وزیر اعظم جناب نریندر مودی نے 13 فروری 2023 کو بنگلورو میں یلہنکا کے ایئر فورس اسٹیشن میں ایشیا کے سب سے بڑے ایرو شو - ایرو انڈیا 2023 - کے 14ویں ایڈیشن کا افتتاح کیا۔ اس موقع پر وزیر اعظم کی طرف سے ایک یادگاری ڈاک ٹکٹ بھی جاری کیا گیا۔ پانچ روزہ ایونٹ، جس کا موضوع ہے 'ایک ارب مواقع کا رن وے'، ایرو اسپیس اور دفاعی صلاحیتوں میں ہندوستان کی ترقی کو ظاہر کرے گا۔ یہ ایک محفوظ اور خوشحال مستقبل کے لیے 'میک ان انڈیا، میک فار دی ورلڈ' ویژن کے مطابق دیسی سازوسامان/ٹیکنالوجیز کی نمائش  کرے گا اور غیر ملکی کمپنیوں کے ساتھ شراکت داری قائم کرے گا۔

اجتماع سے خطاب کرتے ہوئے وزیر اعظم نے کہا کہ بنگلورو کا آسمان نئے ہندوستان کی صلاحیتوں کی گواہی دے رہا ہے۔ وزیر اعظم نے کہا کہ ‘‘یہ نئی بلندی نئے ہندوستان کی حقیقت ہے، آج ہندوستان نئی بلندیوں کو چھو رہا ہے اور انہیں عبور بھی کر رہا ہے’’۔

وزیر اعظم نے کہا کہ ایرو انڈیا 2023 ہندوستان کی بڑھتی ہوئی صلاحیتوں کی ایک روشن مثال ہے اور اس تقریب میں 100 سے زیادہ ممالک کی موجودگی اس اعتماد کو ظاہر کرتی ہے جو پوری دنیا ہندوستان پر ظاہر کرتی ہے۔ انہوں نے 700 سے زیادہ نمائش کنندگان کی شرکت کا ذکر کیا جن میں ہندوستانی  ایم ایس ایم ایز  اور سٹارٹ اپس کے ساتھ ساتھ دنیا کی مشہور کمپنیوں کے نام شامل ہیں۔ ایرو انڈیا 2023 کے تھیم ‘‘ایک ارب مواقع کی طرف دوڑنے  کا راستہ’’ پر روشنی ڈالتے ہوئے وزیر اعظم نے اظہار  خیال کیا کہ آتم نر بھر بھارت کی طاقت ہر گزرتے دن کے ساتھ بڑھتی جارہی ہے۔

شو کے ساتھ منعقد ہونے والے وزیر دفاع کے کنکلیو اور سی ای او گول میز کانفرنس  کا حوالہ دیتے ہوئے، جناب مودی نے کہا کہ اس شعبے میں فعال شرکت سے ایرو انڈیا کی صلاحیت میں اضافہ ہوگا۔

وزیر اعظم نے کرناٹک میں ایرو انڈیا کی اہمیت پر زور دیا جو ہندوستان کی تکنیکی ترقی کا مرکز ہے۔ انہوں نے کہا کہ اس سے ہوا بازی کے شعبے میں کرناٹک کے نوجوانوں کے لیے نئی راہیں کھلیں گی۔ وزیر اعظم نے کرناٹک کے نوجوانوں پر زور دیا کہ وہ ملک کو مضبوط بنانے کے لیے دفاع کے میدان میں اپنی تکنیکی مہارت کو استعمال کریں۔

‘‘جب ملک نئی سوچ، نئے نقطہ نظر کے ساتھ آگے بڑھتا ہے، تو اس کے نظام بھی نئی سوچ کے مطابق بدلنے لگتے ہیں‘‘، وزیر اعظم نے کہا کہ ایرو انڈیا 2023 نئے ہندوستان کے بدلتے ہوئے نقطہ نظر کی عکاسی کرتا ہے۔ وزیر اعظم نے وہ وقت یاد دلایا  جب ایرو انڈیا ‘صرف ایک شو’ اور ‘ہندوستان کو بیچنے’کے لیے ایک کھڑکی ہوا کرتا تھا لیکن اب یہ تاثر بدل گیا ہے۔ ‘‘آج، ایرو انڈیا ہندوستان کی طاقت ہے نہ کہ صرف ایک شو’’، وزیر اعظم نے کہا کہ یہ نہ صرف دفاعی صنعت کے دائرہ کار  کی وسعت کو ظاہر کرتا ہے بلکہ ہندوستان کے خود اعتمادی  کے جذبے کو بھی ظاہر کرتا ہے۔

وزیر اعظم نے کہا کہ ہندوستان کی کامیابیاں اس کی صلاحیتوں کی گواہی دے رہی ہیں۔ وزیر اعظم نے کہا کہ تیجس، آئی این ایس وکرانت، سورت اور ٹمکور میں جدید مینوفیکچرنگ سہولیات،آتم نربھر بھارت کی صلاحیت کااظہار ہیں جس کے ساتھ دنیا کے نئے متبادل اور مواقع جڑے ہوئے ہیں۔

‘‘21ویں صدی کا نیا ہندوستان نہ تو کوئی موقع کھوئے گا اور نہ ہی اپنی کوششوں میں کسی طرح کی کسر باقی رکھے گا’’، وزیر اعظم نے کہا کہ انہوں نے اصلاحات کی مدد سے ہر شعبے میں انقلاب پیدا کیا ہے۔ انہوں نے اس بات پر زور دیا کہ جو ملک کئی دہائیوں تک سب سے بڑا دفاعی برآمد کنندہ تھا اب اس نے دنیا کے 75 ممالک کو دفاعی ساز و سامان برآمد کرنا شروع کر دیا ہے۔

گزشتہ 8-9 سالوں میں دفاعی شعبے میں آنے والی  تبدیلیوں  کا ذکر کرتے ہوئے وزیراعظم نے کہا کہ ہم نے 2025-2024  تک دفاعی برآمدات کو 1.5 ارب سے 5 ارب تک لے جانے کا ہدف مقرر کیا ہے۔ وزیر اعظم نے کہا،‘‘یہاں سے ہندوستان سب سے بڑے دفاعی مینوفیکچرنگ ممالک میں شامل ہونے کے لیے تیزی سے قدم اٹھائے گا اور ہمارا نجی شعبہ اور سرمایہ کار اس میں بڑا کردار ادا کریں گے۔’’ وزیر اعظم نے پرائیویٹ سیکٹر پر زور دیا کہ وہ دفاعی شعبے میں سرمایہ کاری کریں جس سے ہندوستان اور دیگر کئی ممالک میں ان کے لیے نئے مواقع پیدا ہوں گے۔

جناب  مودی نے امرت کال  کے دوران  ہندوستان  کو  لڑاکا جیٹ طیارے کے پائلٹ سے تشبیہ دیتے ہوئے کہا کہ ‘‘آج کا ہندوستان تیز سوچتا ہے، دور تک سوچتا ہے اور فوری فیصلے لیتا ہے’’،   وزیر اعظم نے کہا کہ ہندوستان ایک ایسی قوم ہے جو خوفزدہ نہیں بلکہ نئی بلندیوں کو چھونے کے لیے پرجوش ہے۔ وزیر اعظم نے زور دے کر کہا کہ ہندوستان ہمیشہ زمین میں اپنی  جڑوں سے جڑا رہتا ہے چاہے وہ کتنی ہی اونچی اڑان  اڑتا ہو۔

وزیر اعظم نے ریمارکس دیے کہ ‘‘ایرو انڈیا کی زبردست ترقیاتی گھن گرج  میں ہندوستان کے ریفارم، پرفارم اور ٹرانسفارم کے پیغام کی بازگشت  سنائی دیتی ہے۔’’  انہوں نے اس بات کا بھی  ذکر کیا کہ پوری دنیا ہندوستان میں‘ کاروبار کرنے میں آسانی’ کے لیے کی گئی اصلاحات کا نوٹس لے رہی ہے اوراس کے ساتھ ہی ساتھ انہوں نے  ایک ایسا ماحول بنانے کے لیے اٹھائے گئے مختلف اقدامات پر بات کی جو عالمی سرمایہ کاری کے ساتھ ساتھ ہندوستانی اختراع کے حق میں ہے۔ انہوں نے دفاع اور دیگر شعبوں میں براہ راست غیر ملکی سرمایہ کاری میں کی جانے والی اصلاحات اور صنعتوں کو لائسنس جاری کرنے کے طریقہ کار کو آسان بنانے کے ساتھ ساتھ ان کی درستگی میں بھی اضافہ کئے جانے سے متعلق امور پر بھی اظہار خیال کیا۔ وزیراعظم نے کہا کہ اس سال کے بجٹ میں مینوفیکچرنگ یونٹس کے لیے ٹیکس مراعات میں اضافہ کیا گیا ہے۔

وزیراعظم نے کہا کہ جہاں ڈیمانڈ ہو، مہارت بھی ہو اور تجربہ بھی ہو، صنعت کی ترقی فطری ہے۔ انہوں نے اجتماع میں شامل حاضرین  کو یقین دلایا کہ اس شعبے کو مضبوط بنانے کی کوششیں مزید مضبوطی سے جاری رہیں گی۔

اپنے خطاب میں، وزیر دفاع  نے دنیا کے سیاسی اور اقتصادی نقشے پر ہندوستان کی رہنمائی کے لیے وزیر اعظم جناب نریندر مودی کی ستائش کی اور ملک کی صنعتی اور اقتصادی ترقی کے تئیں ان کی غیر متزلزل وابستگی کا خصوصی ذکر کیا۔ انہوں نے ایرو انڈیا کو اس عزم کا اظہار قرار دیا۔

جناب راج ناتھ سنگھ نے زور دے کر کہا کہ ہندوستان اپنے کاروباری دوستانہ ماحول اور لاگت کی مسابقت کی وجہ سے مینوفیکچرنگ کا ایک امید افزا مقام بن گیا ہے۔ ہمارے وزیر اعظم کے وژن اور عزم کی وجہ سے ہندوستان دنیا کی پانچویں بڑی معیشت بن گیا ہے۔ اگلے 4-5 سالوں میں تیسری سب سے بڑی معیشت بننا بالکل طے  ہے۔ اس سال ہندوستان کی جی۔20 کی صدارت بھی بین الاقوامی پلیٹ فارمز پر ہندوستان کے بڑھتے ہوئے قد کا عکاس ہے۔

وزیر دفاع نے  ہندوستانی دفاعی شعبے کی ترقی کی کہانی پر بھی روشنی ڈالتے ہوئے کہا کہ اس نے پچھلے کچھ سالوں میں ایک طویل سفر طے کیا ہے اور پورے جوش اور لگن کے ساتھ قوم کو بااختیار بنانے کے راستے پر آگے بڑھ رہا ہے۔ انہوں نے ایرو انڈیا کو ان ستونوں میں سے ایک قرار دیا جس نے دفاعی شعبے کو مضبوط کیا ہے اور اسے ایک نئی شناخت دی ہے۔

جناب راج ناتھ سنگھ نے ایرو انڈیا کے اس 14ویں ایڈیشن میں حصہ لینے والے کئی ممالک کے وزرائے دفاع، افواج کے سربراہوں ، سی ای اوز، حکام اور مندوبین کا خیرمقدم کیا۔ انہوں نے اس حقیقت کی تعریف کی کہ ہندوستان اور بیرون ملک سے 800 سے زائد نمائش کنندگان پانچ روزہ ایونٹ کے دوران اپنی مصنوعات اور ٹیکنالوجیز کی نمائش کریں گے۔ انہوں نے بڑی تعداد میں شرکت کو ہندوستان کی ابھرتی ہوئی کاروباری صلاحیت میں گھریلو اور عالمی کاروباری برادری کے نئے اعتماد کا ثبوت قرار دیا۔ انہوں نے شرکاء پر زور دیا کہ وہ دفاعی مینوفیکچرنگ ہب بننے کی  سمت  میں ہندوستان کے سفر کا حصہ بنیں۔

وزیر دفاع  نے اس تقریب کو بڑے پیمانے پر منعقد کرنے کے لیے کرناٹک کے وزیر اعلیٰ بسواراج بومئی کی بھی ستائش کی۔ انہوں نے کرناٹک کو صنعت کاری میں ایک قائدانہ کردار ادا کرنے والی  اور ہندوستان کی اقتصادی ترقی میں تعاون کرنے والی سب سے نمایاں ریاستوں میں سے ایک قرار دیا۔

اس موقع پر کرناٹک کے گورنر جناب  تھاور چند گہلوت، کرناٹک کے وزیر اعلیٰ بسواراج بومئی، مرکزی وزیر برائے شہری ہوا بازی جناب جیوتی رادتیہ سندھیا اور ریاستی  وزیر دفاع   جناب  اجے بھٹ بھی موجود تھے۔

تقریب کے بارے میں

پانچ روزہ ایونٹ 17 فروری کو اختتام پذیر ہوگا۔ 13 سے 15 فروری کاروباری دن ہوں گے، جبکہ 16 اور 17 کو عوامی دنوں کے طور پر مقرر کیا گیا ہے تاکہ لوگوں کو شو کا مشاہدہ کرنے کی اجازت دی جا سکے۔ تقریب میں وزرائے دفاع کا کنکلیو ، ایک سی ای او گول میز کانفرنس؛ منتھن اسٹارٹ اپ ایونٹ؛ بندھن کی تقریب؛ سانس روک دینے والے ہوا بازی کے مظاہرے؛ ایک بڑی نمائش؛ انڈیا پویلین اور ایرو اسپیس کمپنیوں کا تجارتی میلہ شامل ہیں۔

تقریباً 35,000 مربع میٹر کے رقبے پر واقع ایئر فورس اسٹیشن، یلہنکا میں منعقد ہونے والا یہ ایونٹ، اب تک کا اب تک کا سب سے بڑا ایونٹ ہے، جس میں 98 ممالک کی شرکت کا امکان ہے۔ 32 ممالک کے وزرائے دفاع، 29 ممالک کے فضائیہ کے سربراہ   اور عالمی اور ہندوستانی او ای ایمز او ای ایمز کے 73 سی ای اوز کی اس تقریب میں شرکت متوقع ہے۔ آٹھ سو نو (809) دفاعی کمپنیاں، بشمول ایم ایس ایم ایز اور اسٹارٹ اپ، مخصوص ٹیکنالوجیز میں ترقی اور ایرو اسپیس اور دفاعی شعبے میں ترقی کا مظاہرہ کریں گی۔

بڑے نمائش کنندگان اور سامان

          بڑے نمائش کنندگان میں ایئربس، بوئنگ، ڈسالٹ ایوی ایشن، لاک ہیڈ مارٹن، اسرائیل ایرو اسپیس انڈسٹری، برہموس ایرو اسپیس، آرمی ایوی ایشن، ایچ سی روبوٹکس، ایس اے بی، سفران، رولس روائس، لارسن اینڈ ٹوبرو، بھارت فورج لمیٹڈ، ہندوستان ایروناٹکس (بھارت)، بھارت شامل ہیں۔ الیکٹرانکس لمیٹڈ (بی ای ایل)، بھارت ڈائنامکس لمیٹڈ (بی ڈی ایل) اور بی ای ایم ایل لمیٹڈ۔ تقریباً پانچ لاکھ
حاضرین کی  تقریب میں بذات خود  طور پر شرکت کی توقع ہے اور مزید کئی ملین شائقین  ٹیلی ویژن اور انٹرنیٹ کے ذریعے جڑیں گے۔

ایرو انڈیا 2023 ڈیزائن میں سبقت ، یو اے ویز سیکٹر میں ترقی، دفاعی خلائی اور مستقبل کی ٹیکنالوجیز کی نمائش کرے گا۔ اس تقریب کا مقصد مقامی فضائی پلیٹ فارم جیسے لائٹ کامبیٹ ایئرکرافٹ (ایل سی اے) -تیجاس، ایچ ٹی ٹی-40، ڈورنیئر لائٹ یوٹیلیٹی ہیلی کاپٹر(ایل یو ایچ) ، لائٹ کامبیٹ ہیلی کاپٹر(ایل سی ایچ) اور ایڈوانسڈ لائٹ ہیلی کاپٹر(اے ایل ایچ) کی برآمد کو فروغ دینا ہے۔ یہ گھریلو  ایم ایس ایم ایز اور اسٹارٹ اپس کو عالمی سپلائی چین میں مربوط کرے گا اور غیر ملکی سرمایہ کاری کو راغب کرے گا جس میں مشترکہ ترقی اور مشترکہ پیداوار کے لیے شراکت داری شامل ہے۔

وزرائے دفاع کا اجلاس

    وزیر دفاع  14 فروری کو وزرائے دفاع کے کنکلیو کی میزبانی کریں گے۔ دوست بیرونی ممالک کے وزرائے دفاع اس میٹنگ میں شرکت کریں گے، جس کا انعقاد ’دفاع  کے شعبے میں بہتر طور طریقوں کے ذریعے مشترکہ خوشحالی‘(ایس پی ای ای ڈی) کے موضوع پر کیا گیا ہے۔ کنکلیو میں  صلاحیت کی تعمیر (سرمایہ کاری، تحقیق و ترقی ، مشترکہ منصوبے،  مشترکہ  ترقی، مشترکہ پیداوار اور دفاعی ساز و سامان کی فراہمی)، تربیت، خلائی، مصنوعی ذہانت(اے آئی) اور بحری سلامتی کے ساتھ مل کر بڑھنے کے لیے تعاون سے متعلق پہلوؤں پر تبادلہ خیال کیاجائے گا۔ یہ کنکلیو وزرائے دفاع کے لیے ‘میک ان انڈیا، میک فار دی ورلڈ’ ویژن کو آگے بڑھانے کے لیے ایک دوسرے کے ساتھ مشغول ہونے کا ایک موقع ہے۔

دو طرفہ ملاقاتیں

ایرو انڈیا 2023 کے موقع پر، وزیر دفاع ،  ریاستی وزیر دفاع ، چیف آف ڈیفنس اسٹاف اور دفاعی سکریٹری کی سطح پر کئی دو طرفہ میٹنگیں ہوں گی۔ شراکت داری کو اگلی سطح تک لے جانے کے لیے نئی راہیں تلاش کرکے دوست ممالک کے ساتھ دفاعی اور ایرو اسپیس تعلقات کو مضبوط بنانے پر توجہ مرکوز کی جائے گی۔

سی ای اوز گول میز

وزیر دفاع  کی صدارت میں ‘سی ای اوز راؤنڈ ٹیبل’ 13 فروری کو‘آسمان بھی آخری  حد نہیں ہے: سرحدوں  سے آگے مواقع’ کے موضوع پر منعقد ہوگا۔ اس سے صنعتی شراکت داروں اور حکومت کے درمیان ‘میک ان انڈیا’  مہم کو تقویت دینے کے لیے مزید مضبوط تعامل کی بنیاد رکھنے کی امید ہے۔ اس سے ہندوستان میں ‘ کاروبار کرنے میں آسانی’ میں مزید اضافہ متوقع ہے اور ہندوستان میں مینوفیکچرنگ کے لیے اوریجنل ایکوپمنٹ مینوفیکچررز (او ای ایمز) کو ایک سازگار پلیٹ فارم مہیا ہوگا۔

گول میز کانفرنس میں 26 ممالک کے حکام، مندوبین اور عالمی سی ای او بشمول عالمی سرمایہ کار جیسے بوئنگ، لاک ہیڈ، اسرائیل ایرو اسپیس انڈسٹریز، جنرل اٹامکس، لائبرر گروپ، ریتھیون ٹیکنالوجیز، سفران، جنرل اتھارٹی آف ملٹری انڈسٹریز(جی اے ایم آئی)  وغیرہ کی شرکت کا مشاہدہ کریں گے۔ گھریلو پی ایس یوز جیسےایچ اے ایل، بی ای ایل، بی ڈی ایل، بی ای ایم ایل لمٹیڈ اور مشرا دھاتو نگم لمٹیڈ بھی شرکت کریں گے۔ ہندوستان کی پریمیئر پرائیویٹ ڈیفنس اور ایرو اسپیس مینوفیکچرنگ کمپنیاں جیسے کہ لارسن اینڈ ٹوبرو، بھارت فورج، ڈائنمیٹک ٹیکنالوجیز، برہموس ایرو اسپیس بھی اس تقریب کا حصہ ہوں گی۔

بندھن کی تقریب

          بندھن کی تقریب، جس میں مفاہمت کی یادداشتوں/معاہدوں، ٹیکنالوجیز کی منتقلی، پروڈکٹ کے اجراء اور دیگر بڑے اعلانات پر دستخط ہوتے ہیں، 15 فروری کو منعقد ہوں گے۔ وزیر دفاع  تقریب کی صدارت کریں گے۔ مختلف ہندوستانی/غیر ملکی دفاعی کمپنیوں اور تنظیموں کے درمیان شراکت داری کے لیے 75,000 کروڑ روپے کی متوقع سرمایہ کاری کے ساتھ 251  مفاہمت ناموں پر دستخط کیے جانے کا امکان ہے۔

منتھن

سالانہ دفاعی اختراعی تقریب، منتھن، 15 فروری کو منعقد ہونے والا فلیگ شپ ٹیکنالوجی شوکیس ایونٹ ہوگا۔ انوویشنز فار ڈیفنس ایکسی لینس (آئی ڈی ای ایکس) کے زیر اہتمام، منتھن پلیٹ فارم دفاع اور ایرو اسپیس ایکو سسٹم کے سرکردہ اختراع کاروں، اسٹارٹ اپس، ایم ایس ایم ایز ، انکیوبیٹرز، تعلیمی برادری  اور سرمایہ کاروں کو ایک مقام پر  جمع کرے گا۔ وزیر دفاع تقریب کی صدارت کریں گے۔

منتھن بہت سے پہلو کا احاطہ کرے گا،  جس میں  سائبر سیکیورٹی پر چیلنجز کا آغاز، آئی ڈی ای ایکس انوسٹر ہب کا قیام، سرمایہ کاروں کے ساتھ مفاہمت نامے وغیرہ شامل ہیں۔ منتھن 2023آئی ڈی ای ایکس  کے مستقبل کے وژن/اگلے اقدامات پر ایک جائزہ فراہم کرے گا تاکہ جدت  طرازی کو فروغ دینے کے لیے اسٹارٹ اپ ماحولیاتی نظام اور دفاعی شعبے میں ٹیکنالوجی کی ترقی کو تقویت ملے ۔

انڈیا پویلین

’انڈیا پویلین‘، ’فکسڈ ونگ پلیٹ فارم‘ تھیم پر مبنی، مستقبل کے امکانات سمیت اس علاقے میں ہندوستان کی ترقی کو ظاہر کرے گا۔ کل 115 کمپنیاں ہوں گی،  جو اپنی  227 مصنوعات نمائش کے لئے پیش کریں گی۔ یہ فکسڈ ونگ پلیٹ فارم کے لیے ایک ماحولیاتی نظام تیار کرنے میں ہندوستان کی ترقی پر مزید روشنی ڈالے گا جس میں پرائیویٹ پارٹنرز کی طرف سے تیار کیے جانے والے ایل سی  اے۔تیجس ہوائی جہاز کے مختلف ساختی ماڈیول، سمیلیٹر، سسٹم (ایل آر یوز) وغیرہ کا مظاہرہ شامل ہے۔ دفاعی نظام، نئی ٹیکنالوجیز اور یو اے وی سیکشن کے لیے ایک سیکشن بھی ہوگا جو ہر شعبے میں ہندوستان کی ترقی کے بارے میں معلومات فراہم کرے گا۔

مکمل آپریشنل صلاحیت(ایف او سی) کنفیگریشن میں ایک فل سکیل ایل سی اے۔ تیجس ہوائی جہاز انڈیا پویلین کے مرکزی مرحلے میں ہوگا۔ ایل سی اے تیجس ایک واحد انجن، ہلکا وزن، انتہائی چست، ملٹی رول سپرسونک فائٹر ہے۔ اس میں کیواڈرپلیکس ڈیجیٹل فلائی بائی وائر فلائٹ کنٹرول سسٹم(ایف سی ایس) ہے جس میں متعلقہ جدید فلائٹ کنٹرول قوانین ہیں۔ ڈیلٹا ونگ والے طیارے کو ‘فضائی جنگ ’ اور‘ حملہ آوارانہ  فضائی مدد’ کے لیے ڈیزائن کیا گیا ہے جس میں ‘ جاسوسی ’ اور ‘اینٹی شپ’ اس کے ثانوی کردار ہیں۔ ائیر فریم میں جدید کمپوزٹس کا وسیع استعمال وزن کے تناسب، طویل مشقتی پروگراموں  اور نیچے ریڈار کی خصوصیات کو  بڑی  طاقت دیتا ہے۔

کرناٹک پویلین

ایرو انڈیا 2023 میں ایک علیحدہ کرناٹک پویلین ہوگا جو شرکاء کے سامنے  ریاست میں دستیاب مواقع کی نمائش کرے گا۔

سیمینارز

          پانچ روزہ ایونٹ کے دوران متعدد سیمینارو ں  کا انعقاد کیا جائے گا۔ سیمیناروں میں شامل کئے جانے والے موضوعات میں شامل ہیں ‘ہندوستانی دفاعی صنعت کے لیے سابق فوجیوں کی صلاحیت کو بروئے کار لانا۔ ہندوستان کا دفاعی خلائی اقدام: ہندوستانی نجی خلائی ماحولیاتی نظام کی تشکیل کے مواقع؛ ایرو انجن سمیت مستقبل کی ایرو اسپیس ٹیکنالوجیز کی مقامی ترقی؛ منزل مقصود کرناٹک: امریکہ بھارت دفاعی تعاون کی جدت اور میک ان انڈیا؛ سمندری نگرانی کے آلات اور اثاثوں میں ترقی؛ ایم آر او اور  آلات کی  فرسودگی  میں کمی اور ایرو آرمامنٹ سسٹیننس میں دفاعی گریڈ ڈرون اور آتم نربھربھارت میں بہترین کارکردگی کا حصول۔

*************

 ( ش ح ۔ س ب۔ ر ض(

U. No.1573