পবন হন্স লিমিতেদনা ফেব্রুৱারী ৮, ২০২৩দা অসাম স্তেত্তা হেলিকোপ্তর রুৎ তরুক হৌতোকখ্রে‍। আর.সি.এস. উরান স্কীমগী মখাদা হৌদোক্লিবা হায়রিবা অনৌবা হেলিকোপ্তর সর্ভিসশিং অসিনা “দিব্রুগর-জোর্হাৎ-তেজপুর-গুৱাহাতী-তেজপুর-জোর্হাৎ-দিবুগর” নেৎৱর্কদা কন্নেক্তিবিতী ফংহনগনি‍।

লম্বীশিং অসি মখাদা পীরিবা সিদ্যুল অসিদা মথৌ তৌগনি:

সিভিল এভিএসন মন্ত্রালয়গী আর.সি.এস. উরান্না রেল অমদি লম্বীগী কন্নেক্তিবিতী মতিক চানা লৈতবা অৱাং নোংপোক স্তেতশিংগী মনুং হঞ্জিনবা মফমশিংদা নোংথক্কী কন্নেক্তিবিতী পীবদা অখন্নবা মীৎয়েঙ থম্লি‍।

অসাম স্তেত্তা পায়খৎলিবা আর.সি.এস. উরান হেলিকোপ্তর সর্ভিসশিং অসিনা স্তেত অসিগী কোনুংদগী তেজপুর, জোর্হাৎ, অমদি দিব্রুগর ফাওবগী মরক্তা চত্থোক চৎশিনগী খ্বায়দগী য়াঙবা থৌওং ফংহন্দুনা স্তেত মনুংসিদা নোংথক্কী কন্নেক্তিবিতী হেনগৎহনগনি‍। হেলিকোপ্তর সর্ভিসশিং অসিনা স্তেত অসিদা তুরিজম থৌওংশিং য়োকখৎপদা মরুওইবা থৌদাং অমা লৌরগনি‍।

আর.সি.এস. উরান সর্ভিসকীদমক, পবন হন্সনা পেসেঞ্জর ১১ চনবা ত্বিন ইঞ্জিন দোফিন হেলিকোপ্তর অমা শীজিন্নরি‍। আর.সি.এস. উরান সর্ভিসশিং শেল য়াম্না চঙদবা মওংদা রিজনেল এয়র-কন্নেক্তিবিতী য়োকখৎনবগীদমক ভারত লৈঙাক্কী সিভিল এভিএসন মন্ত্রালয়গী ফ্লেগসিপ স্কীমগী মখাদা চলাইবনি‍।

অসাম লৈঙাক্কী এদিস্নেল চীফ সেক্রেতরী শ্রী মনিন্দর সিংহ, অসাম লৈঙাক্কী সেক্রেতরী তুরিজম শ্রী পুমার পদ্বপানি বোরা, এ.এ.আই.গী রিজনেল একজেক্যুতিব দাইরেক্তর শ্রী সন্মুখজুগানি, অমদি পবন হন্সকী জেনেরেল মেনেজর শ্রী সঞ্জয় কুমারনা শরুক য়াবা গুৱাহাতী এয়রপোর্ততা পাঙথোকপা থৌরম অমদা আর.সি.এস. উরান হেলিকোপ্তর ওপরেসন হৌদোকখি‍।

হেলিকোপ্তরগী ওনলাইন তিকেৎ বুক তৌনবগীদমক, পেসেঞ্জরশিংনা পবন হন্স ওনলাইন পোর্তেল www.booking.pawanhans.co.in গী খুত্থাঙদা ককপা য়াগনি নৎত্রগা মরী লৈনবা এয়রপোর্ত/হেলিপোর্তশিংদা হাংলিবা পবন হন্স তিকেতিং ওফিসশিংদা চৎলগা ককপা য়াগনি‍।

***