মপাঙ্গল কনবা মেক্রো ফন্দামেন্তেলশিং অমদি বফ্ফরশিংনা ঙাক্লৌ ওইরগা খোঙফম চেৎপা ফিরেপ অমদা লেপ্তুনা ভারতকী এক্সতর্নেল সেক্তরনা অকনবা শাহুম মায়োক্নদুনা লেপ্পা ঙম্লি‍। ঙসি পার্লিয়ামেন্ততা শেলথুম অমদি কোর্পোরেৎ এফ্যার্সকী কেন্দ্র মন্ত্রী, শ্রীমতী নির্মলা সিতরমন্না পুথোকখিবা ইকনমিক সর্ভে ২০২২-২৩না ভারতকী এক্সতর্নেল সেক্তরদা চৈথেং অমদি তম্বা ঙমদবা ফীভম কয়া নংখি হায়রি‍। মসিনা হৌজিক্তি হন্থরক্লবা মালেমগী পোৎলমশিংগী মমল ৱাংখৎপা, মালেমগী শেলথুমগী কৈথেলদা অকা অকুম কা হেন্না নাইরকপা, কেপিতেল ফ্লো হন্দোরকপা, কেপিতেল মমল হন্থরকপা অমদি মালেমগী গ্রোথ অমদি ত্রেদতা তপথরকপা য়াবগী ফীভম ওইহল্লকখি‍।

ইকনমিক সর্ভেনা শেনবা চহি ২২দা রেকোর্দ ওইবা চাংদা এক্সপোর্ত তৌখিবনা ঙাক্লৌ ওইদুনা শেনবা চহি ২৩দা দিসেম্বর ২০২২ ফাওবদা) ভারতকী এক্সপোর্ত খাঙবা কনবগী মতৌ উৎলি হায়বা ৱাফম থম্লি‍। পেত্রোলিয়মগী পোত্থোকশিং, নুং অমদি সনা-লিক্কোন, ওর্গানিক অমদি ইনওর্গানিং কেমিকেলশিং, দ্রগ অমদি ফার্মাসিউতিকেলশিং মাঙজিল থানা মপান্দা থাদোকপা পোৎলমশিংগী মরক্তা য়াওরি‍। অদুম ওইনমক, খোঙজেল তপথরক্লিবা মালেমগী লল্লোন ইতিক্না উলিবা খোঙজেল তপথরক্লিবা মালেমগী শেন্মিৎলোন অসিদা ভারতকী এক্সপোর্ত হন্থরকপা হায়বসিদি থিংবা ঙম্লোই‍। মেদিয়মদগী লোং-তর্মগী ওইবা মীৎয়েঙদগী, এক্সতর্নেল সেক্তরদা খাঙবা কনবগী ফীভম ফগৎহনবদা এক্সপোর্তনা লৌরিবা শক্লোন শকখঙদুনা, মখল মখা কয়াগী এক্সপোর্ত য়োকখৎনবা থৌরাং কয়া খন্নরি/পায়খৎলি হায়না সর্ভে অসিনা হায়রি‍। থৌরাংশিং অসিনা ভারতকী এক্সপোর্তকী মশাগা লোয়নজবা হিদান্নবগী খুদোংচাবশিং মখোঙ শোমগনি‍।

নেস্নেল লোজিস্তিক্স পোলিসীনা ইন্তর্নেল লোজিস্তিক্সকী শেঞ্জং হন্থহন্দুনা ভারতকী এক্সপোর্ত পুক্নিং থৌগৎনবা দোমেস্তিক ফ্রিক্সন হন্থহনগনি হায়না ইকনমিক সর্ভে অসিনা পল্লি‍। য়ু.এ.ই. অমদি ওস্ত্রেলিয়াগা তৌনখিবা অদুগুম্বা খ্বায়দগী নৌবা ফ্রী ত্রেদ এগ্রীমেন্তশিংনা অতাবা তারিফ অমদি নন-তারিফ পলশিংদা এক্সপোর্তকী খুদোংচাবশিং শেমগত্তুনা এক্সতর্নেল ফ্রিক্সন হন্থহনগনি হায়নসু মসিনা হায়রি‍। মতৌ অসুম্না, ইকোসিস্তেম পুম্বা অসি মতমগী মতুং ইন্না এক্সপোর্ত-ফ্রেন্দলী ওইবা মওংদা ওল্লক্কনি‍।

শুংদোকত্রিবা থাউগী মমল ৱাংখৎপগী মথক্তা, শেন্মিৎলোনগী থবক থৌওংশিং অমুক হিঙ্গৎহনবনা মপান্দগী পোৎ পুশিল্লকপা হেনগৎহনবদা থৌদাং য়ারি হায়না ইকনমিক সর্ভে অসিনা তাক্লি‍। পেত্রোলিয়ম, শুংদোকত্রিবা অমদি পোত্থোকশিং; ইলেক্ত্রোনিক্কী পোৎলমশিং; কোইলা, কোক অমদি ব্রিকেৎশিং, অসিনচিংবা; মেচিনরী, ইলেক্ত্রিকেল অমদি নন-ইলেক্ত্রিকেল অমসুং সনা খ্বায়দগী য়াম্না মপান্দগী পুশিল্লকপশিংগী মরক্তা ওইরি‍। মালেমগী কোমোদিতীগী মমল লেপ্তনা হন্থরকপনা ইম্পোর্ত ময়ায় ওইরপ্না মাঙদা চঙশিনবদা মতেং পাংবগা লোয়ননা সনা অমদি থাউ নত্তবা ইম্পোর্তশিংদি মশক থোক্না হন্থরক্তবা য়ানা লৈ হায়না মসিনা পল্লি‍।

ভারতনা শেনবা চহি ২২দা মতম পুম্বগী ওইনা খ্বায়দগী ৱাংবা চাংদা য়ু.এস. দোলর বিলিয়ন ৪২২ য়ৌনা চহিগী মর্চেন্দাইজ এক্সপোর্ত তৌবা ঙমখি হায়না সর্ভে অসিনা হায়রি‍। মর্চেন্দাইজ এক্সপোর্তকী চাং এপ্রিল-দিসেম্বর ২০২১দা য়ু.এস. দোলর বিলিয়ন ৩০৫ ওইখিবগা য়েংনবদা, এপ্রিল-দিসেম্বর ২০২২দা য়ু.এস. দোলর বিলিয়ন ৩৩২ ওইখি‍। শেনবা চহি ২২দা দ্রগ অমসুং ফার্মাসিউতিকেল, ইলেক্ত্রোনিক্কী পোৎলমশিং অমদি ওর্গানিক অমসুং ইনওর্গানিক কেমিকেলশিং মশক থোক্না মপান্দা থাদোকপা ঙমখি‍। ভারতনা শেনবা চহি ২২দা মালেমগী সর্ভিস ত্রেদতা মাঙজিল থাদুনা চৎপগী ফীভম ঙাক্না থমখি‍। শেনবা চহি ২২দা ভারতকী সর্ভিস এক্সপোর্ত য়ু.এস. দোলর বিলিয়ন ২৫৪.৫ ওইদুনা শেনবা চহি ২১দগী ২৩.৫% হেনগৎলকপা থেংনখি অমদি মমাঙ চহিগী চপ মান্নবা মতমগা য়েংনবদা এপ্রিল-সেপ্তেম্বর ২০২২দা ৩২.৭% গ্রোথ লৈখি‍। এপ্রি-দিসেম্বর ২০২২দা পোৎলম অমদি সর্ভিসশিং এক্সপোর্ত তৌবগী অপুনবা ভেল্যু য়ু.এস. দোলর বিলিয়ন ৫৬৮.৬ ওইদুনা এপ্রি-দিসেম্বর ২০২১দা লৈখিবা ফীভমগা য়েংনবদা ১৬% গ্রোথ লৈখি‍।

সর্ভে অসিনা ভারতকী শেলদা মালেমগী ত্রেদ সেত্তলমেন্ত তৌবা য়োকখৎনবা থৌরাংশিং পায়খৎলি হায়বা ৱাফম থম্লি‍। থৌরাং অসি অসুম চৎনবা হৌরকপগা, মপান লৈবাক্কী শেলয়েক্তা তাংবগী চাং নীংথিনা হন্থরক্তুনা, শেন্মিৎলোনবু মপানগী চৈথেংদগী শাহুম হন্থনবা ফংহনবা ঙমগনি‍। ভারত্তগী মপান্দা থাদোকখিবদা মীৎয়েঙ থমদুনা মালেমগী লল্লোন ইতিক্কী চাং হেনগৎহন্নবা অমদি আই.এন.আর.বু মালেমগী ওইবা করেন্সী অমা ওইহন্নিংবগী অপাম্বা মালেমগী ত্রেদিং কম্ম্যুনিতীশিংদা লৈরিবা অসি ঙাক্লৌ পীননবগীদমক জুলাই ২০২২দা, রিজর্ব বেঙ্ক ওফ ইন্দিয়া (আর.বি.আই.)না ইন্দিয়ন রুপী (আই.এন.আর.)দা এক্সপোর্ত/ইম্পোর্তকী ইনভোইসিং, পেমেন্ত, অমদি সেত্তলমেন্ত তৌনবগী অহেনবা থৌরাং অয়াবা পীদুনা সর্কুলর অমা থোকখ্রে‍। ফ্রেমৱর্ক অসিদা এক্সপোর্ত অমদি ইম্পোর্তশিং আই.এন.আর.দা ইনভোইস তৌবা, ত্রেদিংগী খোঙবু ওইরিবা লৈবাকশিংগী শেলয়েক্কী মরক্তা কৈথেলনা লেপ্পা এক্সচেঞ্জকী রেৎ, অমদি ভারত্তা লৈবা ওথোরাইজ তৌরবা দীলর বেঙ্কশিংদা হাংবা অখন্নবা রুপী ভোস্ত্রো একাউন্তশিংগী খুত্থাঙদা সেত্তলমেন্ত তৌবা ৱাফমশিং য়াওরি‍। ফ্রেমৱর্ক অসিনা ফোরেন এক্সচেঞ্জকী অপুনবা দিমান্দ চাউনা হন্থহনবা ঙমগদবা অমদি ভারতকী এক্সপোর্তশিংবু ওভর্সী ক্লাইন্তশিংদগী ভারতকী শেলয়েক্তা এদভান্স পেমেন্ত ফংহনবদা মতেং পাংগদবা মরম্না মসি মশক থোকপা থৌরাং অমনি হায়না সর্ভে অসিনা হায়রি‍। মতম শাংনা লৈরক্তুনা রুপী সেত্তলমেন্ত মেকানিজম অসি চৎনরক্লবা মতমদা মসিনা ভারতকী রুপীবু মালেমগী শেলয়েক ওইনা য়োকখৎকনি হায়না মসিদা পল্লি‍।

বেলেন্স ওফ পেমেন্ত (বি.ও.পি.) ইসু তৌবগী মতাংদা, ইকনমিক সর্ভে অসিনা য়েংশিনখিবা চহিসিদা শাফু মায়োক্নখি হায়না পল্লি‍। ইনভিজিবলশিংদা (সর্ভিস, ত্রান্সফর, অমদি ইনকম) হেন্দোক্না লাকপা, য়ু.এস. ফেদরেল রিজর্বনা পোলিসী তাইতনিং তৌরকপা, অমদি য়ু.এস. দোলর মপাঙ্গল কনখৎলকপনা ফোরেন পোর্তফোলিও ইনভেস্তমেন্ত (এফ.পি.আই.) আউতফ্লো লাকচরবসু, থাউগী মমল শাথিনা ৱাংখৎলকপনা করেন্ত একাউন্ত দিফিসিত (সি.এ.দি.) হেনগৎহনবদা ইথিল লৈগনি হায়বা উখি‍। মদুগী মহৈনা, কেপিতেল একাউন্ত সরপ্লস সি.এ.দি.দগী হন্থখিদুনা বি.ও.পি. বেসিস্তা ফোরেক্স রিজর্ব ময়েং তাথরকখি‍। মখা তারকপদা, শুংদোকত্রিবা থাউগী মমল হন্থরকপগা লোয়ননা নেৎ সর্ভিস এক্সপোর্তকী খাঙবা কনবা মতৌ অমদি ইনৱার্দ রিমিত্তেন্স চাং হন্থদনা লৈবনা শেন্বা চহি ২৩গী লেমহৌরিবা মতমদা সি.এ.দি. হন্থরক্কনি অমদি চৎনবা য়াবা চাংগী মনুংদা লৈরক্কনি হায়না থাজবা ইকনমিক সর্ভে অসিনা ফোঙদোক্লি‍। মসিগী মথক্তা, খনগৎলবা লৈবাকশিংগী করেন্ত একাউন্দ বেলেন্স (সি.এ.বি.)গী ফীভমশিংগা চাংদম্নবদা ভারতকী করেন্ত একাউন্ত দিফিসিত (সি.এ.দি.) অসি ময়ায় ওইরপ লৈ অমদি শিন্দোকপা য়াবা চাংগী মনুংদা লৈরি হায়বা উৎলি‍।

ইকনমিক সর্ভে অসিগী মতুং ইন্না, ভারতকী এক্সতর্নেল সেক্তরগী ফোর্তিফাইদ সোক এবজোর্বরশিং অসি মপাঙ্গল কল্লবা ফোরেক্স রিজর্ব ওইরবসু, সস্তেনেবল এক্সতর্নেল দেৎ ইন্দিকেতরশিং ওইরবসুল নৎত্রগা মার্কেত-দিতর্মিন্দ এক্সচেঞ্জ রেৎ ওইরবসু মালেমগী অকনবা শাহুমশিংদগী ঙাকথোকপা ঙমগদবা মফমদা লৈরি হায়রি‍। দিসেম্বর ২০২২ লোইশিল্লকপদা ফোরেক্স রিজর্ব য়ু.এস. দোলর বিলিয়ন ৫৬২.৭২দা লৈবগা লোয়ননা ইম্পোর্তকী থা ৯.৩গী একাউন্তিং অমদি জি.দি.পি.দা লৈরিবা এক্সতর্নেল দেৎকী রেসিও অসি সেপ্তেম্বা ২০২২ লোইশিল্লকপদা চাদা ১৯.২গী নুংশা থিনিংঙাই ওইদবা চাংদা লৈরি‍।

এক্সতর্নেল সেক্তরগী আউতলুক্তা, ফোর্কাস্ত কয়ানা তাকপগুম মালেমগী ওইবা গ্রোথ অসি লাকত্রগদি, এক্সপোর্ত আউতলুক অসি হেনগৎপা ঙমদনা লৈরবা য়াই হায়না ইকনমিক সর্ভে অসিনা হায়রি‍। অসিগুম্বা ফীভমদা, ভারতনা এফ.তি.এ.শিংগী খুত্থাঙদা পায়খৎলিবা প্রদক্ত বাস্কেৎ অমদি দেস্তিনেসন খেন্নহনবনা ত্রেদকী খুদোংচাবশিং হেনগৎহনবগা কান্নগনি‍। ইকনমিজ ওফ স্কেলগী খুদোংচাবশিংগা লোয়ননা থবক তৌবা ঙম্বা মীশিংগী হন্থবা চহিগী কান্নবা লৈবনা, ভারতনা তোঙান তোঙানবা পোত্থোকশিংগী মালেমগী দিমান্দ মমল য়াম্না চঙদবা মওংদা পীবা ঙম্বগী মতিং লৈ‍ হায়নসু মসিনা হায়রি‍। হন্দক্তা মালেমগী শুংদোকত্রিবা থাউগী মমল হন্থরকপা অসিনা ভারতকী পি.ও.এল. ইম্পোর্ত্তা চাউনা কান্নরি‍। ইং ২০২২ মনুংদা লৈবাকসিদা চঙলকপা রিমিত্তেন্স রেকোর্দ ওইবা চাংদা লৈগনি হায়না পানবগা লোয়ননা ভারতনা মালেমগী ওইনা খ্বায়দগী মকোক থোংবা রিমিত্তেন্স ফংনবগী ফীভম হেন্না চেৎশিনহল্লে হায়না সর্ভে অসিনা হায়রি‍। সি.এ.দি. শিনবা লাংবা য়াবা চাংগী মনুংদা অমদি নীংথিনা শেল থাদবা য়াবা চাংদা লৈগনি‍। ভারতকী এক্সতর্নেল দেৎকী স্তোক মওং মরিল চুম্না শিন-লাংদুনা লাক্লি‍।

*****