মশক থোকপা পন্দোল অমা ওইনা, হকশেলগী চাদিং অমদি মীয়ামদা অফবা মখলগী হকশেলগী সর্ভিস ফংহন্নবগী লমদা লৈঙাক্না মরুওইবা মীৎয়েঙ চঙলিবা অসি উৎলদুনা, অপুনবা হকশেলগী চাদিংদা লৈঙাক্কী মায়কৈদগী চৎপা চাদিং শেনবা চহি ১৪দা চাদা ২৮.৬ ওইরম্বদগী শেনবা চহি ১৯দা চাদা ৪০.৬তা হেনগৎলকখি‍। ভারতনা হেন্না খুৎলায় মতিক চানা লৈরবা স্কুল, অতাবা মমলগী হেল্থকেয়রগা লোয়ননা এস.দি.জি.শিং ফংননবা অমদি মদুগী মহৈশিং ফংননবগী মায়কৈদা মীৎয়েঙ থমদুনা অমৃৎ কালদা খোঙ থাংজিল্লক্লিবা ৱাফম থম্লদুনা হায়রিবা মরুওইবা ফিগরশিং অসি ঙসি শেলথুম অমদি কোর্পোরেৎ এফ্যার্সকী কেন্দ্র মন্ত্রী, শ্রিমতী নির্মলা সিতরমন্না পার্লিয়ামেন্ততা পুথোকখিবা ইকনমিক সর্ভে ২০২২-২৩দা পল্লি‍। দোকুমেন্ত অসিনা অপুনবা হকশেলগী চাদিংগী মনুংদা আউত-ওফ-পোকেৎ এক্সপেন্দিচরগী শরুক শেনবা চহি ১৪দা চাদা ৬৪.২ ওইরম্বদগী শেনবা চহি ১৯দা চাদা ৪৮.২দা তপ্না তপ্না হন্থরকখিববুসু পল্লি‍।

সর্ভে অসিনা সোসিএল সর্ভিসগী অপুনবা চাদিংগী মনুংদা হকশেলগী লমদা লৈরিবা চাদিং শেনবা চহি ১৯দা চাদা ২১ ওইরম্বদগী শেনবা চহি ২৩দা (বি.ই.) চাদা ২৬তা হেনগৎলকপবুসু উৎলি‍। মসিনা য়ুনুভর্সেল হেল্থ কভরেজ ফংহন্নবা হোৎনবদা পব্লিক হেল্থকেয়র অমদি সোসিএল সিক্যুরিতীগী মরুওইবা হেনগৎলক্লিবা অসিবুসু উৎলি‍।

হায়রিবা অসি “চাওখৎ থৌরাং খুদিংদা প্রিভেন্তিব অমদি প্রমোতিব হেল্থকেয়র ওরিএন্তেসনগী খুত্থাঙদা চহি কাঙলুপ খুদিংদা খ্বায়দগী ৱাংবা থাক্কী হকশেল অমদি মশা মউ ফনা লৈবগী থাক ফংহন্নবা, অমদি কনাগুম্বা অমত্তবু হকশেলগী লমদা শেলথুমগী অৱাবা মায়োক্নহন্দনা মীপুম খুদিংদা অফবা মখলগী হকশেলগী সর্ভিসশিং ফংহন্নবা” মীৎয়েঙ থম্লিবা নেস্নেল হেল্থ পোলিসী, ২০১৭গা চুননা চৎলি‍। হায়রিবা অসি এক্সেস, ক্বালিতী হেনগৎহন্দুনা, অমদি হেল্থকেয়র দেলিভরীগী শেঞ্জং হন্থহন্দুনা ফংবা ঙমগনি‍। অসুম্না, পোলিসী অসিনা লৈঙাক্কী হকশেলগী চাদিং অসু ২০২৫ ফাওবগী মনুংদা হৌজিক লৈরিবা জি.দি.পি.গী চাদা ১.২দগী চাদা ২.৫ ফাওবদা হেনগৎহন্নবা রিকম্মেন্দ তৌরি‍। অদুগা, তরামঙাশুবা ফাইনান্স কম্মিসন্না, মাগী রিপোর্ত্তা, কেন্দ্র অমদি স্তেতশিংগী পব্লিক হেল্থ এক্সপেন্দিচর অসি ২০২৫ ফাওবদা জি.দি.পি.গী চাদা ২.৫ ফাওবা খুমাঙ চাওশিন্না হেনগৎহন্নবা রিকম্মেন্দ তৌরি (এফ.এফ.সি. রিপোর্ত, পেরা ৯.৪১, ৩)‍। হায়রিবা পান্দম অসি থমদুনা, কেন্দ্র অমদি স্তেত লৈঙাকশিংগী হকশেলগী লমদা লৈরিবা বজেৎকী এক্সপেন্দিচর শেনবা চহি ২১দা জি.দি.পি.গী চাদা ১.৬ ওইরম্বদগী শেনবা চহি ২৩ (বি.ই.)দা চাদা ২.১ অমদি শেনবা চহি ২২দা (আর.ই.) চাদা ২.২ য়ৌরে‍।

জেনেরেল লৈঙাক্কী (কেন্দ্র অমদি স্তেতশিং পুল্লগা) সোসিএল সর্ভিস এক্সপেন্দিচরগী লৈরিবা ফীভমশিং

(লুপা করোরগী খুজিংদা)

হৌজিক ওইরিবা মার্কেৎ প্রাইসতা জি.দি.পি.গী রেসিও অসি ২০১১-১২তগী ২০২১-২২ ফাওবদা য়ুম্ফম ওইবনি‍।

২০২২-২৩গী জি.দি.পি. অসি কেন্দ্র বজেৎ ২০২২-২৩গী মতুং ইন্ননি‍।

সোর্স: কেন্দ্র অমদি স্তেত লৈঙাকশিংগী বজেৎকী দোকুমেন্তশিং

শেনবা চহি ১৯গী নেস্নেল হেল্থ একাউন্ত (এন.ঐচ.এ.) এস্তিমেতনা অপুনগী জি.দি.পি.দা গভর্নমেন্ত হেল্থ এক্সপেন্দিচর (জি.ঐচ.ই.)গী শেয়র শেনবা চহি ১৪দা চাদা ১.২ লৈরম্বদগী শেনবা চহি ১৯দা চাদা ১.৩দা হেনগৎলকপা উৎলি‍। মসিগী মথক্তা, তোতেল হেল্থ এক্সপেন্তিচর (তি.ঐচ.ই.)দা লৈরিবা জি.ঐচ.ই.গী শেয়র মতমগী মতুং ইন্না হেনগৎলক্তুনা, শেনবা চহি ১৪দা চাদা ২৮.৬ লৈরম্বদগী শেনবা চহি ১৯দা চাদা ৪০.৬ ওইরক্তুনা মশক থোক্না হেনগৎলকপা উৎলি‍।

মপুং ওইনা, শেনবা চহি ১৯গী ওইনা, ভারতকী তোতেল হেল্থ এক্সপেন্দিচর (তি.ঐচ.ই.) অসি লুপা করোর ৫,৯৬,৪৪০ (জি.দি.পি.গী চাদা ৩.২ অমদি লুপা ৪,৪৭০ পর কেপিতা) ওইগনি হায়না পারি‍। করেন্ত হেল্থ এক্সপেন্দিচর (সি.ঐচ.ই.) লুপা করোর ৫,৪০,২৪৬ (তি.ঐচ.ই.গী চাদা ৯০.৬) অমদি কেপিতেল এক্সপেন্দিচর লুপা করোর ৫৬,১৯৪ (তি.ঐচ.ই.গী চাদা ৯.৪)নি‍। গভর্নমেন্ত হেল্থ এক্সপেন্দিচর (জি.ঐচ.ই.)গী মনুংদা, কেন্দ্র লৈঙাক্কী শেয়রনা চাদা ৩৪.৩নি অদুগা স্তেত লৈঙাকশিংগী শেয়রনা চাদা ৬৫.৭নি‍।

নেস্নেল হেল্থ পোলিসী ২০১৭গী পোলিসী রিকম্মেন্দেসনশিংগী মরক্তা অমা ওইরিবা, পুম্নমক্তা হেল্থকেয়র সর্ভিসশিং ফংহনবা হায়বসিগা চুননা, লৈঙাক্না প্রাইমারী হেল্থকেয়র এক্সপেন্দিচরদা মীৎয়েঙ থমদুনা শেনবা চহি ১৪দা চাদা ৫১.১ ওইরম্বদগী শেনবা চহি ১৯দা চাদা ৫৫.২দা হেনগৎলক্লে‍। মসিনা গ্রাসরুত থাক্তা ক্বালিতী লৈবা সর্ভিস ফংহনবতা নত্তনা সেকেন্দরী অমদি তর্সরী থাক্কী হেল্থকেয়র সর্ভিসতা লায়েংবা মথৌ তাগদবা লায়নানা নাবগী চাংসু হন্থহল্লি‍। শেনবা চহি ১৪ অমদি ১৯গী মরক্তা, জি.ঐচ.ই.দা লৈরিবা প্রাইমারী অমদি সেকেন্দরী কেয়রগী শরুক অসি চাদা ৭৪.৪দগী চাদা ৮৫.৭দা হেনগৎলকখি‍। নাকল অমদা প্রাইভেৎ হেল্থকেয়র এক্সপেন্দিচরদা প্রাইমারী অমদি সেকেন্দরী কেয়রগী শরুক হায়রিবা মতম অসিমক্তদা চাদা ৮২.০দগী চাদা ৭০.২দা হন্থরকখি‍।

সোসিএল হেল্থ ইন্স্যুরেন্স প্রোগ্রাম, লৈঙাক্না শেল থাদবা হেল্থ ইন্স্যুরেন্স স্কীম, অমদি লৈঙাক্কী শিন্মীশিংদা পীবা মেদিকেল রিইম্বর্সমেন্ত য়াওরিবা হকশেলগী লমদা লৈরিবা সোসিএল সিক্যুরিতী এক্সপেন্দিচর শেনবা চহি ১৪দা চাদা ৬ ওইরম্বদগী শেনবা চহি ১৯দা চাদা ৯.৬তা হেনগৎলকখি‍। মশক থোক্না হেনগৎলক্লিবা অসিনা মীয়ামগী মফমদা হকশেলগী সর্ভিসশিং মখোয়গী থোঙজিন্দা ফংহনবা হেন্না ফবা মওংদা ফংহল্লে হায়বা উৎলি হায়না ইকনমিক সর্ভে অসিনা পল্লি‍। অসিগুম্বা খোঙথাঙ কয়ানা মরম ওইরগা, তি.ঐচ.ই.গী মনুংদা আউত-ওফ-পোকেৎ এক্সপেন্দিচর শেনবা চহি ১৪দা চাদা ৬৪.২ ওইরম্বদগী শেনবা চহি ১৯দা চাদা ৪৮.২দা চাউনা হন্থরক্লে‍।

তোতেল হেল্থ এক্সপেন্দিচর (তি.ঐচ.ই.)গী মনুংদা লৈরিবা গভর্নমেন্ত হেল্থ এক্সপেন্দিচর (জি.ঐচ.ই.) অমদি আউত-ওফ-পোকেৎ এক্সপেন্দিচর (ও.ও.পি.ই.)

তোতেল হেল্থ এক্সপেন্দিচরগী (তি.ঐচ.ই.) মনুংদা লৈরিবা সোসিএল সিক্যুরিতী এক্সপেন্দিচর অমদি প্রাইভেৎ হেল্থ ইন্স্যুরেন্স এক্সপেন্দিচর

সোর্স: নেস্নেল হেল্থ একাউন্ত, এম.ও.ঐচ.এফ.দব্লিউ.

তোতেল হেল্থ এক্সপেন্দিচরগী মনুংদা লৈরিবা আউত-ওফ-পোকেৎ এক্সপেন্দিচর – ২০১৮-১৯দা স্তেত-স্তেতকী ওইনা

(খঙজিনগদবা: জম্মু অমসুং কাস্মির হায়রিবসি হান্নগী জে এন্দ কে অমদি লদাখ য়াউনা উৎপনি‍।

সোর্স: নেস্নেল হেল্থ একাউন্ত ২০১৮-১৯, এম.ও.ঐচ.এফ.দব্লিউ.)

তোতেল হেল্থ এক্সপেন্দিচরগী মনুংদা লৈরিবা গভর্নমেন্ত হেল্থ এক্সপেন্দিচর – ২০১৮-১৯দা স্তেত-স্তেতকী ওইনা

(খঙজিনগদবা: জম্মু অমসুং কাস্মির হায়রিবসি হান্নগী জে এন্দ কে অমদি লদাখ য়াউনা উৎপনি‍।

সোর্স: নেস্নেল হেল্থ একাউন্ত ২০১৮-১৯, এম.ও.ঐচ.এফ.দব্লিউ.)

*****