اسکل انڈیا مشن کی پیش رفت

ہنرمندی ترقیات اسکیم

پیش رفت

پی ایم کے وی وائی پہلی مرتبہ 2015 میں لانچ کی گئی تھی۔ جنوری 2021 سے فی الوقت ملک بھر میں پی ایم کے وی وائی کا تیسرا مرحلہ یعنی پی ایم کے وی وائی 3.0 نافذ کیا جا رہا ہے ۔

پی ایم کے وی وائی کے 2 تربیتی عناصر ہیں۔ ایک،  مختصر مدتی تربیت (ایس ٹی ٹی) اور دوسری، پیشگی تعلیم کی شناخت (آر پی ایل)

ضلعی سطح پر قائم کیے گئے پردھان منتری کوشل کیندر کو جدید، واضح اور امنگوں والے ماڈل تربیتی مراکز خیال کیا جاتا ہے۔

• مالی برس 17 اور مالی برس 23 کے دوران (5 جنوری 2023 تک) پی ایم کے وی وائی 2.0 کے تحت 1.1 کروڑ افراد کو تربیت فراہم کی گئی: 83 فیصد کو اسناد فراہم کی گئی جبکہ تقریباً 21.4 لاکھ افراد کو ملازمت حاصل ہوئی۔ پی ایم کے وی وائی 3.0 کے تحت، مالی برس 21 اور مالی برس 23 کے دوران (5 جنوری 2023 تک) 7.4 لاکھ افراد کو تربیت فراہم کی گئی، 66 فیصد کو اسناد فراہم کی گئیں  اور 41437 کو مختلف اداروں میں ملازمت حاصل ہوئی۔
•  
• پی ایم کے وی وائی نے کووِڈ۔19 سے متاثرہ مزدوروں (نقل مکانی کرنے والے مزدوروں) کو تربیت فراہم کی۔ اسکیم کے اس عنصر نے 6 ریاستوں – آسام، بہار، مدھیہ پردیش، اُڈیشا، راجستھان، اور اترپردیش کے 116 اضلاع پر احاطہ کیا۔ نقل مکانی کرنے والے 1.3 لاکھ مزدوروں کو ، 31 اکتوبر 2022 تک تربیت  فراہم کی گئی (ایس ٹی ٹی میں 0.88 لاکھ اور آر پی ایل میں 0.38 لاکھ )۔

جن شکشن سنستھان اسکیم جن شکشن سنستھانوں (این جی اوز) کو ناخواندہ، کم عمر ناخواندہ، ابتدائی سطح کی تعلیم کے حامل افراد اور 15 سے 45 برس کی عمر کے گروپ میں بارہویں جماعت تک اسکول چھوڑ دینے والوں کو ہنرمندی تربیت کے لیے یکمشت  سالانہ امداد فراہم کرتی ہے۔  ان میں خواتین، درج فہرست ذاتوں، درج فہرست قبائل اور سماج کے دیگر پسماندہ طبقات ترجیحی گروپ ہیں۔

• مالی برس 20 سے مالی برس 23 تک (5 جنوری 2023 تک) 16.0 لاکھ مستفیدین کو تربیت فراہم کی گئی، جن میں سے 28.4 فیصد کا تعلق شہری علاقوں سے ہے اور 69.0 فیصد کا تعلق دیہی علاقوں سے ہے، اس کے علاوہ 2.7 فیصد کا تعلق قبائلی علاقوں سے ہے۔ قابل غور ہے کہ تربیت حاصل کرنے والے ان لوگوں میں 81 فیصد خواتین ہیں۔

نیشنل اپرینٹس شپ پروموشن اسکیم ، اپرینٹسیز ایکٹ 1961 کے تحت اپرینٹس شپ پروگراموں کو نافذ کرنے والے صنعتی اداروں کے لیے مالی امداد فراہم کرتی ہے۔

• 2016 میں اسکیم کے آغاز سے لے کر، 31 دسمبر 2022 تک،تربیت حاصل کرنے والے  21.4  لاکھ افراد کو مختلف صنعتوں کے ذریعہ اپنے اداروں میں شامل کیا گیا۔

دستکاری تربیتی اسکیم ملک بھر میں 14938 صنعتی تربیتی اداروں (آئی ٹی آئی) کے توسط سے 149 تجارتوں میں طویل المدت تربیت فراہم کرتی ہے۔

• 2015 سے 30 اکتوبر 2022 تک، 91.7 لاکھ طلبا کو تربیت فراہم کی گئی۔

کرافٹ انسٹرکٹر ٹریننگ اسکیم تربیت فراہم کار کو ہنرمندیوں اور تربیت کے طریقہ سے متعلق جامع تربیت فراہم کرتی  تاکہ صنعت کے لیے ہنرمند افرادی قوت کو تربیت فراہم کرنے کے لیے ان تربیت فراہم کاروں کو تدریس کے طریقہ کار اور عملی تجربات کے ساتھ ہنر مندی کی تکنیکوں سے آگاہ کیا جا سکے۔

• مالی برس 2022 کے دوران ، مجموعی طور پر 8847 زیر تربیت افراد کو مختلف قومی ہنرمندی تربیتی اداروں اور تربیت فراہم کاروں کی تربیت کے اداروں میں تربیت فراہم کی گئی۔

بھارت کو دنیا کی ہنرمندی کا مرکز بنانا

بھارت کو ہنرمندی کا مرکز بنانے اور ہنر مند افرادی قوت  کی نقل و حرکت میں بہتری لانے کے لیے قومی ہنرمندی ترقیاتی کارپوریشن (این ایس ڈی سی)  قائم کیا گیا، جس کا مقصد بھارت بھر میں اداروں کا نیٹ ورک قائم کرنا ہے۔ اداروں کے اس نیٹ ورک کو اسکل انڈیا انٹرنیشنل (ایس آئی آئی) نیٹ ورک کہا جائے گا۔ یہ نیٹ ورک جدید سرکاری اور نجی اداروں کو پینل میں شامل کرکے قائم کیا جائے گا۔

• ایم ایس ڈی ای نے ہنرمندی ترقیات اور پیشہ وارانہ تعلیمی تربیت کے شعبے میں 11 ممالک – آسٹریلیا، بیلاروس، چین، ڈنمارک، فرانس، جرمنی، جاپان، قطر، سوئٹزر لینڈ، متحدہ عرب امارات، اور برطانیہ- کے ساتھ مفاہمتی عرضداشتوں  پر دستخط بھی کیے ہیں ۔
•  
• این ایس ڈی سی نے آسٹریلیا، کناڈا، جرمنی، جاپان، ملیشیا، مملکت سعودی عرب، متحدہ عرب امارات، وغیرہ جیسے ممالک کے ساتھ 18 بی 2 بی مفاہمتی عرضداشتوں پر دستخط کیے ۔

روزگار کے فروغ کے لیے ہنرمندی کی حصولیابی اور علم سے متعلق بیداری (ایس اے این کے اے ایل پی )2018 میں عالمی بینک سے قرض کی مدد سے شروع کیا گیا ایک پروگرام  ہے جس کا مقصد  ہنرمندی سے متعلق پہل قدمیوں کو غیر مرکزی بنانا اور ہنرمندی ترقیاتی پروگراموں کو مقامی مطالبات اور نوجوانوں کی امنگوں سے ہم آہنگ کرنا ہے۔

• سنکلپ کے قومی عنصر اور ریاستی عناصر کے تحت، بالترتیب 64 اور 700 پروجیکٹوں کو ہنرمندی اور صنعت کاری ترقیات کے شعبوں  میں اور نگرانی کے نظام کو مضبوط بنانے کے لیے نافذ کیا گیا ہے ۔
• 724 ضلعی ہنر مندی کمیٹیاں (ڈی ایس سی ) تشکیل دی گئیں، جن کا کام ضلعی سطح پر ہنرمندی سے متعلق سرگرمیوں کی منصوبہ بندی، انتظام کاری اور نگرانی  کرنا ہے۔