ਮਹਿਲਾ ਆਰਥਿਕ ਪ੍ਰਤੀਨਿਧਤਾ ਦੇ ਸਸ਼ਕਤੀਕਰਨ ਅਤੇ ਪ੍ਰਗਤੀ (ਐਮਪਾਵਰ) ਲਈ ਜੀ20 ਅਲਾਇੰਸ, ਜੀ20 ਬਿਜ਼ਨਸ ਲੀਡਰਾਂ ਅਤੇ ਸਰਕਾਰਾਂ ਦਾ ਇੱਕ ਗਠਜੋੜ ਹੈ ਜਿਸਦਾ ਉਦੇਸ਼ ਪ੍ਰਾਈਵੇਟ ਸੈਕਟਰ ਵਿੱਚ ਔਰਤਾਂ ਦੀ ਅਗਵਾਈ ਅਤੇ ਸਸ਼ਕਤੀਕਰਨ ਨੂੰ ਤੇਜ਼ ਕਰਨਾ ਹੈ।

ਜੀ20 ਐਮਪਾਵਰ ਦਾ ਵਿਜ਼ਨ "ਜੀ20 ਦੇਸ਼ਾਂ ਵਿੱਚ ਔਰਤਾਂ ਦੀ ਅਗਵਾਈ ਅਤੇ ਸਸ਼ਕਤੀਕਰਨ ਨੂੰ ਤੇਜ਼ ਕਰਨ ਲਈ ਕਾਰੋਬਾਰਾਂ ਅਤੇ ਸਰਕਾਰਾਂ ਵਿਚਕਾਰ ਸਭ ਤੋਂ ਵੱਧ ਸੰਮਿਲਿਤ ਅਤੇ ਕਾਰਵਾਈ- ਸੰਚਾਲਿਤ ਗੱਠਜੋੜ ਬਣਨਾ" ਹੈ।

ਭਾਰਤ ਦੀ ਜੀ20 ਪ੍ਰੈਜ਼ੀਡੈਂਸੀ ਔਰਤਾਂ ਦੇ ਆਰਥਿਕ ਸਸ਼ਕਤੀਕਰਨ ਲਈ ਸਮਾਵੇਸ਼ੀ, ਬਰਾਬਰੀ, ਅਕਾਂਖੀ, ਨਿਰਣਾਇਕ ਅਤੇ ਐਕਸ਼ਨ-ਅਧਾਰਿਤ ਹੈ ਜੋ ਪਰਿਵਰਤਨਕਾਰੀ ਤਬਦੀਲੀਆਂ ਵੱਲ ਲੈ ਕੇ ਜਾ ਰਿਹਾ ਹੈ।

ਭਾਰਤ ਦੀ ਪ੍ਰਧਾਨਗੀ ਹੇਠ ਜੀ20 ਐਮਪਾਵਰ 2023 ਔਰਤਾਂ ਦੇ ਵਿਕਾਸ ਤੋਂ ਔਰਤਾਂ ਦੀ ਅਗਵਾਈ ਵਾਲੇ ਵਿਕਾਸ ਵੱਲ ਜਾਣ ਨੂੰ ਤਰਜੀਹ ਦੇ ਰਿਹਾ ਹੈ। ਇਸ ਦਾ ਉਦੇਸ਼ ਔਰਤਾਂ ਦੀ ਅਗਵਾਈ ਵਾਲੀ ਉੱਦਮਤਾ ਵੱਲ ਤਬਦੀਲੀ ਨੂੰ ਤੇਜ਼ ਕਰਦੇ ਹੋਏ ਚੁਣੌਤੀਆਂ ਨੂੰ ਮੌਕਿਆਂ ਵਿੱਚ ਬਦਲਣਾ ਅਤੇ ਵਰਕ ਫੋਰਸ ਵਿੱਚ ਔਰਤਾਂ ਦੀ ਵਧੇਰੇ ਸ਼ਮੂਲੀਅਤ ਕਰਨਾ ਹੈ।

ਮਹਿਲਾ ਅਤੇ ਬਾਲ ਵਿਕਾਸ ਮੰਤਰਾਲਾ ਜੀ-20 ਸ਼ਕਤੀਕਰਨ ਲਈ ਭਾਰਤ ਦਾ ਨੋਡਲ ਮੰਤਰਾਲਾ ਹੈ।  ਡਾ. ਸੰਗੀਤਾ ਰੈੱਡੀ, ਜੁਆਇੰਟ ਮੈਨੇਜਿੰਗ ਡਾਇਰੈਕਟਰ, ਅਪੋਲੋ ਹਸਪਤਾਲ ਐਂਟਰਪ੍ਰਾਈਜਿਜ਼ ਲਿਮਟਿਡ, ਭਾਰਤ ਦੀ ਜੀ-20 ਪ੍ਰੈਜ਼ੀਡੈਂਸੀ ਦੌਰਾਨ ਐਮਪਾਵਰ 2023 ਦੀ ਚੇਅਰ ਹਨ। ਭਾਰਤ ਦੀ ਜੀ20 ਪ੍ਰੈਜ਼ੀਡੈਂਸੀ ਦੇ ਅਧੀਨ, ਇਮਪਾਵਰ ਫਰਵਰੀ, ਅਪ੍ਰੈਲ, ਅਤੇ ਜੂਨ 2023 ਵਿੱਚ ਕ੍ਰਮਵਾਰ ਆਗਰਾ, ਤਿਰੂਵਨੰਤਪੁਰਮ ਅਤੇ ਭੋਪਾਲ ਵਿੱਚ ਤਿੰਨ ਮੀਟਿੰਗਾਂ ਦੀ ਮੇਜ਼ਬਾਨੀ ਕਰੇਗਾ।

ਇਨ੍ਹਾਂ ਮੀਟਿੰਗਾਂ ਵਿੱਚ ਥੀਮੈਟਿਕ ਚਰਚਾ ਤੋਂ ਪੈਦਾ ਹੋਈ ਸਹਿਮਤੀ ਜੀ20 ਐਮਪਾਵਰ 2023 ਲਈ ਕਮਿਊਨੀਕ ਦਾ ਹਿੱਸਾ ਬਣੇਗੀ ਅਤੇ ਜੀ-20 ਲੀਡਰਾਂ ਨੂੰ ਸਿਫ਼ਾਰਸ਼ਾਂ ਵਜੋਂ ਪ੍ਰਦਾਨ ਕੀਤੀ ਜਾਵੇਗੀ।

ਜੀ20 ਐਮਪਾਵਰ 2023 ਇਕੁਇਟੀ ਅਤੇ ਆਰਥਿਕਤਾ, ਦੋਵਾਂ ਲਈ ਇੱਕ ਜਿੱਤ ਵਜੋਂ;  ਜ਼ਮੀਨੀ ਪੱਧਰ ਅਤੇ ਸਿੱਖਿਆ ਵਿੱਚ ਔਰਤਾਂ ਦੀ ਅਗਵਾਈ ਨੂੰ ਉਤਸ਼ਾਹਿਤ ਕਰਨ ਲਈ ਇੱਕ ਸਾਂਝੇਦਾਰੀ ਬਣਾਉਣ ਲਈ ਔਰਤਾਂ ਦੇ ਸਸ਼ਕਤੀਕਰਨ ਲਈ ਗੇਮ ਚੇਂਜਰ ਪਾਥਵੇ ਵਜੋਂ, ਔਰਤਾਂ ਦੀ ਉੱਦਮਤਾ 'ਤੇ ਧਿਆਨ ਕੇਂਦਰਿਤ ਕਰੇਗਾ। ਡਿਜੀਟਲ ਸਕਿੱਲਿੰਗ ਤਿੰਨ ਫੋਕਸ ਖੇਤਰਾਂ ਵਿੱਚ ਇੱਕ ਕਰਾਸ-ਕਟਿੰਗ ਥੀਮ ਹੋਵੇਗੀ।

ਆਗਰਾ, ਉੱਤਰ ਪ੍ਰਦੇਸ਼ ਵਿਖੇ 11 ਤੋਂ 12 ਫਰਵਰੀ ਨੂੰ ਹੋਣ ਵਾਲੀ ਸ਼ੁਰੂਆਤੀ ਮੀਟਿੰਗ ਵਿੱਚ ਜੀ20 ਦੇਸ਼ਾਂ, ਮਹਿਮਾਨ ਦੇਸ਼ਾਂ, ਅੰਤਰਰਾਸ਼ਟਰੀ ਸੰਸਥਾਵਾਂ ਅਤੇ ਨਿੱਜੀ ਖੇਤਰ ਦੀਆਂ ਮਹਿਲਾ ਲੀਡਰਾਂ ਦਾ ਸੁਆਗਤ ਕੀਤਾ ਜਾਵੇਗਾ। ਮੀਟਿੰਗ ਦਾ ਵਿਸ਼ਾ ਹੈ “ਸਾਰੇ ਸੈਕਟਰਾਂ ਵਿੱਚ ਅਗਵਾਈ ਕਰਨ ਲਈ ਔਰਤਾਂ ਦਾ ਸਸ਼ਕਤੀਕਰਨ: ਡਿਜੀਟਲ ਹੁਨਰ ਅਤੇ ਭਵਿੱਖ ਦੇ ਹੁਨਰ ਦੀ ਭੂਮਿਕਾ”।

ਮਹਿਲਾ ਅਤੇ ਬਾਲ ਵਿਕਾਸ ਅਤੇ ਘੱਟ ਗਿਣਤੀ ਮਾਮਲਿਆਂ ਦੇ ਮਾਣਯੋਗ ਮੰਤਰੀ, ਸ਼੍ਰੀਮਤੀ ਸਮ੍ਰਿਤੀ ਜ਼ੁਬਿਨ ਇਰਾਨੀ ਸ਼ੁਰੂਆਤੀ ਮੀਟਿੰਗ ਦੀ ਸ਼ੋਭਾ ਵਧਾਉਣਗੇ ਅਤੇ ਉਦਘਾਟਨੀ ਸੈਸ਼ਨ ਵਿੱਚ ਔਰਤਾਂ ਦੀ ਅਗਵਾਈ ਵਾਲੇ ਵਿਕਾਸ ਬਾਰੇ ਆਪਣੇ ਕੀਮਤੀ ਵਿਚਾਰ ਸਾਂਝਾ ਕਰਨਗੇ। ਮੰਤਰੀ ਇਰਾਨੀ ਨੇ ਇਟਲੀ ਵਿੱਚ ਪਹਿਲੀ ਵਾਰ ਮਹਿਲਾ ਸਸ਼ਕਤੀਕਰਨ 'ਤੇ ਜੀ20 ਮੰਤਰੀ ਪੱਧਰ ਦੀ ਮੀਟਿੰਗ ਵਿੱਚ ਆਪਸੀ ਸਹਿਯੋਗ ਰਾਹੀਂ ਲਿੰਗ ਅਤੇ ਮਹਿਲਾ-ਕੇਂਦ੍ਰਿਤ ਮੁੱਦਿਆਂ ਨੂੰ ਹੱਲ ਕਰਨ ਪ੍ਰਤੀ ਭਾਰਤ ਦੀ ਵਚਨਬੱਧਤਾ ਦੀ ਪੁਸ਼ਟੀ ਕੀਤੀ ਸੀ। ਬਾਲੀ ਵਿੱਚ ਜੀ20 ਮਹਿਲਾ ਮੰਤਰੀ ਪੱਧਰੀ ਮੀਟਿੰਗ ਵਿੱਚ, ਮਾਣਯੋਗ ਮੰਤਰੀ ਨੇ ਭਾਰਤ ਦੁਆਰਾ ਔਰਤਾਂ ਦੇ ਸਰਵਪੱਖੀ ਵਿਕਾਸ ਅਤੇ ਔਰਤਾਂ ਦੇ ਵਿਕਾਸ ਤੋਂ ਔਰਤਾਂ ਦੀ ਅਗਵਾਈ ਵਾਲੇ ਵਿਕਾਸ ਵਿੱਚ ਤਬਦੀਲੀ ਦੀ ਯਾਤਰਾ ਦੀ ਅਗਵਾਈ ਕਰਨ ਵਾਲੀ ਟੈਕਨੋਲੋਜੀ ਦਾ ਲਾਭ ਉਠਾਉਣ ਲਈ ਭਾਰਤ ਦੁਆਰਾ ਚੁੱਕੇ ਗਏ "ਪਰਿਵਰਤਨਕਾਰੀ" ਉਪਾਵਾਂ ਨੂੰ ਸਾਂਝਾ ਕੀਤਾ ਸੀ। ਬਾਲੀ ਇੰਡੋਨੇਸ਼ੀਆ ਵਿਖੇ ਜੀ20 ਇਮਪਾਵਰ 2022 ਦੇ ਸਮਾਪਤੀ ਸਮਾਰੋਹ ਵਿੱਚ, ਮਾਣਯੋਗ ਮੰਤਰੀ ਨੇ ਡਿਜੀਟਲ ਲਿੰਗ ਪਾੜੇ ਨੂੰ ਪੂਰਾ ਕਰਨ ਅਤੇ ਸਟੈੱਮ (STEM), ਏਆਈ ਅਤੇ ਭਵਿੱਖ ਦੇ ਹੁਨਰ ਵਿੱਚ ਔਰਤਾਂ ਦੀ ਭਾਗੀਦਾਰੀ ਵਧਾਉਣ ਦੀ ਲੋੜ 'ਤੇ ਜ਼ੋਰ ਦਿੱਤਾ।

ਮਹਿਲਾ ਅਤੇ ਬਾਲ ਵਿਕਾਸ ਅਤੇ ਆਯੁਸ਼ ਮੰਤਰਾਲੇ ਦੇ ਰਾਜ ਮੰਤਰੀ, ਡਾ. ਮੁੰਜਪਾਰਾ ਮਹਿੰਦਰਭਾਈ ਵੀ ਭਾਰਤ ਵਿੱਚ ਮਹਿਲਾ ਸਸ਼ਕਤੀਕਰਨ ਪਹਿਲਾਂ 'ਤੇ ਸਨਮਾਨਤ ਇਕੱਠ ਨੂੰ ਸੰਬੋਧਨ ਕਰਨਗੇ। ਭਾਰਤ ਦੇ ਜੀ20 ਸ਼ੇਰਪਾ ਸ਼੍ਰੀ ਅਮਿਤਾਭ ਕਾਂਤ ਭਾਰਤ ਦੇ ਜੀ20 ਸ਼ੇਰਪਾ ਦੇ ਰੂਪ ਵਿੱਚ ਇਮਪਾਵਰ 2023 'ਤੇ ਆਪਣੇ ਵਿਚਾਰ ਸਾਂਝੇ ਕਰਨਗੇ। ਸ਼੍ਰੀ ਇੰਦਰਵਰ ਪਾਂਡੇ, ਸਕੱਤਰ, ਮਹਿਲਾ ਅਤੇ ਬਾਲ ਵਿਕਾਸ ਮੰਤਰਾਲੇ, ਜੀ20 ਸਕੱਤਰੇਤ, ਭਾਰਤ ਸਰਕਾਰ ਅਤੇ ਉੱਤਰ ਪ੍ਰਦੇਸ਼ ਸਰਕਾਰ ਦੇ ਸੀਨੀਅਰ ਅਧਿਕਾਰੀ ਵੀ ਇਨਸੈਪਸ਼ਨ ਮੀਟਿੰਗ ਵਿੱਚ ਮੌਜੂਦ ਹੋਣਗੇ।

ਦੋ-ਦਿਨਾਂ ਜੀ20 ਐਮਪਾਵਰ ਇਨਸੈਪਸ਼ਨ 'ਤੇ ਵਿਚਾਰ-ਵਟਾਂਦਰੇ, ਅਗਾਮੀ ਮੀਟਿੰਗਾਂ ਲਈ ਸੰਦਰਭ ਨਿਰਧਾਰਿਤ ਕਰਨਗੇ ਅਤੇ ਇਸ ਗੱਲ ਨੂੰ ਪ੍ਰਭਾਵਤ ਕਰਨਗੇ ਕਿ ਭਵਿੱਖ ਵਿੱਚ ਹਰ ਵਰਗ ਦੀਆਂ ਔਰਤਾਂ ਲਈ ਕੀ ਹੋਵੇਗਾ। ਇਨ੍ਹਾਂ ਸੰਵਾਦਾਂ ਦੇ ਦੌਰਾਨ ਮੁੱਖ ਗੱਲਾਂ ਵਿੱਚ ਡਿਜੀਟਲ ਹੁਨਰ ਦੁਆਰਾ ਔਰਤਾਂ ਦੀ ਲੀਡਰਸ਼ਿਪ ਨੂੰ ਮੁੜ ਪਰਿਭਾਸ਼ਿਤ ਕਰਨਾ;  ਜ਼ਮੀਨੀ ਪੱਧਰ ਦੀ ਕਮਿਊਨਿਟੀ ਲੀਡਰਸ਼ਿਪ;  ਗੈਰ-ਰਵਾਇਤੀ ਕਾਰਜਬਲ ਵਿੱਚ ਔਰਤਾਂ ਦੀ ਭਾਗੀਦਾਰੀ ਨੂੰ ਵਧਾਉਣਾ;  ਔਰਤਾਂ ਦੀ ਅਗਵਾਈ ਵਾਲੀ ਉੱਦਮਤਾ, ਆਦਿ ਲਈ ਸਰਵੋਤਮ ਵਿਵਹਾਰਾਂ ਨੂੰ ਅਪਣਾਉਣਾ ਸ਼ਾਮਲ ਹੋਵੇਗਾ।

ਜੀ20 ਸ਼ਕਤੀਕਰਨ ਦੇ ਯਤਨ ਜੀ20 ਦੇਸ਼ਾਂ ਵਿੱਚ ਮਹਿਲਾ-ਕੇਂਦ੍ਰਿਤ ਨੀਤੀਆਂ ਨੂੰ ਮਜ਼ਬੂਤ ​​ਕਰਨ ਵੱਲ ਇੱਕ ਮਹੱਤਵਪੂਰਨ ਕਦਮ ਹਨ। ਡਿਜੀਟਲ ਲਿੰਗ ਅੰਤਰ ਨੂੰ ਖ਼ਤਮ ਕਰਨਾ ਜ਼ਰੂਰੀ ਹੈ, ਡਿਜੀਟਲ ਲਿੰਗ ਸਮਾਵੇਸ਼ ਨੂੰ ਉਤਸ਼ਾਹਿਤ ਕਰਨਾ ਅਤੇ ਇਸ ਪਾੜੇ ਦੇ ਮੂਲ ਕਾਰਨਾਂ ਨੂੰ ਦੂਰ ਕਰਨਾ ਪ੍ਰਗਤੀ ਨੂੰ ਤੇਜ਼ ਕਰੇਗਾ।

ਵੱਖ-ਵੱਖ ਰਾਜਾਂ ਤੋਂ ਔਰਤਾਂ ਦੀ ਅਗਵਾਈ ਵਾਲੇ ਸੂਖਮ ਉੱਦਮਾਂ, ਮਹਿਲਾ ਕਾਰੀਗਰਾਂ ਅਤੇ ਸ਼ਿਲਪਕਾਰੀ ਵਿਅਕਤੀਆਂ ਦੇ ਕੰਮ ਨੂੰ ਪ੍ਰਦਰਸ਼ਿਤ ਕਰਨ ਲਈ ਸਮਾਗਮ ਦੌਰਾਨ ਇੱਕ ਪ੍ਰਦਰਸ਼ਨੀ ਵੀ ਨਾਲੋ-ਨਾਲ ਚੱਲੇਗੀ। ਇਹ ਪ੍ਰਦਰਸ਼ਨੀ ਸਿਹਤ, ਵਿੱਤੀ ਸਮਾਵੇਸ਼, ਡਿਜੀਟਲ ਹੁਨਰ ਆਦਿ ਦੇ ਖੇਤਰਾਂ ਵਿੱਚ ਜ਼ਮੀਨੀ ਪੱਧਰ 'ਤੇ ਔਰਤਾਂ ਦੇ ਯੋਗਦਾਨ ਨੂੰ ਵੀ ਉਜਾਗਰ ਕਰੇਗੀ।

ਇਸ ਤੋਂ ਇਲਾਵਾ, ਜੀ20 ਐਮਪਾਵਰ ਇਨਸੈਪਸ਼ਨ ਮੀਟਿੰਗ ਵਿੱਚ ਉੱਤਰ ਪ੍ਰਦੇਸ਼ ਦੀ ਵਿਰਾਸਤ ਨੂੰ ਪ੍ਰਦਰਸ਼ਿਤ ਕਰਨ ਵਾਲੇ ਇਤਿਹਾਸਕ ਸਮਾਰਕਾਂ ਦੇ ਦੌਰੇ ਸਮੇਤ ਸੱਭਿਆਚਾਰਕ ਅਤੇ ਸੰਗੀਤਕ ਅੰਤਰਾਲ ਅਤੇ ਸਮਾਗਮ ਹੋਣਗੇ।

ਡੈਲੀਗੇਟਾਂ ਲਈ ਸਵੇਰ ਦੇ ਯੋਗ ਸੈਸ਼ਨਾਂ ਦੀ ਯੋਜਨਾ ਬਣਾਈ ਗਈ ਹੈ;  ਭਾਗੀਦਾਰਾਂ ਨੂੰ ਭਾਰਤ ਦੇ ਰਵਾਇਤੀ ਅਭਿਆਸਾਂ ਅਤੇ ਵਧੀਆ ਪਕਵਾਨਾਂ ਦਾ ਅਨੁਭਵ ਕਰਨ ਲਈ ਸਮਾਗਮਾਂ ਦੌਰਾਨ ਸਥਾਨਕ ਪਕਵਾਨ ਅਤੇ ਬਾਜਰੇ ‘ਤੇ ਆਧਾਰਿਤ ਭੋਜਨ ਵੀ ਪਰੋਸਿਆ ਜਾਵੇਗਾ।

ਜੀ20 ਐਮਪਾਵਰ ਇੰਡੋਨੇਸ਼ੀਆ ਦੀ ਚੇਅਰਪਰਸਨ ਦਾ ਅਹੁਦਾ ਸੰਭਾਲਣ ਸਮੇਂ, ਡਾ. ਸੰਗੀਤਾ ਰੈੱਡੀ, ਚੇਅਰ ਜੀ20 ਐਮਪਾਵਰ ਨੇ ਇਸ ਗੱਲ 'ਤੇ ਜ਼ੋਰ ਦਿੱਤਾ ਕਿ ਕਿਰਤ ਸ਼ਕਤੀ ਦੀ ਭਾਗੀਦਾਰੀ ਵਿੱਚ ਲਿੰਗ ਸਮਾਨਤਾ ਨੂੰ ਪ੍ਰਾਪਤ ਕਰਨਾ ਅਤੇ "25 ਗੁਣਾ 25" ਨੂੰ ਪ੍ਰਾਪਤ ਕਰਨ ਦਾ ਜੀ20 ਏਜੰਡਾ ਇੱਕ ਮਹੱਤਵਪੂਰਨ ਮੀਲ ਪੱਥਰ ਹੈ ਜਿਸਨੂੰ ਹਾਸਲ ਕਰਨ ਦੀ ਸਾਨੂੰ ਲੋੜ ਹੈ।  ਉਨ੍ਹਾਂ ਨੇ ਸਾਰੀਆਂ ਔਰਤਾਂ ਜੋ ਸੱਤਾ ਦੇ ਅਹੁਦਿਆਂ 'ਤੇ ਹਨ ਅਤੇ ਪੁਰਸ਼ ਜੋ ਲਿੰਗ ਸਮਾਨਤਾ ਦੀ ਕੀਮਤ ਨੂੰ ਸਮਝਦੇ ਹਨ, ਅੱਗੇ ਵਧਣ ਅਤੇ ਸਹਿਯੋਗੀ ਅਤੇ ਠੋਸ ਕਾਰਵਾਈਆਂ ਨਾਲ ਇੱਕ ਬਰਾਬਰੀ ਵਾਲਾ ਸੰਸਾਰ ਬਣਾਉਣ ਵਿੱਚ ਮਦਦ ਕਰਨ ਦੀ ਅਪੀਲ ਕੀਤੀ। ਸਿੱਖਿਆ, ਸਿਖਲਾਈ, ਡਿਜੀਟਲ ਹੁਨਰ, ਟਿਕਾਊ ਵਿੱਤ ਅਤੇ ਬਰਾਬਰ ਕੰਮ ਲਈ ਬਰਾਬਰ ਤਨਖਾਹ ਕੁਝ ਅਜਿਹੇ ਕਾਰਕ ਹਨ ਜੋ ਔਰਤਾਂ ਨੂੰ ਰੋਜ਼ਗਾਰ, ਉੱਦਮਤਾ ਨੂੰ ਵਧਾਉਣ ਅਤੇ "ਅੰਮ੍ਰਿਤ ਕਾਲ (ਸੁਨਹਿਰੀ ਯੁੱਗ)" ਵਿੱਚ ਇੱਕ ਵਿਕਸਿਤ ਰਾਸ਼ਟਰ ਬਣਾਉਣ ਵਿੱਚ ਮਦਦ ਕਰਨਗੇ।

ਜੀ20 ਐਮਪਾਵਰ ਦੀ ਵੈੱਬਸਾਈਟ ਭਾਰਤ ਦੀ ਜੀ20 ਪ੍ਰੈਜ਼ੀਡੈਂਸੀ ਦੌਰਾਨ ਸਾਰੀਆਂ ਐਮਪਾਵਰ ਗਤੀਵਿਧੀਆਂ ਅਤੇ ਫੋਕਸ ਖੇਤਰਾਂ 'ਤੇ ਸੂਚਨਾ ਅਤੇ ਸੰਸਾਧਨ ਕੇਂਦਰ ਵਜੋਂ ਕੰਮ ਕਰੇਗੀ। ਵੈੱਬਸਾਈਟ ਦਾ ਉਦੇਸ਼ ਲੋਕਾਂ ਤੱਕ ਐਮਪਾਵਰ ਦੇ ਸੰਦੇਸ਼ - "ਯਤ੍ਰ ਨਾਰਯਸ੍ਤੁ ਪੂਜਯਨ੍ਤੇ ਰਮਨ੍ਤੇ ਤਤ੍ਰ ਦੇਵਤਾ" ਯਾਨੀ ਜਦੋਂ ਔਰਤਾਂ ਦਾ ਸਨਮਾਨ ਕੀਤਾ ਜਾਂਦਾ ਹੈ, ਤਾਂ ਉੱਥੇ ਬ੍ਰਹਮਤਾ ਖਿੜਦੀ ਹੈ, ਨੂੰ ਲੈ ਕੇ ਜਾਣਾ ਹੈ।

ਇਸ ਸੱਭਿਆਚਾਰਕ ਅਤੇ ਸਭਿਅਤਾ ਦੇ ਲੋਕਾਚਾਰ ਨੂੰ ਅੱਗੇ ਵਧਾਉਂਦੇ ਹੋਏ, ਭਾਰਤ ਦਾ ਮੰਨਣਾ ਹੈ ਕਿ ਲਿੰਗ ਏਜੰਡਾ ਜ਼ਰੂਰੀ ਹੈ ਅਤੇ ਇਸਨੂੰ ਕੇਂਦਰ ਵਿੱਚ ਰੱਖਿਆ ਜਾਣਾ ਚਾਹੀਦਾ ਹੈ। ਭਾਰਤ ਦੀ ਪ੍ਰਧਾਨਗੀ ਹੇਠ ਜੀ20 ਐਮਪਾਵਰ 2023 ਔਰਤਾਂ ਦੇ ਸਸ਼ਕਤੀਕਰਨ, ਉਨ੍ਹਾਂ ਦੀਆਂ ਅਕਾਂਖਿਆਵਾਂ ਦਾ ਸਮਰਥਨ ਕਰਨ ਅਤੇ ਜੀ20 ਦੇਸ਼ਾਂ ਵਿੱਚ ਔਰਤਾਂ ਅਤੇ ਲੜਕੀਆਂ ਲਈ ਢੁਕਵੇਂ ਮੌਕੇ ਪੈਦਾ ਕਰਨ ਲਈ ਇੱਕ ਵਾਤਾਵਰਣ ਪ੍ਰਣਾਲੀ ਬਣਾਉਣ ਲਈ ਇੱਕ ਉਤਪ੍ਰੇਰਕ ਹੋਣ ਦਾ ਵਾਅਦਾ ਕਰਦਾ ਹੈ।

 **********

ਐੱਸਐੱਸ/ਆਈਜੀ