প্রধানমন্ত্রীগী লোইশঙ
পি.এম.না দিল্লীগী মেজর ধ্যান চন্দ নেস্নেল স্তেদিয়মদা আদি মহোৎসব হৌদোকখ্রে
“আদি মহোৎসবনা আজাদী কা অমৃত মহোৎসব মনুংদা ভারতকী ত্রাইবেল হেরিতেজকী ফজরবা মমি অমা উৎলি”
“২১শুবা চহিচাগী ভারতনা ‘সবকা সাথ, সবকা বিকাস’কী মন্ত্রগা লোয়ননা মাংদা চংশিল্লি”
“ত্রাইবেল খুন্নাইগী য়াইফনবা তৌবা অসি ঐহাক্কী ওইনা লনাইগী মরী অমসুং ইমোসনগী ৱাফম অমসু ওইরি”
“ঐহাক্না ত্রাইবেৎগী চৎনবীশিং হকথেংননা উবা ফংখ্রে, মখোয়গা লোয়ননা হিংখ্রে অমসুং মখোয়দগী কয়া অমা তমশিনখ্রে”
“লৈবাক অসিনা মাগী ত্রাইবেলগী মতিক-ময়াইগী মতাংদা অমুক্তা ওইখিদ্রিবা মওংদা চাউথোকচবগা লোয়ননা মাংদা চংশিল্লি”
“লৈবাক্কী কাচিন-কোয়া খুদিংমক্তা ত্রাইবেলগী অঙাংশিংদা এজুকেসন ফংহনবা অসিনা ঐগী মরু ওইবনি”
“লৈবাক অসিনা অনৌবা পনখৈ তম্না কাখৎলি মরমদি সরকার অসিনা শোত্থরবশিংগী চাউখৎ-থৌরাংদা মরু ওইবা মীৎয়েং চংলি”
Posted On:
16 FEB 2023 1:21PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি দিল্লগী মেজর ধ্যান চন্দ নেস্নেল স্তেদিয়মদা মেগা নেস্নেল ত্রাইবেল ফেস্তিবেল, আদী মহোৎসব হৌদোকখ্রে। আদি মহোৎসব অসি জাতিগী ফম্পাক্তা ত্রাইবেলগী নাৎ উৎনবা খোঙথাং অমনি অমসুং মসিনা ত্রাইবেলগী নাৎ, খুৎহৈবগী পোত্থোক, মথেল-লুকোই, কম্মর্স অমসুং ত্রেদিস্নেল আর্তকী ৱাখল্লোন অসিবু থৌগৎলি। মসি ত্রাইবেল এফিয়র্স মন্ত্রালয়গী ত্রাইবেল কোওপরেতিব মার্কেতিং দিবেলপমেন্ত ফেদরেসন লিমিতেদ (ত্রিফেদ)কী চহিগী ওইবা থৌশিল অমনি।
থৌরম মফমদা থুংখিবদা প্রধান মন্ত্রীনা ভগৱান বির্সা মুন্দাদা হৈকৎ-লৈকৎ তমখি অমসুং একজিবিসন অসিদা উৎলিবা স্তোলশিং চৎতুনা য়েংখি।
থৌরম অসিদা ৱা ঙাংবদা প্রধান মন্ত্রীনা হায়খি মদুদি আদী মহোৎসবনা আজাদী কা অমৃত মহোৎসব মনুংদা ভারতকী ত্রাইবেলগী হেরিতেজকী ফজরবা মমি অমা উৎলি। প্রধান মন্ত্রীনা ভারতকী ত্রাইবেল সোসাইতীশিংগী ফজরবা তেব্লোক্সকী মতাংদা ফোঙদোকখি অমসুং তোঙান-তোঙানবা মহাও, মচু, অকে-অমৌ, চৎনবী, কলা অমসুং আর্ত ফোর্মশিং, মথেল-লুকোই অমসুং ঈশৈ-নোংমাইশিং উবা ফংবগী খুদোংচাবা ফংবদা নুঙাইবা ফোঙদোকখি। মহাক্না হায়খি মদুদি আদি মহোৎসবনা অমত্তা ওইনা লেপ্পিবা ভারতকী দাইভর্সিতী অমসুং মতিক ময়াই লৈরবা মমি অমা উৎলি। প্রধান মন্ত্রীনা হায়খি, “আদি মহোৎসব অসি চুমথাংগী মচুশিং ওইনা ভারতকী মখল মথেল অসি তাক্লিবা লোইনাইদ্রবা অতিয়া অমগুম্বনি”। চুমথাংগী মচুশিং পুনশিন্নবা অদুগা চাংদম্নরদুনা প্রধান মন্ত্রীনা হায়খি মদুদি জাতিগী মতিক ময়াই অসি মাগী লোইনাইদ্রবা দাইভর্সিতীশিংনা ‘এক ভারত শ্রেস্থ ভারত’কী লংলা অমা ওইনা পুনশিল্লবা মতমদা উবা ফংই অমসুং মতম অদুদা ভারতনা মালেম পুম্ববু লমজিংবা ঙম্মি। মহাক্না হায়খি আদি মহোৎসবনা ভারতকী দাইভর্সিতীদা অপুনবগী শক্তি পীরি অমরোমদনা হেরিতেজ চাউখৎহনবগী ৱাখল্লোন্দা শাহৌ পীরি।
প্রধান মন্ত্রীনা হায়খি ২১শুবা ভারতনা ‘সবকা সাথ, সবকা বিকাস’কী মন্ত্রগা লোয়ননা মাংদা চংশিল্লি। মতম অমদা মনুং হঞ্জিনবনি হায়না লৌনরম্বা অদু হৌজিক্তি সরকারনা মফম অদুদা চৎল অমসুং মনুং হঞ্জিনবা অমসুং নাথৈদুনা থমলমখিবশিং অদু মেনস্ত্রীমদা পুশিনখি হায়না প্রধান মন্ত্রীনা ফোঙদোকখি। মহাক্না হায় আদি মহোৎসবকুম্বা থৌরমশিং অসিনা লৈবাক্কী ইহৌ অম ওইরকখি অমসুং মখোয় মশানা অসিগুম্বা কয়াদা শরুক য়ারি। প্রধান মন্ত্রীনা সোসিএল ৱার্কর ওইরিঙৈ মতমদা মহাক্না ত্রাইবেল ফুরুপশিংগা লৈনখিবা অচেৎপা মরী অদুবু নীংশিংলদুনা হায়, “ত্রাইবেল খুন্নাইগী য়াইফনবা তৌবা অসি ঐহাক্কী ওইনা লনাইগী মরী অমসুং ইমোসনগী ৱাফম অমসু ওইরি”। উমরগমদগী অম্বাজি ফাওবগী ত্রাইবেল বেল্ততা মহাক্কী পুন্সিগী মরু ওইবা চহিশিং লেনখিবা অদু নীংশিংলদুনা প্রধান মন্ত্রীনা মখা তাখি “ঐহাক্না নখোয়গী চৎনবী হকথেংননা উবা ফংখ্রে, মখোয়গা লোয়ননা হিংমিন্নখি অমসুং মখোয়দগী কয়া অমা তমশিনখি”। প্রধান মন্ত্রীনা মখা তারদুনা হায়, “মসিনা ঐঙোন্দা লৈবাক্কী অমদি মাগী চৎনবীশিংগী মতাংদা কয়া অমা তাকপী-তম্বীখি”।
প্রধান মন্ত্রীনা হায়খি লৈবাক অসিনা মাগী ত্রাইবেলগী মতিক-ময়াইগী মতাংদা অমুক্তা ওইখিদ্রিবা মওংদা চাউথোকচবগা লোয়ননা মাংদা চংশিল্লি। মহাক্না হায় ত্রাইবেলগী প্রদক্তশিং অসি ফোরেন দিগনিতীশিংদা খুদোলশিং তম্বদা চাউথোক্নীংঙাই ওইবা মফম অমা কল্লি। ভারতনা ত্রাইবেলগী চৎনবী অসি মালেমগী ফম্পাকশিংদা ভারতকী মীংচৎ অমসুং হেরিতেজকী মরু ওইবা শরুক অমা ওইনা উৎলি। প্রধান মন্ত্রীনা হায় ভারতনা ত্রাইবেলগী পুন্সিগী মহিংগী মওংদা গ্লোবেল ৱার্মিং অমসুং ক্লাইমেৎ চেঞ্জকুম্বা সমস্যাশিংগী সোল্যুসনশিং পীরি। ভারতকী ত্রাইবেলগী ফুরুপনা সস্তেনেবল দিবেলপমেন্তগী মতাংদা কয়া অমা ইথিল পীরি অমসুং তাকপী-তম্বীরি হায়না প্রধান মন্ত্রীনা ফোঙদোকখি।
প্রধান মন্ত্রীনা ত্রাইবেল প্রদক্তশিং প্রমোৎ তৌবদা সরকারনা লৌখৎলিবা খোঙথাংশিংগী মতাংদা ফোঙদোকখি। মহাক্না হায় ত্রাইবেল প্রদক্তশিং অসিনা মেক্সিমম মার্কেৎ য়ৌগদবনি অমসুং মখোয়বু শকখঙবা অমদি দিমান্দ হেনগৎহনগদবনি। ৱাবু খুদম ওইনা পীরদুনা প্রধান মন্ত্রীনা হায় মমাংগী সরকারনা ৱা য়ানবা অমসুং শীজিন্নবদা অথিংবা থমলমখি অদুবু হৌজিক পাল্লিবা সরকারনা ৱাবু নাপীগী কাংলুপ্তা চলহনখি অমসুং অথিংবা অসি মুত্থৎখি। বন ধন মিসনগী মতাংদা শন্দোকনা ঙাংলদুনা প্রধান মন্ত্রীনা হায় তোঙান-তোঙানবা রাজ্যশিংদা বন ধন কেন্দ্র ৩০০০ হেন্না লিংখৎখ্রে। এম.এস.পি.গী মখাদা মাইনর ফোরেস্ত প্রদক্ত ৯০রোম পুশিনখি, ২০১৪দা মসিগী মশিং শরুক ৭ হেনগৎহনখি। মতৌ অসুম্না লৈবাক অসিদা সেল্ফ-হেল্প গ্রুপশিংগী হেনগৎলক্লিবা নেৎৱার্কনা ত্রাইবেল খুন্নাইদা কান্নবা পীখি হায়না মহাক্না ফোঙদোকখি। লৈবাক অসিদা মথৌ তৌরিবা সেল্ফ-হেল্প গ্রুপ লাখ ৮০ হেনবদা ত্রাইবেল মেম্বর করোর ১.২৫ লৈরি।
প্রধান মন্ত্রীনা ত্রাইবেল আর্তশিং অমসুং ত্রাইবেলগী নহারোলগী স্কিল দিবেলপমেন্ত প্রমোৎ তৌনবা সরকারগী খোঙথাংশিংদা মীৎয়েং চংখি। প্রধান মন্ত্রীনা মসিগী মতাংদা চহি অসিগী বজেৎ পল্লদুনা পি.এম. বিশ্বাকর্মা য়োজনা অসি ত্রেদিস্নেল ক্রাফমেনশিংগীদমক হৌদোকখি মসিদা স্কিল দিবেলপমেন্ত ফংহনবা অমসুং মখোয়গী পোত্থোকশিং মার্কেতিং তৌবদা তেংবাং পীবগী মথক্তা ইকনোমিকেল এসিস্তেন্স পীগনি হায়না ফোঙদোকখি।
প্রধান মন্ত্রীনা হায়খি, “লৈবাক্কী কাচিন-কোয়া অমা হেক্তদা লৈরবসু ত্রাইবেলগী অঙাংশিংগী এজুকেসন অমসুং মখোয়গী তুংলমচৎতা ঐনা মরু ওইবা মীৎয়েং চংলি”। মহাক্না হায় একলাব্য মোদেল রেসিদেন্সিএল স্কুলশিংগী মশিং অসি ২০০৪-২০১৪গী মনুংদা স্কুল ৮০ লৈরম্বদগী শরুক ৫ হেনগৎলক্তুনা ২০১৪দগী ২০২২দা স্কুল ৫০০ য়ৌখি। স্কুল ৪০০ হেনবনা হৌজিক মথৌ তৌরি, অঙাং লাখ ১দা তাকপী-তম্বীরি। চহি অসিগী বজেৎনা স্কুলশিং অসিগীদমক ওজা অমসুং স্তাফ লিশিং ৩৮ লাউথোকখি। ত্রাইবেল মহৈরোয়শিংগীদমক স্কোলরশিপশিং অসি শরুক অনি ওইহনখি।
লোলগী অপনবনা মরম ওইদুনা ত্রাইবেলগী নহারোলনা মায়োক্নরিবা অৱাবা অসিগী মতাংদা পল্লদুনা প্রধান মন্ত্রীনা নহারোলশিংনা মখোয়গী মমা লোলশিংদা মহৈ তম্বা য়াহল্লিবা ন্যু এজুকেসন পোলিসীগী মতাংদা পনখি। প্রধান মন্ত্রীনা হায়, “ঐখোয়গী ত্রাইবেলগী অঙাংশিং অমসুং নহারোলশিংনা মখোয়গী মশাগী লোলদা মহৈ তম্লি অমসুং খুমাং চাউশিনবা হায়বা অসি হৌজিক্তি ওইথোক্লে”।
প্রধান মন্ত্রীনা সরকার অসিনা শোত্থরবশিংগী চাউখৎ-থৌরাংদা মীৎয়েং চংবনা অনৌবা পনখৈশিং য়ৌরি হায়না নৌহৌননা ফোঙদোকখি। মহাক্না হায় লৈবাক অসিনা অরোইবদা লেপ্পিবা মীওই অদুদা মীৎয়েং চংলবা মতমদা চাউখৎপগী লম্বেল অসি মশা মথন্তা হাংদোকচরকই। প্রধান মন্ত্রী তার্গেৎ অরিয়া অয়াম্বা ত্রাইবেল মেজোরিতী ওইরিবা এস্পিরেস্নেল দিস্ত্রিক্তশিং অমসুং ব্লোকশিংগী স্কিমবু খুদম ওইনা পীদুনা মসি শন্দোক্না তাকখি। প্রধান মন্ত্রীনা হায়খি “চহি অসিগী বজেৎতা ২০১৪গা চাংদম্নবদা সেদ্যুল্দ ত্রাইবশিংগী পীখিবা বজেৎ অসি শরুক ৫ হেনগৎহনখি” অমসুং মখা তারদুনা হায়, “তোখাই তাবা অমসুং নাথৈদুনা থম্বনা মরম ওইদুনা সেপরেতিজমগী লাংদা থুরমখিবা নহারোলশিং হৌজিক ইন্তর্নেৎ অমসুং ইনফ্রাগী খুত্থাংদা মেনস্ত্রীমগা লোয়ননা শম্নহল্লি। মসি লৈবাককী মনুং হঞ্জিনবা মফমশিংদা লৈবা প্রজা খুদিংমক য়ৌশিল্লিবা ‘সবকা সাথ, সবকা বিকাস, সবকা বিশ্বাস অমসুং সবকা প্রয়াস’কী ইচেলনি। মসি অনৌবা ভারতনা ৱাংনা লেপ্লিবা আদি অমসুং আধুনিক্তা (মোদর্নিতী)গী অপুনবা মখোল অদুনি”।
প্রধান মন্ত্রীনা হৌখিবা চহি ৮-৯দা ত্রাইবেল খুন্নাইগী খোঙচৎ অসিগী মতাংদা পল্লদুনা হায়খি মসি লৈবাক অসিনা থোং মান্নবা অমসুং ইংচিকপদা মরু ওইবা মীৎয়েং চংলিবা অসিগী অওনবগী খুদমনি। মহাক্না হায় মুদুদি ভারতকী নীংতম্বগী চহি ৭৫দা অহানবা ওইনা লৈবাক্কী লুচিংবগী থৌদাং অসি ত্রাইবেল নুপীগী মখুৎতা পীরি , মহাক্না রাস্ত্রপতিগী থৌদাং লৌদুনা খ্বাইদগী ৱাংবা ওফিস পাইদুনা ভারতপু চাউথোকচবা পোকহল্লি। মহাক্না হায়খি মদুদি ত্রাইবেলগী পুৱারীনা অহানবা ওইনা লৈবাক অসিনা ফংফম থোকপা ইকাই খুম্নবা অদু ফংলি।
ভারতকী নীংতম্বগী ইহৌদা ত্রাইবেল খুন্নাইনা শরুক তমখিবগী মতাংদা পল্লদুনা পুৱারীগী লমাইশিংদা কত্থোকপা অমসুং থৌনা ফবগী মতিক-ময়াইগী পন্দুপশিং অদু দিকেদ কয়া কুপশিনদুনা থমখিববু প্রধান মন্ত্রীনা নীংঙমদবা ফোঙদোকখি। প্রধান মন্ত্রীনা জাতিনা হৌখ্রবা মতমগী কাউথোকলুরবা পন্দুপশিং মাংদা পুরক্নবা অমৃত মহোৎসবতা লৈবাক অসিনা খোঙথাং লৌখৎলি হায়না পল্লদুনা হায় “অহানবা ওইনা লৈবাক অসিনা ভগৱান বির্সা মুন্দাগী মপোক নুমিৎ অসি জনজাতিয়া গৌরব দিবস হায়না পালন তৌবা হৌখি”। ঝারখন্দগী রাঞ্চিদা ভগৱান বির্সা মুন্দাদা কত্থোকখিবা ম্যুজিম অদু শঙ্গাবগী খুদোংচাবা ফংখিবা অদি নীংশিংলদুনা মহাক্না হায় তোঙান-তোঙানবা রাজ্যশিংদা ত্রাইবেলগী নীংতম লান্মীশিংগা মরী লৈনবা ম্যুজিয়মশিং শেমগৎলি। মসি অহানবা ওইনা পাঙথোকপা ওইরবসু মসিগী মমি অসি তুংদা লাক্কদবা মীরোল কয়াদা ময়েক শেংনা উবা ফংগনি অমসুং চহিচা কয়া লৈবাক অসিদা ইথিল অমদি মাইকৈ তাক্কনি হায়না প্রধান মন্ত্রীনা ফোঙদোকখি।
আদি মহোৎসবগুম্বা থৌরমশিং অসি ফিরেপ অসিবু মাংদা পুখৎনবা শক্তি লৈরবা মিদিয়ম অমনা হায়না ফোঙদোক্লদুনা প্রধান মন্ত্রীনা হায়, “ঐখোয়না ঐখোয়গী হৌখ্রবা মতম, হৌজিক পাঙথোক্কদবা ঐখোয়গী থৌদাং য়াবগী ৱাখল্লোন অদু ঙাকশেনবা তাই”। মহাক্না কেম্পেন অসি মাস মুফমেন্ত ওইহনগদবনি অমসুং তোঙান-তোঙানবা রাজ্যশিংদা অসিগুম্বা থৌরমশিং পাঙথোক্নবা অকনবা ৱাফম থমখি।
প্রধান মন্ত্রীনা চহি অসিবু ইন্তর্নেস্নেল ইয়র ওফ মিল্লেৎস হায়না পালন তৌরিবা অসিগী মতাংদা পল্লদুনা হায় কোর্স গ্রেন অসি চহিচা কয়াদগী ত্রাইবেলগী দাইৎকী শরুক অমা ওইরদুনা লাকখি। মহাক্না ফেস্তিবেল মফমগী ফুদ স্তোলশিংদা ফংলিবা শ্রী অন্নগী মহাও অসিদা অপেনবা ফোঙদোকখি। মহাক্না ত্রাইবেলগী মফমশিংদা চিঞ্জাক্কী মতাংদা এৱের্নেস পীবগী মথৌ তাবা অদু ফোঙদোক্লদুনা হায় মদিনা মীয়ামগী হকশেলদা কান্নবা পীবা খক্তা নত্তনা ত্রাইবেল লৌমীশিংগী ইনকম হেনগৎহনগনি। ৱারোল পীবা লোইশিনবদা প্রধান মন্ত্রীনা চাউখৎপা ভারত অমগী মঙলান অসি মীপুম খুদিংমক্না পুন্না হোৎনরবা মতমদা মঙফাওনবা ঙমগনি হায়না থাজবা ফোঙদোকখি।
থৌরম অসিদা ত্রাইবেল এফিয়র্সকী কেন্দ্র মন্ত্রী, শ্রী অর্জুন মুন্দা, ত্রাইবেল এফিয়র্সকী কেন্দ্রগী রাজ্য মন্ত্রী, শ্রীমতি রেনুক সিংহ সুরুতা অমসুং শ্রী বিশ্বেস্বর তুদু, খুঙ্গংগ চাউখৎ-থৌরাংগী কেন্দ্রগী রাজ্য মন্ত্রী, শ্রী ফগ্গন সিংহ কুলাস্তে, হকশেল অমসুং য়াইফ য়ুম্বালগী কেন্দ্রগী রাজ্য মন্ত্রী, দা. ভারতি প্রবিন পাৱর অমসুং ত্রিফেদকী চিয়রমেন, শ্রী রামসিংন রাথৱানা শরুক য়াখি।
বেকগ্রাউন্দ
প্রধান মন্ত্রীনা লৈবাক্কী ত্রাইবেল মীয়ামগী য়াইফনবগীদমক খোঙথাংশিং লৌখৎপদা মাংজিল থারি অমরোমদনা লৈবাক্কী গ্রোথ অমদি চাউখৎ-থৌরাংদা মখোয়না শরুক তম্লিবা অদুবুসু ইকাই খুম্নবা উৎলি। জাতিগী ফম্পাক্তা ত্রাইবেলগী নাৎ উৎনবা খোঙথাং অমদা প্রধান মন্ত্রী, শ্রী নরেন্দ্র মোদীনা দিল্লীগী মেজর ধ্যান চন্দ নেস্নেল স্তেদিয়মদা ফেব্রুৱারী ১৬কী অয়ুক পুং ১০:৩০ তাবা মতমদা মেগা নেস্নেল ত্রাইবেল ফেস্তিবেল, “আদি মহোৎসব” হৌদোকখ্রে।
ত্রাইবেলগী নাৎ, খুৎহৈবগী পোত্থোক, মথেল-লুকোই, কম্মর্স অমসুং ত্রেদিস্নেল আর্তকী ৱাখল্লোন অসিবু থৌগৎলিবা আদি মহোৎসব অসি ত্রাইবেল এফিয়র্স মন্ত্রালয়গী ত্রাইবেল কোওপরেতিব মার্কেতিং দিবেলপমেন্ত ফেদরেসন লিমিতেদ (ত্রিফেদ)কী চহিগী ওইবা থৌশিল অমনি। চহি অসিগী ওইনা মসি দিল্লীগী মেজর ধ্যান চন্দ নেস্নেল স্তেদিয়মদা ফেব্রুৱারী ১৬তগী ২৭ ফাওবা পাঙথোক্কনি।
প্রোগ্রাম অসিনা থৌরম মফমদা স্তোল ২০০ হেনবদা লৈবাক শিনবা থুংবদগী ত্রাইবেলশিংগী ফজরবা অমসুং তোঙান-তোঙানবা হেরিতেজ উৎখি। মহোৎসব অসিদা ত্রাইবেল আর্তিসেন ১০০০রোমনা শরুক য়াগনি। ২০২৩ অসি ইন্তর্নেস্নেল ইয়র ওফ মিল্লেৎস হায়না পালন তৌবনা হেন্দিক্রাফ, হেন্দলুম, পোত্তরী, জ্বেলরী অসিনচিংবা মহৌশাদগী থম্লকপা মীৎয়েংফমগা লোয়ননা ত্রাইবেলশিংনা থাবা শ্রী অন্ন উৎনবা মহোৎসব অসিনা অখন্নবা মীৎয়েং চংগনি।
*****
(Release ID: 1899868)
Visitor Counter : 105
Read this release in:
Kannada
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Malayalam