1.  مرکزی وزیر خزانہ نے، پردھان منتری متسیا کسان سمردھی سہ یوجنا(پی ایم-ایم کے ایس ایس وائی: پی ایم ایم ایس وائی) کے تحت مرکزی سیکٹر کی ذیلی اسکیم کے نام سے ایک نئی ذیلی اسکیم کا اعلان کیا۔
2. بجٹ تقریر میں پنچایت کی سطح پر فشریز کوآپریٹیو سمیت پرائمری کوآپریٹو سوسائٹیوں کی تشکیل پر زور دیا گیا۔
3. زراعت اور اس سے منسلک شعبے کے لیے قرضے کے ہدف کو بڑھا کر 20 لاکھ کروڑ کرنے کا اعلان کیا گیا ہے جس میں مویشی پروری، ڈیری اور ماہی پروری پر توجہ دی جائے گی۔
4. ڈیجیٹل پبلک بنیادی ڈھانچے اور ایگریکلچر ایکسلریٹر فنڈ فشریز ویلیو چین کے ارد گرد اختراعات کو تیز کرے گا۔

مالی سال 24-2023کا بجٹ پیش کرتے ہوئے، مرکزی وزیر خزانہ، محترمہ نرملا سیتا رمن نے اپنی تقریر میں ماہی پروری کے محکمے کے لیے 2248.77 کروڑ روپئے کی رقم مختص کرنے کا اعلان کیا ہے جو کہ 23-2022کے دوران 1624.18 کروڑروپئے اور22-2021 کے دوران 1360 کروڑ روپئے تھا۔ یہ گزشتہ بجٹ سے مالی سال23-2022 کے بجٹ کے مقابلے میں مجموعی طور پر 38.45 فیصد کا اضافہ ہے اور یہ محکمہ کے لیے اب تک کی سب سے زیادہ سالانہ بجٹ امداد میں سے ایک ہے۔

انھوں نے پردھان منتری متسیہ کسان سمریدھی سہ یوجنا(پی ایم-ایم کے ایس ایس وائی) کے نام سے ایک نئی ذیلی اسکیم کا اعلان کیا ہے:پی ایم ایم ایس وائی کے تحت مرکزی سیکٹر کی ذیلی اسکیم جس کا مقصد 6,000 کروڑروپئے کی ہدفی سرمایہ کاری ہے، جس کا مقصد ماہی گیری، ماہی فروش اور ماہی گیری کے شعبے میں مصروف چھوٹے اور چھوٹے کاروباری اداروں کی آمدنی اور وسائل میں مزید اضافہ کرنا ہے۔ پی ایم-ایم کے ایس ایس وائی ماہی پروری کے شعبے کو باضابطہ بنانے کے لیے مرکوز مداخلت کا تصور کرتا ہے اور اس میں ڈیجیٹل شمولیت، سرمایہ کاری اور ورکنگ کیپیٹل کے لیے ادارہ جاتی مالیات تک رسائی کو آسان بنانا، آبی زراعت اور ماہی گیری میں کام کرنے والے انتہائی چھوٹی صنعتوں کو ترغیب دینے کے لیے نظام اور اداروں کو خطرے کو کم کرنے کے لیے ترغیبات شامل ہیں۔ ماہی پروری اور آبی زراعت کے شعبے کو ویلیو چین افادیت پر کام کرنے، صارفین کو مچھلی کی محفوظ مصنوعات کی فراہمی کے لیے سپلائی چین قائم کرنے کے لیے، انتہائی چھوٹی اور درمیانی درجے کی صنعتوں کو ترغیب دینا ہے، اس طرح مقامی مارکیٹ کو وسعت دینا اور اس شعبے میں خواتین کے لیے ملازمتیں پیدا کرنے اور برقرار رکھنے کے لیے ترغیبات فراہم کرنا ہے۔

بجٹ تقریر میں پنچایت سطح پر فشریز کوآپریٹیو سمیت پرائمری کوآپریٹو سوسائٹیوں کے قیام پر بھی زور دیا گیا ہے۔ نچلی سطح پر کوآپریٹو سوسائٹیوں کی تشکیل اس شعبے کو باضابطہ بنائے گی اور ماہی گیروں اور مچھلی کے کاشتکاروں کو مچھلی کی پیداوار اور اس کے حصول کے بعد کی سرگرمیوں کو منظم انداز میں انجام دینے کے لیے بااختیار بنائے گی۔ کوآپریٹیو کی ترقی کے لیے وزارت تعاون کے لیے 900 کروڑ روپے مختص کرنے کے ساتھ، قرضوں کی حد میں اضافہ، ٹی ڈی ایس کی حد اور نقد رقم جمع کرنے اور قومی کوآپریٹیو ڈیٹا بیس کی تعمیر کے لیے اٹھائے جانے والے اقدامات سے کوآپریٹیو کے لیے آپریشن اور فنانسنگ کو آسان بنانے کی امید ہے۔ یہ شعبے میں اور اس شعبے کو تیزی سے ترقی کرنے میں مدد کریں گی۔ مذکورہ بالا، پر پہلے اعلان کے علاوہ، نیشنل کوآپریٹو ایکسپورٹ سوسائٹی، نیشنل کوآپریٹو سوسائٹی فار آرگینک پروڈکٹس اور نیشنل لیول ملٹی اسٹیٹ سیڈ کوآپریٹو سوسائٹی کے قیام سے توقع کی جاتی ہے کہ وہ بیج کے شعبوں اور مارکیٹنگ میں ماہی پروری کو معاونت کریں گے۔

زراعت اور اس سے منسلک شعبے کے لیے قرض کے ہدف کو بڑھا کر 20 لاکھ کروڑ کرنے کا اعلان کیا گیا ہے جس میں مویشیوں، ڈیری اور ماہی پروری پر توجہ دی جائے گی۔ اس سے ماہی گیری کے شعبے کے لیے ادارہ جاتی مالیات کے بہاؤ میں خاطر خواہ بہتری آئے گی۔ مزید برآں جھینگوں کی خوراک کے لیے درکار بعض ماحصل پر درآمدی ڈیوٹی کم کرنے کے اعلان سے درآمدات کی لاگت اور پیداواری لاگت میں کمی کی توقع ہے اور اس کے نتیجے میں آبی زراعت کی برآمدات کو فروغ ملے گا۔ مچھلی کے کھانے پر بنیادی کسٹم ڈیوٹی 15 فیصد سے کم کرکے 5 فیصد، کرل کھانے پر 15 فیصد سے 5 فیصد، ایلگل پرائم (آٹا) پر 30 فیصد سے 15 فیصد، مچھلی کے لپڈ آئل پر 30 فیصد سے 15 فیصد اور آبی فیڈ کی تیاری کے لیے 15فیصد سے 5فیصد تک معدنی اور وٹامن کے پریمکس سے فیڈ کی لاگت میں کمی، گھریلو خوراک کو فروغ دینے اور ہندوستانی جھینگوں کی برآمدی مسابقت کو کافی حد تک بہتر بنانے کی امید ہے۔

مصنوعی ذہانت کے لیے ہندوستان میں 3 سینٹرز آف ایکسی لینس کے اعلان سے ہندوستان میں مصنوعی انٹلیجنس ماحولیاتی نظام کو تقویت ملے گی اور یہ مچھلی کی مارکیٹنگ کے نظام میں بہتری اور ٹریس ایبلٹی اور کوالٹی کے لیے بلاک چین پر مبنی حل کے تیز رفتار نفاذ کے ذریعے قدر کی وصولی میں اضافے کی بڑی گنجائش فراہم کرتا ہے۔

مجوزہ ڈیجیٹل سرکاری بنیادی ڈھانچے اور ایگریکلچر ایکسلریٹر فنڈ فشریز ویلیو چین کے ارد گرد اختراعات کو تیز کرے گا۔ مجموعی طور پر، بجٹ  24-2023 ماہی پروری اور آبی زراعت کے شعبے میں ادارہ جاتی قرضوں کے بہاؤ، خطرے میں کمی کے لیے بڑھے ہوئے آلات، گھریلو اور برآمدی منڈیوں کی توسیع اور گہرائی کے لیے ترغیبات کے ذریعے ماہی گیری اور آبی زراعت کے شعبے میں تیز رفتار ترقی کے ایک نئے مرحلے کو شروع کرنے میں مدد کرے گا۔

جیسا کہ ہندوستان مختلف محاذوں پر آگے بڑھ رہا ہے اور مختلف شعبوں میں عالمی سطح پر اپنی موجودگی بنا رہا ہے، ہندوستانی ماہی گیری کا شعبہ بہت صحت مند رفتار سے ترقی کر رہا ہے۔ ہندوستان پہلے ہی مچھلی پیدا کرنے والا تیسرا سب سے بڑا، آبی زراعت کا دوسرا سب سے بڑا پیدا کرنے والا اور مچھلی اور ماہی پروری کی مصنوعات کا چوتھا سب سے بڑا برآمد کنندہ بن چکا ہے۔ اس نے مالی سال 22-2021 میں 10.34فیصد کی دوہرے ہندسے کی سالانہ شرح نمو حاصل کی ہے اور 162.48 لاکھ ٹن کی ریکارڈ مچھلی کی پیداوار تک پہنچ گئی ہے جس میں مستقبل قریب میں اس سے کہیں زیادہ اضافہ متوقع ہے۔ یہ شعبہ 28 ملین سے زیادہ لوگوں کو زیادہ تر پسماندہ اور کمزور برادریوں کے اندر پائیدار ذریعہ معاش فراہم کرتا ہے اور غریبوں اور پسماندہ لوگوں کی سماجی و اقتصادی حالتوں میں پائیدار بہتری لانے میں اہم کردار ادا کرتا ہے۔

چار سال پہلے، 5 فروری 2019 کو مویشی پروری، ڈیری اور ماہی پروری کے سابقہ محکمے سے ماہی پروری کے محکمے کو تشکیل دے کر ماہی پروری کے شعبے کو بڑا فروغ دیا گیا تھا۔ پی ایم ایم ایس وائی، فشریز انفراسٹرکچر ڈیولپمنٹ فنڈ (ایف آئی ڈی ایف) اور کسان کریڈٹ کارڈ (کے سی سی) 27500 کروڑ روپے سے زیادہ کی کل سرمایہ کاری کے ساتھ شروع کیا گیا ۔ جس کا اثر محسوس ہونا شروع ہو گیا ہے۔ یہ شعبہ اب امرت کال کے دوران نئی بلندیوں کو حاصل کرنے کے لیے تیار ہے۔

*****

U.No.1230

(ش ح - اع - ر ا)