প্রধান মন্ত্রী, শ্রী নরেন্দ্র মোদীনা ফেব্রুৱারী ১৩, ২০২৩দা বেঙ্গলুরুগী য়েলহঙ্কাগী এয়র ফোর্স স্তেসন্দা এরো ইন্দিয়া ২০২৩গী ১৪শুবা ইদিসন হৌদোকখ্রে। থৌরম অসিদা প্রধান মন্ত্রীনা কোম্মেমোরেতিব স্তাম্প অমসু ফোঙখি। “দি রনৱে তু এ বিলিয়ন ওপুরচুনিতীজ”গী থিমদা পাঙথোক্কদবা নুমিৎ মঙানিগী থৌরম অসিদা ভারতকী এরোস্পেস অমসুং দিফেন্সকী তৌবা ঙম্বশিংদা খুমাং চাউশিল্লিবা অসি উৎকনি। মীরমগী ১০০ অমসুং ভারতকী কম্পনী ৭০০ য়াওনা দিফেন্স কম্পনী ৮০০গা লোয়ননা লৈবাক ৮০ হেনবদগী শরুক য়াবা উবা ফংগনি। শাফবা অমসুং চাউখৎপা তুংলমচৎ অমগীদমক ‘মেক ইন ইন্দিয়া, মেক ফো দি ৱর্ল্দ’গী মঙলানগী মখাদা মসিদা ইন্দিজিনস ইক্বিপমেন্ত/তেক্নোলোজীশিং উৎকনি অমসুং মীরমগী কম্পনীশিংগা পার্তনরশিপশিং তৌবদা মীৎয়েং থম্বগনি।

থৌরম অসিদা ৱা ঙাংলদুনা প্রধান মন্ত্রীনা হায়খি বেঙ্গলুরুগী অতিয়ানা অনৌবা ভারতকী তৌবা ঙম্বশিংগী খুদম ওইরি। প্রধান মন্ত্রীনা হায়, “মসি অনৌবা ভারতকী তশেংবা অনৌবা পনখৈ অদুনি, ঙসি ভারতনা অনৌবা পনখৈশিং য়ৌবা ঙম্লি অমসুং মখোয়দগী হেনগৎপসু ঙম্লি”।

প্রধান মন্ত্রীনা হায়খি এরো ইন্দিয়া ২০২৩ অসি ভারতকী হেনগৎলক্লিবা তৌবা ঙম্বশিংগী তোমথিন ঙাল্লিবা খুদম অমনি অমসুং থৌরম অসিদা লৈবাক ১০০ হেনবনা শরুক য়াবা অসিনা ভারত্তা মালেম পুম্বনা থাজবা থম্লিবা অসি উৎলি। মহাক্না হায় মালেমগী মশক নাইবা কম্পনীশিংগা লোয়ননা ভারতকী এম.এস.এম.ই.শিং অমসুং স্তার্তঅপশিং য়াওনা একজিবিতর ৭০০ হেনবনা শরুক য়ারি। এরো ইন্দিয়া ২০২৩গী থিম “দি রনৱে তু এ বিলিয়ন ওপুরচুনিতীজ”গী মতাংদা পল্লদুনা প্রধান মন্ত্রীনা আত্মনির্ভর ভারতকী শক্তি অসি নোংমা নোংমগী অসুম হেনগৎলক্লি হায়খি।

শো অসিগা লোয়ননা পাঙথোক্লিবা ঙাকশেল মন্ত্রীগী কনক্লেব অমসুং সি.ই.ও. রাউন্দতেবলগী মতাংদা পল্লদুনা শ্রী মোদীনা হায় মদুদি সেক্তর অসিদা থৱায় য়াওনা শরুক য়াবনা এরো ইন্দিয়াগী মতিক-ময়াই হেনগৎহনগনি।

ভারতকী তেক্নোলোজী চাউখৎনবগী হব ওইরিবা কর্নাতকাদা এরো ইন্দিয়া পাঙথোকপগী মরু ওইবা অদু প্রধান মন্ত্রীনা ফোঙদোকখি। মহাক্না হায় মসিনা এভিএসন সেক্তরদা কর্নাতকাগী নহারোলশিংগীদমক অনৌবা এভেন্যুশিং হাংদোক্লগনি। প্রধান মন্ত্রীনা কর্নাতকাগী নহারোলনা লৈবাকপু শক্তি কনখৎহন্নবগীদমক ঙাকশেলগী লমদা মখোয়গী তেক্নোলোজীগী হৈশিংবা অদু শীজিন্নগদবনি হায়খি।

এরো ইন্দিয়া ২০২৩না অনৌবা ভারতকী হোংলক্লিবা এপ্রোচ অদু তাক্লি হায়না ফোঙদোক্লদুনা প্রধান মন্ত্রীনা হায়, “লৈবাক্না অনৌবা ৱাখল্লোন, অনৌবা এপ্রোচকা লোয়ননা মাংদা চংশিল্লবা মতমদা মাগী সিস্তেমশিংসু অনৌবা ৱাখল্লোনগী মতুং ইন্না হোংবা হৌরকই”। প্রধান মন্ত্রীনা এরো ইন্দিয়া অসি ‘শুপ্নগী শো অমা’ অমসুং ‘সেল তু ইন্দিয়া’গী ৱিন্দো অমা ওইনা লৌরম্বা মতম অদু নীংশিংখি অদুবু মসিগী ৱাখল্লোন অসি হৌজিক্তি অহোংবা লাক্লে।  মসি শুপ্নগী শো অমা খক্তা ওইদ্রে, মসিনা দিফেন্স ইন্দস্ত্রীগী স্কোপ উৎপা খক্তা নত্তনা ভারতকী মশাদা মশানা থাজবা থম্লিবা অদুসু উৎলি হায়না ফোঙদোক্লদুনা প্রধান মন্ত্রীনা হায়, “ঙসি এরো ইন্দিয়া অসি ভারতকী শক্তিনি অমসুং শুপ্নগী শো অমা খক্তা ওইদ্রে”।

প্রধান মন্ত্রীনা হায়খি ভারতকী মাইপাকপশিং অসিনা মাগী তৌবা ঙম্বশিং অদু তাক্লি। প্রধান মন্ত্রীনা হায় তেজাস, আই.এন.এস. বিক্রান্ত, সুরত অমসুং তুমকুরগী এদভান্স মেন্যুফেকচরিং ফেসিলিতীশিংনা মালেমগী অনৌবা অলতর্নেতিবশিং অমসুং খুদোংচাবশিংগা শম্নহল্লিবা আত্মনির্ভর ভারতকী মতিক-ময়াই ওইরি।

রিফোর্মশিংগী মতেংগা লোয়ননা সেক্তর খুদিংমক্তা পুরকখিবা রিভোল্যুসনশিংগী মতাংদা প্রধান মন্ত্রীনা হায় “২১শুবা চহিচাগী অনৌবা ভারতনা খুদোংচাবা অমত্তা মাংহল্লোই অমদি খোঙথাং লৌখৎপদা অৱাৎপা লৈরোই”। মহাক্না হায় দিকেদ কয়া খ্বাইদগী চাউবা দিফেন্স এক্সপোর্তর ওইরম্বা লৈবাক অসিনা হৌজিক মালেমগী লৈবাক ৭৫দা দিফেন্স ইক্বিপমেন্ত এক্সপোর্ত তৌবা হৌরে।

হৌখিবা চহি ৮-৯দা দিফেন্স সেক্তরদা অওনবা পুরকপগী মতাংদা প্রধান মন্ত্রীনা হায়খি মসিগী পান্দমদি ২০২৪-২৫ ফাওবদা বিলিয়ন ১.৫দগী বিলিয়ন ৫ য়ৌহনবনি। প্রধান মন্ত্রীনা হায়খি, “মফম অসিদগী ভারতনা খ্বাইদগী চাউবা দিফেন্স মেন্যুফেকচরিং লৈবাকশিংগী মনুংদা চন্নবা খোঙজেল য়াংনা খোঙথাংশিং লৌখৎকনি অমসুং মসিদা ঐখোয়গী প্রাইবেৎ সেক্তর অমদি ইনভেস্তরশিংনা অচৌবা থৌদাং লৌগনি”। প্রধান মন্ত্রীনা দিফেন্স সেক্তরদা প্রাইবেৎ সেক্তরনা ইনভেস্ত তৌনবা হায়খি মসিনা ভারত্তা অমসুং অতোপ্পা লৈবাক কয়াদা মখোয়গী অনৌবা খুদোংচাবা পীজরগনি।

অমৃত কালদা ভারত অসি ফাইতর জেৎ পাইলোৎকা চাংদম্নরদুনা শ্রী মোদীনা হায়খি, “ঙসিগী ভারতনা থুনা ৱাখল খল্লি, মীৎয়েং শান্না ৱাখল খল্লি অমসুং থুনা ৱারেপশিং লৌবা ঙম্মি”। প্রধান মন্ত্রীনা হায়খি ভারত অসি লৈবাক অমা ওইনা অকিবা লৈতে অদুবু অনৌবা পনখৈশিং তম্না কাখৎপা পাম্মি। প্রধান মন্ত্রীনা হায় ভারতনা খোঙজেল ফনা য়াংনা ৱাংনা কাখৎলুরবসু মতম চুপ্পদা হৌরকফম কাওদে।

প্রধান মন্ত্রীনা হায়খি, “এরো ইন্দিয়াগী অচৌবা খোঞ্জেলনা ভারতকী রিফোর্ম, পর্ফোর্ম অমসং ত্রান্সফোর্মগী পাউজেলনা খোন্থাংনা নীলহল্লি”। মালেম পুম্বনা ভারত্তা ‘ইজ ওফ দুইং বিজিনেস’কীদমক রিফোর্মশিং পুরক্লিবা অসি য়েংনরি অমসুং গ্লোবেল ইনভেস্তমেন্তশিং লোয়ননা ভারতকী ইন্নোভেসনগা চুন্নবা এনভাইর্নমেন্ত অমা শেম্নবা লৌখৎখিবা খোঙথাংশিংগী মতাংদা ফোঙদোকখি। মহাক্না দিফেন্স অমসুং অতোপ্পা সেক্তরশিংদা ফোরেন দাইরেক্ত ইনভেস্তমেন্তশিংদা পুরকখিবা রিফোর্মশিং অমসুং ইন্দস্ত্রীশিংদা লাইসেন্সশিং পীবগী থৌওংশিং লায়থোকহনবা অমরোমদা মখোয়গী ভেলিদিতী শাংদোকপগী মতাংদা ফোঙদোকখি। প্রধান মন্ত্রীনা হায় চহি অসিগী বজেৎতা মেন্যুফেকচরিং য়ুনিৎশিংগী তেক্স বেনিফিৎশিং অসিসু হেনগৎহনখি।

প্রধান মন্ত্রীনা হায় দিমান্দ, এক্সপর্তিস লোয়ননা এক্সপরিয়েন্স লৈরবদি ইন্দস্ত্রীগী গ্রোথ লৈরকপা হায়বা অসি মহৌশানি। মহাক্না থৌরম অদুদা থাজবা পীখি মদুদি সেক্তর অসি শক্তি পীনবা খোঙথাংশিং অসি মাংদা চংশিন্দুনা হেন্না শক্তি পীরগনি।

ঙাকশেল মন্ত্রীনা মহাক্কী ৱারোলদা প্রধান মন্ত্রী শ্রী নরেন্দ্র মোদীনা মালেমগী পোলিতিকেল অমসুং ইকনোমিক মেপতা ভারতপু লমজিংবগীদমক থাগৎখি অমসুং লৈবাক্কী ইন্দস্ত্রিএল অমসুং ইকনোমিক গ্রোথকী মাইকৈদা হনবা লৈত্রবা মাগী ফিরেপশিংগীদমক অখন্ননা থাগৎখি। মহাক্না হায় এরো ইন্দিয়া অসি ফিরেপ অসিগী এক্সপ্রেসন অমনি।

শ্রী রাজনাথ সিংহনা হায়খি মদুদি ভারত অসি মাগী বিজিনেস-ফ্রেন্দলী এনভাইর্নমেন্ত অমসুং কোস্ত-কম্পিতিবনেসনা মরম ওইদুনা চাউখৎলক্লিবা মেন্যুফেকচরিং দেস্তিনেসন অমা ওইরকখি। মহাক্না হায়, “ঐখোয়গী প্রধান মন্ত্রীগী মঙলান অমসুং অখাং কনবনা মরম ওইদুনা ভারতনা মালেমগী মঙাশুবা খ্বাইদগী চাউবা ইকনোমী ওইবা ঙমখি। মথংগী চহি ৪-৫দা অহুমশুবা খ্বাইদগী চাউবা ইকনোমী ওইনবা লম্বেলদা চংশিল্লি। ভারতকী চহি অসিগী জি২০ প্রসিদেন্সী অসিনা মালেমগী ফম্পাক্তা ভারতনা কল্লিবা মফম অসি ৱাংখৎলকপগী খুদমসু ওইরি”।

ঙাকশেল মন্ত্রীনা দিফেন্স সেক্তরগী গ্রোথ স্তোরীগী মতাংদসু পল্লদুনা হায় হৌখিবা চহি খরা অসিদা চাউনা খুমাং চাউশিনখি অমসুং থৌনা অমদি কত্থোকপগা লোয়ননা লৈবাক অসি শক্তি পীনবা মাইকৈদা চংশিল্লি। মহাক্না হায় এরো ইন্দিয়া অসি দিফেন্স সেক্তর মপাঙ্গল কনখৎহন্নবা য়ুম্বীশিংগী মনুংদা অমনি অমসুং মসিনা অনৌবা শক্তাক অমা পীরি।

শ্রী রাজনাথ সিংহনা এরো ইন্দিয়াগী ১৪শুবা ইদিসন অসিদা লৈবাক কয়াদগী শরুক য়ারিবা ঙাকশেল মন্ত্রীশিং, সর্ভিস চীফশিং, সি.ই.ও.শিং, ওফিসিএলশিং অমসুং দেলিগেৎশিংবু তরাম্না ওকখি। মহাক্না নুমিৎ মঙানিগী থৌরম অসিদা ভারত্তগী অমসুং মপানদগী একজিবিতর ৮০০ হেনবনা মখোয়গী প্রদক্তশিং অমসুং তেক্নোলোজীশিং উৎকদৌরিবা অসিদা নুংঙাইবা ফোঙদোকখি। মহাক্না চাউনা শরুক য়ানরক্লিবা অসিনা ভারতকী চাউখৎলক্লিবা বিজিনেস পোতেন্সিএলদা দোমেস্তিক অমসুং গ্লোবেল বিজিনেস কম্ম্যুনিতীনা থম্লিবা অনৌবা থাজবা অসিগী খুদমনি হায়খি। মহাক্না শরুক য়ারিবশিংদা ভারতনা দিফেন্স মেন্যুফেকচরিং হব ওইনবা মাইকৈদা চংশিল্লিবা খোঙচৎ অসিগী শরুক ওইনবা হায়খি।

ঙাকশেল মন্ত্রীনা কর্নাতকাগী মুখ্য মন্ত্রী, শ্রী বসবরাজ বোম্মাইনা থৌরম অসি চাউনা পাঙথোকপগীদমক থাগৎখি। মহাক্না হায় কর্নাতকানা ইন্দস্ত্রিএলাইজেসন্দা মাংজিল থারি অমসুং ভারতকী ইকনোমিক গ্রোথতা শরুক তম্লিবা খ্বাইদগী মরু ওইবা রাজ্যশিংগী মনুংদা অমনি।

থৌরম অসিদা কর্নাতকাগী রাজ্যপাল, শ্রী থাৱর চন্দ গহলোৎ, কর্নাতকাগী মুখ্য মন্ত্রী, শ্রী বসবরাজ বোম্মাই, সিভিল এভিএসনগী কেন্দ্র মন্ত্রী, শ্রী জ্যোতিরদিত্য সিন্ধিয়া অমসুং ঙাকশেলগী কেন্দ্রগী রাজ্য মন্ত্রী, শ্রী অজয় ভত্তনা শরুক য়াখি।

থৌরম অসিগী মরমদা

নুমিৎ মঙানিগী থৌরম অসি ফেব্রুৱারী ১৭তা লোইশিনগনি। ফেব্রুৱারী ১৩দগী ১৫ ফাওবা অসি বিজিনেস দে ওইগনি, ফেব্রুৱারী ১৬ অমসুং ১৭ অসিনা শো অসি মীয়াম্না য়েংবা য়ানবা পব্লিক দেস ওইনা থমগনি। শো অসিদা দিফেন্স মিনিস্তর্স কনক্লেব; সি.ই.ও.শিংগী রাউন্দ তেবল; মন্থন স্তার্ত-অপ ইভেন্ত; বন্ধন সেরেমোনী; ফজরবা এয়র শোশিং; অচৌবা একজিবিসন অমা; ইন্দিয়া পেবিলিয়ন অমসুং এরোস্পেস কম্পনীশিংগী ত্রেদ ফিয়র অমা য়াওরি।

য়েলহঙ্কাগী এয়র ফোর্স স্তেসন্দা অপুনবা লম স্ক্বার মিতর ৩৫,০০০রোমদা পাঙথোকপা থৌরম অসি ঙসি ফাওবগী খ্বাইদগী চাউবা ওইরি অমসুং মসিদা লৈবাক ৯৮না শরুক য়ারবা য়ারি। লৈবাক ৩২গী ঙাকশেল মন্ত্রীশিং, লৈবাক ২৯গী এয়র চীফশিং অমসুং গ্লোবেল এন্দ ইন্দিয়ন ও.ই.এম.গী সি.ই.ও. ৭৩না থৌরম অসিদা শরুক য়ারবা য়ারি। এম.এস.এম.ই.শিং অমসুং স্তার্তঅপশিং য়াওনা দিফেন্স কম্পনী ৮০না এরোস্পেস অমসুং দিফেন্স সেক্তরদা নিচ তেক্নোলোজীশিংগী এদভান্সমেন্ত অমসুং গ্রোথ উৎকনি।

মরু ওইবা একজিবিতরশিং অমসুং ইক্বিপমেন্ত

মরু ওইবা একজিবিতরশিংদা এয়রবস, বোইং, দেস্সোল্ত এভিএসন, লোকহেদ মার্তিন, ইজরেল এরোস্পেস ইন্দস্ত্রী, ব্রহ্মোস এরোস্পেস, আর্মী এভিএসন, ঐচ.সি. রোবোতিক্স, এস.এ.এ.বি., সাফ্রন, রোল্স রোইস, লার্সেন এন্দ তৌব্রো, ভারত ফোর্জ লিমিতেদ, হিন্দুস্তান এরোনোতিক্স লিমিতেদ (ঐচ.এ.এল.), ভারত ইলেক্ত্রোনিক্স লিমিতেদ (বি.ই.এল.), ভারত দাইনামিক্স লিমিতেদ (বি.দি.এল.) অমসুং বি.ই.এম.এল. লিমিতেদ য়াওরি। ফিজিকেল ওইনা থৌরম অসিদা বিজিতর লাখ মঙারোমনা লাক্লবা য়ানা লৈ অমসুং মীওই মিলিয়ন কয়ানা তেলিবিজন অমসুং ইন্তর্নেৎকী খুত্থাংদা য়েংগনি।

এরো ইন্দিয়া ২০২৩না দিজাইন লীদরশিপ, য়ু.এ.ভি. সেক্তরদা লৈরিবা গ্রোথ, দিফেন্স স্পেস অমসুং ফ্যুচরিস্তিক তেক্নোলোজীশিং উৎকনি। থৌরম অসিনা লাইৎ কোম্বেৎ এয়রক্রাফ (এল.সি.এ.) –তেজাস, ঐচ.তি.তি.-৪০, দোর্নিয়র লাইৎ য়ুতিলিতী হেলিকোপ্তর (এল.য়ু.ঐ.), লাইৎ কোম্বেৎ হেলিকোপ্তর (এল.সি.ঐচ.) অমসুং এদভান্স লাইৎ হেলিকোপ্তর (এ.এল.ঐচ.)গুম্বা ইন্দিজিনস এয়র প্লেৎফোর্মশিং এক্সপোর্ত তৌবা থৌগৎনবা পান্দম থম্মি। মসিনা দোমেস্তিক এম.এস.এম.ই.শিং অমসুং স্তার্ত-অপশিং গ্লোবেল সপ্লাই চেন্দা ইন্তিগ্রেৎ তৌগনি অমসুং কো-দিবেলপমেন্ত অমসুং কো-প্রদক্সনগীদমক পার্তনরশিপ শেম্বা য়াওনা ফোরেন ইনভেস্তমেন্তশিং লাকহনগনি।

দিফেন্স মিনিস্তর্স কনক্লেব

ঙাকশেল মন্ত্রীনা ফেব্রুৱারী ১৪দা দিফেন্স মিনিস্তর্স কনক্লেব পাঙথোক্কনি। ‘শিয়র্দ প্রোস্পেরিতী থ্রু এনহেন্স এঙ্গেজমেন্তস ইন দিফেন্স (স্পীদ)’কী থিমদা পাঙথোকপা মীফম অসিদা মরু ওইবা লৈবাকশিংগী ঙাকশেল মন্ত্রীশিংনা শরুক য়াগনি। কনক্লেব অসিনা কেপাসিতী বিল্দিংগীদমক কোওপরেসন চেৎশিনহনবা (ইনভেস্তমেন্তশিং, আর এন্দ দি, জোইন্ত ভেঞ্চর, কো-দিবেলপমেন্ত, কো-প্রদক্সন অমসুং দিফেন্স ইক্বিপমেন্তগী প্রোবিজনিং তৌবগী খুত্থাংদা), ত্রেনিং, স্পেস, আর্তফিসিএল ইন্তেলিজেন্স (এ.আই.) অমসুং মেরিতাইম সেক্যুরিতী পুন্না চাউখৎপগা মরী লৈনবা হীরমশিং নৈনবগনি। কনক্লেব অসিনা ‘মেক ইন ইন্দিয়া, মেক ফোর দি ৱর্ল্দ’ বিজন মাংদা পুখৎনবা অমগা অমগা মতেং পাংননবা ঙাকশেম মন্ত্রীদা খুদোংচাবা অমা পীরগনি।

বাইলেতরেল মীফমশিং

এরো ইন্দিয়া ২০২৩ পাঙথোক্লিঙৈ মনুংদা ঙাকশেল মন্ত্রী, ঙাকশেলগী রাজ্য মন্ত্রী, চীফ ওফ দিফেন্স স্তাফ অমসুং দিফেন্স সেক্রেতরীগী থাক্তা বাইলেতরেল মীফম কয়া অমা পাঙথোক্কনি। মথংগী থাক্তা পার্তনরশিপ অসি পুখৎনবা অনৌবা এভেন্যুশিং থীদোক্তুনা মরু ওইরিবা লৈবাকশিংগা লোয়ননা দিফেন্স অমসুং এরোস্পেসকী মরীশিং চেৎশিনহনবদা মীৎয়েং থমগনি।

সি.ই.ও.শিংগী রাউন্দ তেবল

ঙাকশেল মন্ত্রীগী চিয়রমেনশিপ মখাদা ‘সি.ই.ও.শিংগী রাউন্দ তেবল’ অসি ‘স্কাই ইস নোৎ দি লিমিৎ: ওপুরচুনিতীজ বিয়োন্দ বাউন্দরীজ’ হায়বা থীমদা ফেব্রুৱারী ১৩দা পাঙথোক্কনি। মসিনা ‘মেক ইন ইন্দিয়া’ কেম্পেন শাহৌ পীবদা মীৎয়েং থম্বগা লোয়ননা ইন্দস্ত্রী পার্তনরশিং অমসুং সরকারগী মরক্তা মপাঙ্গল কনবা ইন্তরেক্সন অমগী য়ুম্ফম থোল্লগনি পানরি। মসিনা ভারত্তা ‘ইজ ওফ দুইং বিজিনেস’ হেনগৎহন্নবা অমসুং ভারত্তা ওরিজিনেল ইক্বিপমেন্ত মেন্যুফেকচর্রশিং (ও.ই.এম.শিং)গী মেন্যুফেকচরিংগী চুনরবা প্লেৎফোর্ম অমা পীগনি পানরি।

রাউন্দ তেবল অসিদা বোইং, লোকহীদ, ইজরেল এরোস্পেস ইন্দস্ত্রীশিং, জেনরেল এতোমিক্স, লেভের গ্রুপ, রেথিওন তেক্নোলোজীজ, সাফ্রন, জেনরেল ওথোরিতী ওফ মিলিতরী ইন্দস্ত্রীজ (জি.এ.এম.আই.) অসিনচিংবা য়াওনা লৈবাক ২৬কী ওফিসিএলশিং, দেলিগেৎশিং অমসুং গ্লোবেল সি,ই,ও,শিংনা শরুক য়াবা উবা ফংগনি। ঐচ.এ.এল., বি.ই.এল., বি.দি.এল., বি.ই.এম.এল. লিমিতেদ অমসুং মিস্রা ধাতু নিগম লিমিতেদ অসিগুম্বা দোমেস্তিক পি.এস.য়ু.শিংনা শরুক য়াগনি। লার্সেন এন্দ তৌব্রো, ভারত ফোর্জ, দাইনামেতিক তেক্নোলোজীজ, ব্রহ্মোস এরোস্পেস অসিগুম্বা ভারতকী মমিং লৈবা প্রাইবেৎ দিফেন্স অমসুং এরোস্পেস মেন্যুফেকচরিং কম্পনীশিংনা থৌরম অসিদা শরুক য়ারবা য়ারি।

বন্ধন সেরেমোনী

বন্ধন সেরেমোবী অসি ফেব্রুৱারী ১৫দা পাঙথোক্কনি মসিদা মেমোরেন্দম ওফ অন্দরস্তেন্দিং (এম.ও.য়ু.শিং)/ এগ্রীমেন্তশিং খুৎয়েক পীনবা, ত্রান্সফর ওফ তেক্নোলোজীজ, প্রদক্ত লোঞ্চ অমসুং অতোপ্পা মরু ওইবা এনাউন্সমেন্তশিং উবা ফংগনি। ঙাকশেল মন্ত্রীনা থৌরম অসিদা ময়াই তাংবল লৌগনি। লুপা করোর ৭৫,০০০গী ইনভেস্তমেন্তগা লোয়ননা এম.ও.য়ু. ২৫১ তোঙান তোঙানবা ভারত/মীরমগী দিফেন্স কম্পনীশিং অমসুং ওর্গনাইজেসনশিংগী মরক্তা পার্তনরশিপশিং তৌনবা খুৎয়েক পীনবা য়ারি।

মন্থন

চহিগী দিফেন্স ইন্নোভেসন ইভেন্ত, মন্থন অসি ফেব্রুৱারী ১৫দা পাঙথোক্কদবা অসি ফ্লেগশিপ তেক্নোলোজী শোকেস ইভেন্ত ওইরগনি। ইন্নোভেসন্স ফোর দিফেন্স এক্সিলেন্স (আইদেক্স)না পাঙথোকপা মন্থন প্লেৎফোর্ম অসিনা দিফেন্স অমসুং এরোস্পেস ইকোসিস্তেমগী মাংজিল থারিবা ইন্নোভেতরশিং, স্তার্ত-অপশিং, এম.এস.এম.ই.শিং, ইনক্যুবেতরশিং, একাদেমিয়া অমসুং ইনভেসতরশিংবু রুফ অমগী মখাদা পুরক্কনি। ঙাকশেল মন্ত্রীনা থৌরম অসিদা ময়াই তাংবল লৌগনি।

মন্থন্দা অহানবা ওইনা পাঙথোকপা কয়া য়াওগনি, মসিদা সাইবর সেক্যুরিতীগী শীংনবশিং লোঞ্চ তৌবা, আইদেক্স ইনভেস্তর হব লিংখৎপা ইনভেস্তরশিংগা লোয়ননা এম.ও.য়ু. পীনবা অসিনচিংবা য়াওগনি। মন্থন ২০২৩না দিফেন্স সেক্তরদা ইন্নোভেসন অমসুং তেক্নোলোজী দিবেলপমেন্ত চাউখৎহন্নবগী স্তার্তঅপ ইকোসিস্তেমদা শাহৌ পীগনি।

ইন্দিয়া পেবিলিয়ন

 ‘ইন্দিয়া পেবিলিয়ন’ অসি ‘ফিক্স ৱিং প্লেৎফোর্ম’ থিমদা য়ুম্ফম ওই, মসিদা তুংগী লমশিং য়াওনা ভারতকী গ্রোথ উৎকনি। প্রদক্ত ২২৭ উৎলিবা পুন্না কম্পনী ১১৫ য়াওগনি। মসিনা প্রাইবেৎ পার্তনরশিংনা পুথোকপা এল.সি.এ.-তেজাস এয়রক্রাফকী তোঙান-তোঙানবা স্ত্রকচরেল মোদ্যুলশিং, সিম্যুলেতরশিং, সিস্তেমশিং (এল.আর.য়ু.শিং) অসিনচিংবা দেমোনস্ত্রেসন তৌবা য়াওনা ফিক্স ৱিং প্লেৎফোর্মগী ইকোসিস্তেম অমা শেমগৎপগী ভারতকী গ্রোথ উৎকনি। মসিদা দিফেন্স স্পেস, অনৌবা তেক্নোলোজীশিংগী সেক্সন লৈগনি অমসুং য়ু.এ.ভি. সেক্সন্না সেক্তর অমমমদা লৈরিবা ভারতকী গ্রোথকী মতাংদা পাউদমগনি।

ইন্দিয়া পেবিলিয়নগী সেন্তর স্তেজতা ফুল ওপরেস্নেল কেপাবিলিতী (এফ.ও.সো.) কনফিগ্যুরেসনদা এল.সি.এ.-তেজাস এয়রক্রাফকী ফুল স্কেল অমা থমগনি। এল.সি.এ. তেজাস অসি সিঙ্গল ইঞ্জিন, লাইৎ ৱেথ ওইবা, য়াম্না এজাইল ওইবা, মলতি-রোল সুপরসোনিক ফাইতর অমনি। মসিদা ক্বাদ্রুপ্লেক্স দিজিতেল ফ্লাই-বাই-ৱায়র ফ্লাইৎ কন্ত্রোল সিস্তেম (এফ.সি.এস.) য়াওগনি। দেলতা ৱিং য়াওবা এয়রক্রাফ অসি ‘রিকন্নাইসেন্স’ অমসুং ‘এন্তি-শিপ’ অসি সেকেন্দরী রোল ওইনা য়াওবা ‘এয়র কোম্বেৎ’ অমসুং ‘ওফেন্সিব সপ্পোর্ত’কীদমক দিজাইন তৌখি। এয়রফ্রেমদা এদভান্স কম্পোজিৎশিং পাকশন্না শীজিন্নবনা ৱেথ রেসিওদা মপাঙ্গল হেন্না পী, ফেতিক লাইফ শাংহল্লি অমসুং লো রাদর সিগনেচরশিং পীরি।

কর্নাতকা পেবিলিয়ন

এরো ইন্দিয়া ২০২৩দা কর্নাতকা পেবিলিয়ন অমা তোখাইনা থমগনি মসিনা রাজ্য অসিদা লৈরিবা খুদোংচাবশিং অদু শরুক য়ারিবশিংদা উৎকনি।

সেমিনারশিং

নুমিৎ মঙানিগী থৌরম অসিদা সেমিনার কয়া পাঙথোক্কনি। থিমশিং অদুদা ‘ভারতকী দিফেন্স ইন্দস্ত্রীগীদমক এক্স-সর্ভিসমেনগী পোতেন্সিএল শীজিন্নবা; ভারতকী দিফেন্স স্পেসকী থৌশিল: ভারতকী প্রাইবেৎ স্পেস ইকোসিস্তেম শেমগৎনবা খুদোংচাবশিং; এরো ইঞ্জিনশিং য়াওনা ফ্যুচরিস্তিক এরোস্পেস তেক্নোলোজীশিং ইন্দিজিনস ওইনা দিবেলপ ধৌবা; দেস্তিনেসন কর্নাতকা: য়ু.এস-ইন্দিয়া দিফেন্স কোওপরেসন ইন্নোভেসন অমসুং মেক ইন ইন্দিয়া; মেরিতাইম সর্ভিলেন্স ইক্বিপমেন্ত অমসুং এসেৎশিংদা খুমাং চাউশিনবা; এম.আর.ও. অমসুং ওবসোলেসসেন্স মিতিগেসনদা মপাঙ্গল হাপ্পা অমসুং দিফেন্স গ্রে দ্রোনশিংদা এক্সিলেন্স ফংবা অমসুং এরো আর্মামেন্ত সস্তেনেন্সতা আত্মনিভারতা ফংবা অসি য়াওরি।

*****