ہمارے متحرک وزیر اعظم کی ترغیب سے اور کھادی کپاس بنانے والوں کے تعاون کو ذہن میں رکھتے ہوئے، کے وی آئی سی کی اپنی 694ویں میٹنگ کے دوران، جو 30 جنوری 2023 کو کچھ، گجرات میں کھادی اور گاؤں کی صنعت کمیشن نے جناب منوج کمار کی صدارت میں منعقد کی۔ آمدنی پیدا کرنے کے لیے اجرت 7.50 روپے فی ہانک سے بڑھا کر 10 روپے فی ہانک کرنے کا تاریخی فیصلہ، جس سے کاریگروں کی ماہانہ آمدنی میں تقریباً 33 فیصد اور بنکروں کی اجرت میں 10 فیصد اضافہ ہو گا۔ اس فیصلے کا اطلاق یکم اپریل2023 سے ہوگا۔

جیسا کہ ہم سب جانتے ہیں کہ سودیشی کو فروغ دینے کے لیے وزیر اعظم جناب نریندر مودی مسلسل قومی اور بین الاقوامی فورمز پر کھادی اور دیہی صنعت کی مصنوعات خریدنے کی اپیل کر رہے ہیں جس کا مقصد غریب ترین لوگوں کے ہاتھ میں کام دینا اور ان کی آمدنی میں اضافہ کرنا ہے، اس کے نتیجے میں ہمارے دستکاروں کے ہاتھ میں زیادہ آمدنی آئے گی۔

وزیر اعظم جناب نریندر مودی نے اپنے ریڈیو نشریاتی پروگرام "من کی بات" کے ذریعے "خاص طور پر نوجوانوں" سے کھادی خریدنے کی کئی بار اپیل کی ہے۔ اس کے نتیجے میں سال بہ سال کھادی مصنوعات کی ریکارڈ فروخت ہوئی ہے۔ وزیر اعظم نے کھادی کو اپنانے اور کھادی کی پیداوار اور فروخت کو بڑھانے کی ہر ممکن کوشش کی تعریف کی ہے جس کا مقصد قوم کے لیے کھادی، کھادی برائے فیشن اور کھادی برائے تبدیلی اور کھادی کو بار بار مقبول بنانا ہے۔

اس موقع پر کے وی آئی سی کے چیئرمین جناب منوج کمار نے کہا کہ مالی سال 2021-2022 میں کھادی اور گاؤں کی صنعت کی مصنوعات کی پیداوار 84,290 کروڑ اور فروخت 1,15,415 کروڑ تھی۔ اس سال 2 اکتوبر کو کھادی انڈیا کے سی پی آؤٹ لیٹ نے ایک ہی دن میں 1.34 کروڑ روپے کی کھادی کی فروخت کا نیا ریکارڈ قائم کیا ہے۔ جس کا سہرا ہمارے نامور وزیر اعظم جناب نریندر مودی کی طرف سے ملک کے لوگوں کو کھادی خریدنے اور کھادی کی پیداوار اور فروخت کے کام میں لگے لاکھوں کاریگروں اور کھادی کارکنوں کے لیے کی گئی اپیل کو جاتا ہے، جو انتھک محنت کر رہے ہیں۔

انہوں نے مزید کہا کہ، گاؤں کی سطح پر کھادی کارکنوں کی حوصلہ افزائی کرنے، اور کھادی کی پیداوار کو بڑھانے کے مقصد سے، جس کے نتیجے میں زیادہ سے زیادہ روزگار پیدا کرکے دیہی-معیشت کو مضبوط بنایا جا سکتا ہے،کے وی آئی سی نے کھادی کارکنوں کے ساتھ گزشتہ چند مہینوں میں کھادی سمواد (گفتگو) کی سیریز کا انعقاد کیا۔ ملک کے مختلف شعبوں میں کام کرنے والے اداروں اور تنظیموں نے ان کے مسائل کو سمجھنے اور ان میں نئی ​​توانائی پیدا کرنے کے لیے ان سے براہ راست بات چیت کی۔

کھادی کارکنوں اور کھادی تنظیموں کے اس مطالبے پر غور کرتے ہوئے کے وی آئی سی نے اپنی 694ویں میٹنگ میں کھادی- گاؤں کی صنعتوں کے پروگرام سے وابستہ کارکنوں کے ہاتھ میں زیادہ سے زیادہ رقم فراہم کرنے، ان کی آمدنی کے ذرائع کو بڑھانے اور ان کی اقتصادی حالت کو بہتر بنانے کا فیصلہ کیا۔ اس تاریخی فیصلے سے ایک مضبوط، خوشحال اور خود انحصار ہندوستان کی تعمیر میں مدد ملے گی۔

کھادی کو عالمی سطح پر مقامی بنانے کے لیے وزیر اعظم جناب نریندر مودی نے گزشتہ 9 سالوں میں کھادی کے تئیں اپنی اپیل اور اپنی محبت سے کھادی کو زندہ کیا ہے۔ اس فیصلے سے کھادی سمیت ہندوستان کی دیسی مصنوعات کی مانگ میں اضافہ ہوا ہے، اس فیصلے سے کھادی کے شعبے میں خوشی کی لہر دوڑ گئی ہے، وہیں کھادی کے شعبے کو بہت زیادہ ترغیب ملے گی جس سے زیادہ سے زیادہ روزگار کے مواقع پیدا ہوں گے۔

****

ش ح۔   ش ت۔ج

Uno-1429