঙজেল য়াঙনা চাউখৎলক্লবসু, ক্রিপ্তো এসেতশিং অসিগী ওইবা মালেমগী মপুং ওইবা পোলিসী ফ্রেমৱার্ক অমদি লৈত্রি। ক্রিপ্তো এসেত অমসুং মহৌশাগী শেলথুমগী সেক্তর অসিগী অমসুং ক্রিপ্তো এসেতশিংগী অকোইবদা লৈরিবা অরুবা অমসুং কায়গনগদবা মশকশিং অসি য়েংলগা, পোলিসী শেম্লিবশিংবু হেন্না চেৎপা কাংলোন থম্নবা পুক্নিং চিংশিনলি। মালেমগী ওইবা থাক শেম্লিবা বোদীশিং শম্না ফাইনান্সিএল এক্সন তাস্ক ফোর্স (এফ.এ.তি.এফ.), ফাইনান্সিএল স্তেবিলিতী বোর্দ (এফ.এস.বি.), কম্মিতী ওন পেমেন্ত এন্দ মার্কেত ইনফ্রাস্ত্রকচর (সি.পি.এম.আই.), ইন্তর্নেসনেল ওর্গানাইজেসন ওব সেক্যুরিতীস কম্মিসন (আই.ও.এস.সি.ও.) অমসুং বাসেল কম্মিতী ওন বেঙ্কিং সুপর্ভিজন (বি.সি.বি.এস.)না রেগুলেতরী এজেন্দাশিংবু মখোয়গী মরী লৈনবা ইন্সতিত্যুসনেল মেন্দেৎশিংগী মনুংদা য়েংশিল্লদুনা মতেং পাংনরি।

ক্রিপ্তো এসেতশিংগী মতাংদা মালেমগী পোলিসী দাইলোগ শেম্বা

ক্রিপ্তো এসেতশিং মতাংদা জি২০দা খন্ন-নৈনবগী থবক অসি ফাইনান্সিএল ইন্তিগ্রিতীগী ৱাখল্লোনগী ৱাংমদা পাকথোক চাউথোক্নবা হোৎনরি অমসুং শেন্মিৎলোন্দা মেক্রোইকোনোমিক্কী ওইবা মরুওইবা অমসুং পাক চাউনা ক্রিপ্তো লৌখৎনবা হোৎনরি। মসিদা জি২০ মেম্বরশিংনা মপাং ওইনাব অমসুং মপুং ওইবা পোলিসী শেমদুনা মালেমগী শীংনবশিং অমসুং ক্রিপ্তো এসেতশিংগী খুদোংচাবশিংদা দেতাদা য়ুম্ফম ওইবা অমসুং পাউ ফাওনবা লম্বী অমা চঙলি।

হেন্না পাক চাউবা মেক্রোইকোনোমিক অমসুং শেলথুমগী তংদু লৈতাবা ক্রিপ্তো এসেতশিং লৈহন্নবগীদমক পোলিসী শেম্লিবশিংদা পাউদম্নবগীদমক, ভারতকী প্রেজিদেন্সী অসিনা ইন্তর্নেসনেল মোনিতরী ফন্দ (আই.এম.এফ.)তা বেঙ্গলুরুদা ফেব্রুৱারী ২০২৩দা পাঙথোকখিবা ২শুবা জি২০ ফাইনান্স অমসুং সেন্ত্রেল বেঙ্ক দেপ্যুতী মীতিংগী হীরমদা খন্ননৈননবগী চেরোল অমা শেম্বীনবা হায়জখ্রে। হায়রিবা মীফম অদুদা ক্রিপ্তো এসেতশিংগী মতাংদা লৈরিবা ৱারীশিং হেন্না পাক চাউহন্নবগীদমক প্রেজিদেন্সী অসিদা লৌখৎপা থৌরাংগী মনুং চন্না, "পোলিসী পর্স্পেক্তিবঃ ক্রিপ্তো এসেতশিংদা পোলিসী কন্সেন্সসকী লম্বীদা দিবেৎ" হায়বা হীরম অসিদা সেমিনার অমা পাঙথোকখি। আই.এম.এফ.কী ৱাঙাংলোই, শ্রী তোমাসো মেন্সিনি-গ্রীফোলিনা থৌরম অদুগী মনুংদা খন্ন-নৈনবগী চেরোল লান্থোকখি, মদুদা ক্রিপ্তো লৌখৎপা মতমদা লৈবাক অমগী শেন্মিৎলোন্দা মনুং অমসুং মপানগী তংদু লৈতাবগী মতাং অমসুং মসিগী শেলথুমগী পথাপ অসিগী মওং মতৌশিং য়াওখি। শ্রী মেন্সিনি-গ্রীফোলিনা ফোংদোকখি মদুদি ক্রিপ্তো এসেতশিং অসিগী মরুওইবা কান্নবশিংদা হেন্না হোংবা অমসুং য়াঙবা ক্রো বোর্দর পেমেন্তশিং য়াওই, হেন্না পুনশিল্লবা শেলথুমগী কৈথেল লৈরি অমসুং শেলথুম হেন্না শরুক য়াবা ঙমহল্লি অদুবু হায়রিবশিং অসি থবক্তা ওন্থোক্কদবদি লৈরি হায়খি। মহাক্না মখাও তানা হায়রদুনা অমগা অমগা পাঙথোকমিন্নবদা লৈগদবা খুদোংচাদবা, অশোই অঙাম য়াওদবা অমসুং হেন্না কান্নবা ফংহনবগী চাং অসি প্রাইবেত সেক্তরনদি লেপ্পা ঙম্লোই অমসুং লেজরগী মরুওইবা দিজিতেল ইনফ্রাস্ত্রকচর/প্লেৎফোর্ম অসি পব্লিক গুদ ওইনা য়েংগদবনি। ক্রিপ্তো এসেতকী মতাংদা মালেমগী লৈরিবা ঈ পাউ ফাওনবগী অহোবা অমসুং ইন্তর্লিঙ্কেজ, খুদোংচাবা অমসুং ক্রিপ্তোগী মতাংদা লৈরিবা খুদোংচাদবশিং অসি জি২০গী মখাদা হেন্না ভাপ তামিন্ননবগী অপাম্বা ফোংদোকখি।

সেমিনার অদু জি২০ মেম্বর লৈবাকশিংগী দেপ্যুতীশিং, মালেমগী ওর্গানাইজেসনশিং অমসুং মশক নাইরবা হীরম অসিগী মতাংদা খঙ হৈরবশিংনা শরুক য়াখি। খন্ন-নৈনবা অদুদা মখাগীশিং অসি য়াওনা পাক চাউরবা হীরম কয়া খন্নখিঃ

১. মান্নবা তেক্সোনোমী অমা অমসুং পথাপ নাইবা ক্রিপ্তো এসেতকী য়ুনিভর্স অমগী মখল খাইবগী তঙাইফদবা

২. ক্রিপ্তো এসেতশিংগী কান্নবা অমসুং রিস্ক

৩. মেক্রোইকোনোমিক পোলিসীগী ওইবা হেন্না মখা তানা খন্ননিংঙাই ওইবা ৱাহংশিং, অমসুং,

৪. শেলথুমগী তংদু লৈতাবদা লৈগদবা খুদোংচাদবশিং অমসুং কাংলোনশিং

পেনেলিস্তশিংগী মরক্তা, কোর্নেল য়ুনিভর্সিতীদগী শ্রী ইস্বর প্রসাদ অমসুং অমেরিকান য়ুনিভর্সিতীদগী শ্রী হিলারী এলেন্না একাদেমিয়া ওইনা ক্রিপ্তো য়ুনিভর্স অসিবু  দিসেন্ত্রেলাইজ প্লেৎফোর্ম অমনি হায়না হায়জরবসু মসিদা লৈরিবা অৱাংবা থাক্কী সেন্ত্রেলাইজ ওইবা মতৌ অসিগী মতাংদা ঙাংনখি। বি.আই.এস.তগী শ্রী হ্যুন শিননা অশেংবা শেন্মিৎলোনদা ক্রিপ্তো এসেতশিংনা পীরিবা শেল অমসুং কান্নবশিংগী মতাংদা পনখি অমসুং অনৌবা ফিন্তেক ইন্নোভেসনশিংগী ওইবা ময়েক শেংবা রেগুলেতরী পেরিমিতরশিং লিংখৎপগী তঙাইফদবা থমখি। ক্রিপ্তো য়ুনিভর্সতা গভর্নান্স স্ত্রকচর ৱাৎপগী মতাংদা অমসুং মালেমগী ওইবা শেলথুম অমসুং পেমেন্ত সিস্তেমদা লৈরিবা শীংনবশিংবু থেংনবগী পাম্বৈশিংগী মতাংদা ৱাঙাংলোইশিং অমসুং জি২০ লৈবাকশিংগী শরুক য়ারিবশিংনা পুখৎলকখি। থৌরম অসিনা ক্রিপ্তো এসেতশিংগী মতাংদা পাক চাউরবা ৱারী কয়া হৌদোকখ্রে অদুবু মসিনা পোলিসী শেম্লিবা অমসুং রেগুলেতরশিংনা হেন্না হকচিন্না য়েংবগী মথৌ তাবা ৱাহং কয়া অমসু থোকহনখি। পাক চাউরবা শেন্মিৎলোনদা ক্রপ্তো এসেতশিংনা পুরক্কদবা ফলশিং নৈনবগী মথক্তা, ক্রিপ্তো এসেতশিং অসি তশেংনমক খ্বাইদগী ফরবা মালেমগী শেলথুমগী পথাপ অসিদা লৈরিবা শীংনবশিং থেংননবা পাম্বৈরা হায়বা ৱাহং অসিদি অদুমক লৈরি।

মাঙদা লৈরিবা লম্বী

পোলিসী ফ্রেমৱার্ক অমগী মথৌ তাবা লৈরিবা অসিগী মতাংদা শানরিবা ৱারী অসিদা অহেনবা মগুন হাপ্লদুনা ভারতকী প্রেজিদেন্সী অসিনা আই.এম.এফ. অমসুং এফ.এস.বি.গী অপুনবা তেক্নিকেল ওইবা চেরোল অমদা ক্রিপ্তো এসেতশিং অসিগী রেগুলেতরী অমসুং মেক্রোইকোনোমিক ওইবা অপুনবা ৱারোল অমা পুখৎখ্রে। মসিনা ক্রিপ্তো এসেতশিংগী মতাংদা অপুনবা অমসুং মপুং ওইবা লম্বী অমা শেম্বদা মতেং ওইরগনি। অন্তর্জাতিগী সংস্থানশিংসু মখোয়গী ওইবা অপুনবা চেরোলশিং ৪শুবা ফাইনান্স মিনিস্তর অমসুং সেন্ত্রেল বেঙ্ক গবর্নরশিংগী মীফম ওক্তোবর ২০২৩দা পাঙথোক্কদৌরিবা অসিদা লান্থোক্লক্কনি হায়বগী থাজবা লৈ। চেরোল অসি ভারতকী প্রেজিদেন্সী মখাদা পাঙথোক্লিবা জি২০ মীফম অসিগী নাকলদা লৈবা খন্ননৈনবগী সেমিনারশিংগা মান্ননা ওইগনি হায়না পারি। খন্ননৈনবশিং অসিনা জি২০ মীফমগী মনুংদা দিবেত পাঙথোক্তুনা অপুনবা অমসুং মপুং ওইবা পোলিসীশিং য়াৎনবা লম্বী পীরগনি হায়না পারি।

মপুং ওইনা য়েংবদা, আই.এম.এফ.কী খন্ননৈনবগী চেরোল, পোলিসী সেমিনার অমসুং আই.এম.এফ.-এফ.এস.বি. চেরোল অসিনা ক্রিপ্তো এসেতশিংদা লৈরিবা মেক্রো ফাইনান্সিএল অমসুং রেগুলেতরীগী পোলিসীগী ৱাহংশিং পুনশিনগনি অমসুং ক্রিপ্তো এসেতশিংদা হেন্না নীংথিনা খন্নরবা অমসুং মপুং ওইবা পোলিসী অমা মালেমগী ওইবা মওংদা পুরক্কনি হায়না পারি।

***************