اقتصادی جائزہ 2022-2023 پچھلے سال میں بھارت کے سرمایہ بازاروں کی شاندار کارکردگی کو نمایاں کرتا ہے، جو چھوٹی اور درمیانہ  درجے کی صنعتوں (ایس ایم ایز) کے بڑھتے ہوئے تعاون اور گھریلو ادارہ جاتی اور خردہ سرمایہ کاروں کی زیادہ شرکت سے ممکن ہوا ہے۔ اقتصادی جائزہ23-2022 آج یہاں پارلیمنٹ میں خزانہ اور کارپوریٹ امور کی مرکزی وزیر محترمہ  نرملا سیتا رمن کے ذریعے پیش کیاگیا۔

اقتصادی جائزے میں مزید کہا گیا ہے کہ بیمہ بازار کی ڈیجیٹائزیشن اور غیر ملکی براہ راست سرمایہ کاری ( ایف ڈی آئی )کی حدوں میں اضافہ بھارت کے بیمہ سیکٹر کی ترقی میں مدد کرے گا۔ بھارت کا پنشن سیکٹر بھی  پنشن خواندگی میں اضافہ کرنے کے لئے حکومت کے اقدامات کا مشاہدہ کر رہا ہے اور نوجوان بالغوں کو پنشن اسکیموں میں شامل ہونے کے لئے زور دیا جا رہا ہے۔

سرمایہ بازاروں میں ترقی

اقتصادی جائزہ میں کہا گیا ہے کہ عالمی سطح پر معاشی غیر یقینی صورتحال، غیر معمولی افراط زر، مالیاتی پالیسی میں سختی، غیر مستحکم بازاروں وغیرہ کے باوجود بھارت کے سرمایہ بازاروں کے لئے  سال اچھا رہا۔ ان کی طرف سے جمع کئے گئے کل فنڈز پچھلے سال کی اسی مدت میں جمع کیے گئے فنڈز سے تقریباً تین گنا  زیادہ تھے۔

اس سال بھارت کی تاریخ میں اب تک کا سب سے بڑا آئی پی او بھی دیکھنے میں آیا ۔  مئی 2022 میں، مرکزی حکومت نے بھارت کی لائف انشورنس کارپوریشن (ایل آئی سی)  میں اپنا حصہ کم کر دیا اور اسے اسٹاک ایکسچینج میں درج کر دیا۔  اس طرح ایل آئی سی کا آئی پی اوبھارت میں اب تک کا سب سے بڑا آئی پی اواور 2022 کا عالمی سطح پر چھٹا سب سے بڑا آئی پی او بن گیا۔

اپریل-نومبر 2022 میں، سرکاری قرضوں کے جاری ہونے میں غیرفعالیت کی تلافی نجی قرض کی جگہوں سے زیادہ تھی۔ نجی قرضوں کے مقامات کی تعداد 851 سے 11 فیصد بڑھ کر 945 ہوگئی، جبکہ وسائل کو متحرک کرنے میں اپریل سے نومبر 2022 میں 6 فیصد اضافہ ہوا، جو کہ گزشتہ سال کی اسی مدت کے مقابلے میں تھا۔

اسٹاک مارکیٹ کی کارکردگی کے بارے میں اقتصادی جائزے  میں کہا گیا ہے کہ بھارتی سٹاک مارکیٹوں میں لچکدار کارکردگی دیکھنے میں آئی۔  بلیوچپ انڈیکس نفٹی 50 نے اپریل سے دسمبر 2022 کے دوران 3.7 فیصد کا منافع درج کیا۔ یہ روس یوکرین تنازعہ کے سبب  عالمی سطح پر جغرافیائی اور سیاسی غیر یقینی صورتحال اور عالمی اسٹاک بازاروں میں گراوٹ اورسپلائی چین میں خلل کے باوجودایسا ممکن ہو سکا۔ یہاں تک کہ بڑی ابھرتی ہوئی مارکیٹ کی معیشتوں میں، بھارت نے اپریل-دسمبر 2022 میں اپنے ساتھی ملکوں کو پیچھے چھوڑ دیا ہے۔

سال کے آخر تک، انڈیا وولٹیلیٹی انڈیکس (وی آئی ایکس)،جو اسٹاک مارکیٹ میں متوقع قلیل مدتی اتار چڑھاؤ کی پیمائش کرتا ہے میں کمی کا رجحان دیکھا گیا کیونکہ سال کے آگے بڑھنے کے ساتھ ہی تنازعہ کا اثر کم ہونا شروع ہوگیا۔ نومبر 2022 کے آخر تک ڈیمیٹ اکاؤنٹس کی تعداد میں تیزی سے اضافہ ہو کر 39 فیصد ہو گیا، جو کہ کیپٹل مارکیٹ میں خردہ شرکت کو ظاہر کرتا ہے۔

غیر ملکی پورٹ فولیو سرمایہ کاری

اقتصادی جائزہ  23-2022اس بات پر روشنی ڈالتا ہے کہ ہندوستانی معیشت کے مضبوط میکرو اکنامک بنیادی اصولوں اور وقتاً فوقتاً مارکیٹ کے خطرے کے تناظر میں بہتری کی وجہ سے، بھارت سرمایہ کاری کے لئے ایک پرکشش مقام بنا ہوا ہے۔ منجمد اثاثہ جات (ایف پی آئیز کی تحویل میں ہولڈنگز کی کل مارکیٹ ویلیو کی عکاسی کرتی ہے) میں عالمی عوامل کی وجہ سے اخراج کے باوجود اضافہ دیکھا گیا۔ نومبر 2021 کے مقابلے میں نومبر 2022 کے آخر میں ایف پی آئیز  کے زیر تحویل کل اثاثوں میں 3.4 فیصد کا اضافہ ہوا۔ مالی سال 2023 کے دوران غیر ملکی پورٹ فولیو سرمایہ کاروں کی مجموعی خالص سرمایہ کاری نے دسمبر 2022 کے آخر میں 16,153 کروڑ روپے کا سرمایہ اخراج درج کیا، جبکہ یہ سرمایہ اخراج دسمبر 2021 کے آخر میں مالی برس 2022 کے دوران 5,578 کروڑروپے تھے۔

گھریلو ادارہ جاتی سرمایہ کاروں (ڈی آئی آئی ) کی سرمایہ کاری نے حالیہ برسوں کے دوران ایف پی آئی کے سرمایہ اخراج کے خلاف ایک کاؤنٹر ویلنگ فورس کے طور پر کام کیا، جس کی وجہ سے ہندوستانی ایکویٹی مارکیٹ بڑے پیمانے پر اصلاحات کے لئے نسبتاً کم حساس رہا۔

بیمہ سیکٹر

اقتصادی جائزہ 23-2022 میں کہا گیا ہے کہ بھارت آنے والی دہائی میں سب سے تیزی سے ترقی کرنے والی انشورنس مارکیٹوں میں سے ایک کے طور پر ابھرنے کے لئے تیار ہے۔ 2021 میں بھارت میں لائف انشورنس کی رسائی 3.2 فیصد تھی، جو ابھرتی ہوئی مارکیٹوں سے تقریباً دو گنا زیادہ اور عالمی اوسط سے قدرے زیادہ ہے۔ لائف انشورنس پریمیم نے مالی سال 2022 میں 10.2 فیصد کی سالانہ شرح ترقی درج کی، جس میں نئے کاروبار نے لائف انشورنس کمپنیوں کو موصول ہونے والے کل پریمیم کا 45.5 فیصد حصہ ڈالا۔

مالی برس 2022 کے دوران، نان لائف بیمہ کنندگان کے مجموعی براہ راست پریمیم (ہندوستان کے اندر اور باہر) نے 10.8 فیصد کی سالانہ ترقی درج کی، جو بنیادی طور پر صحت اور حرکیاتی اجزا کے ذریعے ممکن ہو سکا ہے۔ مالی سال 2022 میں نان لائف بیمہ کنندگان کے خالص دعوے 1.4 لاکھ کروڑروپے تھے، جو بنیادی طور پر بڑھتی ہوئی فی کس آمدنی، مصنوعات کی اختراعات اور تخصیص، مضبوط ڈسٹری بیوشن چینلز کی ترقی اور بڑھتی ہوئی مالی خواندگی کی وجہ سے ہیں۔

مالی سال 2021 میں، 10.7 لاکھ نئی مائیکرو انشورنس پالیسیاں 355.3 کروڑ روپےکے نئے کاروباری پریمیم والے افراد کو جاری کی گئیں (لائف انشورنس کے حصے میں)، اور 53,046 نئی مائیکرو انشورنس پالیسیاں جنرل انشورنس کے حصے میں جاری کی گئیں (صحت کی بیمہ کرانے والے افراد کو چھوڑ کر)۔ پردھان منتری فصل بیمہ یوجنا (پی ایم ایف بی وائی)  جیسی حکومت کی اہم  اسکیموں نے فصل بیمہ کے لئے پریمیم آمدنی میں نمایاں اضافہ کیا ہے، جبکہ آیوشمان بھارت (پردھان منتری جن آروگیہ یوجنا) (اے بی پی ایم-جے اے وائی)  نے بھی انشورنس کو اپنانے اور نئے بیمہ کرانے کے عمل کو فروغ دیا ہے۔

پنشن سیکٹر

اقتصادی جائزہ 23-2022 میں کہا گیا ہے کہ حکومت ہند نے ملازمین اسٹیٹ انشورنس کارپوریشن (ای ایس آئی سی) پنشن اسکیم کا فائدہ ان لوگوں تک بھی بڑھایا ہے ،جنہوں نے کووڈ-19 کی وجہ سے کمانے والے افراد کو کھو دیا ہے۔کووڈ -19 کے سبب فوت ہونے والے  افراد کے زیر کفالت افراد موجودہ اصولوں کے مطابق ملازم کی طرف سے دی گئی اوسط یومیہ اجرت کے 90 فیصد کے برابر پنشن کے حقدار تھے۔ ایمپلائیز ڈپازٹ لنکڈ انشورنس (ای ڈی ایل آئی) اسکیم کے تحت بیمہ کے فوائد کو بھی بڑھایا گیا اور اسے آسان بنایا گیا۔

سی سی ایس (پنشن) رولز، 1972 کے قاعدہ 64 میں نرمی کی گئی تھی تاکہ غیر معمولی وبائی مرض کے درمیان پنشن یافتگان کے فوائد کی فوری منظوری کو یقینی بنایا جا سکے۔ مرکزی حکومت کے سول پنشنرز کے‘‘زندگی کو آسان بنانے’’ کو بڑھانے کے لئے، ایک الیکٹرانک پنشن ادائیگی آرڈر (ای-پی پی او) کو ڈیجی لاکر کے ساتھ مربوط کیا گیا، جس سے ڈی جی لاکر میں مستقل پی پی او ریکارڈ بنایا گیا۔

قومی پنشن اسکیم (این پی ایس) اور اٹل پنشن یوجنا (اے پی وائی)  کے تحت صارفین کی کل تعداد نے نومبر 2022 میں 25.1 فیصد کی سالانہ ترقی درج کی۔  اسی مدت کے دوران اے یو ایم  میں 22.7 فیصد اضافہ دیکھنے میں آیا۔ نومبر 2022 میں مجموعی شراکت میں 27.6 فیصد کا اضافہ ریکارڈ کیا گیا، جس میں زیادہ سے زیادہ اضافہ آل سٹیزن ماڈل کے بعد کارپوریٹ سیکٹر کے ذریعے درج کیا گیا۔

مالی سال 2017 سے مالی سال 2021 کی پانچ سالہ مدت کے لئے این پی ایس کے سبسکرائبرز کی سماجی و اقتصادی خصوصیات پر پی ایف آر ڈی اے کے سروے سے پتہ چلتا ہے کہ 24 فیصد خواتین صارفین تھیں۔ اے پی وائی  بہتر صنفی توازن کو ظاہر کرتا ہے۔  اس اسکیم کے ابتدائی سالوں میں خواتین صارفین کی تعداد تقریباً 38 فیصد سے بڑھ کر مارچ 2021 تک تقریباً 44 فیصد تک پہنچ گئی۔

بھارت کے پنشن سیکٹر میں ترقی کی زبردست گنجائش ہے ،کیونکہ معیشت کے ایک اعلی متوسط آمدنی والے ملک میں منتقل ہونے کے ساتھ فی کس آمدنی میں مزید اضافہ متوقع ہے۔ بھارت کا آبادیاتی ڈھانچہ، جس میں نوجوانوں کے زیادہ نمایاں تناسب ہیں، جمع ہونے کے ایک مرحلے کے حق میں ہیں۔ حالیہ پانچ برسوں میں، مالی سال 2018 سے مالی سال 2022 تک، سبسکرائبرز کی تعداد میں تین گنا سے زیادہ اضافہ ہوا ہے، جس کی قیادت اے پی وائی اور اے یو ایم  نے این پی ایس کی قیادت میں چار گنا سے زیادہ کی ہے۔ این پی ایس میں مستقبل میں توسیع نجی شعبے ، تنخواہ دار اور خود ملازمت والے دونوں سے متوقع ہے ۔

دیگر ترقیات

اقتصادی جائزہ 2022-2023 نے کرپٹو ایکو سسٹم کو منضبط کرنے کے لئے ایک مشترکہ نقطۂ نظر کی ضرورت پر بھی زور دیا، کیونکہ کرپٹو اثاثے خود حوالہ جاتی  آلات ہیں اور مالیاتی اثاثہ ہونے کے امتحان میں سختی سے پاس نہیں ہوتے ہیں کیونکہ اس کے ساتھ کوئی اندرونی نقد بہاؤ منسلک نہیں ہوتا ہے۔  اقتصادی جائزے نے ان غیر مستحکم آلات کے ریگولیشن کے لئے ایک مشترکہ نقطہ نظر تجویز کیاہے، جس میں دیگر معیشتوں میں کرپٹو کے لئے ریگولیٹری طریقوں کی موجودہ حالت کا موازنہ کیا گیا۔

اقتصادی جائزے میں گفٹ سٹی میں بھارت کے پہلے بین الاقوامی مالیاتی خدمات مرکز(آئی ایف ایس سی) کے قیام اور اس کو چلانے کا بھی ذکر کیا گیا ہے، جس کا مقصد سرمایہ بازار کے کاروباریوں کے لئے مزید ایک نئی راہ اور موقع ہے، جس کا مقصد بھارت کو ایک اہم اقتصادی طاقت کے طور پر ابھرنے میں سہولت فراہم کرنا ہے۔ ملک میں بین الاقوامی مالیاتی خدمات کی مضبوط بنیادپچھلے دو سالوں کے دوران، گِفٹ-آئی ایف ایس سی نے مالیاتی خدمات بشمول بینکنگ، کیپٹل مارکیٹ، انشورنس، فنڈ مینجمنٹ، ہوائی جہاز کی لیزنگ وغیرہ کے سبھی شعبوں میں زبردست ترقی اور کشش دیکھا ہے ۔ بین الاقوامی سطح پر منسلک ایک ریگولیٹری نظام، مسابقتی ٹیکس ڈھانچہ اور آپریشنز کی فائدہ مند لاگت کے ساتھ گِفٹ-آئی ایف ایس سی اب بین الاقوامی مالیاتی خدمات کے لیے ایک ترجیحی دائرہ اختیار کے طور پر ابھر رہا ہے۔

***

ش ح۔  م ع۔ ک ا